"Anong gingawa mo doon sa silid na yon?" Tanong ni Maggie kay Alyssa katatapos lang nito makipag-usap sa ina.
Ang tinutukoy nito ay ang workplace nila.
"Tinulungan ko lang si Sir na tapusin 'yong sinimulan niyang na painting," sagot ni Alyssa.
Lumapit siya kay Maggie na nakaupo malapit sa bintana, nagbabasa ito ng Novel. Naupo siya sa tapat nito.
"Grabe ang ganda ng painting!" Bida niya sa kaibigan.
"Anong painting ang tinutukoy mo?" Tanong ni Maggie.
"Sayang, hindi mo nga pala nakita kasi lumabas agad tayo ng kuwarto. Pinalalagdaan nga ni Sir saakin iyong painting para daw may remembrance siya sa atin. Kaso 'di ko natuloy na lagdaan kasi nawala sa isip ko nang dumating kayo ni Daisy." Mahaba niyang sabi.
"Pinalalagdaan?" Kunot-noong tanong ni Maggie.
"Oo, lahat naman daw tayo. Ilang araw nalang din kase ang ilalagi natin dito kaya para di daw siya malungkot, papalagdaan niya saatin ang mga ginawa niyang bagong painting."
Ngumuso ang kaibigan niyang si Maggie. "Hmp! 'di naman siguro ako kasali diyan, dahil saling pusa lang ako." May bahid na lungkot ang boses ni Maggie.
"Huwag ka ng malungkot diyan. S'yempre kasama ka, estudyante ka din kaya ni Sir." Pag-aalo niya sa kaibigan.
"Ang ganda dito ano?" Pag - iiba ni Maggie ng usapan. "Sayang lang at ilang days nalang ang ilalagi natin dito."
Bumuntong hininga si Alyssa. "Oo nga eh, mamis ko ang mansiyon na ito. Higit sa lahat ang samahan nating lahat dito."
"Pati si Carlos?" Birong tanong ni Maggie.
"Si Carlos lang? 'diba ba pwede lahat?"
"Umamin kana kasi, may gusto ka din kay Carlos." Ani Maggie sabay kiliti nito kay Alyssa.
Panay naman ang ilag ni Alyssa, hinuhuli niya ang mga kamay ni Maggie.
"Uy, pumapag ibig na ang isa diyan." Tukoy nito kay Alyssa.
"Hindi ah!" Mariin niyang tanggi. Ayaw niyang aminin sa kaibigan ang totoong nararamdaman niya para kay Carlos, dahil kapag nagkataon katakot-takot na tukso ang aabutin niya dito.
"Asus, labas sa ilong!" Sabi pa ni Maggie at tumayo na ito. "Bagay kaya kayo ni Carlos. Pareho kayong maganda at guwapo, talented kayo pareho. Higit sa lahat iisa ang hilig ninyo!"
Tumayo na din si Alyssa sinundan niya ang kaibigan na naupo na sa kama. Naupo din si Alyssa sa tabi nito.
Ibinuka ni Maggie ang dalawang braso tumapat iyon sa dibdib niya, kaya nang pabigla itong nahiga sa kama pati siya napahiga na din.
"Hayaan mo girl kapag naging kami ni Carlos, ikaw ang unang makakaalam." Wala sa loob na sabi ni Alyssa habang nakatitig sa kisame.
Biglang napadapa naman sa kama si Maggie sa narinig.
"Wala daw siyang gusto kay Carlos, pero umaasang magiging sila!" Sabay tawa nang malakas ni Maggie.
Tila napapahiyang umingos naman dito si Alyssa. Inabot niya ang malambot na unan at pinaghahampas ito sa kaibigan.
Gumanti naman si Maggie. Dumampot din ito ng isang unan at inihampas din kay Alyssa habang patuloy na tinutukso kay Carlos. At nang mapagod, nag pahinga ang magkaibigan.
SAMANTALA sa beranda. Nagpapahangin ang mag ka-roomate na Maureen at Charlotte.
May dinukot sa kanyang bulsa ng maong short si Charlotte. Isang kaha ng sigarilyo at isang lighter.
"When did you start smoking?" Tanong ni Maureen kay Charlotte.
"When i was fifteen, i think." Sagot nito.
Kasalukuyan na nakatayo ang mga ito, bahagyang lumayo si Charlotte kay Maureen. Kumuha ng isang stick na sigarilyo si Charlotte sabay sindi gamit ang hawak na lighter.
