Gabi matapos makalipat si Andrea sa kanyang bagong apartment, nagdesisyon itong pumunta sa kanyang balcony para tingnan ang magandang tanawin sa labas. Masaya niyang pinagmamasdan ang bilog na buwan na pinapaligiran ng mga nagniningningang mga bituin na masarap abutin.
Habang siya ay nakatingala sa kalangitan, nakita niya na para bang may malaking bulalakaw na dumaan sa harapan ng buwan. Pumikit siya at humiling. "Sana matagpuan ko na ang itinadahana sa akin ng mga bituin!"
Matapos niyang humiling, biglang tinakpan ng ulap ang buong kalangitan at biglang bumuhos ang malakas na ulan kaya pumasok si Andrea sa loob. Isang linggo matapos niyang lumipat, gumala na ito at umakyat sa bundok kasama ng kanyang mga kaibigan na sina Carla at Ella.
Hindi pa sumisikat ang araw, nagsimula na silang umakyat. Takot kasi silang ma heat stroke kaya tiniyak nilang marating ang tuktok ng bundok bago sila tamaan ng sinag ng araw.
"Grabe, napakaganda talaga umakyat sa bundok na ito!" Sambit ni Ella na mahilig umakyat ng bundok.
Sumangayon naman dito si Carla, "Tama ka jan, bes! For sure akong makakalimutan mo lahat nang sinabi ni Team Leader Neil!"
"Hay nako, kaya nga tayo umakyat sa bundok para hindi natin makita ang taong gorilya na 'yun eh!" Sambit ni Andrea na may itinatagong hinanakit sa Team Leader.
"Galit na galit te? Mabait naman si T. L hindi ba?" Sambit ni Carla.
"Oo, mabait siya kapag tulog. Pero kapag gising, no comment na lang! Siya talaga yung hashtag, tirador ng mga newbies!" Sabi ni Andrea.
"Pero maiba ako, kumusta ka naman bilang bagong lipat?" Tanong ni Ella.
Masaya namang ibinalita ni Andrea na wala itong naging problema sa kanyang paglipat. "Eto, I am still adjusting pero so far, okay naman ang apartment. Tahimik ang neighbor at safe naman!"
Dinemonyo na naman ni Carla ang kanyang tropa at inudyukan itong manlalaki. "Alam mo bes, dapat may inuuwi ka nang lalaki sa apartment mo!"
"Oo nga, magboyfriend ka rin kasi! Mas masarap sa pakiramdam na may lalaking magpo-protect sayo!" Pagsang-ayon ni Ella.
"Hay nako, matagal ko na yang hiniling sa mga bituin subalit kahit sana sign na nakita ko na siya, wala din!" Dismayadong sabi ni Andrea.
"Alam mo, try mong maghintay na may dumaang bulalakaw sa kalangitan, tapos saka ka mag wish na magka boyfriend ka na!" Munting payo ni Carla sa kanyang no boyfriend since birth na kaibigan.
Naalala ni Andrea na may nakita siyang bulalakaw noong bagong lipat pa lang ito sa apartment kaya tumingala siya sa langit. Bigla namang bumuhos ang malakas na ulan at kumidlat sa pagitan nilang tatlo at bumugso ang malakas na hangin. Nataranta si Andrea kaya kumaripas ito ng takbo.
Napadpad si Andrea sa tapat ng isang abandonadong bahay, kakatok na sana ito para makisilong, subalit kusang nagbukas ang pinto sa kanyang harapan. Naglakad siya papasok at bumungad sa kanya ang isang maliit na libro na napapaligiran ng alikabok na nasa lamesa. Hinawakan niya ito and all of a sudden, may matandang babae na lumitaw sa kanyang harapan at nakasuot ito ng itim na belo at napalingon dito si Andrea.
"Magandang araw sa iyo iha!" Bungad na pagbati ng matanda.
Tiningnan ni Andrea ang matanda mula ulo hanggang paa at napansin niya na wala itong tsinelas at punit punit din ang suot nitong pantalon. Nagsimulang tumayo ang balahibo ni Andrea, bukod kasi sa mahina ang boses nito, parang galing sa balon ang naririnig niyang salita galing sa bibig ng matandang babae.
