"Damon, ano na naman yang ginagawa mo?" Napatigil ako sa pag hahalo ng lason na binili ko saka tumingin kay Gazer na nakatingin sa hawak ko.
"Nag hahalo ng lason."Sagot ko kaya napamura sya at naka kunot ang nuong lumapit sa akin saka inagaw ang hinahalo ko at tinapon sa gilid, napa-awang ang labi ko habang nakatingin sa pag agos ng likido mula sa lagayan pababa sa lapag.
"Awit, ilang oras ko hinalo yan tapos itatapon mo lang?" Sabi ko kaya tinignan niya ako ng masama saka binato ang lagayan sa isang gilid. Wala kang puso Gazer, sayang ang lason!
"Nasaan si Erelah?" Tanong niya kaya napatingin ako sa paligid at napansing wala yung babae. Baka pumasok na sa loob?
"Nasa loob na ata." Sabi ko saka nag labas ng yosi.
"Ata? Hindi mo sure? Sasakalin kita Damon, paano kung kinuha yun ng kalaban ng mayor?" Tanong niya kaya napatingin ako sa kanya.
"Boss naten yung kalaban ng mayor diba? Eh di isa din sa atin ang kukuha sa kanya kaya makikita din naten sya sa hide out." Sabi ko kaya napa-awang ang labi niya sa sinabi ko. "Saka hindi naman mahalaga yung babae na yun, bakit ba yun yong binabantayan mo? Sayang lang ang oras naten sa kanya." Sabi ko kaya mas lalong napa-awang ang labi niya.
"Baliw ka pala eh." Sabi niya kaya napatingin ako sa kanya, sinindihan ko ang yosi na hawak ko. "Sya nga ang assignment ko diba? kaya mahalaga talaga sya sa akin kase sya ang mag tuturo sa atin sa susunod mong assignment." Sabi niya kaya napanguso ako.
" Wala pa namang binibigay si boss na assignment saken." Sabi ko kaya napairap sya at nilabas sa kanyang likod ang isang brown na sobre. Inabot niya ito sa akin na agad ko namang tinanggap at binuksan, Sa loob noon ay may nakalagay na larawan ng babae, si Erelah at sa likod noon ay may nakalakip na sulat na nag sasabing ito ang assignment ni Gazer.
'Follow and watch this woman, she will be able to show you where Draco's place is'
Napatingin ako kay Gazer. "Sino si Draco?" Tanong ko. Nag kibit balikat sya saka inagaw ang sobre sa akin at ang larawan ni Erelah.
"Yun yung papatayin mo." Sabi niya kaya naman napahithit ako sa aking yosi at nilabas ang usok nito. Napatingin ako sa langit kung saan ang sinag ng araw ay laganap.
"Kaya mapapadali tayo sa mission naten pag kasama naten at nasa tabi naten si Erelah." Sabi niya, nilingon ko sya, nakatingin sya sa loob ng simbahan kung saan sa tingin ko ay pumasok si Erelah.
"Ni minsan ba sa buhay mo ay nakapasok ka na sa lugar na gaya niyan?" Tanong ko habang nakatingin sa simbahan, natahimik sya at tumingin sa akin.
"Sa tingin mo ba ay tatanggapin tayo jan? Ang mga kagaya naten ay walang ibang patutunguhan kundi sa impyerno." Sabi niya kaya napangisi ako at napatingin sa malaking cross na nasa loob ng simbahan.
"Sa palagay ko ay sa langit ang tungo ko." Sabi ko saka tumingin sa kanya, natawa sya sa sinabi ko.
"Paano mo naman nasabi? Eh lagi mo ngang binabalak na mag pakamatay." Sabi niya kaya tinapon ko ang kupos ng aking sigarilyo sa gilid saka tumayo ng maayus at pinag cross ang braso ko.
"Ipinagdadasal ako ni Erelah." Sabi ko kaya napatingin sya sa akin na para bang nag tataka sa sinabi ko, dahan dahan kung tinuro ang device na nakasuot sa tenga ko kung saan konektado ito kay Erelah.
