Naglalakad ako sa kusina alas onse ng gabi sa magandang bahay na papasukan namin bilang katulong. Medyo gabi na rin kami nakarating kaya't bukas na kami ipapakilala ni tita Haireen sa boss daw namin.
Nauhaw ako bigla nang nasa kalagitnaan ako ng tulog. Kumuha ako sa ref ng tubig sa pitsel at sinalinan ang basong hawak ko.
"Ay butiki!" Napapitlag ako nang may humawak sa braso ko.
Isang lalaking nakakunot ang noo at nag sasalubong na makakapal na kilay ang nakita ko sa medyo nasisinagan ng ilaw sa gilid.
"Who the hell are you? I don't fckng bring girls in my house." Madiing sabi niya habang hindi parin nawawala ang pagkakakunot ng noo niya.
Hindi ko masyadong naaaninag ang mukha niya pero ang mata niyang malalalim at mahahabang pilik mata ang umagaw ng atensiyon ko. He looked so familiar. Hindi ko lang masabi kung saan at kailan ko nakita yan.
"A-ano kasi, uhurm...teka." putol ko. Ininom ko ng isang lagukan ang isang basong tubig kasi pakiramdam ko, naubusan ako ng laway.
Automatikong napataas ang kilay ng lalaki. Paniguradong galit ang boss ko pag nalaman niyang ako ang bagong kasambahay niya.
"Are you deaf? I said WHO ARE YOU? Why are you here?" Pag uulit niya.
"T-teka Sir. A-ako po ang bagong kasambahay niyo. Bukas pa kasi kami ipapakilala ni tita Haireen." Sabi ko. Inilapag ko ang baso saka humakbang paalis.
"Sorry sir. Di na mauulit. Nauhaw lang po ako." Hindi ko na hinintay ang sagot niya kasi nagmadali na akong umalis.
Maaga akong nagising dahil tumulong pa ako sa paghahanda ng mga pagkain. Darating kasi ngayong umaga ang mag-asawang Fuentes. Ang may-ari daw ng bahay at ang mga magulang ng lalaki kagabi.
Abala kaming lahat nang tawagin ako ni tita Haireen upang ipakilala sa boss namin. Kinabahan agad ako kasi hindi ko makakasama si nanay Henya kasi abala din siya sa pagluluto sa kusina.
Ako nalang daw ang haharap sa amo namin bilang kapalit sa natanggal daw na katulong. Kinabahan tuloy ako bigla nang sabihin ni tita Haireen na mabilis mag palit ng katulong ang anak ng may-ari ng bahay. Si Kevin Seth Fuentes. Siya ang anak nina Mr. & Mrs. Fuentes.
Ang lalaking nag-aaral sa isang international school dito sa Pilipinas. Ang lalaking mayaman pero masama ang UGALI. Iyan ay ayon lahat kay tita Haireen. Na-kwentuhan niya ako kanina habang nagluluto sa kusina.
"Haylie, pamangkin. Pumasok ka raw sa opisina niya." Sabi ni tita. Nagulat naman ako.
"Opisina? E diba, nag-aaral pa iyong tao? Bakit may Opisina na siya?" Tanong ko.
"Oo, may opisina si sir Kevin kasi nagtratrabaho na siya at pinamamahalaan niya ang kompanya nila dito sa manila habang nag-aaral siya. Kaya't ganoon nalang kung ma highblood si sir kapag may katulong na nagkakamali. Tinatanggal niya. Laging nasa Europe ang mga magulang niya pero ngayon, sa wakas ay umuwi rin ang mga magulang niya. Mababait ang mga iyon pero hindi sila nagtatagal dito. Mga isang linggo lang sila kapag umuuwi." Mahabang paliwanag ni tita.
Kaya naman pala ang sungit kasi halos pasan niya na ang daigdig e. Ang bata niya pa. Stressed siguro lagi sa trabaho.
