Hinihingal na kami kakatakbo dahil late na kaming dalawa ni Min sa klase. Ito ba naman kasi! Pinaghintay pa ako! Nagsusuka siya kanina kaya natagalan kami. Malayo pa ang school namin mula sa bahay namin kaya halos magkandahumahog kami dahil ang bilis ng oras!
"Sinabi ko pa naman kasi sayo na huwag ka masyadong… kumain nang marami tuwing umaga dahil nasusuka mo rin naman!" Hinihingal kong bulyaw sa kaniya habang patawid kami sa pedestrian lane malapit na sa school.
Sumakay pa kami ng Jeep at sa ganitong oras na 7:30 na ay traffic na! Caloocan pa naman kami tapos sa Qc ang school! Jusko!
"Hoy! Ang kapal ng mukha mo! Sinabi ko kasi sayong mauna ka na-Ahh!" Napatili siya nang hinila ko siya pagilid dahil sa biglaang dumaang motor.
Dinuri duro ko siya habang nakaupo siyang parang tumatae sa daan.
"Kung nauna na ako baka may pinaglalamayan na kami!" Pinitik ko ang noo niya kaya ngumuso siya at hinaplos iyon.
"Eh tarantado yun, eh!" Tumayo siya at akala mo naman mahahanap niya eh kanina pa yun!
"Hay nako. Tara na at baka diretso prefect of discipline nito!" Saad ko habang hinihila na siya patakbo.
Isang eskinita na lang ang kailangan naming lagpasan bago makarating sa University. Ganto madalas ang eksena namin tuwing monday, laging late. Hindi naman lagi pero parang lagi din! Jusko, sino ba naman kasi sisipagin eh kada umaga ng monday ay nakakatamad na!
Lalo na ang malamig na simoy ng hangin tuwing umaga. Lagi kaming sabay ni Min dahil magkalapit lang ang bahay namin, nahaharangan lang ng isang mansyon na naligaw sa lugar namin.
Pero minsan ay hindi kapag umaatake ang GERD niya at umayaw nang pumasok.
Patuloy ang takbo namin nang mabangga kami ng kung sino. Agad kong tinignan nang masama ito dahil natumba pa si Min. Ngunit agad akong natawa at nabitawan ang nakaupo sa lupa na si Min.
Nagtawanan kami ni Gio, yung bumangga sa amin. Itong gago'ng to! Late din pala, eh sa kapitbahay niya lang ang school namin!
Naramdaman ko ang pag hila ng palda ko sa gilid ko kaya napatingin kami kay Min na naka upo pa rin sa lupa at lukot ang mukha dahil sa sakit sa pwet. Habang tumatawa ay tinayo namin siya ni Gio at napatakbo na lang ulit kami nang maalalang late na pala kami.
Hinihingal kaming nakarating sa gate ng school namim at tanaw sa building namin ang mga nakapilang mga estudyante patungo sa room kung saan nagaganap lagi ang class picture o mga booth na may kinalaman sa picture.
"Anong meron?" Tanong ni Min habang nagsusulat kami ng form kung bakit kami late at nag time in na rin kami.
"Paki tap nga, Shia." Binigay sa akin ni Gio ang kaniyang Id kaya tinap ko ito at hinila ang kamay niya para sa biometric.
Binatukan niya ako kaya binatukan ko rin siya.
"Siguro sa Id?" sagot ko kay Min dahil kanina pa paulit ulit ang tanong niya. "Hindi ba, sinabi sa atin kahapon na ngayon mag pi-picture para sa bagong Id?"
"Ay, Oo nga pala."
Habang nagsusulat kami ng form ay may napadaang magtataho sa gate kaya nagkatinginan kami nila Gio at nagunahan pa kaming bumili kay kuyang magtataho.
"Huy! Late na tayo tapos nakuha nyo pang bumili ng taho!" Puna ni Min.
"Wow, nahiya naman kami sayo na kay laki ng baso!" Si Gio na nagbabayad ng taho naming tatlo. "Ang laki na nga ng iyo, tapos ako pa magbabayad!"
