KINABUKASAN ay maaga ulit akong naghanda para sa unang araw ko sa trabaho. Gaya nga ng sabi ni baklang HR kahapon, hindi ako puweding ma-late.
Nauna ulit ako ng gising. Gusto kong laging mauna para ako ang makapaghanda at makapagluto ng agahan namin. Kahit maliit na bagay, at least may naitutulong ako sa pagtira ko rito sa bahay nila Auntie.
Kinakahabahang pumasok ako sa opisina ni baklang HR na napag-alaman kong tinatawag na Sir Anton o Ma'am Antonia rito sa Montenegro Marketing, ang kompanyang pinag-apply-an ko ng trabaho. Bumungad ulit sa akin ang nakataas kilay na pagmunukha niya.
“Good morning, Sir,” bati ko sa kaniya saka yumuko nang kaunti para dagdag pakita ng pag-respeto. Mahirap na't mabugahan ulit. Ayaw ko na ng part 2.
“Ano’ng maganda sa umaga kung iyang mala-dyosang pag mumukha mo ang bubungad sa 'kin?” mataray na tanong niya. Sabi ko nga may part two.
Kinuha niya ang isang papeles na nakapatong sa kaniyang lamesa saka ito inilahad sa akin. “Pirmahan mo 'yan. Bilisan mo. Naiimbyerna ulit ako sa mukha mo. Pagkatapos mo r’yan, pumunta ka sa 5th floor. Nandoon ang maintenance. Iyon ang magiging quarter mo kasama ang ibang Janitress at Janitors. Doon ka kukuha ng mga gagamitin mo sa paglilinis ng opisina ni Sir Kael. Nasa top floor ang opisina niya. Buong top floor kaya expect mo nang matatagalan ka sa paglilinis doon. Nasa 19th floor ang sekretarya niya. Dumaan ka rin doon, magpakilala ka bilang Janitress sa floor ni Sir at tanungin mo kung ano’ng oras ang out ni Sir Kael para makapaglinis ka ulit. Dalawang beses sa isang araw ka maglilinis doon," paliwanag niya sa 'in. Lumapit naman agad ako sa kaniya para ma-pirmahan iyong kontrata.
Hindi na ako nag-abalang basahin pa kung ano man ang nakasulat doon, ayaw kong magtagal dito sa loob dahil sa sama ng tingin ni baklang HR. Pagkatapos kong pirmahan ay agad ko itong ibinalik sa kaniya.
“Ito na po, Sir.”
“Boba! Sabi ko sa 'yo Ma'am! Hindi Sir! Pinapainit mo na naman lalo ang ulo ko! My Ghad!” Hysterical na sabi nito. Feeling ko kapag nagtagal pa ako lalo rito, sasabunutan na niya ako.
“Ay sorry po Ma'am, nakalimutan ko po. Ang guwapo mo kasi. Crush na tuloy kita!" sabi ko sabay takbo palabas ng opisina niya.
“What the?! Yucks! Kadiri ka! Pwe!” Narinig ko pang sabi nito bago ako tuluyang nakalabas. Napahalakhak ako dahil doon. Namumuro ka ng bakla ka. Akala mo ha.
Umakyat na ako papuntang 5th floor para makakuha ng gagamitin ko sa paglilinis. Nang nakarating ako sa 5th floor ay agad kong hinanap ang maintenance quarter. May nakasalubong akong isa ring Janitress, nakasuot ito ng itim na t-shirt na may nakasulat sa bandang dibdib niya na 'maintenance'.
“Saan po rito puweding kumuha ng mga panglinis?” tanong ko sa kaniya.
“Ah. Hatid nalang kita roon. Ikaw ba 'yong bagong hire na Janitress?” tanong niya na ikinatango ko. Naglakad kami papunta sa kung nasaan ang stock room.
“Oo. Ako nga.”
“Naku! Ang suwerte mo, na medyo malas,” nakangiwing wika niya na ikinakunot ng book ko.
Suwerte na malas? May gano’n?
“Bakit naman?” Medyo weird ang reaksyon niya kaya mas lalo akong nagtaka sa sinabi niyang suwerte na malas.
