NAKAPIKIT na nanginginig ako na  napakahawak sa hindi ko mawaring bagay, malambot na matigas. Hindi ko na ininda pa at sumuka na talaga nang walang preno.
"Shit!" dinig kong mura ng lalaki.
Nagulat ako, dahil sa biglang pagalaw nang hinahawakan ko. Napalunok akong bigla nang minulat ko ang aking mga mata. Iyon pala ay nakahawak ako sa makabilang braso nito at sinukaan ko ang mamahaling tuxedo ng lalaki.
Mula sa pagkakayuko dahan dahan kong inangat ang aking paningin sa mukha ng may-ari ng tuxedong aking nadumihan. "Patay!" napalunok akong bigla sa sobrang kaba nang naramdaman kong nagtama ang aming paningin.
Uminit ang pisngi ko dahil sa hiya. Lihim akong napahiling na sana ay bumuka na lang ang lupa lalamunin ako at maglaho na parang bula.
"What a small world ha!" wika nitong nakatitig sa akin, iritableng tinitigan ako. Kita ko ang pagalaw ng bagang nito dahil sa galit.
Ang hindi katanggap-tanggap ay ang may-ari ng bisig na hinawakan ko ay ang lalaki lang naman na nakatagpo ko noong isang araw. Ang bastos na antipatikong mayaman. Paano na to' anong gagawin ko? Nakakahiya, naninigas tuloy ang katawan ko at hindi mawari ang gagawin ko. Lukot ang mukha kong nakatingin sa gwapo nitong mukha. Ito naman ay nakatiim bagang na nakatingin sa akin.
Mayamaya ay gumalaw ito dahilan upang mapa-igtad na parang nakuryenteng lumayo ako mula sa harapan ng lalaki, umtras ako sa isang sulok."P-pa-pasensiya na po."
"Damn!" dinig kong mura nitong dahan dahang hinubad ang suot nitong tuxedo.
Habang nakamasid ako sa lalaki ay biglang nagbukas ang elevator. Sinapit na pala namin ang first floor.  Unang lumabas ang lalaki habang inisa isa nitong kalagin ang butones sa suot na long sleeved.
Bumaling ito sa akin dahilan upang humalikipkip ako sa isang tabi. "What now?"
"Eh! Lintik ba't ba ako tinanong nito, eh hindi ko rin alam ang gagawin eh," kikibot kong sabi sa sarili.
Nanatili akong tahimik dahil wala akong maapuhap na sabihin sa sandaling ito.
"Follow me!" utos nito sa akin at nagsimula nang humakbang patungo sa kung saan. Maagap naman ako at kandarapang sumunod dito.
"Bahala ka na sa akin Lord kung ano man ang plano ng lalaking ito, basta babayaran ko muna ang pagkasala ko sa hinayupak na ito."
Mabigat ang mga paang hinakbang kong nakasunod lang sa lalaki. Lihim akong napasinghap nang tuluyan nitong hubarin ang suot.
"Oh Diyos na mahabagin," lihim kong bulalas nang matunghayan ang malaman nitong braso at ang magandang hubog ng pang-upo dahil bumakat iyon sa suot nitong slacks pants.
Wala sa sariling napakagat tuloy ako sa aking labi. Hindi ako makapaniwalang pinagnanasaan ko ang antipatikong ito. Gusto ko pa sana makita ang harapan nito pero nakakahiya naman, kaya tahimik lang akong nakasunod.
Nakasunod sa lalaking nakahubad baro. Hindi nito inindang may mapatingin dito, parang sanay ata ito eh na panuoring nakahubad.
Nang may nadaanan itong basurahan ay marahas nitong hinagis ang damit na nasukaan ko. "Shit!" walang kimi kiming mura ng lalaki.
Sobrang nainis ito sa ginawa ko. Eh hindi ko naman talaga sinasadya. Napagiwi tuloy ako sayang naman ang mahal kaya nung damit na iyon.
Muli na naman itong naglakad, saan ba planong pumunta ang lalaking ito?
Wala sa sariling pinagpatuloy ko ang paghakbang. Nakatungo na sinudan ko ito, hindi ko pansin na nandito na pala kami sa malawak na parking space ng kompanya.
Biglang huminto ito sa paghakbang dahilan upang masadsad ang ulo ko sa likuran nito. "Ops!" Napaatras akong bigla.
Maingat kong inangat ang paningin. Nanlaki ang mga mata ko nang pansin kong nakaharap na pala ito sa akin dagling nagtama ang aming paningin.
