“Hi, My!” masiglang bati ko sa kanya at natawa naman siya.
“Hello, baby! Kumain ka na ba?” tanong niya at kita kong nagbibihis siya, galing pa yata siya ng trabaho niya.
“Yes, My! Ikaw po ba?” tanong ko pabalik at ngumiti siya, naupo sa kama niya, tapos na siyang magbihis.
“Yes, baby. Kasama ko ang mga katrabaho ko na kumain sa labas” aniya saka dumapa sa kama.
“Okay ka lang ba, anak?” tanong niya at napakunot ang noo ko saka nagnguso.
“Opo, bakit po?” tanong ko na naman.
“Wala lang, pansin ko ay parang matamlay ka yata” aniya at nanlaki ang mata ko.
“Pagod lang po ako sa kakaaral, My.” pagsisinungaling ko at pagod akong ngumiti sa kanya.
“Hay nako! Ang sabi ko sa'yo ay huwag mong i-pressure yung sarili mo, hindi naman mahalaga para sa'kin yung grades mo, e. Ang mahalaga ay nakakapasa, at h'wag mong papabayaan ang mental health mo, anak” sabi niya at parang may yumakap sa aking puso dahil doon.
Mommy never pressured us when it comes to our grades and I'm thankful for that.
“Yes, My. Ikaw po ba? Kumusta ka d'yan?” pangangamusta  ko sa kanya at ngumiti siya sa'kin pero bakas ang pangungulila sa kanyang mga mata.
“Okay lang naman ako, anak. Nami-miss ko lang kayo ng kapatid mo” aniya at napaiwas ako ng tingin. Hindi niya nabanggit ang pangalan ni Daddy. “Nasaan nga pala ang kuya mo?” tanong niya.
“Nasa sala po, kasama yung kaibigan niya” malamig na sagot ko at ngumuso.
“Sinong kaibigan?” tila gusto pang magkwentuhan kami tungkol sa kaibigan ni kuya.
“Si Fynlae po” sagot ko at may bulto ng ngiti sa kanyang labi.
Umirap ako sa hangin dahil alam ni Mommy na may gusto ako kay Fynlae mula pa noong elementary ako.
“Edi crush mo na ulit siya?” pang-aasar niya kaya palihim akong umirap!
Si Mommy kasi napaka-mapangasar! Kahit maliit na detalye ay hindi niya makakalimutan.
“My! Kadiri ka, hindi ko naman na crush iyon, e!” kunwaring naiinis na sagot ko sa kanya. Kunwari lang naman dahil di naman kasi nawala yung pagkagusto ko sa supladong yun!
“Anong kadiri dun? Gwapo naman talaga si Fynlae mula noong bata pa yan, tsaka habulin din ng babae, kaya di naman ako magtataka kung hindi mawawala yung pagkagusto mo sa kanya, ang sa'kin lang, Eisha Clarize, mag-aral muna, huh? Payag naman akong makipagrelasyon ka, basta maging responsable sa lahat” litanya niya at hindi ko alam kung pang-ilang beses na ba akong umirap nang palihim.
“My! Hindi ko naman siya gusto, e. Tsaka anong makipagrelasyon na eme eme na yan?! Hindi ako makikipagrelasyon, men are trash, My” may bahid ng sama ng loob ang boses ko.
Totoo naman kasi! Tingnan mo si Daddy, imbes na maging mabuting halimbawa sa amin ni Kuya, siya pa yung gumagawa ng mga kababuyan dito sa bahay.
“How can you say that, baby, hmm? You're Dad is a good man, you're kuya too.” malambing na saad niya at napa-irap ako ng malala.
“Men nowadays are cheater, My! Tulad nung boyfriend ng classmate ko, he cheated on her, may nililigawan na pala siyang ibang babae kahit mag-on pa rin sila” pagsisinungaling ko at natawa siya.
“Because their parents never correct them, they didn't raise them well...Anak, once you're in relationship, you should be responsible enough, and treat your partner well, kung may mga bagay na hindi na tama, you should talk to him or her about it. Hindi na dapat pinagwawalang bahala iyon.” pangaral niya at napaiwas ako ng tingin.
Then why Dad never talk to her about their status? Bakit hindi pa sila hiwalay ngayon? Bakit hindi nagsabi sa kanya si Daddy na nambababae na siya?
“Ang lalim naman yata ng iniisip ng baby ko? Care to tell Mommy?” she smile widely at me.
I'm guilty, wala siyang alam sa nangyayari rito sa bahay, parang nakikipagplastikan lang sa kanya ang lahat.
“Nothing, My. Baka pagod ka na po sa trabaho, magpahinga ka na po” sabi ko at tumango siya.
“Alright, I guess pagod ka din... Goodnight, baby” tugon niya at ngumiti ako.
