SIMULA
Isang babae ang naglalakad papunta sa isang mini market. May suot itong gray jacket na may hood at jogging pants.
Habang papasok sa entrance ay may naramdaman siyang hangin na papalapit kaya inilibot niya ang kanyang paningin. Kumunot ang kanyang noo nang makita ang isang lalake na naka-mask at naglalakad sa gilid ng kabilang kalsada.
Hindi niya dapat pag-aaksayahan ng panahon ang pagtitig dito ngunit ganoon na lang ang gulat niya ng tumagilid ito na parang may bumangga na isang bagay ngunit wala siyang nakita.
Luminga-linga ang dalaga upang tingnan kung may nakakita ng nangyari ngunit siya lang ang tanging tao sa labas ng kalsada. Muli niyang binalingan ng tingin ang binata na nagsimulang maglakad ng normal.
Naramdaman niyang napansin ng lalake ang presensya niya dahil sa muli itong huminto at papatingin sa kaniyang direksyon kaya mabilis siyang tumakbo papasok ng mini market. Sinalubong siya ng security guard.
"Good morning, Ma'am." masayang bati ng security guard habang isinasarado ang glass door.
Tinanguan niya lang ito bago dumiretso sa pinakadulong estante kung saan wala masyadong tao.
Habang palinga-linga ay dahan-dahan niyang itinago sa bulsa ang tatlong cup noodles. Ramdam na ng dalaga ang matinding gutom kaya napilitan siya na gawin ang pagnanakaw.
Nang masiguradong walang nakakita ay nagmamadali siyang humakbang papalabas. Malapit na siya sa pinasukang pinto kung saan abala sa hawak na cellphone ang guard.
Gumaan ang pakiramdam ng dalaga na madali niyang maipupuslit ang mga kinuha kaya umakto na siya ng normal na paglalakad.
"Miss?"
Napapitlag siya nang tawagin ng isang lalake. Dahan-dahan niya itong nilingon. Kumunot ang noo niya nang makita na isa iyong lalake.
Isang lalake na may cap na blue at may piercing sa tenga at labi. Medyo magulo ang ayos ng buhok at mukhang kakagaling lang sa Paaralan.
Medyo umawang ang bibig ni Andy nang mapagtanto na ka-eskwela niya ang binata base sauniporme nito.
"Nakita ko yung ginawa mo." wika nito na ikinakunot ng noo niya.
Nagsisimula na ang kaba na nararamdaman ng dalaga.
"A-anong ginawa ko?" pinanatili niyang kalmado kahit medyo nauutal na sa pagsasalita.
"Hinalikan mo ako nang biglaan." diretsahang wika ng binata na tila totoo ang tinutukoy.
Mas kumunot ang noo ng dalaga. Gusto niyang suntukin ang binata sa patungkol sa sinabi nito.
'Anong pinagsasabi ng lalakeng ito? Akala ko naman ay nakita niya akong nagnakaw.'
"Hinalikan? Seryoso ka? Ngayon lang kita nakita, Kuya?" pagtanggi niya habang napapailing pa dahil sa hindi makapaniwala.
Hahakbang na sana siya upang umalis nang hawakan nito ang braso niya kaya wala siyang nagawa kundi harapin muli ang binata. Sinamaan niya ito ng tingin.
"Hindi nga kita hinalikan. Virgin pa ako 'no. Wala akong boyfriend." pagtatanggol ng dalaga sa sarili.
Umiling ang binata at ngumiti.
"Huwag mo na ako lokohin, sinundan kita sa dulong estante kaya sigurado akong ikaw 'yon." pamimilit ng lalake.
Mariin siyang pumikit bago muling tinitigan ang lalake.
"Okay, kung tingin mong ako iyon. Wala akong magagawa.." pagsuko ng dalaga dahil kumukulo na ang tiyan niya sa gutom, "Tsaka kung ako nga iyon, ano naman? Anong gusto mo? Halikan mo rin ako para bayad na? Manyak. Wala akong oras para sa 'yo, bye." pamamaalam nito sa binata.
Hinila niya ang braso sa binata bago nagmamadaling lumabas ng lugar dahil nakukuha na rin nila ang atensyon ng mga namimili kaya mas minabuti niyang umalis na.
Medyo malayo na ang dalaga sa pinanggalingan store nang makita niya ang babaeng kamukhang-kamukha niya.
Nakaitim ito at hindi katulad niya. Medyo mahaba ang buhok nito na abot hanggang bewang. Kumunot ang noo ng dalaga bago umiling sa pag-aakalang dala lang iyon ng gutom.
Napaatras siya nang makita na hindi siya imahinasyon dahil ngumiti pa ito ng nakakakilabot sa harapan niya. Nabalot ng takot ang dalaga nang bumuka ang bibig nito.
"Hi Andy." bati nito sa kaniya gamit ang isang malaki at nakakataas ng balahibo ng boses.
Balak na sanang tumakbo ni Andy pabalik ngunit sa isang kisap-mata ay nakalapit ito sa kanya.
"Shit." she murmured before she passed out.
Nang idilat niya ang kanyang mata ay nakatayo sa harapan niya ang maraming tao na kanina'y nasa loob ng mini market. Nakapalibot sila sa..
.. katawan niya na walang malay.
Inalalayan ito ng mga kalalakihan at isinakay sa kung saan. Nang mawala na ang sasakyan ay nagsialisan na ang mga tao.
"Hinayaan ko na naman na may lumapit sa aking kaluluwa kaya humiwalay ang kaluluwa ko." napapahilamos na bulong niya sa kanyang sarili.
"Bakit nandito ka pa?"
Dahan-dahan niyang nilingon yung lalake na kumausap sa kanya kanina. Akmang lalapitan siya nito ng mawala siya at sa pagdilat ng kanyang mata, sinalubong siya ng maliwanag na kwarto mula sa puting kwarto.
Nasa Hospital na siya, sa isang iglap. Pinilit niyang bumangon bago inikot ang paningin.
"So, the last time I passed out is already one hour?" bulong niya.
#FiveSenses
Nalilito ka ba? Babaliwin ka ng kwentong ito.