"Aba, dapat lang!"
Nagtawanan kami at naglakad na sa soccer field ng school namin. Kailangan pa naming tawirin ito para makarating sa building namin. Malaki ang buong school na ito at dahil university at kilala ito sa lugar namin ay maraming estudyante.
Marami ring mayayaman na nag aaral dito, naligaw lamang kaming apat na magka-kaibigan, 'yung isa ay si Prince, dahil sa scholarship namin dito.
Sabay sabay kaming nag apply for scholarship dito sa school na ito at buti na lamang ay parehas kaming apat na nakapasok. We've been here since grade 7 and now last year na namin sa highschool at na-maintain namin ang scholarship namin.
"Ms. Vargas and company, why are you late?! At may dala pa kayong… taho?" Sabay sabay kaming lumingon kay Mrs. Devera, ang aming prefect of discipline.
Nagkatinginan kaming tatlo at sabay sabay na bumuntong hininga at tinapik pa kami Gio sa balikat bago kami naglakad patungo kay Ma'am Devera.
"In my office, Now!"
Tahimik kaming humihigop ng taho nang nakasunod kay Ma'am. Si ma'am ay sanay naman na sa aming dalawa ni Min dahil nga sa kondisyon ni Min kaya medyo allowed pa kami. Ngunit itong si Gio na kapitbahay lang ang school ay paniguradong sesermunan.
"Ayan na naman ang POD sign," nahimigan ko ang pagpipigil ng tawa ni Gio sa sinabi. Siniko ko siya dahil baka mapagalitan pa kami.
Madaraanan namin ang room namin kaya nakita namin ang mga kaklase naming biglang tumahimik nang makita ang kasama namin. Ngumisi ako at palihim kaming natawang tatlo. Ito talagang mga kaklase namin, kay galing mag panggap.
Kumaway kaming tatlo kay Prince na tahimik na nagbabasa nang sumulyap siya sa labas, sa amin. Umirap siya at ngumiti dahil late na naman ang mga kaibigan niya.
Inutusan kaming pumasok na sa Office ni ma'am dahil may kakausapin pa raw siyang teacher. Pumasok kaming tatlo sa loob at agad na nagtungo si Gio sa tapat ng aircon ni ma'am sa office niya.
"Ano ba yan, Gio! Nag iiba ang amoy ng hangin!" Sigaw ni Min sa kaniya at tinakpan pa ang ilong.
"Oo nga! Amoy tae, Gio!"
Tumawa kaming dalawa ni Min. Ngumuso si Gio at natawa na rin sabay upo sa tabi namin at sumandal sa balikat ko.
"Bigat mo Gio!"
Mas lalo pa siyang sumandal sa akin kaya tinulak ko siya, pero pinipigilan niya kaya natatawa ako. Tumulong sa pagtulak si Min dahil naiipit ko na rin siya sa pagsandal sa akin ni Gio.
Tawa kami nang tawa kaya walang lumalabas na lakas sa amin.
Nang tinulak namin siya ay nahulog siya at saktong bumukas ang pinto at niluwa noon si Ma'am Devera. Agad siyang tumayo at nagtago sa gilid ni Min. Tumawa kaming dalawa ni Min at natawa na rin si Ma'am Devera dahil sa akto ni Gio.
"Hay, nako. Mr. Dela Rosa… kapitbahay mo na nga ang ating paaralan ngunit bakit ka pa nali-late?" Umupo si ma'am sa swivel chair niya at sinuot ang salamin niya bago tinignan ang form na sinagutan namin.
"Eh, kasi ma'am si kuya hindi po ako ginising!" Kwento niya kay ma'am at lumapit pa sa kaniya at umupo sa upuan na nasa harap ng lamesa ni ma'am. "Sabi ko gisingin niya ako at sabay kami pumasok, pero hindi ako ginising ma'am. Diba napakasamang kapatid!"
