Wala siyang inaksayang panahon at agad na tumakbo palabas at tumalon sa swimming pool para sagipin ang hindi kumikilos na si Jamil. Aakayin niya sana ito papunta sa gilid ngunit pumalag ito na siyang ikinagulat niya.
"Leave me alone!" galit na sigaw nito na hindi tumitingin sa kaniya.
Maang siyang napatitig dito pagkatapos ay pagak ba napatawa. "Ito pa pala ang mapapala ko sa pagligtas ko sa inyo." hindi makapaniwang sabi niya. Hindi sumagot ang binata at nanatiling nagpapalutang sa tubig habang nakatingin sa buwan. "Okay. Masusunod, kamahalan." may himig inis na sabi niya bago unti-unting lumangoy palayo sa amo.
Matapos halos magkanda bali-bali ang katawan niya. Matapos ang paghihirap niya at matapos ang lahat ay ganoon na lang iyon? Sisigawan lamang siya nito na para bang may ginawa pa siyang kasalanan?
Muling pumasok sa isip niya ang malungkot na ekspresiyon ng mukha nito at ang paos nitong boses kaya naman natigilan siya at muling nilingon ang Boss na nakalutang pa rin ngunit ngayo'y nakapikit na. Ang mga paa at isipan niya ay nagkasundong umalis at pabayaan ito, ngunit ang puso niya ay hindi kaya. Kumabog ang dibdib niya at agad na lumagoy papalapit dito sa pag-aakalang nakatulog itong muli.
"I'm fine. Please, just... just leave." wika nito sa mahinang boses na hindi idinidilat ang mga mata. Tila naramdaman ang presensya niya gayung naging tahimik naman ang paghakbang niya.
Napalunok si Maxine at nakahinga nang maluwag. Ilang segundo siyang tumitig sa binata at napabuntong hininga. Ilang segundong nagtalo ang isipan ang puso at isipan bago nagwagi ang puso niyang mala-mamon sa lambot. "Sir, hindi sa nakikialam ako. Hindi ko alam kung ano ang nangyari ngunit isa lang ang sigurado ko, ang buhay ay umiikot lang. Siguro nga'y nasa baba ka ngayon ngunit bukas ay iikot at iikot ang buhay at mapupunta ka rin sa ibabaw. Marahil pakiramdam mo ay sapo mo na ang lahat ng problema pero pagsubok lang iyan ng Diyos sa atin."
Dumilat ito at dahan-dahang lumingon sa kaniya. Nang magtama ang kanilang mga mata ay bumilis abg tibok ng puso niya. Ngayon ay malaya na niyang nasisilayan ang mga mata nitong hindi niya nakita kanina. Pinigilan niyang mapasinghap dahil sa tanawing pinagmamasdan, tila kumikislap ang mga abo nitong mata na natatamaan lamang ng ilaw na nagmumula sa buwan.
"Paano kung ang mga tao na mismo sa paligid mo ang humihila sa'yo pababa?" tanong nito sa mahinang boses na may himig ng kalungkutan na pumipiga sa puso ni Maxine. Hindi siya sanay na makitang malungkot si Jamil. Kung hindi seryoso ay palagi lamang itong nakangiti sa tuwing makikita niya ito sa malayo.
"Kailangan niyo lamang ipakita sa kanila na kaya ninyong lumaban. Ganoon naman talaga, 'di ba? Kapag ayaw nilang mapunta ang isang tao sa ibabaw ay hinihila nila ito pababa. Kaya hindi ibig sabihin noon ay mahina ka na."
Hindi nakaligtas sa paningin ni Maxine ang maliit at dagling pagngiti ni Jamil na humaplos sa kaniyang puso.
Ilang sandaling nagtitigan ang dalawang taong hindi iniinda ang lamig ng tubig. Ang isa'y may pinagdaraanan at ang isa naman ay masaya na sa mumunting atensyong natanggap mula sa itinatangi.