"Gusto mo e try?" Tanong nito kay Maureen.
"No thank!" Tanggi nito. "Alam ba ng parent mo na nag e-smoke ka?" Usisa dito ni Maureen.
Humithit muna ng sigarilyo ang dalaga at ibunuga pataas.
"No!'' Sabay iling ng ulo na sagot ni Charlotte. Sumandal ito sa railing ng beranda na nakaharap kay Maureen. "Busy sila pareho sa work, magkakasama nga kami sa bahay pero hindi kami nagkikita-kita." Tukoy ni Charlotte sa mga magulang.
"I dont smoke, but i do drink some alcohol like wine. Pero hindi naman palagi, kapag may occasion lang." Pag-amin dito ni Maureen. "Okay naman relationship ko sa parents ko pero nasa ibang bansa sila ngayon para sa business trip nila. Kasama ko ang ate ko pero bihira din mag stay sa bahay mahilig kase iyon sa adventure si ate. Kaysa naman maboring ang araw ko habang walang pasok sa school, nag decide na akong pumunta dito sa San Victoria."
"Hindi alam ng parents ko na naandito ako sa San Victoria." Sabi ni Charlotte. "Wala naman silang pakialam saakin. Puro business lang ang mahalaga sa kanila." Tila masama ang loob nitong sabi. Muli itong kumuha ng isa pang stick ng sigarilyo para sindihan pero agad siyang pinigil ni Maureen.
"Why?" takang tanong ni Charlotte dito.
"'Diba si Daisy 'yon?" Hindi siguradong sabi ni Maureen sabay turo sa harden na medyo may kalayuan sa kinaroroonan nila.
Sinundan ng tingin ni Charlotte ang tinuro nito.
"Oo nga, si Daisy nga," sang-ayon ni Charlotte nang masigurong iyong kasama nga nila ito.
"Bakit kaya siya nag-iisa?"
"Baka nahihiyang makipagkuwentuhan kina Alyssa at Maggie, alam mo naman ang dalawang 'yon. Kapit-tuko."
"Sabagay. Halika puntahan natin." Yakag ni Maureen kay Charlotte.
"Okay," sagot nito at muling ibinulsa ang kaha ng sigarilyo at lighter.
Umalis ang dalawa sa beranda at bumaba ng hagdan. Nakita nila ang dalawang binata sa sala, mukhang seryoso ang mga ito sa binabasa.
"Saan kayo pupunta?" Tanong ni Noel sa dalawa ng madaanan nila ang mga ito.
Tumigil sa paghakbang si Charlotte. "Diyan lang kami sa harden."
Itiniklop ni Noel ang diyaryo na binabasa. Balak niyang sumama sa dalawang dalaga pero agad siyang pinigil ni Carlos.
"Dito ka nalang, samahan mo ako. Hayaan mo na makapag-usap ang mga girls." Pigil ni Carlos sa binata.
"Oo tama si Carlos, dito ka nalang. Pupuntahan lang namin si Daisy sa harden." Turan ni Charlotte at humakbang na papalayo sa mga ito, nauna na si Maureen sa kanya naaalibadbaran kase ito kay Noel. Malimit kase itong asarin ng binata.
Wala naman nagawa si Noel kaya muli nitong binuklat ang diyaryo na binabasa niya lang kanina. Nasan na ba ako banda? bulong nito sa sarili habang hinahanap ang pahina na binabasa kanina.
"Ayon nakita ko din!" Bulalas ni Noel nang makita ang pahina na hinahanap. Napalingon naman dito si Carlos.
"Ano 'yan? Bastos 'yan ano?" nanghuhulang usisa ni Carlos dito.
"Grabe ka bro, bastos agad. Balita kaya ang binabasa ko." Sagot ni Noel at nagsimula ng magbasa.
"Pabasa nga?" Ani Carlos at akmang sisilipin ang binabasa ni Noel.
Maagap namang iniiwas ni Noel ang hawak na dyaryo.
"Huwag ka ngang magulo!" Pigil nito sabay tulak ng bahagya sa dibdib ni Carlos. "Ang ganda na ng binabasa ko bro, huwag kang ano dyan." Natatawang sabi nito.
Muli nitong sinimulan ang pag babasa. May parte kase ng diyaryo ang nakasulat tungkol sa romansahan kaya iyon ang napiling basahin ni Noel.
Napapailing na lang na umayos ng upo si Carlos at muling nagbasa.