Hindi ko alam kung gaano ako katagal na nakatulala nang marinig ang sinabing yon ni Zach. Me? His girlfriend? For pete's sake, hindi ko nakikitang magiging boyfriend ko tong tukmol na to! Ano na naman kayang pumasok sa utak ng lalaking to at nasabi niya yon? Kung wala lang kami sa public area baka nabugbog ko na to.
"Ali, kumain ka na." bigla akong natauhan nang magsalita ang kumag kong best friend.
Inis akong bumaling dito at nagtanong."Since when did I became your damn girlfriend, huh?"
"Nagugutom na ako kaya wala na akong ibang naisip na sasabihin." pagdadahilan niya
"Sana sinabi mo nalang na hindi ka interesado sa kanya gaya ng parati mong sinasabi sa mga babaeng lumalapi-" hindi ko na natuloy ang sasabihin ko ng bigla niyang isinubo sakin ang sushi na kinakain niya.
"There you go. Tsarap ba, baby?" pang-aasar niya. Agad ko namang hinila ang buhok niya dahil sa inis. Tinawanan lang ako ng kumag.
"You really look like a couple." nagulat ako nang biglang nagsalita si Cat.
Kunot noo akong napatingin dito. "You, you finish your food, okay? Manahimik ka diyan at kumain."
"Okay." bulong niya habang bahagyang natatawa. Dahil nagugutom na din ako, kumain nalang ako. Sayang naman tong milktea at fried noodles ko kung hindi ko kakainin. Pagkatapos namin kumain ay kinuha ni Zach ang cellphone niya.
"I texted our driver to pick us up."saad ni Zach.
Dahil wala pa naman ang driver na susundo samin, napagpasyahan muna naming mag-ikot ikot sa mall. Dumaan si Cat sa blue magic para bumili ng teddy bear. She's already 13 years old yet she's still fond of stuff toys, parang ako lang. Nakita ko din na bumili si Zach ng isang pink teddy bear.
"Kailan ka pa nahilig sa stuff toy?" nagtatakang tanong ko.
"Actually it's not for me. It's for you." saad niya bago binigay sa akin ang teddy bear. Another baby!
Most of the stuff toys in room are from Zach and Mommy. Some are from my admirers back then. Last year, on my birthday, Zach gave me a panda teddy bear. Lagi ko iyong tinatabi tuwing matutulog ako. Ang cute kasi.
Inabot ko ang teddy bear at ngumiti sa kanya. "Thank you, Zachie." I said happily.
I saw him smile dahilan para lumabas ang dimple niya. Ang gwapo talaga nito lalo na kapag ngumingiti. No wonder why girls are head over heels at him. He's a bit intimidating dahil sa features niya pero mabait naman. Mas madalas lang siyang naka-poker face dahilan para ma-emphasize lalo ang features niya kaya siya nagmumukhang masungit. Ngumingiti lang ata 'to kapag kasama ako e. Minsan nga lang masarap suntukin, lakas kasi ng topak.
"The driver's here. Cat, Ali, let's go." sabi ni Zach.
Sumunod kami sa kanya hanggang makalabas ng mall. Sumakay na kami at dumiretso pauwi. Pagpasok namin sa bahay nila Zach ay sinalubong agad kami ni Tita Maddie.
"So, how was your girl time?" tanong niya.
"Mom, walang girl time kasi may umepal." inis na sagot ni Cat. Natawa si tita sa sinabi ni Cat.
"Ano na naman yung narinig kong epal ha?" biglang nagsalita si Zach.
"Kaming dalawa nga dapat ni Ate Ali yung magbobonding e tapos sumama ka naman."
"Ginawa niyo na nga akong taga bitbit ng pinamili niyong dalawa tapos epal pa ako? Ayos mo ah?" reklamo ni Zach.
"E sino ba kasing may sabi sayong sumama ka ha? Wala naman diba? Kaya wag kang magreklamo diyan."
"Pasalamat ka mahal ko kayong dalawa." saad ni Zach. Umarte namang nandidiri si Cat sa sinabi ng kuya niya. Ganyan ang bonding nilang dalawa, mag-away.
"Kayong dalawa, magsitigil nga kayo." biglang sabi ni tita. "Catalina, go get changed. Ayusin mo na din yang mga pinamili mo."
Napatigil sandali si Cat at tumingin kay Tita Maddie. "Uh, Mom. May mga boxes po ba tayo dito?" tanong niya.
