Xavier's POV
         
           
BORED NA sumulyap ako sa labas ng bintana. Hindi ko din mapigilan ang mapahikab.
Excited pa naman ako dahil first day of school. Alam ko kasi'ng mas advanced na ang ituturo sa amin lalo na sa pagpapalakas ng aming mga kapangyarihan. Akala ko pa naman ay magiging exciting ang unang araw namin. Pero nagkamali ako, labinlimang minuto na ang nakakalipas pero wala pa din ang aming instructor para sa unang subject.
"Umalis ka d'yan!" isang boses sa 'di kalayuan ang umagaw ng pansin ko.
Isang babae na may pulang buhok ang nakatayo sa harapan ng isa naming kaklase.
"Pero nauna ako dito!" matapang na sagot ng lalaki.
"Wala akong pakialam! Umalis ka diyan kung ayaw mong sunugin kita ng apoy ko!"
Napahikab na naman ako.
Isang maliit na fireball ang lumabas sa kamay ng babae at parang anumang oras ay handa n'yang ibato iyon sa kaawa-awang lalaki.
Mukha namang natakot ang lalaki. Mabilis itong umalis sa kinauupuan at lumipat sa dulo kung saan nakaupo ang mga mortale na kagaya n'ya.
Aish. Meron talagang tao na wala pa din pakialam sa hierarchy na mayroon sa paaralan na ito. Tsk.
"Sorry I was late."
Nagsibalikan naman sa upuan ang ilang estudyante nang pumasok sa classroom ang aming instructor. May lalaki din s'yang kasama.
Gusto ko namang matawa sa hitsura ng kanyang kasama. Mukha s'yang hinimod ng baka. Ang kanyang buhok ay flat na flat na tila doon na naubos ang kanyang gel. May suot din itong salamin.
Another stupid nerd. Mukhang tatanga-tanga.
"Mayroong humabol para sa klaseng ito," nakangiting saad ng aming instructor. "Introduce yourself."
"Hello!" jolly na saad ng lalaki. "Ako nga pala si Zed Williams. Sana makasundo ko kayong lahat!"
Bigla namang nagtawanan ang mga naroon. Psh! What a great introduction to humiliate himself.
"Technically, bago lang din sa ating lugar si Zed. Mula s'ya sa Norte at kalilipat lang n'ya dito sa ating division."
North guy, huh? Ang wierd naman. Kung kailan ikalawang taon na ng kolehiyo ay saka may lumipat sa academy, at taga Norte pa?
Nagbulungan naman ang mga naroon. Inaasahan ko na magkakaroon ng katanungan lalo na kapag ang isang estudyante ay nagmula sa Norte.
"Maupo ka na Zed."
Pasimple kong sinundan ng tingin ang bago naming kaklase.
Naupo s'ya sa bakanteng upuan na nasa gilid ko. Technically, walang may gusto na umupo sa tabi ko dahil sa posisyon ko sa paaralang ito.
"Hi!" nakangiting bati n'ya sa akin na para kaming close sa isa't-isa.
"Ako nga pala si Zed, ikaw?" inilahad pa n'ya ang kanyang isang kamay.
Sinulyapan ko lang ang kanyang palad. There's no way na makikipag-shakehands ako sa katulad n'ya.
"Ah," tila nahalata naman n'ya. Binawi n'ya ang kanyang kamay. "Ngayon lang ako nakapasok sa school. Home schooled kasi ako mula elementary."
"I'm not asking."
Mukha naman s'yang napahiya.
Ibinaling ko na lang ulit ang aking paningin sa labas ng bintana nang magsimula na ang klase.
"For starters, lalo na sa mga kalilipat lang sa eskwelahang ito. What are the three basic types of magic?"
Seriously? Elementary pa lang ay pinag-aaralan na ang bagay na iyon.
"Me!" nagtaas ng kamay ang katabi ko.
"Zed."
I didn't bother to look at him, pero nanatiling aktibo ang aking tainga sa mga sinasabi ng mga nasa paligid ko.
"Productive, protective at destructive." sagot ng bago naming kaklase.
"Right," ani ng aming instructor saka nagpatuloy sa pagtuturo.
Isa ito sa pinakaayaw ko. Sa aming academy, nahahati ang populasyon sa dalawa. Ang mga gifted at mortals. Nabibilang ako sa una. May ilang subjects kung saan malaya naming nakakahalubilo ang mga mortals.
Ayon sa academy, kailangan na may kaalaman din ang mga tao sa mundo namin. Normal na nga yata ngayon na may mga mortal na nagta-trabaho para sa mga gifted.
Ang kalahating araw ay para sa mga subjects na kailangan pasukan ng mga mortal. Ang natitirang kalahati ay para sa mga gifted lang kung saan kami nagsasanay para mas palakasin ang aming mga kakayahan.
Sa kalagitnaan ng klase ay may mga bulung-bulungan na hindi nakaligtas sa aking pandinig.
"Taga North s'ya? Bakit parang dumadami na ang mga tao at gifted na lumilipat dito sa South?"
"Ano ka ba? Parte pa din naman ng Alegria ang North."
"Pero hindi ba't karamihan sa mga taga North Alegria ay mortale?"
"Nakakainis lang. Padami na ng padami ang mortale sa paaralang ito. Bakit hindi na lang nila tuluyang ibukod ang klase ng mga tao?"
Napailing ako. Doon sila nagkakamali.
Madaming usap-usapan tungkol sa mga taga Norte. Totoo naman na karamihan sa populasyon ng North Algeria ay mga mortale. Pero malaya din doon nakakatira at nakakadalaw ang mga gifted.
Napahikab ulit ako.
Mukhang kailangan kong mag-skip ng klase. Nakakaantok talaga ang diskusyon ngayon. Parang nilaan lamang talaga para sa bago naming kaklase.
Palihim na sinulyapan ko ang lalaking nagngangalang Zed. Mukha s'yang bata na amazed na amazed sa mga itinuturo ng aming instructor. Kung home schooled s'ya, talagang maninibago at hahanga s'ya sa kaalaman na itinuturo lang sa paaralan.
Pumikit na lang ako. Para tuloy mas gusto ko pa'ng makasama ngayon ang sira ulo kong kaibigan kaysa magtagal dito sa loob ng classroom at makinig sa walang kwentang klase.
           