“Good night, My! I love you and I miss you” malambing na paalam ko at siya na ang nag-end ng call namin.
Hindi ko maiwasang hindi mapaluha, Mom is happy while talking to me, while I'm guilty cause I can't tell her everything even if I want to.
Maybe when I tell her, she'll come home immediately, I don't want it, baka lalong ma-stress si Mommy ng dahil sa mga nangyayari.
Nakatulugan ko ang pag-iisip ng kung ano-anong mga posibilidad kung nalaman ni Mommy na niloloko siya ni Daddy.
The next day si Saturday, walang pasok kaya naman late akong nagising. Pagmulat ko ay nasa loob na ng kwarto ko sina kuya at si Fynlae!
Nanlaki ang mata ko ng makitang naglilinis sila?!
Napabangon ako bigla at tumakbo patungo sa banyo, muntik pa akong madulas dahil sa madulas pala!
Bakit naman kasi sila naglilinis ng kwarto ko? Malinis naman, e.
Naligo na agad ako para fresh. Binagalan ko ang pagbibihis para wala na sila paglabas ko ng banyo kaso nandu'n pa rin sila!
“Arte mo, naligo ka pa talaga” si Kuya saka ako inirapan. Humiga siya sa kama ko at napasimangot naman ako.
Ang pinaka-ayaw ko sa lahat ay yung humihinga sa higaan ko, nakikigamit ng mga personal kong gamit.
“Tumayo ka nga diyan!” saway ko sa kanya at napangisi siya at pabirong umirap sa'kin.
“Napaka-arte mo talaga, hihiga lang, e. Tsaka kami naman ang naglinis ng kwarto mo ngayon, hindi ka pa pasalamat” pang-gi-guilt trip niya sa'kin na hindi naman gumana.
“Sino ba kasing nagsabi na maglinis kayo dito?” masungit na tanong ko sa kanya habang sinusuklay ko ang buhok ko sa tapat ng tokador.
“Wala naisipan lang ni Fynlae baka daw kasi stress ka na sa pag-aaral mo at hindi ka na nakakapaglinis ng kwarto mo” seryoso ang tono na sabi niya kaya naman bigla akong napalunok.
Did he just mentioned Fynlae's name? Sa kanya idea ang paglilinis ng kwarto ko? Bakit? Paano?
“Gumagawa ka na naman ng mga salita mo, Eisren Calez” singit naman ni Fynlae kaya naman napanguso ako.
Okay na sana, e. Kikiligin na ako, tapos biglang binawi. Pighati.
“Oy! Nag-assume si sister!” nanlaki ang mata ko ng asarin ako ni kuya kaya naman binato ko siya ng suklay na hawak ko.
“Anong nag-assume? Saan?” kunwaring naguguluhan kong tanong at masama ang tingin sa kanya.
“Sus! Kunwari ka pa, Sis.” aniya saka ako pabirong inirapan. “Pre, reto ko na kapatid ko sa'yo...libre nalang, wala ng bayad kasi tropa naman tayo” alam kong biro iyon pero naiinis ako.
How dare him?!
“Hindi ako bagay na pinamimigay lang, Eisren. Kung gusto mo, ireto mo yung sarili mo, kahit walang bayad ay hindi ka tatanggapin, ganyan ba naman ang itsura ay magugustuhan ka” malamig na sabi ko at kinuha ko ang laptop ko sa study table at pumunta ako sa terrace ng kwarto ko.
Naupo ako sa sofa at agad na binuksan ang laptop ko. Nagpasya akong manood ng Netflix. Pinanood ko ulit yung The How's of Us, that's my favorite Filipino movie. Never kong pinagsawaan ang mga movie na bida ang tambalang KathNiel!
Seryoso akong nanonood ng may umupo sa tabi ko kaya naman napabaling ako roon.
“Aga-aga ang drama mo, bakit hindi ka muna kumain sa baba o kaya kumuha ka nalang ng pagkain mo doon bago ka manood” seryosong sabi ni Kuya na inirapan ko lang.
Ang ganda-ganda ng panonood ko dito lagi siyang istorbo, dagdag mo pa itong kampon niya!
“Eisha, may tanong ako” ayan na naman tayo sa mga tanong niya, e! Kinakabahan ako sa mga paganito ni Kuya, feeling ko kasi may mga alam siya sa buhay ko na mismong ako ay hindi ako alam. “May boyfriend ka na ba?” seryoso ang tanong niya pero natawa ako.
Fuck!
“Bakit ka tumatawa?” parang nao-offend na tanong niya kaya lalo akong natawa.
“Sure ka na sa tanong mo?” tanong ko habang malawak ang ngiti ko sa kanya. I think he found me like a creepy shit.
“Seryoso yung tanong ko, Eisha Clarize!” pagbabanta niya na kinatawa ko pa.
“What if meron? Anong gagawin mo?” I teased him.
