Dahil sa sobrang pagod at antok ay nakatulog agad ako nang makauwi kami sa bahay. Nagising ako kinabukasan nang 10:30 na. Grabe, hindi naman ako gano'n kung gumising pero this past few days ay lagi na lang akong tinatanghali ng gising.
I washed my face before going out. Sabado pala ngayon at wala namang gagawin. Gusto ko sana gumala kaso tinatamad naman ako. Sa wednesday nga ay may family dinner 'kuno' kami at makakasama namin 'yong ibang relatives ni Neil.
Pumunta ako sa kusina at nakita roon ang isang katulong. Tinawag ko siya.
“Ate? May almusal na ba?” tanong ko. Humarap naman siya at tumango. Nagluluto siya ng caldereta kaya hindi ko na siya inistorbo at ako na lang ang kumuha ng almusal ko.
“Siya nga po pala, ma'am. Umalis po muna si sir Neil. May aasikasuhin lang daw po siya.” sabi niya. Napahinto naman ako. Aasikasuhin? Ano naman kaya? Hindi nalang ako umimik. I don't care naman, e. Hindi naman namin kailangang maging mag-asawa kapag nasa bahay lang naman.
I started eating the pancake with a chocolate syrup while blowing my hot coffee. Habang kumakain ay nacucurious ako kung ano ba ang inaasikaso ng basahan na 'yon? Baka mamaya, nilalait niya ako ah! Uupakan ko talaga 'yon!
“Ugh.” sambit ko at tumayo na. Pinaligpit ko na lang sa katulong ang pinagkainan ko. Hindi ako mapakali at hindi ko alam kung bakit! Ano ba naman kasi 'yan!
Naligo ako at nagbihis ng dress na pink. Nagsuot ako ng doll shoes. Kinuha ko ang sling bag ko na nasa may mesa at inilagay doon ang wallet at cellphone ko. Lumabas ako ng kuwarto at dere-deretsong lumabas ng bahay. Sumakay na lang ako ng taxi dahil tinatamad akong mag-drive.
“Saan po tayo, ma'am?” Okay, saan nga ba? Ang laki ko ring tanga, umay! Saan ko nga ba siya pwedeng hanapin? Oo na! Oo na, hindi ako mapakali kasi nacucurious talaga ako. Hindi ako nag-aalala ah? Baka ikaw. Tss!
“Ma'am?” tawag pa nung driver. Nag-isip muna ako at nagdesisyong sa mall na lang. Bahala na kung makita ko man siya doon o hindi. Ayoko naman na tawagan siya dahil mamaya ay baka mag-assume na naman 'yon. Napaka-dakilang assumero pa naman ng panget na 'yon.
****
After 30 minutes, ay nasa mall na kami. Binayaran ko na 'yong driver at nagpasalamat bago bumaba. Napabuga ako ng hangin nang maisip na magmumukha akong stalker nito 'pag nagkataon. Swerte naman ng lalaking 'yon. Ang isang mala-anghel sa ganda ang magiging stalker niya. Psh.
Pumasok na ako sa mall habang palinga-linga sa paligid. May nahawakan akong bagay sa may daliri ko at napagtantong hindi ko pa pala tinatanggal ang singsing sa kamay ko. Nakalimutan kong tanggalin kagabi.
“Oh, come on, Eithan! Let's go there!” Awtomatikong napataas ang kilay ko nang marinig ang isang matinis at pamilyar na boses ng maharot na babae.
When I turned on my left, a smirk form into my lips. Wow, what a coincidence huh? So I'm actually lucky right now? Mabuti na lang at nakita ko agad ang hinahanap ko.
I saw Threa and Neil arguing. Pinipilit ni Neil na tanggalin ang kamay ni Threa na parang linta kung makakapit sa braso niya. I wanted to laugh so hard. His expression was freaking priceless! Haha!
Tumalikod ako ng kaunti at nakinig sa pinag-uusapan nila.
“Threa. Ano ba? I already told you, uuwi na ako. You just wasted my time!” ani Neil sa naiiritang boses.
“Ih! I'm just asking you a favor na makipag-date sa akin! Dali na!” giit pa ni Threa. Napairap ako ng ilang beses dahil sa kaharutan niya. Like, hindi ba siya nahihiya? May asawa na 'yong tao tapos nilalandi niya pa rin?! Ang kati niya ah!
“I said, I don't want to! Uuwi na ako at naghihintay pa sa akin si Darlene!”
“Darlene?! Darlene na naman? Bakit ba ang babaeng 'yon ang laging bukam-bibig mo?!”
“Because she's my wife! My WIFE! Kaya pwede ba?! Bitawan mo na ako at uuwi na ako sa ASAWA ko!”
