CARLOTTA POV-
.....
KAKANTA-kanta ako habang nagdidilig ng halaman sa labas. Natuyuan na `ata itong hardin nila. Ilang buwan na siguro silang walang katulong.
“♪♪Anong mas gusto mo, DOTA o ako? Ang tanong ko sa`yo... ano’ng mahalaga? Mahal mo ba akong talaga... Yeah! Yow!♪♪”
Kinakawag-kawag ko pa kamay ko. Feel ko mag-rap.
`Tapos ko doon ay nagwalis naman ako. Nag-trim ako ng mga halaman. Iyong isa, ginawa kong square, iyong isa gusto ko sanang gawing heart pero naisip ko, hindi naman ako in love para mag-trim ng gano’n.
So `pag inl ove lang pwede?
Ay ewan! Nakita ko iyong maliit na halaman. Biglang pumasok sa utak ko ang mukha ni Radier. Mahuhulma ko kaya mukha ng kumag na `yon dito?
Naku, napakahirap. Kaya iyong mga malalaking bato sa garden na lang ang ginawan ko ng drawing. Gumawa ako ng mukha ni Sponge Bob `tapos kay Patrick.
Kaya lang naisip ko bat hindi ko i-drawing ang mga mukha ng tatlo kong amo? Napangisi ako. Gagawin kong panget `yong kay Radier.
So `ayun nga, mula sa buhok hanggang sa ilong at sa mata saka sa labi `tapos siyempre, tinamad na ako kaya ginawa kong stick ang mga katawan nila.
`Tapos inilagay ko sa garden ang iba at nilagay ko sa sala ang iba at naisip ko rin ilagay sa mga kwarto nila iyong mga mukha nila. Nai-imagine ko na mga mukha nila ngayon sa oras na makita nila `to. Pagkatapos ko sa mga gawain dederetso na ako ang request board ng mga gago.
Tiningnan ko `yong request board ni Redwell.
Clean my room...
I want etcetera etcetera...
Sinunod ko kay Ried.
Clean my closet.
Wash my clothes
Handwash my underwear
10 more request below... 20 lahat request ni Ried!
Kaya ayaw na ayaw kong binabasa ang mga request niya, e. Feeling ko mahihimatay ako tuwing babasahin ko `yong sa kanya. Kung pwede lang i-skip!
`Tapos kay Radier naman.
Wait for me after 6 in my room.
Napataas ang mga kilay ko. Walang ibang request? Hihintayin ko lang siya mamaya? `Yon lang?
Hindi naman siguro mangungutang `tong kulangot na `to, `no? Aba! `Di kami close, bawal utang!
Mag-uumpisa na dapat ako nang biglang may mag-doorbell. Kaya agad agad akong nagtungo sa gate. Sinilip ko muna sa siwang ng gate pero isang kulay itim na kotse ang nakita ko. At halos mapatalon ako nang biglang bumusina nang malakas.
WTF! Hindi naman sa tatlong kumag ang kotseng `to, ah. Kung makabusina, akala mo kung sino. Kaya binuksan ko. Agad-agad pumasok sa garahe ang kotse na `yon at agad na lumabas sa frontseat ang nagdi-drive niyon.
Natulala ako sa nakitang bumaba. Pakiramdam ko napigtas ang garter ng panty ko. Hindi naman ako namamalik-mata na nakita ko ang ka-look-alike ni Jason Statham. Oh, shit! `Yong crush ko!
Agad akong lumapit sa kotse, kuntudo ngisi. Binuksan ni a.k. A Jason S. ang backseat at iniluwa roon ang isang may-edad na babae. Hula ko, nasa 40’s lang siya. Hindi pa naman siya masyadong matanda.
Nagtaas siya ng kilay nang mapansin ako.
“Are you the new maid?” tanong ng babae na sobrang makapal ang red lipstick.
“Ah, o-opo.” Tumango ako.
Shit, kilay pa lang ala-Mayon Volcano na. Natural na mukha niya yata `yan pero mukhang mataray na. Ano pa kaya `pag nagtaray na?
“Nasaan ang mga boys?” tanong ni Kuya aka Jason S.
Ngumiti pa siya. Shit! Keep holding on, panty, `wag kang malalaglag!
“N-Nasa school pa po, Sir, mamaya pa po ang uwi,” sagot ko.
Andito naman po ako, yohoo! Ito ako, o!
“Hmm, mukhang hihintayin pa natin iyong anak mo, Bernard,” sabi ng babae at binalingan si Kuyang gwapo. Anak niya iyong tatlong kumag, pero anak ‘mo; lang, `di ba, hindi naman ‘mga anak’?
Bernard? Wow! `Yon pala name niya.
Hmm... Masubukan ngang i-Flames mamaya. Malay mo, marriage pala resulta, `di ba?
“Ah, magmeryenda po tayo sa loob habang hinihintay n’yo sila,” sabi ko at inilahad ang looban.
Tumango lang ang babae. Asawa niya kaya `yan?
Aray naman. Pinagtataksilan niya ako, nag-uumpisa pa nga lang ako. Sinasaktan niya na ang damdamin ko.
Sumunod ako sa kanila. Pero nakatingin ako sa malapad na likod ni Kuya Bernard. Shiteng! Panty, kumapit ka! `Wag kang bibigay. `Wag kang mag-alala, bukas na bukas din, ibibili kita ng bagong garter.
