Chapter Three.
Friends,
Our first week in senior high passed by and nothing changed. Kung sino lang ang kakilala mo sila lang makakausap mo at sobrang blessed ko dahil kaklase ko si Laine.
Monday na ngayon at ikalawang linggo na namin pero yung teacher namin sa 21st century literature from the Philippines and the World ay hindi pa namin nami-meet.
"Nand'yan na raw Sir Buds," sabi ni Cristeffa na may hawak pang ice cream.
Naging vacant kasi yung first sub namin dahil hindi pumasok si Mrs Coronel. May faculty meeting daw kaya ang iba naming kaklase ay mga kumain sa canteen.
"Agang Ice cream niyan, Teffy." Bati ni ni Joseph ba 'yun, basta yung isa sa kambal.
"Nagbreakfast naman kami sa canteen kaya okay lang." Nagwink siya kay Joseph bago naupo sa gilid.
"Yawa ka, Teffy. Ubusin mo na yan at paakyat na si Sir Buds," sabi naman noong matangkad namin na classmate na si Jay Zyke na kakapasok lang sa loob galing sa corridor.
Ganito ang ganap namin ni Laine maghapon sa school. Makikinig kung may teacher at kung wala naman ay magmamasid sa kwentuhan ng mga kaklase namin. So far, wala pa kaming ka-close.
Tama nga ang sabi ng kaklase namin, lumipas lang ang ilang minuto ay may pumasok na agad na teacher. Siya siguro si Sir Buds. Nakasuot ng eyeglasses, mapayat at seryoso. Bigla na naman akong kinabahan.
"Laine, mukhang strict ang teacher natin. Kinakabahan ako." Bulong ko kay Laine.
She just smiled at me. "Kaya na'tin 'to." She mouthed.
Blessing in disguise talaga yung pagkakatunggo ko sa balikat nitong si Laine noong Youth Camp. Akalain mo magkaklase kami at buti na lang ay nagpakilala ako sa kan'ya. Hindi ko alam kung saan ako pupulutin without her here by my side right now.
"Get one fourth sheet of paper," Our teacher said in a serious tone of voice. I shivered.
Grabe naman. Matatapat pa atang terror ang teacher namin sa subject na ito. Kahit masayang pag-aralan ang history, parang ibabagsak ko 'to dahil sa teacher namin na 'to.
"Make it fast," he added.
Nagmamadali akong naglabas ng one fourth at pagkalabas ko ng papel ay may kumalabit na agad mula sa likod.
"Ms. Gutierrez, pahinging wam-port," sabi ni Mr. Nicholas Tucio habang ang kamay ay nakalahad sa'kin.
Pinilas ko ng isa ang kaklse ko at inabot sa kaniya ng hindi lumilingon.
"Salamat, Ms. Gutierrez. Mamaya number mo naman pahingi." bulong nito.
Taragis naman pala. Humingi na nga ng one fourth sa akin, nanlandi pa. Hanep 'tong si Mr. Tucio sa likod. Napa-iling na lang ako.
"Write on that piece of paper the meaning of literature. Now!"
Walang pa-introduce yourself si Sir. Ura-urada ay pa nagtatanong agad. Hindi man lang huminga sa taas ng inakyat niya. Hindi ba siya hiningal man lang sa inakyat niyang hagdan, nasa fourth floor kasi kami ng building ng high school department. Ang laki pa naman nung kada baitang ng hagdan, akala mo naman lahat ng estudyante nila mahahaba ang biyas.
Nagsulat ako sa papel ng nalalaman ko tungkol sa literature pero nasisigurado kong mali ito. Ano ba iyan! Sa umpisa pa lang babagsak na 'ko. Kinakabahan talaga 'ko.
"Pass your paper. Three... Two... One..." Nagmamadaling ipasa ng lahat ang papel nila.
Buong klase ay tahimik na pinapanuod ang pag-aayos ng teacher namin sa one fourth sheet of paper na ipinasa namin sa kan'ya. Nakakaramdam ako ng tensyon sa katawan lalo na't maging ang mga kaklase ko ay nakikita kong kinakabahan.
"Ms. Madrid..." tawag ni Sir sa surname ng kaklse kong nakaupo sa likuran.
"Yes po." Nanginginig ang boses niyang sumagot.
"Stand up. What is literature?"
