NAIIWASAN ni Maru ang bawat wasiwas ni Arkham sa Espada nito. Na dapat lang naman niyang gawin..
Nagpaturo kasi siya dito kung paano makipaglaban.
"Ito, Maru. Gamitin mo itong Espada ko." Ani Aeris na inabot sa kanya ang isang Asul na hawakang Espada. "Hindi lang dapat pag-iwas ang malaman mo."
Tumango naman siya saka tinanggap iyon. Inihanda niya ang sarili sa atake ni Arkham. Naisangga naman niya ang Espada ng patamaan siya nito. Nasugat siya pero dinaman iyon malalim at tila pinapalakas ang loob niya.
Sinugod niya si Arkham sabay pilantik ng Buntot niya dito. Natamaan ito pero mabilis ding nakaatras at sinugod siya. Naiwasan na niya ang atake nito saka pinatama ang Espada. Muntik pa itong mahagip ng Espada kung hindi din nakayuko agad.
"Tama na!" Natatawang ani Arkham. "Mabilis kang matuto at pakiramdam ko'y handa kanang salubungin ang mga Pating ng Matandang Mangkukulam na si Elena."
"Elena pala ang ngalan ng matandang iyon?"
Tumango naman ito. "Kasama niya ang ilang libong Pating. Mahihirapan tayo ngunit alam kong makakaya natin, mailigtas lang ang mga nasa Dagat."
"Oo naman." Nilingon niya si Pagaspas. "Dalhin mo ako sa Lungga ni Elena. Bubuwagin natin ang mga alagad niya at sina Aeris na ang bahala sa kanya."
Tumango naman ang kaibigan. Hinawakan niya ang Buntot nito saka nilingon sina Arkham at tinanguan. Dahil sa bilis ng paglangoy ni Pagaspas. Agad silang nakarating sa isang Kuweba.
Sumilip siya at nakita ang maraming bantay.
"Dito ako sa kaliwa at sa kanan ka naman." Ani Pagaspas na tinanguan niya.
Lumangoy na siya papunta sa kabila kung saan makikita siya ng mga Pating. Ganun din ang ginawa ni Pagaspas.
"Yuhoo!" Pag-agaw niya sa pansin ng mga ito.
"Habulin sila!" Sigaw ng Lider. Hinigpitan niya ang paghawak sa Espada saka agad lumangoy palayo doon.
Hinabol nga siya ng mga ito. Nagtago siya sa isang malaking bato at naghintay ng tamang pagkakataon para salakayin ang mga ito.
Agad siyang lumabas ng makalapit ang ilan sabay taga doon. Sumugod ang iba pero nakahanda na siya. Iwinasiwas niya ang Buntot niya at natamaan ang mga Pating sa malapit.
Nag-atrasan ang mga ito. Pero sa Dami ng nakasunod, nahirapan ang mga iyon. Ginamit naman niya ang pagkakataon para managa ulit.
Saka siya bumalik sa Paglangoy. Sumunod ulit ang mga Pating pero andoon na sina Arkham at Aeris para tulungan siya.
Nagkalat ang Dugo ng mapatay nila lahat ng mga Pating na sumunod sa kanya.
"Maru, tulungan mo si Pagaspas. Habang pupuntahan namin si Elena." Ani Aeris. Tumango naman siya saka lumangoy na papunta sa Lugar kung saan pumunta si Pagaspas.
Okay lang naman ito dahil di ito nahahabol ng mga pating dahil sa Bilis. Kung sinong lalapit dito'y madali lang nitong nasasaksak.
May apat pa itong naiwang kalaban kaya lumapit siya para tulungan ito.
Pero di niya napansin ang isang pating sa likod niya na tinalon siya at nakagat ang braso niya.
Nakagat lang iyon dahil agad din naman niyang nasaksak at napatay. Malalim ang pangil nito kaya masakit padin.
"Kaya mopaba?" Tanong ni Pagaspas na tinalo na ang Apat.
Tumango naman siya saka tinanggal ang bandanang suot niya palagi. Doon niya iyon itinali sa Sugat. Napaaray pa siya dahil sa sakit niyon.
Agad na silang pumasok sa Kuweba para matulungan din sa pakikipaglaban sina Aeris at Arkham.
HINIHILA na ng antok si Pamela. Nanghihina na ang katawan niya.
"Pame..." Mahinang ani Talesa na nginitian lang niya.
"Wag kang malulungkot. Sapat na ang luhang inilabas mo kanina. Sabihan molang sina Mommy na dahil sa katigasan ng Ulo ko kaya ako namatay."