             
               
               
                
                 
               
Dylan's POV
"SINASABI KO na nga ba at dito kita makikita."
Isang boses mula sa aking likuran ang aking narinig.
"Akala ko may klase ka?" tanong ko nang hindi man lang sinusulyapan ang kadarating lang.
"May klase ka din Dylan."
Napangiti na lang ako.
Ipinagpatuloy ko na lang ang pagmamasid sa kapaligiran at sa ilang estudyante na naglalakad.
"Alam mo, tigilan mo ang paggamit ng bilocation ability mo. Kapag nalaman iyan ng headmaster, malalagot ka." naupo ako sa sahig at sinulyapan si Xavier na bored na nakatingin din sa paligid.
"Wala naman makakaalam bukod sa'yo na narito ang isa kong katawan," naupo din s'ya sa tabi ko.
Kung may isang tao siguro na walang pakialam sa rules ng school, s'ya ang una kong maiisip.
"Last year ko pa ito ginagawa, may nakaalam ba?"
Ngumisi ako. "Isumbong kaya kita kay Calvin?"
Binigyan n'ya ako ng masamang tingin. Bigla din umigkas ang kanyang kamao patungo sa akin.
Mabilis naman ako umiwas sa paparating n'yang suntok. Sa isang kisap lang ay nakalayo na ako sa kanya.
Ninerbyos ako nang makita kong nabitak ang sahig sa lakas ng suntok n'ya. Kung hindi pala ako nakaiwas, siguradong sa infirmary ako pupulutin na may baling buto.
"Chill Xavier," iwinasiwas ko pa ang aking kamay. "Hindi ka na mabiro."
Inirapan lang naman n'ya ako saka pumikit. Sinasabi ko na nga ba, matutulog lang dito sa rooftop ang lokong ito.
Sa aming magkakaibigan, si Xavier ang may ganitong ugali. Madalas mainit ang ulo lalo na kapag may nangyari na hindi n'ya gusto o kaya naman kapag inaantok s'ya.
"Mabuti na lang at mabilis ako. Kung hindi, durog na naman ako sa'yo," sabi ko saka muling naupo, tatlong dipa ang layo mula sa kanya.
Mahirap na, baka bigla na lang n'ya ako paliparin. Napailing ako nang makita na mukhang malalim na ang kanyang tulog.
Sa lahat naman ng mabibiyayaan ng ganoong kakayahan, s'ya pa. Madalas n'yang abusuhin ang kanyang kakayahan. Madalas n'yang gamitin ang kanyang ability, ang kakayahan na mag-exist sa dalawang lugar nang sabay. Sana lang ay sa akin napunta ang ganoong ability.
Ang astig siguro na ang isa kong katawan ay nag-aaral habang ang isa naman ay nag-gagala lang.
Bigla namang nag-vibrate ang aking cellphone. Kumabog ang aking puso nang makita na may text mula sa aming Dean.
Lagot. Nalaman na ba nila ang kalokohan namin ni Xavier?
Binasa ko na lang ang mensahe. Kaagad kumunot ang noo ko pagkatapos. Binalingan ko si Xavier. Alam n'ya kaya ito?
Nahiga na lang ako sa sahig at pinagmasdan ang maaliwalas na kalangitan. Hindi ko alam kung ilang oras akong nasa ganoon lang na posisyon.
"Aalis na ako."
Napabalikwas ako nang magsalita si Xavier. Nakita kong tumayo na s'ya saka nag-inat.
"Mabuti at gising ka na. May itatanong sana ako sa'yo."
"Ano?"
Gusto kong lamutakin ang mukha n'ya na permanente na yatang naka-poker face. Kahit yata magunaw ang mundo ay hindi magbabago ang kanyang face expression.
"May nabanggit ba si Calvin na bagong estudyante?" tanong ko.
Si Calvin ang kasalukuyang King ng academy, kumbaga s'ya ang president ng student council.
"Wala naman," aniya.
Napaisip ako.
"Bakit mo naitanong?" tanong ni Xavier.
"May natanggap akong text mula kay Dean. May magiging roommate ako."
"Goodluck with that."
Gusto ko na s'yang ibato mula dito sa rooftop. Iyon lang ang isasagot n'ya?
"Kung may bago nga akong makakasama sa kwarto, siguradong isa din s'yang elite o royale."
