"Ganda naman ng pagkakagawa mo sa doorknob sa auditorium ha! Kahapon mo ba ginawa?" pagpuna ni Gio. Pinagsingkitan ko naman siya ng mata.
"Malamang, Miracle." Tumawa naman si Yana pagkasabi niya non.
"Tigil tigilan niyo ako Giovanna at Juliana ha. Hindi maganda gising ko." inirapan lang ako ng mga bruha at kumain na. Kakatapos lang ng klase namin sa history, nandito kami sa cafeteria at kumakain na. Wala daw kasi ang susunod na prof kaya dito na kami dumiretso. Hindi din ako nagalmusal kaya gutom na gutom ako pagdating ko ng school.
"Ano kukunin mo sa college, Margarita?" Yana asked out of the blue.
"Puso mo."
"Luhh ship ship!! #Maryana #Yanaroth #Ya----"
"Tigilan mo ako, Gio, parang ewan." natatawang sabi ni Yana. "Serious kasi ako."
"Paanong serious? Pakita nga!" at nagsimula na silang magbangayan sa harap ko.
"Psychology or Pol Scie, yun option ko." pagsingit ko. Natigil din sila sa wakas at kumain na uli ng maayos.
"Hala weh? Ako magtourism or accountancy. Ikaw ba Yana?" si Gio habang nilalantakan ang pizza.
"Undecided pa ako mga mare." she answered. Nagkibit balikat na lang kami at kumain na ng tahimik. Ngunit hindi pala kami patatahimikin ng isang 'to.
"Hi, Juliana!"
"Hello, Giovanna!"
Napairap na lang ako ng magdatingan ang mga ulupong, kasama ang leader nilang si Donatellio at umupo siya sa harap ko. Ang dalawa naman na kasama niya at tumabi kina Juliana at Giovanna. Nakita ko nanaman ang pilat nitong kilay, black piercing at ang silver ring nya sa kamay. "Josephina, Where's Bogart? You ignored me after making me buy milk 2 days ago."
Parang tanga. Bumili pa talaga ng cow milk. Natawa naman sina Juliana at pinagtaasan ako ng kilay. "Kalokohan lang yun."bulong ko sa dalawa. Naghagikgikan naman si Yana. Sinapok siya ni Gio.
Binalingan ko naman ang lalaki. "Nasa bahay. Iuwi mo na lang yan." tipid kong sabi. Wala akong balak makipagbiruan sakaniya ngayong araw. Hindi maganda ang gising ko at wala ako sa mood makipagbardagulan dito.
Sinulyapan ko ulit ang dalawa at nakikipagharutan na sa kasama ni Amir.
Jusme. Mga malalantod na bruha. Tatayo na sana ako ng islide ni Amir ang gatas papunta saakin. Pinagtaasan ko naman siya ng kilay. "Iuwi mo na. Ikaw na magdala babe." sambit niya at ngumisi. Parang may kung ano sakin na pumihit at nainis sa sinabi niya.
"Babe ampota." bulong ni Gio.
"Feeling gwapo." bulong ko pabalik.
"Gwapo naman ah," si Yana na kinikilig pa kay Daemi.
"Gago," pagtatama ko.
"Margo, Kayo ba?" tanong sakin ni Gio.
"Eme lang yan, o baka walang label. Uso yon diba. Tas masasaktan sa huli si Margo hehehe." Si Yana naman ang sumagot.
"I can hear you girls. Anyway, Dwayne, Daemi, pakikuha na nga," Tumayo ang dalawang lalaki at umalis. Nakatingin lang ako sa mokong na ito na hindi matanggal ang ngisi sa mukha. Juliana and Gio giggled and I don't have any idea why. Then I saw the two boys holding 4 trays with a bunch of food.
"Hoy gagi, sarap naman maging kaibigan ang isang Amir." bulong ni Yana. Tumango naman ang isang bruha.
"Gwapo pa." pagsangayon ni Gio. Parang kanina ayaw sakaniya ah? Plastic mga bruhang to. Basta pagkain sasantuhin pa nila itong si Donatellio!
"Gago, hindi gwapo." pagtama kong muli. Ngunit sa kaloob looban ko ay gusto ko ng magalboroto sa inis. Ano ba ang ginagawa ng lalaking 'to?