"Sino po kayo?" Tanong ni Andrea.
"Ako ay galing pa sa nakaraang panahon at ako ay naririto upang tulungan kang mahanap ang iyong fated man kagaya nang iyong hiniling sa mga bituin." Sagot ng matandang babae.
Pinilantik ng matanda ang kanyang dalawang daliri at bigla na lang nagkaroon ng orasan ang harapang pahina ng libro at lumutang ito sa harapan ni Andrea.
Labis na namangha si Andrea sa kanyang nasaksihan. "Wow, amazing!"
"Ang libro na ito ay ang Zodiac Book na mula pa sa nakaraang panahon. Ito ay mayroong labindalawang simbolo ng Zodiac. "Aries, Taurus, Gemini, Cancer, Leo, Virgo, Libra, Scorpio, Sagittarius, Capricorn, Aquarius, at Pisces. Nirerepresenta nila ang Zodiac sign na maaaring maging compatible sa iyo! At sakaling tumigil ang orasan sa kahit alin sa labindalawang Zodiac Sign, ito ay magliliwanag at mayroong lalaking darating sa iyong buhay upang ikaw ay ibigin!"
Makakakita ka ng bulalakaw sa kalangitan sakaling nahanap mo na ang iyong Fated Man." Paliwanang ng matandang babae.
"Pero sino po kayo? Ano ang pangalan ninyo at saka bakit parang hindi makatotohanan ang mga nakikita ko?" Sunod-sunod na tanong ni Andrea.
Tumingala ang matandang babae sa itaas at nakita ni Andrea kung paano naglaho ang bubong ng bahay. Nakita niya ang mga nagniningningang mga bituin sa kalangitan.
"Hindi natin mapipigilan ang itinakda sa iyo ng mga bituin, nakasaad na ang iyong kapalaran at ang 'Zodiac Book na ito ang iyong magiging gabay upang makita mo ang iyong fated man!" Paliwanang ng matandang babae.
Naweirduhan man si Andrea sa mga pinagsasabi ng matanda, trip naman niyang kuhain ang libro para maging parte ng kanyang mga koleksyon.
"Although, medyo weird kang matanda ka, puwede po ba sa akin na lang itong libro?" Nakangiting sabi ni Andrea sabay lagay ng libro sa kanyang backpack.
Walang naging reaksyon ang matanda at bigla itong naglaho na parang bula. Samantalang nawalan naman ng malay si Andrea sa pagkagulat. Nang magising ito, puro puti ang nakikita niya sa paligid. Samantalang, nakaupo naman si Carla at Ella sa kanyang tabi at ngumiti ang mga ito nang idilat ni Andrea ang kanyang mga mata.
Dahan-dahang ibinangon ni Andrea ang kanyang katawan at saka ito nagsalita. "Nasaan tayo?" Tanong nito sa mga kaibigan niya.
"Friend, wag mo muna pilitin ang sarili mo," sambit ni Carla.
"Nasaan tayo, Carla?" Tanong ni Andrea na tumitingin pa rin sa paligid.
Si Ella na ang sumagot nang tanong ni Andrea. "Naandito tayo sa hospital, hinimatay ka kasi sa kalagitnaan ng hiking natin. Mabuti na lang talaga at hindi ka napaano!"
Na-appreciate naman ni Andrea ang pagmamalasakit ng mga kaibigan niya. "Salamat naman, mabuti na lang talaga at naging kaibigan ko kayo!"
"Wala 'yun, maliit na bagay lang yan!" Nakangiting sabi ni Carla.
Pumasok ang doctor at kinausap si Andrea.
"Mabuti naman at nagising ka na Ms. Andrea, kumusta naman ang pakiramdam mo?" Tanong ng doktor.
Sumagot kaagad si Andrea. "Okay naman po ang kalagayan ko, dok! Ano po ba ang hawak ninyong papel?"
"Actually, this is my findings. I have good news and bad news for you, iha!"