Natawa kaming tatlo nila ma'am habang naglalabas ng sama ng loob si Gio tungkol sa kuya niya. He has an older brother in 2nd year college na nasa likod ng building ng mga high school.
"Buti hindi nahahawa sainyo si Prince," puna ni ma'am.
"Oo nga po, ma'am eh. 'Di bale ma'am sa susunod kasama na namin siya!" Pagbibiro ko.
"Hay, nako. Kayo, ha. I-maintain nyo ang grades nyo at makakuha ulit kayo ng scholarship sa mga sikat na paaralan."
"Ma'am sikat naman itong school, ahh! Dito na lang po kami! Diba?" Nilingon kami ni Min at sabay kaming tumango si Gio.
"Oo nga po, ma'am!"
Umiling iling si ma'am at inasikaso na lamang ang form na sinulatan namin. Nag kwentuhan na lamang muna kami habang hinihintay na palabasin kami.
"Sina miss Vargas at Ignacio lamang ang excused." Inayos ni ma'am ang nasa kamay na form at tumingin sa aming tatlo. "Ikaw mister, magpagising ka muna sa kuya mo ng maaga."
Natawa ulit kami na kinanguso ni Gio at ikinatampo dahil tumalikod siya sa amin. At hinarap ang ang pader.
"Sino ba naman ako para maging excused sa pagkaka-late…"
"Sad boy na naman, ma'am oh!" Humalakhak kaming dalawa ni Min.
Tumayo si Min at sinilip silip si Gio na todo iwas naman. "Di nyo na ako lab! Lalo ka na ma'am… di mo na ako lab." Ngumuso siya at umakto pang umiiyak habang kaunti na lang ay mamamatay na kami kakatawa.
"Hay. Kayo talaga. Sige na, pumunta na kayo sa room nyo at baka sunod na kayo sa kukuhanan ng litrato.
"Ay, hala ma'am wala silang makukuha sa akin kasi wala akong dalang litrato!"
Humalakhak ako. "Sira! HAHAH"
Umiling si ma'am na natatawa pa rin at pinalabas na kami.
"Siraulo ka talaga, Gio!" Ani ko nang naglalakad na kami patungo sa room.
Ngumisi siya sa akin. "In love ka na naman sa akin, Shia. Ako lang to. Hali nga kayo girls." Inakbayan niya kaming dalawa ni Gio.
Sabay kaming nanlaban ni Min nang pababiro.
Magka-kaibigan na kami, elementary pa lang. Kaya halos pamilya na ang turing namin sa isa't isa. Si Gio ang pinakabata sa amin pero kung maka asta ay daig pa ang mga tatay namin. Sa kanilang dalawa ni Prince ang dahilan kung bakit nahihiyang lumapit ang mga may gustong manligaw sa amin ni Min.
Well, I don't have problem with that kasi hindi naman ako intiresado riyan.
"May gusto 'ata iyon sayo, Shia," pansin niya kay Reese na nasalubong namin kanina.
"Wala naman siguro," sagot ko nang makapasok na kami sa room.
Magulo ang classroom dahil walang teacher. May meeting ata at ang iba ay nagbabantay doon sa pictorial doon. Ang president nitong room namin ay si Prince, obviously. Mukha lang siyang walang pakialam pero may pake iyan.
"Mayron!" pilit ni Gio.
Nagpunta muna kami sa kaniya kaniyang upuan para ibaba ang bag bago kami pumunta sa pwesto ni Prince na nasa harap naka upo. Kinuha namin ang mga upuan ng iba at pinaikot kay Prince bago kami naupo.
"Wala! At tsaka may girlfriend iyon, diba!"
"O nga, O nga!" Si Min at kinalabit si Prince na nagbabasa.
"Si Andrea? Sus! Baka nagsawa na roon, balita ko nga break na 'yun eh!" Chismis ni Gio na narinig ng buong klase. "Diba, Jerome?! Break na sila diba?!" Tanong niya pa kay Jerome na isa sa kasa-kasama ni Reese na kaklase namin.
Nangunot ang noo niya at binato si Gio ng nakarolyong papel.