Kumunot ang noo ni Tita Maddie, halatang naguluhan sa sinambit ng anak. "I think so. Why? What will you do with the boxes?"
"I-uh, Mag-aayos po ako ng mga damit ko. Yung mga napagliitian ilalagay ko don sa box then ipapabigay ko sa charity na tinutulungan niyo." nahihiyang saad ni Cat.
Nakita ko ang pagkagulat sa mukha ni Tita Maddie nang sabihin iyon ni Cat. Lumapit siya sa anak at niyakap ito. "My baby is growing. I'm proud of you." and then she kissed the top of her head.
"It was ate and kuya's idea mom." tumingin samin si Tita Maddie at ngumiti. Lumapit ito at niyakap ako. "Thank you Aliah. We're so lucky to have you." sambit nito sa akin.
Napangiti ako sa sinabi ni Tita Maddie. Hindi man maganda ang relasyon namin ng kapatid ko, may ibang tao naman na kagaya nila Tita Maddie na nagmamahal sa akin ng sobra. Sa kanila ko naramdaman ang pagmamahal ng pamilya. Hindi din naman kami madalas magkasama ni Mommy due to her work and some other stuff but Zach's family were always there for me.
I'm not with my dad anymore. My parents got separated when I was 10. Kinuha kami ni Mom kaya siya ang kasama namin. I am mommy's girl. Mas close kami ni Mommy kaysa si Mommy at Ate. Hindi ko alam kung bakit galit si Ate kay mommy pero sa tuwing tinatanong ko si Mommy ay parati niyang sinabi na pagod lang daw si Ate.
Zach has the most perfect family, swerte ng magiging girlfriend nito. He is a family oriented person. During his free day, he'd rather spent it with me or his family. He stand as a father to Cat lalo na kapag wala sila Tita at pumupunta sa business trip. He's quite intimidating but he has a soft spot for his family and friends.
Umakyat kami ni Cat sa kwarto niya at nagsimulang ayusin ang mga damit niya. Not gonna lie, ang dami niyang damit! As in!
"Dito natin ilagay yung mga shirts mo then dito naman sa isang box yung dresses para hindi magulo." saad ko at tumango naman si Cat.
Nag-umpisa kaming tanggalin ang mga damit niya sa isang drawer. May ilang mga damit na tinatanggal si Cat at binabalik sa drawer.
"Teka, maliit na sayo yan ah? Ibabalik mo pa?" tanong ko.
"It was given by Mom nung birthday ko. Ayaw ko ibigay" sagot niya habang bahagyang naka-pout. Ang cute talaga.
Pagkatapos namin sa isang drawer ay yung isa naman ang hinalaungkat namin. Napakadami talagang damit nitong batang to. Bahagya akong nagulat nang bumukas ang pinto at nakita ko ang pagmumukha ni Zach na nakasilip. Para siyang bata na nagpapaalam sa nanay na aalis.
"My girls are so busy, huh?" saad niya
Napairap ako. "Obvious ba? Baka gusto mong tumulong sa amin kaysa tumayo ka lang diyan, diba?"
Bahagya siyang tumawa bago pumasok sa loob ng kwarto ni Cat. Bahagya pang lumaki ang mata niya nang makita ang gabundok na damit ni Cat.
"Kita mo yan. Ang dami dami mong damit tapos halos linggo linggo kang bili ng bili. Tama yan, Catalina. Ipagpatuloy mo pa. Sa susunod hindi na kita papabigyan kay Mom ng pang-shopping mo." tuloy tuloy na saad ni Zach.
"Alam mo kung tumulong ka nalang dito sa amin na mag-ayos ng mga gamit edi sana mabilis tayong matatapos diba? Daldal ka ng daldal diyan e." inis na sabi ko.
Tinaas nito ang dalawang kamay niya at sumagot. "Opo, ito na nga po tutulong na. Gagalit ka naman diyan e." inirapan ko lang ito at nagpatuloy sa ginagawa.
Matapos ang halos dalawang oras ay natapos na din kami sa pag-aayos ng mga damit ni Cat. Nilagyan namin ng packaging tape ang mga box para hindi tumapon ang mga laman. Pagkatapos ay binuhat naman ito ni Zach pababa. Natawa pa kami nang muntikan pa siyang matapilok sa paglalakad. Nagkunwari lang siyang walang nangyari at nagpatuloy sa paglalakad.