Matapos ang usapan nila ay natagpuan ni Maxine ang sarili niya sa gitna ng magarang kuwarto ni Jamil habang hinihintay na bumalik ang binata. Nagpaalam lamang itong kukuha ng tuwalya at hindi maiwasang siyang mangatog dahil sa lamig ng paligid, idagdag pa ang basa niyang damit na dumidikit na sa kaniyang katawan.
Ilang sandali pa ay bumalik na ito at nanigas si Maxine sa kinatatayuan. Hindi lamang dahil sa lamig kung hindi dahil sa kaniyang Amo na ngayon ay nakatapis na lamang ng tuwalya kaya naman malaya niyang nakikita ang maganda nitong katawan na noon ay nakikita lamang niya sa magasin at telebisyon.
Ito na ba ang sinasabi nilang katawang parang nililok? Si Jamil na ba ang sinasabi ng mga kababaihang perpektong lalaki? At matatawag na ba siyang manyak sa pagtitig sa katawang tila nakahain sa kaniya?
Umiiling-iling si Maxine ara iwaksi ang mga malalaswang bagay na naiisip. Hindi naman siya naaapektuhan ng mga hubad na katawang nakikita noon kaya bakit iba ang dating sa kaniya ng maskuladong katawan ng kaniyang Boss?
"Are you okay?" pansin ni Jamil sa kaniya sabay abot ng hawak na tuwalya.
Aabutin na sana ito nang dalaga nang ilayo nito iyon sa kaniya at napasinghap si Maxine nang makitang ang mga mata nito ay nakatutok sa kaniyang katawan. Nanlalaki ang mga matang bumaba ang tingin niya sa katawan at naalalang kulay puti ang uniporme kaya naman makikita ang kulay itim niyang bra at cleavage.
Pinamulahan siya ng mukha at agad na hinablot ang tuwalya at ibinalot sa katawan. "O-oho." nangangatal niyang sagot at agad siyang napalunok nang mapansing matiim itong nakatitig sa kaniya. "B-bakit ho?"
"Are you a virgin?"
"... Ha?"
Awtomatikong kumunot ang noo niya sa narinig na tanong ng binata. Hindi rin niya naiwasang ma-offend sa tanong nito. Bakit siya nito tinatanong ng ganoong bagay at bakit gusto nito iyong malaman?
"Aalis na ho ako, Sir. Salamat po sa tuwalya." hindi na niya idinuktong pang ibabalik niya ito dahil alam naman niya kung saan ito dapat na ilagay.
Ang hindi niya inaasahan ay sa biglang pag-ikot niya ay madudulas siya dahil na rin sa naipong patak ng mga tubig sa kaniyang paanan. Napasinghap siya nang madulas siya at agad ba ipinikit ang mga mata at hinintay ang pagbagsak niya sa sahig ngunit bago pa iyon mangyari ay may pumihit sa kaniya at dahil sa bilis ng pangyayari ay natagpuan na lamang niya ang sarili sa isang kahiya-hiyang posisyon.
Gulat siyang nakatingin siya kay Jamil na lihim na nagmumura habang hawak-hawak ang tumamang ulo at likod sa malamig na sahig.
Agad niya itong dinukwang nang hindi kumikilos mula sa kinauupuan. "A-Ayos lang ba kayo, Sir?!" taranta niyang tanong.
"Ugh, damn it. No! Of course not! Oh, my head." ungol nito habang sapo ang ulo.
Nakaramdam ng hiya si Maxine kaya naman hindi niya napigilang kumibot-kibot sa kinauupuan. Napatigil lamang siya nang bigla siyang hawakan sa balakang niya ng Amo para pigilan sa paggalaw.
"Stop freaking moving or you'll wake something up. Baka dalawang ulo na ang masaktan mo." May kapilyuhang sabi nito.