“Ang suwerte mo kasi lagi mong makikita ang kaguwapuhan ni Sir Kael!” Bakas ang kilig sa kaniyang boses nang sabihin niya 'yon. Gaano ba ka-guwapo iyang Sir Kael na 'yan para mabaliw nang ganito ang mga empleyado niya?
“Oh tapos? Bakit naman malas?”
“Malas kasi bugnutin 'yon! Isang maling galaw mo, bubugahan ka ng apoy n'yon!" Nakangiwi niyang saad. Kanina kilig na kilig, pagkatapos ngayon may pangiwi-ngiwi na? Weirdo.
“May pinagmanahan pala si baklang HR,” bulong ko, ngunit hindi ko inaasahan na maririnig 'yon ng kasama ko at nanlaki nalang ang mata nang bumulinghit siya ng tawa.
“Iyong nag-interview sa 'yo?! Naku! Isa pa 'yan! Siya ang pinaka-baliw kay Sir Kael! To the 9th level ang pagpapansin niyan!” Mukha nga. Halatang baliw na baliw ang baklang 'yon kay Sir. Utusan ba naman ako kahapon na kapag naghubad si Sir picture-an ko 'yong abs? Dapat maayos at hindi blur? Ang manyak ng baklang 'yon! Demanding pa! Kagigil!
“Ah. Oo. Nahalata ko nga kahapon noong nag- apply ako.” Pagdating namin sa loob ng stock room ay tinuro niya sa 'kin kung saan nakalagay ang iba't ibang gamit sa paglilinis.
Kumuha naman ako ng cart para lagyan ng gagamitin ko sa paglilinis sa opisina ng Boss. Pagkatapos ay lumabas na kaming dalawa para makapunta sa kaniya-kaniyang assigned area.
“Sa top floor ang sa 'yo. Ang lawak ng lilinisan mo. Kapagod 'yan. Solo mo pa ang area na 'yon.” Pumasok kami sa loob ng elevator.
“Oo nga e, pero okay lang. Kakayanin pa rin, iba talaga kapag sobrang nangangailangan. Kahit mahirap na trabaho basta maayos ang pa-suweldo, susubukin talaga," saad ko.
“Oo nga e. Teka, 'di pa pala ako nagpapakilala sa 'yo. Ako nga pala si Emee.” Naglahad siya ng kamay sa akin.
“Ako si Maria.” Ngumiti ako sa kaniya bago inabot ang kaniyang kamay.
Tumunog na ang elevator tanda na nasa assigned floor na kami ni Emee. 8th floor pala siya naka-assigned kaya pagbukas ng pinto ng elevator ay agad siyang nagpaalam sa 'kin.
“Maria. Magkita nalang tayo sa Quarter mamaya. Mauna na ako sa 'yo.” Tumango ako sa kaniya bago siya tuluyang lumabas ng elevator.
Naiwan akong mag-isa sa loob ng elevator. Pagdating ko sa 19th floor ay agad kong hinanap ang table ng sekretarya ni Sir Kael dahil iyon ang bilin ni baklang HR sa 'kin kanina. Tatanungin ko ang oras ng out ni Sir, para alam ko kung ano’ng oras ako babalik sa top floor para makapaglinis ulit.
May napansin akong payat na babaeng nakapuwesto sa isang pahabang lamesa. May nakatatak doon na office of the secretary kaya agad akong lumapit doon.
“Magandang umaga po, ako nga po pala iyong naka-assigned na maglinis sa opisina ni Sir Kael,” bungad ko.
“Good morning din. Sige. Wala pa naman si Sir sa opisina niya. Puwedi ka nang pumunta roon. Mamayang 9AM pa ang dating niya.” Tumango naman ako sa sinabi niya.
“Ahm...ano’ng oras po ang out ni Sir? Sabi po kasi sa HR na itanong ko po para alam ko kung ano’ng oras ako makakabalik para makapaglinis ulit.”