Nilapag nila ang pagkain sa table at umupo sa tabi nila Gio. "I ordered those food. Eat up." Kumuha sina Gio habang nakikipagharutan kina Dwayne at Daemi. Nakatunganga lang ako pabalik balik sa pagkain sa harap ko at sa ibang mundo nila Yana doon.
What is he doing?! Akala ba niya close na kami ngayon at pwede na kaming bigyan ng kung ano ano? Sige naman ang dalawa sa pagkain!
"Ang pagkain kinakain, hindi tinititigan. Ako na lang tingnan mo habang kumakain." mayabang na sabi niya.
"Bakit mo ginagawa 'to?" I asked dismissively.
"Oh, peace offering. Cease fire na. Sorry for turning off the tv the other day." pagpapaumanhin niya bago natawa sa sariling sinabi, inambaan ko naman ito ng suntok.
"Nagsosorry ka ba o nangaasar?" hinawakan niya ang kamao ko at ibinaba ito sa mesa. Agad ko naman itong binawi. Sino ba ito at pati paghawak parang normal lang sakaniya?! Mas lalo akong naiinis sa ginagawa niya. Nakakairita siya!
"Easy, babe." Kumibot ang labi ko lalo na ng kinuha niya ang kutsara at nilagay sa kamay ko. Napakurap ako ng ilang beses bago tingnan siya ng masama. "Kain na, wag ka papagutom, tirhan mo din si Bogart ha?"
That's it, I'm done. Tumayo ako at malamig siyang tiningnan. "Tigil tigilan mo ako, Donatellio. Stop flirting with me." dahil hindi ako natutuwa ngayon sa inaasta mo. Nakakairita. "Gio, Yana dalian niyo. Magsstart na klase." naglakad na ako palayo. Sumunod naman ang dalawa na tumatawa at humahagikgik pa at dala dala pa ang mga pagkain galing sa tray! Jusmeyo!
Napatigil ako ng magsalita ang epal. His lips curved into a smirk. "Who said I'm flirting with you? I have class," pangaalaska niya. Tiningnan niya ako mula ulo hanggang paa bago mas ngumisi ng malapad. "And may I just remind you, you started this game, Josephina. Baka ikaw ang nanlalandi saakin?" Napaawang ang labi ko sa sinabi niya. Sa sobrang kapal ng mukha niya ngayon gusto ko itong ingudngod sa pader.
"Sila ba yung magjowang nagsisigawan sa auditorium nung isang araw?"
"Oo, may anak na nga eh."
"Si doorknob wrecker at ang captain ng tennis?? Omg."
"Bogart pa pangalan ng anak nila."
"Hindi ba pangalan ng aso yun?"
"Basta anak daw nila yun. Bumili pa nga ng gatas si Kap Amir."
Malakas na natawa sina Juliana at Giovanna. "Punyeta, 'di na ako makatiis. Ano ba kasing kalokohan ginawa mo, Margarita?" natatawang sabi ni Gio. Ang ilan sa mga estudyante ay nagtinginan na din sa gawi ko. May ilan na naiirita, may ilan na natatawa at ilan ay nakikiusyoso lang.
"Parang ewan, Bogart panga HAHAHAHAHAHAHHAHAHAAH." si Yana.
Iiling iling na lang akong sinulyapan si Donatellio. Muntik ko ng makalimutan. "I won't even flirt with a playboy like you!" I remarked before marching out the cafeteria. Sumunod naman sina Gio saakin palabas, tumatawa pa din ang mga bruha!
Ngunit bago kami makalabas ay narinig ko pa ang ilang bulong bulungan ng mga estudyante. Napailing na laman ako dahil lahat na lang binibigyan nila ng meaning.
"Hala nagaaway nanaman sila."
"Baka hindi naman sila mare."
"Edi ano? Flings?"
"Hindi nga daw!"
"Baka schoolmate?"
"Baka magkamaganak pala sila?"
Bumuntong hininga ako at umalis na sa lugar na iyon kasama sina Yana. Mas gugustuhin ko pa na maging kaaway yon kesa maging jowa ko no!