Marahan tumayo ang kaklase ko. Sa sobrang tahimik ng room maririnig mo ang kaluskos ng upuan niya.
"Sir... Ano po... Ahhmm. Literature is Literatura sa tagalog."
May pagka-pilosopo rin itong si Ms. Madrid. Gusto kong matawa pero kinakabahan ako sa teacher namin.
"Yes, Ms. Madrid. Literatura o Panitikan sa tagalog... But what I am asking you is the meaning of the word Literature," seryosong sabi ng aming teacher.
"Ms. Centeno, Stand up! Help Ms. Madrid. What is literature?"
Tumayo agad si Laine at nagmasid saglit bago sumagot.
"Sir... Literature is a collection of written po or oral works. But it is more focused specifically in creative writing that is considered a form of art. Examples of this including poetry, books, drama, fiction, and even newspaper are considered as literature," Laine answered the question with confidence.
Everyone looked at her and we were all astonished by her intelligence. I'm so proud of my friend. Opps! Wag n'yo ko hawakan, friend ako ni Laine.
"Okay, good! You two... sit down," sabi ng teacher namin na mukhang pati siya ay natuwa sa sagot ng friend ko.
Sabay na naupo si Laine at Ms. Madrid.
Buti na lang nasagot ni Laine ang tanong ng teacher namin kasi kung hindi baka nagtawag pa ito. Itinabi na kasi niya ang mga papel at kinuha niya ang isang long bondpaper na naka-ipit sa librong dala niya.
"Once I call your name, please stand up."
Sus ko po maria. Akala ko tapos na siya, bakit may ganito naman? Aatakihin ata ako sa subject na ito. May subject ba talagang ganito kahit sa TVL?
Nagsimulang magtawag ng pangalan si Sir at mukhang ginugrupo niya ang klase, five members per group. Sana naman ay makagrupo ko itong si Laine para naman solve na. Di naman ako magpapabuhat, basta lang alam kong hindi magiging waley ang mapupuntahan kong grupo.
Halos lahat ng kaklase namin ay natawag na at apat na lang kaming hindi.
"So, yung apat na hindi natawag, kayo na ang magkakagrupo." sabi ni sir.
Napanguso ako sa tuwa dahil kabilang si Laine sa mga hindi natawag. Siniko ko siya at tumingin siya sakin na nakangiti.
"Magsama-sama ang magkakagrupo. Ibibigay ko ang gagawin n'yo."
Tatayo na sana kami ni Laine nang lumapit na sa amin kaagad ang iba naming kagrupo. Umupo ang dalawa sa tabi namin.
"Form a circle. Buhatin ang upuan at wag n'yong kaladkarin, maririnig yan sa third floor." Dagdag ng teacher namin.
Sinunod namin ang utos ni Sir at nang nakaayos na kami, nagtitigan kaming apat.
"Hi. Ako si Lalaine pero Laine na lang itawag n'yo sa akin." Basag ni Laine sa katahimikan sa aming grupo.
Ito siguro ang unang beses namin makikisalamuha sa iba naming kaklase. Kaya siguro itong si Laine ay agad na nagpakilala.
"I'm Carmela naman. Elle for short." Sinundan ko ang pagpapakilala ni Laine. Gusto ko rin kasi magkaroon ng extra friends.
Ngumiti si Cristeffa, yung morenang babae na may hawak na ice cream kanina.
"Cristeffa, pero ang tawag sakin ay Teffy." Pakilala niya.
Ang nag-iisang lalaki sa aming grupo, yung hindi katangkaran naming kaklaseng lalaki.
"Hello. I'm Jed Erickson pero dahil lahat kayo may palayaw dapat ako rin. Jed na lang tawag n'yo sa akin," pabirong sabi niya at natawa kaming lahat.
Habang nagdidistribute si Sir ng gagawin naming group activity, biglang bumukas ang pintuan. Si Mrs. Corenel ay pumasok kasama ang isang matangkad na lalaking maputi at gwapo.
"Excuse me, Sir Buds. I am here to introduce their new classmate."
"Welcome, hijo. What is your name?" tanong ni Sir sa bagong kaklase namin.
He looked around before he introduced himself to the class. Lahat kami ay titig na titig sa kan'ya at nag-aabang sa kan'yang sasabihin.
