"Parker, tubig" alok ni Leigh at binuksan pa ang bote ng tubig para ibigay kay Parker. Lumapit naman si Parker at kinuha ang bote ng tubig saka tinungga agad ng inom iyon.
Napalunok ng laway niya si Leigh habang tinitingnan ang adams apple ni Parker na taas baba.
Nang matapos si Parker uminom ng tubig ay ibinalik nito iyon kay Leigh na wala ng laman. Pagkatapos ay inilagay ni Leigh iyon sa plastic na lalagyan niya ng mga basura niya. May kinuha ulit si Leigh sa bag niya saka lumapit kay Parker. Walang pasabi nitong pinunasan ng bimpo ang mukha ni Parker.
Natigilan si Parker at hindi agad na nakakilos. Nagulat pa siya na inilagay nito ang isa pang face towel sa likod niya.
"Ayan, para hindi ka matuyuan ng pawis sa likod" nakangiti pang sabi ni Leigh. Habang si Parker naman ay titig na titig dito.
Wala namang pakialam si Leigh sa mga titig ni Parker sa kanya. Saka kinuha pa nito ang dala nitong pagkain para kay Parker.
"Magmeryenda ka muna. Alam kong pagod ka at gutom ka na" malambing na alok ni Leigh ng juice at biscuit kay Parker.
"Bakit ba si Leigh ang gumagawa nito para sa akin? Niyaya ko itong manood ng practice namin pero tumanggi ito siya dahil may gagawin daw iyong importante. Mas may pakialam pa itong si Leigh sa akin kesa kay Denise" mga nasabi ni Parker sa isip. Habang nakatingin pa din kay Leigh.
Kinuha ni Parker ang juice at biscuit sa kamay ni Leigh. Habang nakatitig pa din ito sa mukha ni Leigh. Nakatitig din siya sa labi Leigh na panay ang buka ng bibig nito dahil sa dami ng sinasabi nito sa kanya na hindi naman niya maintindihan. Dahil wala doon ang focus ni Parker. Kundi sa labi ni Leigh.
"Magpapaalam na ako, Parker. May klase pa kasi ako" sabi ni Leigh at tiningnan pa ang relo niya sa kamay.
Limang minuto na lamang bago mag alas nuebe. Mahuhuli na siya sa klase nila. Hindi na niya hinintay pa na sumagot si Parker. At tumakbo ng mabilis para hindi siya mahuli sa klase.
Napapangiti siya nang maalala ang mga ginawa niya kanina para kay Parker. Kinikilig siya na naiisip ang mga iyon. Hindi niya maintindihan kung bakit naging mabait sa kanya si Parker ngayon.
Sinusundan lang ng tingin ni Parker si Leigh na papalayo sa kanya. Hanggang sa makarating ito sa pintuan ng gym para lumabas.
Nilalapitan naman nina Ely at Omar ang kaibigan nilang si Parker na hindi pa din inaalis ang tingin sa pintuan ng gym.
"Pare, mukhang nagbago ang ihip ng hangin" punang sabi ni Omar nang makalapit ito kay Parker.
Napailing iling naman ng ulo si Parker. At napataas ang sulok ng labi nito.
"Ano bang pinagsasabi mo?" tanong ni Parker.
Ano ba ang nagbago sa kanya na nakikita ng mga kaibigan niya? Kaya nasasabi nila iyon.
"Nakikita ka kasi namin na mabait ka kay Leigh ngayon. At tinanggap mo lahat ang ibinigay ni Leigh sayo" ani ni Ely na tiningnan ang bimpo na nasa likod ni Parker. Si Leigh ang naglagay niyon doon.
"Anong naging mabait? Paano ako naging mabait kay Leigh? Sige nga" saka kinuha niya bigla ang face towel na nasa likod niya.
"Huwag mo nang itanggi pa, Parker. Alam namin na ramdam mo din ang mga pagbabago mo. Dahil ba ito kay Denise?" sabi pa ni Ely.
"Paano naman nasali sa usapan natin si Denise?"
"Parker, hindi mo ba nakikita na pinapaasa ka lang ni Denise. Tapos na birthday ni Denise pero ano? Sinagot ka ba? Di ba hindi naman" - Omar.
"I just give time Denise to think. Saka alam ko na hindi magtatagal ay sasagutin din ako ni Denise" determinadong sagot ni Parker.
"Huwag ka nang umasa, Parker. Pinapahirapan mo lang ang sarili mo. Tingnan mo si Leigh. Kahit na ilang beses mong ipagtabuyan si Leigh. Lumalapit at lumalapit pa din sayo. Bakit hindi na lang si Leigh?" mahabang litanya ni Ely.
Umiwas na lamang si Parker na pag usapan pa si Leigh at kinuha ang sports bag niya. Saka humakbang paalis sa dalawang kaibigan.
Hindi pa nakakalayo si Parker ang magsalita muli si Ely.
"Parker, alam mo kung gaano kasakit ang masaktan. Kaya kung wala ka din namang balak na suklian ng pagmamahal si Leigh ay maigi pang diretsahin mo na siya. Para hindi din masaktan si Leigh nang dahil sayo" pahabol na sabi ni Ely na ikinahinto ni Parker sa paglalakad.
Ilang segundo pa ay hindi man lang umimik si Parker. Sa halip ay muli itong maglakad palabas ng gym.
Hindi mawala sa isip ni Parker ang mga sinabi ng kaibigan niya. Tama siguro si Ely. Paaasahin lang niya sa wala si Leigh. Hindi katulad si Leigh ng ibang mga babaeng naghahabol sa kanya. Lalo na kay Denise.
Napakabait ni Leigh sa kanya. At kahit na sinusungitan niya ito at itinataboy ay hindi pa din ito huminto kakahabol sa kanya.