___
TW: Sexual Violence
"See you later ha! 8pm sharp!" tumango lang kami ni Gio. Kanina pa kami nireremind ni Yana sa invitation niya. Birthday niya kasi ngayong araw. Nagsalute kami kay Yana at sabay kaming naglakad papuntang waiting shed. Hindi nagtagal ay dumating din ang sundo ng dalawa at agad din nagpaalam saakin. Alas singko palang ng hapon. Marami pa akong oras magpeprepare mamaya. Malapit din naman kasi dito ang bahay nila Gio at Yana. Tumawag si Gio at sinali niya si Yana. Nasa magkahiwalay na kotse ang dalawa. Hindi pa nakakauwi.
"See you later 8pm!!" pagulit ni Yana.
Natawa na lang kami ni Gio. Napakakulit. Mukhang naghanda talaga si Juliana dahil gustong gusto niya kaming imbitahan. Nagsimula na akong maglakad ngunit biglang kumabog ang puso ko ng may humila saakin at turukan ako ng matulis na bagay saaking likod. Diniinan niya iyon at nararamdaman kona ang konting hapdi dahil doon. Hawak niya ang bibig ko at hindi ako makagalaw ng maayos. Para bang nakakandado ang katawan ko ngayon sa malaki nitong bisig.
"Sumama ka sakin ng maayos, kung ayaw mo matagpuan dito na nakahandusay." malalim na boses nitong sabi. Nakakatakot. Hindi ako makagalaw at nagsimulang manginig ang katawan ko. Binaba ko ang volume ng phone ko at nanginginig na kinagat ang labi. Shit. Shit. Shit. Anong gagawin ko? Wala sa bulsa ko iyong pepper spray. Nasa bag ko iyon at hindi ko alam paano ko makukuha. Wala akong dahas man lang para maprotektahan ang sarili ko.
"Wala ho kayong makukuhang pera saakin. Ano po ang kailangan niyo sakin?" kalmado kong sabi ngunit ang tuhod ko ay nanlalambot na sa takot. Ngunit hindi siya sumagot at tinulak niya ako kaya napilitan akong maglakad. Hindi ko na alam anong iisipin ko. Alam ko naman kahit papaano kung paano makatakas sa ganito ngunit nablangko ang isip ko.
Patalim.
May patalim siya.
Hindi ko siya kakayanin.
Parang nasarado ang utak ko at tanging ang takot ko na lamang sa patalim na hawak niya sa likod ko ang iniisip ko. Marami pa akong gustong gawin sa buhay ko, ngayon na ba ang oras ko? Hindi man lang ako ininform.
Tumigil kami sa isang kanto ilang dipa lang ang layo sa street namin. Walang masyadong tao ang dumadaan dito dahil may malaking lumang bahay at dating junkshop na hindi na nabubuksan. May abandonado din na convenience store. Halos abandonado ang street na ito dahil ang ilan dito ay natupok na ng sunog noong magkasunog. Minsan lang ako dumaan dito dahil doon ako sa isang daan dumadaan. Huminga ako ng malalim at magsasalita na sana ngunit kay bilis ng nangyari. Nabitawan ko ang phone ko kasabay ng paghandusay ko sa sahig. Hinawakan ko ang aking likod at puno na ng dugo ang uniform ko. Hindi ako makagalaw. Namanhid ang katawan ko. Tumusok ang isang patalim saakin at agad niya din itong hinugot saakin.
"Margo! Anong nangyayari???"
Lumapit saakin ang hindi ko makilalang lalaki. Hinarap niya ako sa kaniya. Pumatong siya saakin at mas lalong sumakit ang katawan ko sa ginawa niya. Malaki ang katawan niya, siguro college student na siya ayon sa kaniyang katawan. Hindi siya nakauniform pero kakatwang maayos ang pananamit nito at hindi mo masasabi na wala siyang pera o nakakain. Pinunit niya ang damit ko. Nung una hindi ako makagalaw sa sakit ng likod ko. Pinunit niya pa ang uniform ko. Doon ko na siya pinigilan dahil pati ang bra ko ay kita na. Ang patalim ay nasa bandang paa ko at hindi ko ito maabot. Bakit niya ba ginagawa 'to?
