CALLIE was beyond speechless. Hindi pa rin siya makapaniwalang ang hunk na kaharap niya'y si Ben Brandon na. Pinakatitigan pa niya ang mukha nito, ikinumpara iyon sa imahe ng patpating lalaki na hinalikan niya dati.
Okaaay.
Similar ang mata ng mga ito, maging ang ilong. But his teeth were perfectly straight and white, hindi na kawangis ng sa kuneho. Pahaba at humpak ang pisngi ng Ben Brandon na kilala niya, medyo kuwadrado ang hugis ng sa lalaking kaharap niya. His jaws and chin were strong, his cheekbones high. And his dark longish hair looked amazing in him. Medyo wavy iyon, ang dulo ay umaabot na sa ibaba ng tainga nito.
"You seemed shocked, Miss Rosanta. Hindi ka rin makapaniwala na ganito na ang hitsura ko ngayon?" Pinadaan nito ang hintuturo sa pangang natatakpan ng manipis na balbas. May isa pang napansin si Callie. May British accent ang loko.
"W-Well..." Tumikhim siya, pasimpleng umisod pagilid hanggang sa makalayo nang ilang hakbang sa lalaki. Saka niya lang nabistahan nang husto ang ayos nito. Tanging kulay dark blue na swimming trunks lang ang suot, basa rin mula ulo hanggang paa at base sa kulay ng balat, kanina pa ito nakababad sa ilalim ng araw. Hinamig ni Callie ang sarili, iwinaksi ang shock na bumabalot sa sistema niya. May misyon siya sa sandaling iyon and the sooner it was done, the better. "May kailangan ako sa'yo, Mister Brandon."
"Uh-huh. Nasabi mo na 'yan kanina sa phone. 'Yan din ang sinabi ni Lock nang tawagan ako kahapon. That you're coming here because you need something from me. What is it?"
Kung gayon ay alam nitong darating siya. She just wished hindi idinaldal ni Lock ang mga sinabi rito kahapon.
"I need you to...to k-kiss me," aniya matapos lumunok. Parang gustong lumubog ni Callie sa kinatatayuan. Mas kumunot naman ang noo ni Ben.
"Pardon?"
"Kiss me," sabi niya, frustrated na. Hiyang-hiya na nga siya, ipapaulit pa talaga?
Bahagyang umawang ang mga labi nito. Kapagkuwa'y natatawang umiling-iling ito. "Miss Rosanta, alam mo ba ang sinasabi mo?"
"Of course I do! And I'm not proud of it."
"Iyan ang dahilan kaya nandito ka? You travelled from Manila to Surigao just to ask me to kiss you?"
Sige, isampal mo pa sa mukha ko ang kahibangang ito. Kumuyom ang kamao niya, nag-init na ang leeg dala ng kahihiyan.
"Why?"
Isang salita, isang tanong. Pero hirap si Callie na sagutin. Maniniwala ba si Ben kung sabihin niya ang katotohanan? Well, Lock believed it so Ben might be the same.
"A-Ano kasi...kailangan kong putulin ang koneksiyon natin. When I accidentally kissed you ten years ago, I'm wearing this--" Kinapa niya ang suot na kuwintas at ipinakita rito. "This is an amulet, may taglay na charm. Noong hagkan kita, naitali ko ang kapalaran mo sa akin. Sa takdang panahon...ikaw at ako...magkakatuluyan." Bahagyang mainit ang mga pisngi niya matapos magsalita. Noong si Lock ang pinagsabihan niya ng tungkol sa Destiny Maker, hindi naman siya nailang ng ganoon. Siguro dahil kaibigan niya si Lock. At hindi siya tinitingnan na parang isa siyang babaeng tumakas sa mental. Gaya ng mga tingin na ibinibigay sa kaniya ni Ben ngayon.
Nawala ang judgement sa mga mata nito, napalitan ng inis. "What is this Miss Rosanta? One of your practical jokes?" Umiling-iling ito. "Nag-aksaya ka lang ng oras at ng pera. Hindi ko gagawin ang gusto mong mangyari."
"Iyon na nga, eh. Nag-aksaya na ako ng oras at pera kaya hindi ako papayag na hindi ko makuha ang kailangan ko. Look, you don't have to kiss me properly. Two seconds, sapat na iyon. And then I'll be out of your way." At malaya na akong mamahalin ni Reeve.