"Ang bigat non ah. Buti nalang malakas 'tong mga muscles ko." saad ni Zach matapos ibaba ang mga karton ng mga damit ni Cat.
"Walang may pake." pabarang sagot ni Cat at bumalik paakyat sa kwarto niya.
Alas kwatro na pala ng hapon, ang bilis.
Umupo ako sa couch at kinuha ang cellphone ko. Naramdaman kong umupo din si Zach sa tabi ko at ipinatong ulo niya sa balikat ko. Bahagya kong tinutulak ang ulo niya gamit ang kamay ko pero dahil mabigat ay hinayaan ko nalang. Kinuha niya din ang kamay ko ang pinaglaruan yon. Ganyan ang ginagawa niya kapag naboboring siya. Hinahayaan ko lang din siyang gawin yon. Sanay naman ako sa ganyang mga galawan niya.
"Ali, may lakad ka ba bukas?" he suddenly asked.
"W-wala naman. Bakit?"
"Simba tayo." he said while smiling widely.
Kapag Sunday, nagsisimba kaming dalawa ni Zach at minsan naman ay sinasama namin si Cat lalo na kapag nasa business trip sila Tita. Pagkatapos namin magsimba ay kumakain kami sa labas o di kaya ay nagttake-out nalang at dito sa bahay kakain. Dahil nga wala madalas si Mommy sa bahay at once in blue moon lang umuwi si Ate, pumupunta ako kila Zach pero mas madalas na siya ang pumupunta sa bahay. Ganoon ang bonding namin kapag walang pasok.
"Sige." sagot ko na nagpangiti lalo sa kanya.
"Magsisimba kayo? Sama ako!" nabigla ako nang marinig ang boses ni Cat. Nilingon ko ito at nakita ko ang mga pagkain na dala nito. Meron pa itong nginunguya sa bibig.
"Huwag ka nang sumama." sabi ni Zach dahilan para sumimangot ang bata.
"Bakit? Magbebehave naman ako kuya e. Sama na ako, please!" pagmakakaawa ni Cat.
"Di ka pwede don, baka masunog ka." saad ni Zach habang nagpipigil ng tawa.
"Oh talaga kuya? Nakakatawa yon?"
"Sige na sumama ka na." saad ko na nagpangiti kay Cat.
Tumingin ako kay Zach at nakita ko ang pagtitig nito sakin. Nilabanan ko siya ng tingin hanggang sa bumuntong hininga siya at umiwas ng tingin.
"Sabi ko nga sasama ka na." sambit niya.
Nag-apir kami ni Cat nang sabihin yon ni Zach. Napailing nalang tuloy siya.
"Confirmed! Mas love ako ni Ate Aliah kaysa sayo." she said and stick her tongue out.
"Hoy, akala mo naman porket pinayagan ka lang sumama. Ako pa din love niyan kaya manahimik ka."
Hindi siya pinansin ni Cat at inaya nalang niya ako sa lamesa para kumain. Around 6 ay nagpa-alam na ako kila Tita na uuwi na.
"Are you sure you don't want to have dinner dito?" tanong ni Tita.
"I would love to Tita pero baka wala pong kasama si Mom magdinner sa bahay kaya sa don nalang po ako kakain" I saw her smiled at me.
"Napakaswerte talaga ni Irene sayo." sambit nito sa akin. "Oh siya, sige na. Baka hinihintay ka na ng Mommy mo. Ingat ka." tumango ako.
"Ingat ate. Thank you for coming with me earlier! I enjoyed being with you kahit may umepal" pagpaparinig niya sa kuya niya.
"Ah sige, hindi ka namin isasama bukas ha."
"Joke lang ito naman, Love you kuya!" saad ni Cat at niyakap si Zach. Ang cute nila. Nagpaalam na ako at sumakay sa sasakyan.
Pagkauwi ko ay nadatnan ko si Mommy na nasa kusina. Nagluluto siya ng... adobo! Buti nalang talaga dito ko napagpasiyahang kumain.
"Hi Mom." bati ko dito.
"Oh, hi there sweetheart. How's your bonding with Cat?" saad nito at hinalikan ang pisngi ko
"It was fun and tiring at the same time." She laughed at my response.
"Let's talk about it over dinner. But go get changed, ang baho mo." pang-aasar niya.
"Mom!" she just laughed at me.
