P.O.V. of HEROS
"Hindi ko alam kung saan mag-uumpisa." mahinang saad ng babae sa harapan ko.
"Sa Beginning." ani ko naman kaya napaangat ang tingin niya. Nanatili ang seryoso kong itsura.
"Gusto kita Heros." saad niya kaya napaangat ang isang kilay ko.
"And then?"
"Ha?"
"Anong gagawin ko kung gusto mo ako?" tanong ko sa kaniya.
"W-wala, u-umamin lang talaga ako." saad niya habang nakayuko na. Halata sa kaniya ang nahihiya. Hindi na bago sa akin.
"Okay." wika ko at naglakad na paalis. Nilagpasan ko siya at habang naglalakad ako papaalis ay narinig ko ang yapak niya na parang humahabol sa akin kaya napahinto ako sa paglalakad at nilingon siya. Huminto rin siya at napa-buntong hininga.
"I'm Devina Jhie Reyes. I'm 19 and BSBA major in Finance ang course ko. Mahilig akong sumayaw at kumanta. Mas mahilig akong mag-bake at kumain. Maganda ang buhay ko dahil sa mga magulang ko. Hindi kami mayaman pero hindi rin naman kami mahirap, sakto lang para makakain ako ng tatlong beses sa isang araw." saad niya kaya napakunot ang noo ko.
"Why--"
Sasabihin ko sanang 'Why is she introducing herself in front of me?'
"May mga kapatid rin ako, ako ang bunso pero ako pinaka-maasahan sa gawaing bahay simula bata pa lang ako. Gusto kita since Elementary pa lang, mukhang hindi mo na naalala kaya naman ipapaalala ko sa'yo. Tinulungan mo ako nung napahiya ako noon sa story telling. Tinulungan mo rin ako for the second time at doon na kita nagustuhan. Actually, wala akong lakas ng loob na umamin dahil natatakot ako sa sasabihin mo. Pero naipon ang lakas ng loob ko kaya naman nandito ako sa harapan mo. Sana bigyan mo ako ng tsansa na ipakita sa'yo na pure talaga ang nararamdaman ko. Alam kong maraming babae na ang umaamin at gusto kang maging boyfriend pero huwag kang mag-alala, hindi kita gustong maging boyfriend."
"What?"
"Anong what?"
"Gusto mo ako pero hindi mo ako gustong maging boyfriend?" tanong ko.
She's weird. She's stupid and crazy. Ano bang pake ko sa buhay niya? Bakit siya nagkukuwento ng talambuhay niya?
"I mean, ayaw kitang pilitin na maging boyfriend ka. Hindi ako ganong tao na namimilit ng isang bagay sa isang tao na ayaw niya. Dahil ayaw ko rin naman ang pinipilit. Kaya ang hinihiling ko lang sa'yo ngayon na hayaan mo akong ipakita ang totoong nararamdaman ko." saad niya kaya napahawak ako sa bridge ng ilong ko.
"Look, I have no time for this. You are just wasting my time. Alam mo bang dapat nandoon na ako sa pupuntahan ko kung hindi mo kinuwento ang talambuhay mo? And you are getting on my nerves. Kahit naman hindi ka umamin, ay alam ko naman ang nararamdaman mo. It's obvious, akala mo ba hindi ko napapansin o nahahalata ang pagsunod o pagtingin mo sa akin sa tuwing dadaan ako?"
"Wow! You're very observant kung ganon." ngiting saad niya at parang namamangha pa. Mas lalong napakunot ang noo ko dahil sa sinabi niya.
Napapikit ako dahil sa inis.
"Do you understand what my point? Sarilihin mo na lang yung nararamdaman mo at huwag mo nang ipahalata sa akin. Okay ba yun? Get lost. Ayaw kong makita ang pagmukukha mo, ayaw ko ring maamoy o marinig ka man lang. Okay ba yun?"
Nanatili lang siyang nakatingin sa akin.
"What? Magsalita ka."
Kumunot naman ang noo niya.
"Sabi mo ayaw mo akong marinig. Ito na nga aalis na para hindi mo na ako makita at maamoy." saad niya at tumalikod na.
"You're unbelievable!" galit na sigaw ko at naglakad ng mabilis papunta sa pupuntahan ko.
Pagkadating ko sa tambayan namin ay napatingin ako sa dalawa kong kaibigan na nag-aasaran.
"Heros! May bagong babae si Jaz!" natatawang saad ni Lenor.
"Hindi na bago sa pandinig." saad ko nang makaupo ako.
"This time? Totoo na. I like her for 1 year." nakangising saad niya.
Napailing ako at uminom ng tubig na nasa lamesa.
"Hindi niya sinasabi pre oh, 1 year na pala eh." saad ni Lenor.
"Congrats nahanap mo na yung babae na para sa'yo." saad ko matapos makainom ng tubig.
"Thanks, liligawan ko siya. Pero hindi pa ngayon. Focus dapat tayo sa tournament." ngiting saad niya. "Atsaka, nahanap ko na rin siya sa wakas."