“Dependi po. Wala po kasing exact na oras ang out niya. Minsan ay maaga itong umaalis, minsan ay late na, at minsan dito na siya natutulog lalo na kapag marami siyang papeles na kailangang basahin at pirmahan. May sariling kuwarto naman siya sa taas kaya buong top floor ay para lamang kay Sir Kael. Tatawag lang siya sa head ng maintenance if magpapalinis na siya ng opisina niya bago ka mag-out.” Nagpasalamat ako sa kaniya saka nagpaalam para pumunta na sa itaas at makapagsimula nang maglinis.
Nang nakarating ako sa top floor ay namangha ako sa aking nakita. Ang lawak at ang ganda ng pagkakaayos ng mga gamit dito sa loob.
Paglabas palang sa elevator ay bubungad agad ang waiting area, sakaling may appointment ang kung sino kay Sir.
Sa gitna ay may malaking wooden door na may nakalagay na “Office of the CEO”, malaki ito. Halatang mas malawak pa ang nasa loob kaysa sa labas.
Sinubukan kong pumasok sa loob ng opisina ni Sir. Hindi naka-lock ang pinto. Siguro ay para madali lang makapasok ang naglilinis o 'di kaya ay ang sekretarya ni Sir.
Kung namangha ako sa labas palang, ay mas namangha pa ako sa loob ng opisina ni Sir. White at black ang theme color sa loob.  May malaking wooden table sa gitna ng opisina, may nakapatong na laptop na may tatak na apple, halatang mamahalin. May iilang papeles din ang nakapatong dito. Sa likod ay isang ceiling to floor na glass wall. Tanaw ang buong lugar dito. Sobrang refreshing ang makikita mo sa loob ng opisina ni Sir Kael, at hindi masakit sa mata ang kulay nito.
Sa harap ng office table ay may isang malaking gray na sofa at isang glass center table. Inikot ko pa ang paningin ko sa loob. Nakita kong may isang pahabang pang limahang tao na dining table sa bandang kanan ng opisina. May dalawang pinto rin doon. Siguro isa roon ay ang sinasabing personal na kuwarto ni Sir, at ang isa naman ay baka personal na kusina.
Nagsimula na akong maglinis matapos kong suriin ang loob ng opisina. Inuna kong linisan ay sa bandang office table ni Sir. Ang sunod kong nilinis ay ang glass wall. Ginamitan ko ito ng wiper na panglinis sa salamin. Pumatong ako sa dala kong portable staircase para maabot ang nasa bandang itaas ng glass wall. Habang naglilinis ako ay hindi ko naiwasang kumanta, at umindayog kasama 'yon. Mas maganda ang ganito, para ma-enjoy ko ang paglilinis. Wala pa naman si Sir, kaya gora!
“Ang gugma ko kanimo. Murag tambutso ga aso-aso." Napa-kembot ako sa kanta kong 'yon. Ginagaya ko 'yong stepping sa tiktok na nauuso ngayon. Tikotokerist 'to si Maria! Charot!
“What the fuck?” Nanlaki ang mata ko nang may biglang nagsalita sa aking likuran.
Nilingon ko naman kung sino iyon, at halos malaglag nalang ang aking panga mas nang nakilala kung kaninong boses iyon.
Sa sobrang gulat ay hindi naiwasang nadulas ang paa ko sa inaapakan kong portable staircase dahilan nahulog ako sa carpeted floor ng opisina.
“Aray!”
“You?” Napaangat ako ng tingin sa kaniya.
“I-ikaw si Sir Kael?!” Tinaasan lamang ako nito ng kilay na tila nagtataka sa tanong ko.
“Obviously.” Bakas ang pagiging sarcastic sa kaniyang boses. Linte! Guwapo gid man gali! Kaya naman pala baliw na baliw ang mga empleyado rito. Tama nga sila. Guwapo nga.  Dahil kahit ako medyo hinarot ko rin 'to noong una ko siyang nakita! Medyo lang. Medyo.
“Small world Miss So-En girl huh?” Nanlaki ang mata ko sa sinabi niya, hanggang sa unti-unting nabuo ang ngisi sa kaniyang labi na ikinapula ng aking mukha.
Kalahuya!
Tangina! Bwesit na So-En girl 'yan! Argh!