Umakyat ako sa kwarto para magbihis. Nagpalit ako ng sweatpants at tshirt. Tinanggal ko din ang make-up ko kahit hindi na ito masyadong halata. Habang nagtatanggal ng make-up ay nakita kong nagchat sakin si Celine.
ariacg: ay hala sineen lang ako. T_T
ariacg: di mo na ako love? charot yung lesson ha send mo. baka pagbalik ko matawag ako sa recitation tapos wala akong alam. kahiya yon grr
Natawa ako at agad na nagtipa.
aliahmargaret: kakauwi ko lang sorry. send ko sayo latur yung lessons chichibog lang ako.
Agad naman siyang nag-online
ariacg: hindi naman halatang nag-enjoy ka no? charot eatwell maharr
Pinatay ko muna ang cellphone ko at bumababa. Nakita kong hinahain na ng mga maid ang niluto ni Mommy. Bali mayroon kaming dalawang maid at isang driver na naghahantid sundo sakin. Pero dahil madalas na si Zach ang sumusundo sa akin, si Mommy na ang hinahatid sundo ng driver namin.
Like what my mom said, nagkwentuhan kami about sa nangyari kanina. Kinwento ko yung pagbili ni Zach ng jogger pants ko sa mall pati ang pagsasabi niya na girlfriend daw niya ako doon sa babaeng nagpakilala sa kanya. Sinabi ko din na tinulungan namin si Cat na mag-ayos ng mga damit niya na ipapamigay sa charity kaya natagalan akong makauwi. Natatawa naman si mommy habang kinukwento ko sa kanya ang mga iyon.
"Zach will always be Zach. He's your protector and best friend. Kaya panatag ako kapag si Zach ang kasama mo. How I wish that you two will end up together." nagulat pa ako sa huling sinabi ni Mom.
"I hate to break it you, Mom but it's not gonna happen. Di ko nakikita ang sarili kong magiging boyfriend si Zach. Just no." natawa si Mommy sa sagot ko.
"Sa ngayon pwedeng hindi pa, pero hindi malabong mangyari. Sa buong buhay mo hindi ka pa nagpakilala ng manliligaw mo sa akin. Wala kang ineentertain na lalaki. Zach is the only guy in your life." rason ni Mom.
Well, that's true. Wala akong ineentertain na ibang lalaki sa buong buhay ko. Sure, I have admirers but wala akong pinapayagang manligaw sa kanila. Ayoko lang ng sakit sa ulo. Madami na akong problema ayoko nang dagdagan. Zach is the only guy I had in my life, aside from my dad which is not here. Madalas din kaming mapagkamalang magjowa dahil sa palagi kaming magkasama at sobrang close namin. They say we have chemistry. I had this intimidating aura kaya hindi ko alam kung bakit nagkakagusto padin ang iba sakin. Hindi ba sila natatakot? joke.
"I'll be really happy if you two will end up together. You are the happiest when you're with him. Kita ko yon, Aliah." she said while smiling.
Pagkatapos naming kumain ay dumiretso ako sa banyo para maghilamos at magtoothbursh. I also do my skincare. Pagpasok ko sa kwarto ay kinuha ko agad ang notes ko para maisend sa bruha kong best friend.
ariacg: merci senorita!! love uuu!! review muna ako.
Hineart ko ang message niya at ibinalik ang mga notebook ko sa bag. Narinig kong nagvibrate ang phone ko kaya tinignan ko ito at nakita ang pangalan ni Zach.
Zachie calling...
[Are you home?] bungad nito sa akin.
"Yeah, kakatapos ko lang din magdinner with Mom. Bakit ka napatawag?"
[Wala. Ipapaalala ko lang sayo na may bonding tayo bukas] I heard him chuckled. Siraulo talaga.
"Oo, alam ko. Hindi ko naman kakalimutan. Ayan para makatulog ka ng payapa."
I heard him laugh [Okay, tulog ka na. Alam kong napagod ka kanina. Thank you for spending time with Cat. Maiinggit sana ako pero tayo naman ang magbobonding bukas kaya hindi na ako maiingit.]
Bahagya akong natawa sa sinabi niya. "Okay then, Good night, Zachie. Thank you pala sa stuff toy. May bago na akong katabi matulog."saad ko. May binulong siya pero hindi ko naintindihan.
"May sinasabi ka?" tanong ko.
[Ha? Wala. Good night Ali. See you tomorrow.] sabi niya bago binaba ang tawag.
-------------------------------------------------------------------------------------------