*DUG! DUG! DUG!*
W-What was that?! T-Takte?! Bakit ang bilis ng heart beat ko?! A-Atsaka, feel na feel niya yata ah! Gosh! Ano bang nangyayari sa akin? Bakit nag-iinit ang pisngi ko?!
Pinilit kong pakalmahin ang puso ko sa pamamagitan nang pagtapik sa aking dibdib. Para kasing lulundag palabas ang precious heart ko, e. Parang tanga.
Natahimik silang dalawa kaya palihim akong lumingon at nagulat nang makitang wala na sila. What the?! Nasaan na 'yon?! Shit!
Naglakad ako at hinanap sila pero hindi ko na sila makita. Did I just lost them?! Bwisit naman, o! Tsk! Nagpatuloy ako sa paghahanap at nakita ko sila sa may pila ng bumibili ng tickets. Akala ko ba uuwi na siya?! Bakit sumama siya sa Threa na 'yon?!
Eh bakit ba ako affected?!
Nagseselos ka kasi.
Ano?! Hindi ah! Pasimple kong sinampal ang sarili. Ano ba kasi ang nangyayari sa akin? Nababaliw na ba ako?
Lumapit ako at naki-pila rin. Ginagawa ko rin ang lahat para hindi nila ako makita. Buti na lang at may dala akong shades kaya sinuot ko 'yon.
Ang bagal umusad! Ano ba kasi ang movie na papanoorin nila? Hindi ko nga pala tiningnan, tss. Tiningnan ko 'yong poster na nakadikit sa may pader at nalaman ko kung ano ang papanoorin nila. Napangiwi ako. Seriously? Ito ang papanoorin nila?
“A Thousand Years.” Ayan ang title ng movie. Sa title pa lang ay mukhang corny at cheesy na. Naalala ko tuloy 'yong kantang, A Thousand Years din.
Mabuti na lang at kahit papaano ay umuusad na rin. Ilang tao pa ang hinintay ko hanggang sa ako na ang bibili. Nang iabot sa/akin ng babae ang ticket ay agad ko itong kinuha. Wala na sina Neil at mukhang nasa loob na sila ng sinehan kaya pumasok na rin ako.
Pagpasok ko ay madilim na. “Shit. Nasaan na 'yon?” bulong ko at binaba ang suot kong shades. Dahan dahan rin ako kung maglakad. Buti na lang talaga at natandaan ko ang suot nilang dalawa. Naka-tube kasi yung si Threa at maikling skirts na parang sinasadya niya. Si Neil naman ay naka-polo at black pants.
Naupo ako sa may bandang likuran nila. Sapat lang para makita at mabantayan ko sila. Ang weird ko na rin ba? Pero curious kasi talaga ako! Baka mamaya kung ano pa ang gawin nitong si Threa kay Neil tapos ito namang si basahan ay baka hindi pumalag. Pag-uuntugin ko talaga silang dalawa. Psh.
Ilang minuto pa ang nakalipas at tuluyan ng dumilim sa paligid. Nagulat pa ako nang umalingawngaw sa buong sinehan ang opening ng movie. Sumandal ako sa upuan at nanood rin. Tutal, nandito na lang rin naman ako ay manonood na ako. Mabuti na rin 'to dahil wala naman akong gagawin sa bahay at sureballs na mabobored lang ako doon.
Pasulyap-sulyap din ako sa dalawa at gustong-gusto ko ng tumayo at ingudngod sa sahig ang mukha ni Threa dahil sa inis. May pasandal-sandal pa siyang nalalaman kay Neil tapos sinusubuan pa ng popcorn. Girlfriend lang ang peg? Feelingera!
Kumalma ako at itinuon sa movie ang atensiyon pero nakita ko na lang ang sarili ko na pinapaulanan ng matatalim na titig ang likuran nilang dalawa. Mukha namang nakakaramdam si panget na may tumititig sa kanila kaya lumingon siya sa direksyon ko kaya mabilis ko namang sinuot ang shades ko.
Humarap naman siya ulit at nakita kong nag-uusap sila. Hindi ko na tinanggal ang shades ko. Hanggang sa matapos ang movie ay wala akong naintindihan sa pinanood ko dahil hindi naman ako nanood. Sina Threa at Neil lang naman ang pinanood ko buong movie, e.
Hinintay ko muna silang lumabas bago ako lumabas na rin. Nagdesisyon na rin ako na umuwi na dahil feeling ko ay nag-aaksaya lang naman ako ng oras. Kung susundan ko pa sila ay ako lang rin naman ang mapapagod. Itong magandang 'to magiging stalker lang nila? Tss.
I removed my shades and fix myself. I was about to leave when someone pulled my arm kaya napaharap ako bigla.
OH MY GOD.
“Darlene? Are you stalking us?”
I'm doomed! Shit!