Nagsimula nang tumulo ang mga luha ko. Tinutulak ko siya ngunit hindi man lang siya matinag. Maging ang palda ko ay sira na dahil sa pagkakapunit niya dito. Mas lalo akong naluha nang ipasok niya ang mga kamay niya sa punit punit kong uniform. "Pwede ba tumahimik ka!" sigaw niya saakin. Kinuha niya ang patalim at akma na sana niya itong itutusok saakin nang lumipad ang patalim ilang dipa ang layo saakin. Maging ang lalaki ay hindi alam bakit iyon nangyari. Napatingin siya sa harap at nanigas ang katawan ko nang may marinig akong boses.
"Bitawan mo siya." parang may kung ano sa puso ko na nabuhayan ng pagasa.
"Margarita? Hoy papunta na kami dyan!!!"
"Punyemas, pakidalian naman! May nangyari na sa kaibigan ko oh!!!"
Hindi kona maabot ang phone ko, at alam kong may idea na sina Gio sa nangyayari. Nanlalabo na ang mata ko ngunit nakita ko ang isang lalaki na sinusuntok ang lalaking umatake saakin. Hindi ako makapagsalita. Tahimik lang akong humahagulgol habang tinatakpan ang aking katawan.
If this is the end, bakit may nagtatanggol sakin? Who is that man, trying to save me from an unknown guy who attacked me all of a sudden?
May suot itong krus na necklace...krus? San ko nga ba nakita yon?
Nakafacemask ito at mata lang niya ang kita ko ngayon.
He has those almond brown eyes...
"I said let go of her, didn't you hear me?"
Nanindig ang balahibo ko ng marinig ko ang boses na iyon. Boses na handang makipagbakbakan, makamit lang ang gusto niya. Maligtas...lang ako. Pati ako ay natakot sa boses niyang iyon.
"S-Sino ka? anong ginagawa mo d-dito?!" tanong ng taong sumaksak saakin. May bahid na ng takot ang boses niya. Ngunit hindi niya iyon pinapahalata.
"You'll know me soon.." tumingin ang lalaking may krus ang necklace saakin. "And remember this. Kill me...before killing her," he said in a scary voice and pointed his finger at me.
Tinanggal niya ang face mask na suot niya, at parang nabuhusan ng malamig na tubig ang taong sumaksak saakin at nabitawan ang pinulot niyang kutsilyo. Hindi ko siya ganoong maaninag. Nanlalabo na ang paningin ko. Hindi ko na sila makita ng maayos. Ang alam ko lang, malapit na akong bumigay. Bago pa ako mawalan ng malay, ngumiti ako at pilit inaabot ang lalaking iyon sa kamay ko.
"Whoever y-you are..t-thank you.." huli kong sabi at dumilim na ang paningin ko.
___
Nagising ako sa isang puting kwarto. Medyo minimalist pa ang design at hindi ko mawari kung kaninong kwarto ako naririto ngayon. Nang makarinig ako ng yabag ay siyang pagbukas ng pintuan at niluwa no'n sina Yana at Gio na may dala dalang mga pagkain. Naka uniporme pa sila at mukhang galing lang ng school.
School...
Hindi ako nakapasok!
Inalala ko ang nangyari at bigla na lamang sumakit ang ulo ko. May muntik mangholdap---hindi, hindi yon holdap, tapos may dumating na lalaki...parang pamilyar siya, hindi ko lang matandaan saan ko siya nakita. At niligtas niya ako bago ako mawalan ng malay. Nasaan na siya ngayon?
Gusto kong magpasalamat, kung hindi dahil sakaniya ay baka hindi na ako maabutan nila Gio ngayon. At tatanawin ko siya buong buhay ko sa pagsagip niya saakin.
"Margo...yung note." napatingin ako kay Gio na nakatingin ngayon sa isang basket na puno ng prutas at meron pang banana cake na gustong gusto kong kainin. Ngunit ang nakakapagtakang may note doon at nakasulat nanaman ang mga katagang 'Take Care, Margo.'
Hindi kaya...yung lalaking nagligtas saakin ang nagbibigay saakin ng mga pagkain?!