Sa loob na din ng academy nakatira ang mga nag-aaral dito. Kaya ko nasabing royale o elite ang makakasama ko ay dahil nahahati din sa rankings ang mga dormitories dito.
"Mauna na ako. Magkita na lang tayo mamaya sa usual tambayan natin," walang pakialam na sabi ni Xavier saka naglahong parang bula.
Hindi man lang ba s'ya interesado sa bago naming makakasama sa dorm? Excited na akong malaman kung anong rank ng makakasama ko.
Isang taon na din kasi akong walang kasama sa kwarto dahil kakaunti lang ang populasyon ng mga nasa elite at royale rank.
Nagtungo na lang ako sa aking kwarto. Hindi ko akalain na lumipas ang buong maghapon na wala akong ginagawa. Nahahawa na yata ako kay Xavier.
"IKAW?!!" bulalas ko nang mabuksan ko ang pintuan ng aking kwarto.
S'ya ang magiging roommate ko? Shit na malagkit, ang gwapo ko 'tapos mukhang pinaglumaan ng panahon ang makakasama ko?
"Narito ka na pala Dylan," mula sa likod ng lalaking mukhang antique ay sumulpot si Dean.
Bahagya akong yumuko. "Maaga po'ng natapos ang aming training." 
Gusto kong ngumiwi sa sinabi ko. Mabuti na lang at walang ability si Dean na malaman kung nagsisinungaling ba o hindi ang kanyang kaharap.
"S'ya ang bago mong roommate. Ikaw na ang bahala sa kanya," nakangiting sabi ni Dean.
Isang pagak na tawa naman ang aking pinakawalan. "Opo Dean. Ako na ang bahala sa bago kong roommate."
"Kung ganoon, aalis na ako."
Nang mawala sa aking paningin si Dean, binalingan ko na ang lalaking makakasama ko sa aking kwarto.
Pinagmasdan ko s'ya mula ulo hanggang paa. Tipikal lang naman ang kanyang hitsura.
Nakakatawa nga lang ang kanyang hairstyle. Para kasing hinimod ng baka ang kanyang buhok. May suot din s'yang salamin. Ang tanging kakaiba lang sa kanya ay ang kanyang mata.
Itim na itim ang kanyang kanang mata samantalang gray naman ang kabila.
"K-kamusta?" aniya na kakamot-kamot pa ng ulo. "A-ako nga pala si Zed Williams."
"Bulag ba ang isa mong mata?" hindi ko napigilang itanong.
"H-ha?"
Aish. Hindi lang mukhang sinto-sinto ang isang ito, bingi pa.
"Tinutukoy ko ang mata mo," ulit ko.
Para namang tanga na tumawa s'ya.
"Ito ba," itinuro pa n'ya ang kaliwang mata. "Malabo ang kabila kong mata, minsan hindi din makakita."
Ah.
"Ano iyan?" itinuro ko naman ang maliit na hikaw sa kanyang kaliwang tainga. "Hindi ka ba na-brief ng Dean na bawal dito ang may piercing?"
"W-wala naman nabanggit si Dean."
Humalukipkip ako. "Bilang Knight ng Superno student council, pinapaalam ko na bawal magsuot ng hikaw."
Saan ka naman nakakita ng nerd na may hikaw? Kung hindi ba naman abnormal.
"P-pero suot ko na ito mula pagkabata." nauutal n'yang sagot.
"Babae ka ba?"
"H-ha?"
Wow. Wala akong sagot na makukuha sa lalaking ito. Bahala nga s'ya sa buhay nya. Si Calvin na lang ang bahala sa kanya.
"Sumunod ka sa akin. Ituturo ko ang magiging kama mo."
Binuksan ko ang isang pintuan. Naroon ang dalawang kama.
"Iyon ang gagamitin mo." turo ko sa kama na nasa tabi ng bintana.
Nakita ko naman na nilapag n'ya ang kanyang maliit na maleta at minasdan ang kama.
"Ang laki ng kamang nito!" bulalas n'ya na parang bata.
Napaismid naman ako. Bakit ba ganito s'ya kumilos? Parang ngayon lang nakakita ng malaking kama.
"So, Zed Williams," sumandal ako sa pader at tinitigan s'ya. "Ano'ng rank at ability mo?"
Mukha naman s'yang natigilan. Kapansin-pansin din na parang namutla s'ya.
"B-bakit mo naitanong?"
"Ang parte ng dorm na ito ay para lang sa elites at royales. Alin ka sa dalawa?"
Napakamot na naman s'ya. "Hindi pala nasabi sa'yo ni Dean."
Kumunot ang noo ko. "Ang alin?"
"Isa akong mortale." 
Ipagpapatuloy...
***