"Tumigil ka nga!" Anito na natatawa sabay pahid ng luha sa mga mata. "Sasampalin na talaga kita!"
"Ay wow ha. Mamamatay na tapos sasampalin mopa ako?"
"Ikaw kasi! Ah basta, kung kaya mopa. Labanan mo ha."
"O-oo." Aniya saka isinandal ang sarili sa Kuweba.
"May mga kalaban! Talesa, kumuha ka ng Espada!" Sigaw ni Sakib mula sa labas.
Agad din namang tumayo ang kakambal niya saka kumuha ng Espada.
Siyaman ay pinilit ding makatayo at inabot ang Kutsilyong nasa Mesa.
Saka siya sumilip sa Bintanang maliit.
Dalawang Taong Uwak ang nandoon. Babae at Lalaki. Pamilyar ang mukha ng lalaking Uwak pero dahil sa dami ng balahibong nandoon ay dina niya makilala.
"Patayin na natin sila!" Anang lalaki saka sinugod si Sakib. Naiwasan naman iyon ng Lalaki sabay wasiwas din ng Espada nito.
Paglingon niya'y pumasok na ang Babaeng Uwak sa Bahay at nilalapitan ang Kakambal niya. Napapaatras naman si Talesa.
Ginamit naman niya ang pagkakataon para dahan dahang makalapit sa mga ito. Hindi kasi siya napansin ng Babaeng Uwak kaya malaya niyang nasaksak ang Balikat nito.
Pero bumuka ang Pakpak nito at natamaan siya. Tumilapon siya at nalayo ang Kutsilyo. Nilapitan naman siya ng babaeng Uwak.
Sumugod si Talesa rito pero may Espada din pala ang Babaeng Uwak kung kaya't nilabanan nito ang di naman marunong na si Talesa.
Pinipilit naman niyang abutin ang tumilapong Kutsilyo. Nasisilip niya mula sa labas na natatalo na ni Sakib ang Lalaking Uwak at natutuwa siya roon.
Nagulat pa siya ng may tumadyak sa kanya. Ang Babaeng Uwak pala.
"Huwag mo siyang sasaktan!" Tumalon si Talesa dito saka pilit sinasakal ang Babae pero alam niyang di nito kakayanin iyon kaya pinilit na talaga niyang inabot ang Kutsilyo at nagtagumpay naman siya.
Dahil naging abala ang Babaeng Uwak kay Talesa. Hindi nito nakitang nakaangat na ang kutsilyong hawak niya at naisaksak iyon sa Tiyan nito.
Malakas na sigaw nito ang narinig niya saka mas lalong bumuka ang pakpak. Tumilapon ang kakambal niya sa Mesa.
Nilingon naman siya ng Babaeng Uwak saka sinakal paitaas. Ang mahahabang Kuko nito'y sinusugatan ang Leeg niya. Dahil sa labis na panghihina niya'y nararamdaman na niyang sumuka na siya ng Dugo.
Ang Kabilang kamay ng Babae ay may hawak sa Kutsilyong bumaon sa katawan nito. Akmang isasaksak na nito iyon sa kanya ng tumigil ito.
Nawala din ang higpit ng pagkakahawak sa Leeg niya at nabitawan siya. Nakita niya sa likod nito si Sakib na naitarak na pala ang Espada mula sa likod ng Babae. Dahil sa talim niyon ay tumagos iyon na naging dahilan kaya namatay ang Babaeng Uwak.
Mabilis naman siyang tinakbo ni Talesa saka pinahiga sa Hita nito.
"Kaya mopa diba?"
Yumuko din si Sakib. "Umalis na ang Lalaking Uwak. Mahina na siya pero ramdam kong babalik din siya kaya kailangan niyo ng makaalis dito."
"Niyo?" Tanong ni Talesa. "Dito kalang ba?"
Ngumiti naman si Sakib at pinatayo si Talesa. Pinasandal siya ng lalaki sa dibdib nito. Namimigat nadin ang talukap niya.
Hinawakan nito ang mukha niya. "Unang kita kopalang sayo ay nahulog na ako... Mataray ka pero mabait ang Puso mo, at diko itatangging mahal na kita kahit ang ikli ng panahong nakasama kita."
Naririnig nalang niya iyon dahil dina niya maibuka ang mga mata niya.
"At nakahanda akong isakripisyo ang buhay ko para mabuhay ka... Paggumaling kana, umalis na kayo dito bago pa bumalik ang Lalaking Uwak."
Iyon ang huling narinig niya bago niya naramdaman ang paglapat ng labi nito sa kanya.