"I am Edrick Celedonio. Late enrollee," he said in a low and cold tone of voice.
"Mr. Celedonio, you may join the last group at the back," sabi ni Sir sabay turo sa grupo namin.
Lumapit iyong lalaki sa grupo namin at naupo sa tabi ni Teffy.
"Thank you, Sir Buds. I'll go now," paalam ni Mrs. Coronel.
"No Worries."
Pagkalabas ni Mrs. Coronel ay nagpatuloy si Sir sa pagbibigay ng gagawin sa ibang grupo samantalang kami naman ay nagtitigan na lamang sa isa't isa.
Kapansin pansin ang matamlay at bago naming kaklase kaya naman si Laine ay muling nagpakilala.
"Hello. Ako si Laine." Paunang pagpapakilala niya sa bago naming kaklase.
"Ako naman si Elle." pakilala ko naman.
"Bro, I'm Jed."
"And I'm Teffy."
Matapos namin magpakilala isa isa ay ngumiti ito sa amin at nagpakilala na rin.
"Edrick Celedonio. Pero Ed na lang," sabi nito.
"O, diba pati siya may nickname," natatawang sabi ni Jed.
Natawa rin kaming tatlo sa banat ni niya.
Kinilala namin ang isa't-isa katulad kung saan kami mga nakatira or saan kaming school galing noong junior high. Kahit papaano ay medyo okay naman silang pakitunguhan.
Lumapit na rin sa amin si Sir at inabot ang maliit na papel.
"Make a research about the Church of Quinga. Allowed kayong pumunta sa mismong church since malapit lang naman iyon. Alamin n'yo ang history and other information. I am giving you a week to prepare for the presentation and after that I want your group to be always ready because the presentation of your work defends on bunutan. Kaya naman, galingan at maghanda," diretsong sabi nito bago bumalik sa harapan.
"Class! Listen." Pilit niyang pinukaw ang buong klase na busy sa paghahanda sa unang activity sa subject niya.
Tumahimik ang lahat at diretsong tumitig sa teacher namin sa harapan. Nakaka-tense masyado itong teacher namin sa 21st century literature.
"I am Mr. Salvador Buhain. Call me Sir Buds. This is all for today, you may continue brainstorming for your presentation activity. I'll go now, wait for your next subject teacher. Goodbye!" sabi ni Sir bago tuluyang lumabas sa aming classroom bitbit ang kaniyang mga gamit.
Lahat kami nakahinga ng maluwag. Feeling namin kanina pa may nakadagan na malaking bato sa aming dibdib dahil sa sobrang seryoso ng teacher namin. Lahat talaga ay kinakabahan.
"Puta. Gago! Kabang kaba ko," sabi ng isa naming kaklase.
"Lulutong no'n, Pre!" sita naman noong si Jay Zyke sabay tawa.
Nagtawanan ang mga kaklase namin pero bigla kaming nagulat ng biglang pumasok muli si Sir Buds.
"Sino nagmura?" seryosong tanong niya,
Muli na naman akong kinabahan at ang buong klase. Lahat kami ay natahimik, walang umiimik kahit sino sa amin.
"Omg guys. Bakit kayo kinakabahan? Chillin' like villain ra ra ra lang guys. Ako lang ito si Sir Buds. O s'ya stan blackpink. Goodbye," sabi ni Sir sabay kaway pang Miss Universe bago lumabas ng classroom.
Nagtawanan kaming lahat sa gulat.
"Putangina!" mura ni Jay Zyke sabay tawa.
"Hanep ni Sir. Kabang kaba ko dito kanina pa tapos, stan blackpink?. Lisa Manoban pala ang peg," sabi ng class beadle naming Kpop fan.
"Magiging masaya 'to," bulong ko sa mga kagrupo ko.
"Trulala sis," sabi ni Teffy sabay akmang makikipag-high five.
Nag-apir kami ni Teffy at tumawa pareho.
"I'll make a group chat na lang para mas madali tayong makapag-usap but I prefer na magkaroon din tayo ng meeting after class." Laine suggested and we all agree.
Maybe it is hard to make friends at first, but what we all need to do is to be kind and try to approach someone. Pakikisama lang naman ang kailangan. I am hoping for more friends to earn this school year. Because I know, when I enter college, my life will be different. So, why not enjoy these two years in senior high school? Pwede naman.