Napalunok ako dahil sa titig na pinukol nito, para atang nanghihigop ng kaluluwa, sino ba tong nasa harapan ko?
Kinalabutan tuloy ako. Napayuko ako't mas lalong nanlaki ang aking mga mata, dahil nakalantad ang matitipuno nitong dibdib, ang anim na pandesal nito sa tiyan, gosh! at ang mabalahibo nitong puson. "Diyos ko! Kung pinagpala ka naman!"
Parang nanghihina ako sa nasaksihan gusto ko hawakan at namnamin ang pandesal nito. Naging maharot ako dahil lang sa lalaking kaharap, bakit kasi ang perfect, perfect nito?
Tumikhim ako upang maibasan ang tensiyon na namagitan sa aming dalawa at upang hindi ko masyadong masentro ang paningin ko sa masarap nitong katawan.
"What now?" muling tanong nitong nagsalubong ang kilay.
Blanko ang paningin kong pinukol dito. Ano ngayon? Patas na siguro kami dahil sa pagkaladkad nito sa aking palda noong isang araw. Pero hindi ata dahil nasapak ko ito at nakagante na ako.
"Eh , sumama lang talaga ang pakiramdam ko eh," dahilan ko para matapos na ito.
Isang mapaklang ngiti ang pinakawalan nito. "Ah so sa ganun lang at okay na?"
"Eh ano bang gusto mong gawin ko?" padaskol kong turan na nakasimangot.
"Say sorry and I will be okay," pagde-demand nito.
"Huh! ano ako sira, sinabi na ko kanina iyon dito ah, nag paumanhin na ako at hindi na kailangan ulitin ko pa iyon."
Ngumisi ako ng mapakla. "Sinabi ko na kanina, aba! Hindi ko na kasalanan kung bingi ka," inirapan ko ang lalaki.
Ngumiti ito ng pilyo. " Stubborn lady, just apologize and I will be okay!" nanggagalaiting pilit nito sa akin.
"Aba! Hindi nga ito ng nagsorry sa akin na mas sobra pa ang ginawa nito, ngayon pipilitin pa ako nito? No way over my sexy dead body!"
"Kung simple lang iyon sa iyo then mag sorry ka muna sa akin, tapos magsorry ako sa'yo," taas noong paghahamon ko dito sabay taas ng baba ko. Kita ko ang paglaki ng butas ng ilong nito sabay na lumukot ang gwapong mukha.
"Damn it! if you don't, then I'll make my move," sabi nitong walang ingat na hablot sa aking braso. Wala sa sariling nabitawan ko ang dalang basket, marahas ako nitong tinulak pasandal sa likod ng kotse.
Napaawang ko ang aking labi dahil sa gulat, napatitig ako sa mapupungay nitong mga mata. Taas baba ang aking dibdib dahil sa tinding tensiyon na namagitan sa aming dalawa. Ilang saglit na naglaban ang aming paningin walang pakundangan ang kaba sa dibdib ko sa eksina namin. "T-teka, anong plano mo, Sir?" Pumiyok ang boses ko. Kitang kong nangingilid ang pilyong ngiti sa labi nito.
Pagkatapos nagulat na lang ako sa sumunod na ginawa nito. Dahan dahan itong yumuko upang magpantay ang aming mga paningin. Nilapit nito ang gwapong mukha sa mukha ko na halos isang dangkal lang ang layu namin sa isa't isa.
Wala sariling napaatras ako na nanlaki ang mga matang nakatitig dito, napalunok ako ng laway. "A-anong gagawin mo, Sir?" kanda-utal na tanong ko dahil sa tindi ng kaba, bahagyang akong napahalukipkip.
Isang nakakalukong ngisi ang pinakawalan nito na mas lalong inilapit ang mukha sa mukha ko.
Mariin kong naipikit ang aking mga mata.Kasunod ay isang malakas na pilantik ng daliri ang tumama sa aking noo. "Aray!" napadaing ako sabay himas sa nasaktan kong noo.
"We are now fair," matipid nitong sabi, sabay talikod at mabilis na sumakay sa loob ng kotse.
Naiwan akong nanigas, umusok ang tainga na halos sumabog na parang bomba dahil sa inis. Namilog ang butas ng ilong ko habang nakasunod tanaw sa lalaking papasok ng sasakyan.
Ilang saglit ay narinig ko na lang ang pagbuhay ng makina ng kotse.
"See you, stupid woman!" nakangising paalam ng lalaki sabay na pinaharurot ang sasakyan papalayo.
SherylS|SBS