Kumatok ako ng tatlong beses at nang marinig ko ang boses niya, nag unahan na sa kaba ang puso ko. Aatakehin yata ako dito ng puso kung sakali mang may history ako noon.
Huminga ako ng malalim bago tuluyang pumasok sa loob.
"Good morning po sir." Umangat ang ulo ni Sir Kevin at doon ko na tuluyang nakita ang buong itsura niya na karugtong ng malalalim na mga mata at itim na pilik mata. Makakapal na kilay pababa ay matangos na ilong hanggang sa napunta ang paningin ko sa labi niya.
Naku! Ang galing! Halos perpekto pati hugis ng mukha. Lalaking lalaki!
Bahagyang napakunot ang noo ko nang maalala na hindi pala siya perpekto.
MASAMA ANG UGALI.
"Done checking me out, Miss?" Umangat ang gilid ng labi niya saka ako bumalik sa realidad.
Aba't! Gago to ah?
"No sir." Sagot ko. Aba! Ume-english na rin ako! Mas lalong lumapad ang ngisi niya sa sinabi ko.
"Anong nakakatuwa doon?" Diretsahang sabi ko kung kaya't bumalik sa pagiging masungit ang ekspresyon niya.
"What's your full name?" Tanong niya na nakatutok ang mata niya sa mga mata ko. Parang interesado siyang malaman ang buong pangalan ko.
"Ho?" Ano nga ba ang isasagot ko sa tanong niya?
"Don't tell me, you don't know your name and that's not stupidity. It's fckng bullshit!" Inis na sabi niya.
"H-Haylie po. Haylie Rivera." Nauutal kong sabi. Nangingilid ang luha ko nang sigawan niya ako. Ang sama niya talaga!
"You can go. Don't act so stupid, miss Rivera. Kung ayaw mong bukas na bukas ay tanggalin kita dito. I don't like stupid creatures here. Out!" Sigaw niya na umalingawngaw sa opisina niya.
Nagmadali akong lumabas saka isinara ang pinto. Sumandal ako sa pintuan ng opisina niya na nakahawak sa dibdib.
Grabe sa kasungitan 'yon ah? Anong akala niya, hindi tao ang kaharap niya? Kung maka sigaw e! Hindi parin maalis ang mabilis na tibok ng puso ko.
Akala ko---
"Aay! Ano ba yan--sir?"
Bigla ba naman bumukas ang pinto na pinagsasandalan ko at natumba ako sa harapan niya. Gulat din siya pero kumunot ang noo niya nang makita ako na napaupo sa sahig.
"Son! We missed you! How's the company going?" Hindi pa ako nakakatayo ay sumalubong na ang mag asawang Fuentes sa anak nila. Dahan-dahan akong tumayo at pasimpleng aalis sana pero--
"Who is this beautiful lady, son? She's pretty! Omg, is she your girlfriend?" Gulat na tanong ng ina niya.
Bahagyang nangunot ang noo niya na gumawi ang tingin sa akin.
"What? No. She's our new maid. She's stupid and she's not even my type. Tsk!" Nandidiring tugon niya sa ina niya. Nasaktan ako sa sinabi ni sir Kevin. Masakit kahit na hindi ko rin siya type. Nasaktan lang siguro ang ego ko.
"Kapal." Bulong ko habang nakanguso.
"Good morning maam/sir! Excuse me po." Hindi ko na nilingon pa si sir Kevin kasi nagngingitngit ako sa galit sa taong iyon. Ang kapal .
Nakarinig ako ng mahinang hagikhik ni Mrs. Fuentes bago ako makaalis.
"Kumusta? Ano sa tingin mo ang boss natin?" Nakangiti si nanay Henya habang tinatanong ako tungkol sa pagpapakilala ko sa boss namin. Sumama ang timpla ng mukha ko nang marinig ang mga tanong ni nanay. Kaya naman ay nalagas ang malapad na ngiti niya at nahaluan ng pagtataka.