Nilagyan ko sya kanina ng isang maliit na mic sa isang bagay na hindi nya mapapansin, sa kwintas niya. Matapos noon ay nag paalam ako na bibili ng tubig kahit na ang totoo ay lason talaga ang bibilhin ko, kaya naman simula pa kanina bago kami mag hiwalay ay alam at naririnig ko na ang mga pinag sasabi niya at kung sino ang mga kausap niya.
Natawa si Gazer at napailing.
"Matalino ka nga talaga." Sabi niya.
"Tapos na sya mag dasal, papalabas na sya." Sabi ko saka sumakay sa motor ko.
"Ikaw na ang bahala sa kanya, susunod nalang ako sa inyo." Sabi ko saka sinuot ang helmet ko.
"Saan ka pupunta?" Tanong niya habang nakatingin sa akin.
"Sa libingan ko." Sabi ko saka sinimulang paandarin ang motor ko, nag paalam na ako sa kanya na aalis na ako at bago pa'man sya mag reklamo ay nag drive na ako palayo sa kanya. Nilandas ko ang daan patungo sa isang sementeryo kung saan nakalibing sila Ina at Ama.
Ilang minuto ang lumipas ng makadating ako doon, agad kong pinarada ang aking motor sa gilid at bumili ng bulaklak at kandila ng may madaanan ako na maliit na tindahan. Muli ako nag lakad patungo sa puntod ng aking yumaong magulang saka nakangiting inilagay ang bulaklak sa kanilang lapida at sinindihan ang kandilang dala ko.
"Kamusta." Umpisa ko saka inalis ang kalat na nasa gilid ng lapida nila. "Nasa harap niyo ulit ang malikot at suwail niyong anak." Natatawa kong sabi saka umupo sa damuhan at tumingin sa langit. "Nag punta ako dito kase trip ko lang."Sabi ko saka natawa sa sarili kong sinabi.
"Nag hahanap ako ng paraan kung paano ako mamamatay, saka gusto ko lang sabihin sa inyo na, Sa tingin ko ay nabawasan kahit papaano ang kasalanan ko." Sabi ko saka nilingon ang puntod nilang dalawa. Napangiti ako saka muling tumingin sa langit.
"Teka, ilang taon na ba simula ng huling dalaw ko sa inyo? "Tanong ko sa kanila saka nag isip. "Sa tingin ko 10 yeard old palang ako nong huling dalaw ko dito."sabi ko saka tumingin sa lapida nila.
"Natatandaan ko paren yung huling binanggit niyo saken bago kayo bawian ng buhay." Biglang lumamig ang awra ko at nawalan ng gana ng maalala ko ang mga panahong iyon, ilang minuto ako napatitig sa lapida nila bago tumayo saka napangiti.
"Aalis na ako, sumaglit lang talaga ako dito para sabihin, pinagdasal ako ng isang babae."Sabi ko at napayuko ng maalala ko ang narinig ko kanina.
'Papa God, alam ko po na hindi ito ang tamang oras para humiling dahil sa mga nangyayare sa pamilya ko. Pero, kakapalan ko na po ang mukha ko. May isang lalaki po akong nakilala at Damon ang pangalan niya, unang pagkikita po namin ay mag tatangka po syang mag pakamatay, alam ko po na bawal yun at masama yun kaya sana po, gabayan niyo po sya at patawarin sa mga kasalanan niya at alisin lahat ng problemang dala niya, nang sa ganon po ay hindi niya naa po ulit maisipang mag pakamatay.'
Natawa ako ng maalala ko ang bagay na yun. Ang babaeng yun, wala syang alam kung gaano ako makasalanan at kung anong dahilan kung bakit gustong gusto ko magpakamatay. Pero ang babaeng yun, sya ang kauna-unahang tumupad sa sinabi sinabi ko.
"Sabi ko ipanalangin mo nalang ako."
"S-sige, a-anong pangalan mo?"
"Damon."
Sya ang kauna-unahang babaeng sinama ang madumi kong pangalan sa kanyang dasal.