"My answer remains the same. It's still a 'no'." Nagsimula itong tumalikod. Nagpuyos naman ang dibdib ni Callie. Nasaling ang pride niya.
"What is wrong with you? Ako na nga itong lumalapit sa'yo at ino-offer ang sarili na hagkan mo--"
"You're not the first. At hindi rin ikaw ang huli na tatanggihan ko," mayabang nitong sabi na mas ikinairita niya. Napakahambog. Kailangan ba nitong ipangalandakan sa kaniya iyon? Gusto niyang batuhin ng maaanghang na salita si Ben pero nakontrol niya ang sarili. Mas lalong hindi niya makukuha ang gusto kong paiiralin niya ang init ng ulo.
"Look, ginagawa ko ito para sa kapakanan nating dalawa. Sa kapakanan mo lalo na. Nagger ako, selosa, gastadora, hindi marunong magluto, hindi marunong maglaba, maiksi ang pasensiya, malakas humilik, naninipa ako sa pagtulog. May sakit din ako. I'm a kleptomaniac. Yes, malikot ang kamay ko. In fact, ilang beses na akong naglabas-masok sa kulungan dahil doon. Malakas rin akong umutot. Nakakasampung utot nga ako sa maghapon. You don't want to end up with a woman like me. Hindi ako ang tipo ng babae na gugustuhin mong ipakilala sa parents mo at makasama sa iisang bubong habangbuhay. I'm a living nightmare. A major headache. A pain in the ass." Sumagap siya ng hangin. There, ibinaba na niya nang husto ang sarili para lang sa lecheng halik nito.
Ben sighed harhsly and combed up his hair using his fingers. Bahagya siyang umatras nang biglang humakbang pabalik sa kinatatayuan niya si Ben. Napasagap uli ng hangin si Callie dahil sa intensidad ng mga titig nito sa kaniya. Sa mata niya ito unang nakatingin, then his eyes moved downward and stopped at her mouth. Yumuko ito at unti-unting inilapit ang mukha sa kaniya. Naikuyom niya ang mga kamao dahil mukhang walang balak na tumigil si Ben. She waited for his mouth to touch hers, silently rejoicing inside, congratulating herself.
Pero hindi sa bibig niya dumampi ang mga labi ni Ben kundi sa kaniyang tainga at doon bumulong. A shiver ran down her spine as she felt Ben's warm breath against her skin. Nadagdagan ang kilabot niya nang manuot sa pandinig ang husky nitong boses.
"You forgot to add something, Callista. That you're also a liar. And a terrible one." Tumuwid ito ng tayo pero nanatiling nasa harap niya.
"Nagsasabi ako ng totoo."
"Yeah? Sige nga, patunayan mo. Umutot ka ngayon."
Muntik na siyang mabilaukan ng sariling laway. Was he serious?
"I'm waiting. Utot na." Ngumisi pa ito.
She glared at him and wanted to kick herself. Bakit ba kasi nabanggit-banggit pa niya ang utot?
"S-Shut up," sabi na lang niya, nag-iinit ang mga pisngi.
Ben chuckled. "I would love to ravish that lips of yours again, sweetheart, but I won't do that. I don't kiss women anymore."
"And why is that? A-Are you gay?"
"Gay? Hindi mo ba narinig ang sinabi ko ngayon lang? I would love to kiss you--and do something more than that."
"Then why don't you--oh my gosh!" Naalarma niyang hiyaw nang walang anu-ano siyang talikuran ni Ben, nag-dive sa tubig at hindi na lumutang pa. Napatakbo si Callie patungo sa dulo ng tulay, hinagilap sa tubig ang binata. "Mister Brandon!"
Ilang metro mula sa kinaroroonan niya, nagambala ang tubig at lumitaw ang ulo ni Ben. "Go home and find a good doctor, Miss Rosanta. You badly needed it."
Bago pa man siya makatugon, sumisid na uli sa tubig ang lalaki, iniwan siya sa dulo ng tulay na nagngingitngit.
Now what? Ang inakala niyang simpleng misyon, kumplikado pala. Paano niya hahalikan ang lalaking ayaw naman magpahalik?