“Edi maghiwalay na kayo hangga't maaga pa” masungit na sagot niya at kumunot ang noo ko.
“Why would I do that?” kunwaring seryoso na tanong ko. Gusto ko lang malaman. 
“Because I said so...and you don't deserve to be hurt, so if you have a boyfriend right now, makipag-break ka na sa kanya” sagot niya at napangiti ako.
Tumango ako sa kanya. “Wala naman akong balak na makipagrelasyon, h'wag kang mag-alala” sagot ko at iniwan sila sa terrace saka ako kumuha ng pagkain ko sa kusina.
“Nay, good morning” bati ko kay Nanay Edna at kumuha na ako ng pagkain ko.  Fried rice, chicken nuggets, hotdog and juice.
“Saan ka kakain?” tanong niya at tinuro ko ang taas, naintindihan naman niya kaya nagmamadali akong tumungo sa kwarto ko.
Nasa terrace pa rin yung dalawa habang ako ay kumakain sa kama at nanonood na lang ng Eat Bulaga, naiinis ako kay Kuya, parang ang awkward maggagalaw sa kwarto ko ngayong nandito sila.
“Kanina The How's of Us, ngayon naman ay Eat Bulaga, yung totoo, Eisha...wala ka na ba talagang magawa sa buhay mo? Ayaw mong lumabas ng bahay, mall tayo?” aya niya.
Nakaka-tempt pero ayaw ko kasing makasama silang dalawa pero bet ko namang mag-shopping ngayon kaso ayoko silang kasama, paano ba yan? Pero bigla kong naalala na baka sila ang magbayad ng lahat ng pinamili ko? Ayaw ko naman nu'n baka masabihan pa ako ni Kuya na makapal ang mukha.
“Mayang hapon na lang” tamad kong sagot at humalakhak siya.
“Hapon na tanga!” asik niya na inirapan ko lang at saka ako nagpatuloy sa pagkain ko.
“Three” kako at inubos ang pagkain.
Gusto ko pang mahiga kaso nakakahiya!
“Magbihis ka na kasi, Eisha. Hanggang alas sais lang tayo sa Mall, ihahatid pa natin ng BGC si Fynlae, e” imporma niya na kinangiwi ko.
Wait-what? Sa BGC na nakatira si Fynlae ngayon? Bakit hindi ko alam iyon?
“Edi ihatid mo na lang siya, h'wag na tayong mag-Mall” may bahid ng pagtatampo ang boses ko ng sabihin iyon. Pabagsak akong nahigang muli sa sa kama.
“May bibilhin nga kami sa Mall kaya sumama ka.” striktong sabi ni Kuya at sabay silang lumabas ni Fynlae sa kwarto ko.
Ilang minuto pa akong tumitig lang sa TV pero hindi ko naman alam kung paano nag-umpisa yung laro na bawal judgemental.
Basta alam ko lang ay natagpuan ko ang sarili ko na nagbibihis na. Pinili ko iyong stripe sleeveless crop top at white skinny jeans saka white sneakers. I wear nipple tape so that hindi bumakat sa damit ang perlas.
Pagbaba ko ay nakaayos na silang dalawa, para silang magkapatid, i don't know if that's their style pero bakit kulang na lang ay magkapareho na sila ng suot.
Kuya is wearing black tee and white Adidas short with with sneakers tapos magulo yung buhok niya. While Fynlae is wearing white tee and black shorts with black sneakers and neat yung buhok niya. They're both wearing eyeglasses.
“Let's go” si Kuya at naunang lumabas ng bahay saka naman ako sumunod at nasa likod ko si Fynlae.
Si Kuya ang mag-da-drive, umupo kaagad ako sa backseat at nilagay ko agad sa tainga ko ang airpods ko at nagpatugtog. Nakatingin lang ako sa labas habang nasa biyahe kami.
Huminto ang sasakyan sa parking lot ng Shangri-La. Lumabas kaagad ako at hinintay sila. Nauna ako sa elevator at sumunod naman sila. May ibang tao pa sa loob ng elevator kaya naman sumiksik kami.
Nasa tapat ko si Kuya habang nasa tabi ko naman si Fynlae at may nakasiksik na lalaki sa gilid ko kaya naman umusog ako sa tabi niya.
Napatingin siya sa'kin at tumingin lang ako sa kabilang gilid at tumango siya saka pa ako hinila palapit sa kanya. Pinandilatan ko siya ng mata ngunit diretso ang tingin niya doon sa lalaki.
Pinagpawisan pa tuloy ako dahil sa init at siksikan. Buti na lang talaga ay agad din kaming nakarating sa tamang palapag.
Naunang nakalabas samin si Kuya at nakataas ang kilay sa aming dalawa ni Fynlae. Bored siyang naglakad at sumunod naman kaming dalawa.