Noon lamang napagtanto ni Maxine kung ano ang naupuan niya nang unti-unti niyang maramdaman ang matigas na bagay na iyon. Namumula ang mukhang tinangka niyang tumayo, ngunit sa gulat niya ay pinigilan siya ni Jamil at imbes ay hinila pa siya palapit kaya naman ngayon ay magkatapat ang kanilang mga mukha. Sigurado si Maxine na namumula pa rin ang kaniyang mukha sa sandaling iyon. Bahagyang nakaawang ang bibig niya dahil sa ginawa nito at dahil muli na naman niyang natitigan ng malapitan ang gwapo nitong mukha.
Sa bawat paghinga nito ay naamoy niya ang bango ng hininga ng binata na may halong amoy alak. Palipat-lipat ang tingin niya sa mga mata nitong mapungay at sa mga labi nitong nakangiti habang nakatingin sa kaniya.
Bahagya siyang napapiksi nang hawakan siya nito sa pinsgi niya. Ang kamay nitong dapat na malamig dahil sa pagkakababad sa tubig ay nakakagulat na sobrang init sa kaniyang pandama.
"You look so beautiful right now, on top of me like this, " wika ni Jamil sa paos na tinig. "Makes me want to do bad things to... you."
Napasinghap si Maxine nang haplusin naman ng daliri nito ang kaniyang labi. Dumaloy ang kuryente mula sa kaniyang labi hanggang sa kaniyang buong katawan dahil sa ginawa nito.
"What would you do if I tell you I want to kiss you right now?"
Nanlaki ang kaniyang mga mata sa sinabi nito at nanigas ang kaniyang buong katawan. Ilang beses na ba? Ilang beses na ba niya iyong napaginipan at pinangarap na mangyari at heto ngayon ang kaniyang itinatangi, nais siyang hagkan sa mga labing kailanman ay hindi pa nadampian ng sinumang lalaki.
Naramdaman niya ang kamay nito sa kaniyang batok na unti-unti siyang iniyuyuko palapit sa mga labi nito at imbes na pumalag ay ipinikit niya ang mga mata at naghintay.
Nang sa wakas ay maglapat ang kanilang mga labi ay isang impit na ungol ang pinakawalan ni Maxine. Napakalambot ng labi ni Jamil. Ramdam niya ang kuryenteng dulot ng halik nito. Panandaliang nakalimutan ang lamig na nararamdaman dahil sa mainit na katawang nakadikit sa kaniya.
Isa ba itong panaginip? Pero bakit tila napakasarap namang panaginip nito? Bakit parang totoong-totoo?
Dahil nga wala pang karanasan ay hindi niya alam kung ano ang gagawin kaya naman ginagaya lamang niya ang galaw ng mga labi nito. Ramdam rin niya ang paghaplos nito sa katawan niya na nag-iiwan ng kakaibang init na noon lamang niya naramdaman.
Humiwalay siya sa kanilang halikan at kahit na nanghihina ang tuhod ay pilit siyang tumayo at gulat niyang tinignan ang sarili, kailan niya binuksan ang blusa niya? Hinapit niya ang tuwalya sa katawan at tinignan ang Boss na ngayon ay nakaupo na.
"P-pasensiya na po, hindi ko alam kung ano'ng pumasok sa isip ko. I-I'm sorry." agad siyang tumalikod at inignora ang pagtawag nito sa kaniya.
Nang sa wakas ay nakasakay na siya sa elevator, napapikit siya at nag-uunahang tumulo ang mga luha mula sa kaniyang mga mata.
"Hindi man nga lang niya alam ang pangalan mo tapos ay bumigay ka na. Napakatanga mo, Maxine." May pait na sabi niya sa sarili habang tahimik na lumuluha.
Pero lasing siya, hindi ba? Tanging hiling na lamang niya ay hindi nito maalala ang nangyari at pipilitin din niya itong kalimutan. Dahil ang nangyari ay isang masayang panaginip lamang.
Napatingin siya sa lapag at natigilan nang makita ang isang napakagandang itim na kaheta.