Tinanong ko sila kung ano ang gusto nila. Pero taray si Ateng. Tea raw sa kanya. Si kuya, pure coffee raw. Shit, gusto niya talaga `yong matapang na kape, `yong kaya siyang ipaglaban.
Nang i-serve ko ang mga gusto nila ay napansin kong hawak ng babaeng mukhang mataray ang bato na nakalagay sa center table ng sala.
Patay! Mga mukha ni Radier pa naman `yong ginuhit ko ro’n.
Si Kuya wafo, nando’n sa may pool at nakaupo sa lounge. Napalunok ako nang ibalik ko ang mata kay Madam Kilay—este ‘Ma’am’ pala.
“Ngayon ko lang `to nakita. Saan ito nabili ng mga apo ko?” tanong niya.
Apo? Napataas kilay ko. So, lola nila `to? Weh, `di nga?
Napakamot ako sa batok at ngumisi.
“A-Ako po gumawa niyan.”
Nakita ko na nagulat siya. Shit! Siguradong pagagalitan ako niyan kasi pinaglaruan ko mga panget na mukha ng apo niya. Sana `di na lang ako umamin.
“Isa kang lapastangan! Hindi laruan ang mga mukha ng mga apo ko!” sigaw ni Ma’am.
Napaiyak ako at napaluhod. `Wag ka nang umepal, para feel kaya may paluhod-luhod epek.
“Patawarin n’yo po ako, Señora! Pero wala po `yan!”
Nagtataas-baba ang dibdib ni Señora sa galit.
“Akala mo lang wala! Wala! Pero meron! Meron!” na may kasamang panlalaki ng mga butas ng ilong.
Napakagat-labi ako. Kainis, palagi na lang ba akong mananalangin sa bahay na `to? Ano na naman uunahin ko? Ama namin? O Ave Maria?
Kabago-bago ko pa lang, maaalis na naman `ata ako sa trabaho. Isinusumpa ko kayong mga bato kayo! Siguro kumaway-kaway kayo kaya napansin kayo ni Ma’am, mga pahamak kayo!
“Ang ganda. Marunong ka palang gumuhit?”
Nagulat ako sa sinabi ni Ma’am.
Tama ba `yong narinig ko? Pinuri niya ako?
Sinundot ko tenga ko, baka may tutuli lang. Baka nagkamali ako ng pandinig, e.
“P-Po?” ani ko.
Nilingon niya ako at ngumiti, hawak pa rin ang bato.
“Matagal ko nang gustong magkaroon ng self portrait, kaya lang wala akong time na bisitahin ang kaibigan kong pintor. Can you be my artist?” Ngumiti siya sa `kin.
Ewan, pero biglang naging anghel ang mukha ni Ma’am sa paningin ko. Akala ko talaga mataray siya.
Don’t judge the book by its cover nga, e.
“Ayos lang ba?” aniya.
Agad akong tumango. “O-Opo! Sure po, anytime.”
“Good. Next month, pupunta tayo ng Palawan. Gusto kong doon mo gagawin ang first portrait ko.” Kumindat pa siya.
Nakangisi na tumango ako. Wow! Isasama nila akong Palawan? Makakapunta ako doon?
“CAN I have my own condo now?” boses ni Radier `yon.
Gabi na. Kakatapos lang nilang kumain at nandito ako sa kusina habang ginagawa ang paghuhugas ng mga ginamit na utensils. Haler! Dinig na dinig ko ang mga boses nila sa sala.
“Not yet,” sagot ni Sir Bernard.
“Oh, well. I’m sure hindi rin papayag si Dad,” si Redwell at bagot na bagot na nakahilata sa sala.
Busy sa laptop si Ma’am Olga. Olga name niya. Nakakabagets kahit lola na.
“Yeah, of course.” Ngumisi si Ried na hawak ang phone.
Pareho silang nakatambay sa sala ngayon at parang magbabarkada na nagba-bonding.
“Sa inyong magpipinsan, kayong tatlo ang mga pariwara kaya magtiis kayo.” Ngumuso si Sir Bernard.
Shit, ang cute! Shit, ang landi ko!
Maghugas ka na ng pinggan, gaga! Tsismosa ka masyado.
Tumawa si Redwell. “Ouch!”
“Tsk, damn.” Umingos si Ried.
“One curse, another extension.” Biglang nagsalita si Maam Olga habang nakatuon ang mata sa laptop.
Akala mo talaga walang pakialam sa usapan, e.
“Oops!” Itinaas ni Ried ang dalawang kamay.
Nakayukyok lang si Radier at halatang nabo-bore na sa mga pinag-uusapan nila.
Nakipagtalo pa about sa bakasyon ang dalawa hanggang sa pinal na nagdesisyon si Ma’am Olga na obligahin ang tatlo na sumama.
“Tito, may date ako,” ungot ni Redwell.
“Kailan ba wala?” ani Sir Bernard.
“Push the shit, dude!” Pinagtawanan siya ni Ried.
“Ried, you are extended,” sabi ni Ma’am Olga.
Kumunot ang noo ni Ried. At napa-’what’ sa hangin.
“One curse equals extension, sige, magmura ka pa.” Ngumisi si Ma’am Olga.
“Shit...” bulong ni Ried.
“I heard that,” ani Ma’am Olga.