"Bakit? Hindi ba mabait?" Tanong niya. Kumuha muna ako ng isang basong tubig bago sagutin ang tanong ni nanay.
"Mabait po? Naku! Sobra po----sobra sa yabang at sama ng ugali nay. Alam niyo po bang sinabi niya sa harap ng mga magulang niya na hindi niya ako type nay? Naku, akala niya naman type ko rin siya e ang pangit naman ng ugali niya. At nay! Tanga raw ako. Jusko. Kung hindi lang natin amo yon. Masasaktan ko talaga ang damuhong iyon!" Reklamo ko pa. Samantalang natawa lang si nanay sa naging reaksiyon ko. Dumating si tita Haireen sa kusina na nagtataka.
"Anong nangyari?" Bungad niya.
"Eto kasing si Haylie ate, pinagalitan yata ni sir Kevin. Nakasimangot eh." Pagsusumbong ni nanay Henya. Napangiti lang si tita Haireen at hindi manlang nagulat.
"Masanay ka sana sa kasungitan ng amo natin. Ganyan na yan simula nang siya ang mamahala ng kompanya nila sa ganoong edad." Pagpapaliwanag ni tita Haireen. Tumango nalang ako, ganyan naman talaga umasta ang mga mayayaman. Mapanglait at masaya pa kapag may natatapakang tao. Tsk.tsk.
Naghanda kami sa mesa ng mga pagkain dahil hindi magtatagal ay bababa na ang mag-asawang Fuentes pati ang masungit na anak nila.
Ipinaglihi yata sa sama ng loob ni Mrs. Fuentes.
Nakalapag na ang lahat ng pagkain sakto lang na dumating sa hapag ang pamilyang Fuentes. Nagsimula silang kumain habang kami ay nasa gilid at taga salin ng tubig sa baso.
"How's school, son?" Tanong ni Mr. Fuentes.
"Fine dad. Hindi ko naman napapabayaan ang pag-aaral sa gitna ng pagtratrabaho sa kompanya." Tumango-tango lang ang ama sa sagot ng anak niya. Akalain mo yon? Pwede palang makausap ng maayos ang masungit na lalaking 'yan?
"That's good. We are having a big investor from Europe this coming month so be prepared. He's not easy to handle." Marami pa silang pinag-uusapan ng Daddy niya pero ang napansin ko ay ang ina niya na palingon-lingon sa direksiyon ko.
Bakit?
Nginitian niya ako kaya't napangiti na rin ako.
Pagkatapos nilang kumain ay tumulong ako sa pagliligpit ng mga pinagkainan. Laking pasasalamat ko at hindi ko na muling nakita si sir Kevin. Baka tuluyan na akong atakehin sa puso dahil sa inis at kaba kapag pinapagalitan ako. Pakiramdam ko sesesantehin ako ng ganito ka aga.
"Haylie, pinatatawag ka ni mada'am Layra. Yong mommy ni sir Kevin. Sa library daw. Ihahatid na kita papunta roon. Alam kong hindi mo pa kabisado ang pasikot-sikot dito sa mansiyon." Sabi ni tita Haireen.
"B-bakit daw po, tita?"
"Ewan ko nga pamangkin eh. Ngayon lang naman nagpatawag ng katulong si Mada'am Layra. Naku! Hindi kaya, isesanti ka rin? Pero mabait yon eh!" Sabi niya habang kinakausap ang sarili. Natawa ako kay tita mukhang kailangan niya ng oras para kausapin niya pa ang sarili kaya't pumasok na ako sa kwarto na may nakalagay na "Library" sa taas ng pintuan.
Bumungad sa akin ang nagtatayugang book shelves na punong puno ng mga aklat. Makakapal man o maninipis. Ang ganda dito! Mukhang makakapag concentrate talaga ang mag aaral dito o kaya ay magbabasa.
Nagtingin-tingin pa ako hanggang sa nakita ko ang isang babaeng nakaupo sa swivel chair sa harap ng mesa.
"Good you came, iha."