Tinanong ni Andrea ang kanyang sarili dahil hindi ito makapaniwalang lumitaw ulit nawawala niyang libro. "Ha? Parang ang weird naman, kanina wala naman ito sa bag nang nagkalkal ako, tapos ngayon, biglang nandito na!"
Muling lumitaw sa kanyang harapan ang matandang babae na nakasuot ng itim na belo. Tumayo na naman ang balahibo ni Andrea lalo na noong magsalita ito nang mahina.
"Tanging ikaw lamang at ang taong nakasaad sa libro ang makakakita sa Zodiac Book at wala nang iba pa!"
"Saglit po, ba-"
Hindi pa tapos magsalita si Andrea nang palagitikin ulit ng matandang babae ang kanyang dalawang daliri. Tumingala si Andrea at nakita na naman nito ang kalangitan at nag form ng pattern ang mga bituin.
"Aquarius ang Zodiac sign ng unang lalaki na makikilala mo! Sana'y magkaroon kayo ng magandang simula!" Nakangiting sabi ng matandang babae.
"Teka po-"
Hindi na itinuloy ni Andrea ang pagsasalita dahil nawala na naman ang matandang babae sa kanyang harapan.
Simula ng mapasakamay niya ang libro ay palagi na niyang napapanaginipan ang matandang babae at sinasabi nito na hindi niya maaaring takasan ang itinakda ng mga bituin. Sinubukan ni Andrea na itapon ang libro pero sa hindi maipaliwanag na dahilan, bumabalik ito sa kanyang shelves. Tinangka rin niya itong sunugin subalit hindi ito tinatablan ng apoy.
Habang naghuhugas ng pinggan si Andrea, ay laking gulat niya nang makita ang pag ilaw ng Zodiac Book sa lamesa. Nasaksihan niya kung paano bumilis ang takbo ng orasan ng libro at tumigil ito sa Aquarius zodiac sign. Kusa itong bumuklat at binasa niya ang nakasulat dito.
"Sa isang dagat, makikita mo ang isang lalaki. Ang kanyang Zodiac Sign ay Aquarius. Mayroon siyang matipunong pangangatawan. Magaling siyang sumisid at handang lumangoy papunta sa kanyang mga pangarap. Isa siyang mapusok na tao at gagawin ang lahat makuha lamang ang kanyang nais. Maikli lamang ang kanyang pasensya at may pagkakataon pang patay malisya siya sa nangyayari sa kanyang paligid."
Biglang naglaho si Andrea na parang bula matapos basahin ang laman ng Zodiac Book at napadpad ito sa isang malawak na beach resort na walang katao tao.
Dahan-dahang lumingon si Andrea sa dagat at nakita niya ang isang lalaki na umahon mula rito. Halos mapanganga si Andrea sa taglay na kaguwapuhan nito. Nang mapansin siya ng lalaki ay ngumiti ito at lumapit sa kanya.
"Hi, miss?" Bungad na pagbati ng binata kay Andrea.
"Hello rin!" Nakangiting sagot ni Andrea.
"Ahh, you look pale? Okay ka lang ba?" Tanong ng lalaki.
"No, hindi naman! Hindi pa kasi ako kumakain so medyo nanghihina ako!" sabi ni Andrea rito, "para kasing gusto ko kumain ng pandesal eh!" Dugtong pa niya habang titig na titig sa 6 pack abs ng guwapong binata na kahawig ni Taylor Lautner.
"Really? Nako tanghaling tapat na, wala tayong mabibilhan dito ng pandesal!" Sambit ng binata.
"Okay lang, ang sarap naman ng katawan mo, este ganda naman ng katawan mo!" Nakangiting sabi ni Andrea.
"Salamat naman! So wanna hang out with me? Kain tayo, hindi kasi ako sanay pag walang kasama kumain, boring kasi kapag walang kausap!" Pag-aaya ng lalaki.
"I'm sorry, baka kasi may magalit sa atin. For sure may magseselos kapag nakita tayong magkasamang dalawa!" Pagtanggi ni Andrea.
"Please do not worry. I am single and ready to mingle. May malapit na restaurant dito, treat kita!"
Matanda na rin naman si Andrea at sa pagkakataong ito, binalewala muna niya ang bilin ng tatay niya na wag siyang sasama sa lalaking hindi niya lubos na kilala.
"Sige, sure! By the way, My name is Andrea Astrea! How about you?"
"My name is Franco Benedicto and I am a swimmer. I was practicing for my upcoming competition sa Tokyo and I saw you looking at me earlier."
"Good luck and advance congratulations sayo, Franco! Sana ay mabigyan mo ng karangalan ang ating inang bayan!"
"Thanks, Andrea!"
Tumayo si Andrea at naglakad silang dalawa ni Franco habang nag-uusap.
"Ang init ng panahon ngayon no? Pawis na pawis kaagad ako!" Sambit ni Franco na init na init.
"Kaya nga eh. Malapit na kasi mag summer kaya ang hot!" Sagot ni Andrea.
"Mabuti na lang talaga at walang masyadong tao ngayon dito sa resort kaya nakapag practice ako ng maayos! Yung iba kasi nasa dolomite beach sa laguna!"
"Oo nga eh, ang linis na pala dun! Mukhang maganda magpunta pag may time!"
"Pero mas prefer ko pa rin magpunta sa Palawan kasi pang world class ang dating! Sayang nga lang kasi malayo talaga ang Amanpulo dito sa atin!"
"Wow, sosyal mo naman. Ang mahal mahal kaya roon! Mga artista at mga vloggers lang ang usually nakakatapak sa puting buhangin ng amanpulo. Pero malay mo kapag nanalo ka sa swimming, pwede ka nang magpunta roon!"
"Hehehe. I like your sense of humor Andrea, hoping to be friends with you kasi ang sarap mong kausap!"
Namutla naman si Andrea sa sinabi ng binata at sumang-ayon ito sa kanyang sinabi. "Of course, bakit naman hindi!"
Lalong naging guwapo si Franco sa paningin ni Andrea nang ngumiti ito kaya hindi maiwasan ng dalagang isipin na hinahalikan niya ang mapupulang labi ng binata.
"Gusto mo bang pumunta ng restaurant? Sagot ko naman, mas masarap kasi kumain sa restaurant kapag may kasama!" Pag-aaya ni Franco.
Hindi na nagdalawang isip si Andrea at sumama ito kaagad sa binata kahit na hindi pa niya ito lubos na kilala. Kahinaan kasi talaga ni Andrea ang mga poging lalaki.
"Sure!" Nakangiting sabi ni Andrea sa binata.