Nagkatinginan naman kami ni Lenor at parehong napailing.
Kinabukasan ay napakunot ang noo ko nang may humarang sa akin na tao na nakapurong itim na balot sa katawan. May tela rin na nakarang sa mukha niya.
"Hey! nakakakita ka pa ba?" naka-kunot noong tanong ko doon sa nakaharang.
Napatingin ako sa papel na binigay niya sa akin.
"Ako si Devina, yung kahapon. Ayaw mo makita ang pagmumukha ko at ayaw mo rin akong maamoy. Hindi ako sure doon sa ayaw mo akong maamoy, yung natural scent ba o yung pabango na gamit ko? Sinulat ko to kanina. Sulat kasi ayaw mo akong marinig." basa ko doon sa nakasulat sa papel. "What?!"
Napatingin ako sa tina-type niya sa cellphone niya. Maya-maya rin ay pinakita niya sa akin at binasa ko naman ang nakasulat doon.
'Matagal na kitang ginusto at tinanaw mula malayo, hindi ako susuko this time.'
"Excuse me!" inis na saad ko at tinabig siya. Napaurong naman siya kaya naglakad na ako ng mabilis.
"Hoy!" sigaw niya. Napahinto ako nang makita kong nasa harapan ko na siya habang naka-spread ang mga kamay niya para harangan ako at hindi makadaan.
Tinanggal niya ang tabing sa ulo at mukha niya.
"Pinapahiya mo ako, alam mo ba 'yun?" tanong ko at napatingin naman siya sa paligid. Nginitian niya lang iyon at humarap ulit sa akin.
"Bakit ba, reject ka dyan ng reject? Bakit ba hindi mo muna subukan?" inis na tanong niya.
"Wala nga akong time, okay? Hindi ka ba makaintindi?" inis na saad ko.
"Hindi ako makaintindi kaya date me for 1 month."
"What? Hibang ka ba?" hindi makapaniwalang tanong ko sa kaniya.
"Hibang sa'yo." saad niya. Kakalabas lang ba niya sa Mental Hospital? Ibabalik ko siya kung ganon.
"Look! Wala akong time para makipagbiruan sa'yo. Maghanap ka na lang ng ibang idi-date mo." saad ko at paalis na sana ulit nang hawakan niya ako sa magkabilang braso ko kaya napahinto ako. Tinanggal ko naman ang kamay niya mula sa pagkakahawak niya sa akin.
"I-date mo ako sa buong buwan na 'to. August 10 ngayon, so date me until August 31. Kapag wala ka pa ring feelings sa akin hanggang sa araw na yun ay ititigil ko ang pangungulit ko." pangungumbinse niya.
"Akala ko ba hindi mo ako pipilitin sa ayaw ko? Bakit ngayon namimilit ka? Kasasabi mo lang na hahayaan lang kita na ipakita ang feelings mo, tapos ngayon--"
"Nagbago na ang isip ko. Lahat pala ng gusto ko, pinaghihirapan kong makuha. Wala akong pake kung mapahiya ako o magmukha akong timang sa sinasabi at pinapakita ko." proud niyang saad.
Napatampal naman ako sa noo ko dahil sa mga narinig ko mula sa babaeng ito.
"May gagawin ako ngayon, next time na tayo mag-usap." saad ko at tumakbo paalis.
"May next time pa?!" rinig kong saad bago ako makalayo. Napailing na lang ako at napatingin sa relo at nakitang malapit na mag-umpisa ang live.
Nag-iinit ang ulo ko kapag kausap siya. Kapag nararamdaman ko ang presensya niya nasisira na ang araw ko.
"Hoy! Bakit late ka?" tanong ni Lenor pagkapasok ko.
"May nakasalubong lang ako na babaeng kalalabas lang ng Hospital." saad ko nang makaupo ako sa sofa. Napakunot lang ang noo ni Lenor pero hindi na nagtanong.
Nag-uumpisa na kanina ang live bago ako dumating pero buti na lang interview pa lang at hindi pa yung mismong game.
"Hoy nakahabol ka naman ah, bakit nakakunot pa rin ang noo mo." wika ni Lenor na tumabi sa akin.
"Wala." saad ko habang ang mata ko ay tutok sa T.V.
"Si Hayme at si Xyrus nasaan?" tanong ko.
"Si Jaz ba hindi mo hahanapin?" tanong naman niya kaya napakunot ang noo ko.
"Alam kong nasa kusina siya, kaya yung dalawa lang yung hinahanap ko." saad ko. Natawa naman siya.
"Papunta na. Traffic kasi." saad niya.
Mainit na nga ang ulo ko, dinadagdagan pa nitong katabi ko.
Ano daw? Date with her until the end of this month? Sa tingin ba niya papayag ako?
Kulitin niya lang ako nang kulitin, hindi ko siya aatrasan. Baka makalimutan kong babae siya, tss.