"Gago, manahimik ka riyan!"
Humalakhak naman si Gio at binalik ang nakarolyong papel na binato sa kaniya.
"So…" humarap na sa amin si Gio at ginalaw ang kilay. "Kumusta, pre! Bakit ang aga mo pumasok?"
Natawa kami nang tanungin niya si Prince. "Ayos lang. Ikaw ba? Bakit late ka? Parang isang libo'ng hakbang lang ang school mula sa bahay mo ah."
"Ohh!" Asar naming dalawa ni Min kay Gio. "Payag ka nun?" dugtong ko pa.
Ngumiwi siya. "Eh, bakit ba?! Hindi nga ako ginising eh!" Inis niyang sinabi at pinadyak pa ang mga paa.
Si Prince ang mahilig mambara sa amin kaya minsan ay nakakainis siya pero sa huli ay natatawa pa. Habang naglalaro kami ng mafia game ay nagsalita ang vp namin na nasa hamba ng pintuan.
"Section na raw natin ang susunod. Pumila na raw sa labas."
Lahat kami ay nakatingin lang sa kaniya, walang gumagalaw. Binasa ni Jane ang labi niya bago yumuko at naglakad papunta sa pwesto namin.
"Prince, sabihin mo naman sa kanila. Ikaw lang pinapakinggan niyang mga 'yan eh." Nahimigan ko ang galit sa tono niya.
Nasulyapan ko si Gio na namumula na dahil sa pagpipigil ng tawa habang nakatingin kay Vp. Nang tinignan siya ni Vp ay tsaka sumabog ang tawa niya at agad siyang tumungo para pigilan ang tawa. Narinig ko rin ang ibang mga boys na tumawa kaya medyo natawa rin ako.
Siniko naman ako ni Prince, pinapahinto ako sa paghagikgik. Siniko ko rin si Gio na sumilip pa sa akin habang nakatungo.
Agad na pumito si Min para makuha ang atensyon ng mga kaklase namin bago nagsalita si Prince. Si Min ang secretary ng klase namin at ang sergeant at arms naman ay si Gio habang ako ay Treasurer.
Bagay daw sa akin iyon sabi ni Gio dahil mukha raw akong pera! Napakasiraulo.
Pinapila na kaming lahat ni Prince sa labas at by height pa talaga. Wala namang reklamo ang iba dahil ayaw nilang makitang magalit si Prince. Hindi pa naman nila nakikitang nagagalit si Prince pero sabi nga ng iba na kung sino pa ang tahimik iyon pa ang parang tigre kung magalit.
Habang nakapila kami ay panay ang pagpapalobo ng bubble gum ni Min at Jerome sa harapan ko. Nagpapalakihan sila sa mismong harap ko. Mas matangkad kasi ako kay Min kaya nasa harap ko siya at sa gilid naman niya ay si Jerome.
Humalukipkip ako at tumingin sa labas. Nakita ko ang paglabasan ng mga teacher mula sa faculty room na nagkalat sa soccer field. Umabante pa ako para makita sila nang todo nang mabangga ako ng kung sino at napigtas ko pa ang suot niya atang bracelet nang sumabit doon ang kamay ko.
Naka black na hoodie siya at nagmamadali talaga dahil hindi man lang ako tinulungang makatayo. Sinulyapan niya lang ako at nagpatuloy sa pagtakbo at pumasok sa room kung saan ginaganap ang Id picture.
"Uy! Shia! Ayos ka lang ba? " Agad akong inalalayan ni Gio at chineck pa kung may galos ba ako.
Hindi ko siya mapansin dahil nasa isip ko ang lalaking iyon. Parang hindi ko siya nakikita rito. Mula highschool pa ako rito kaya kilala ko ang mga mukha at tindig ng lahat. Pero itong lalaking ito ay parang bago sa paningin ko.
"Sino 'yun?" Tanong ko, nakatingin pa rin sa kung saan nawala ang lalaki sa paningin ko.
"Sino?" Pinupulot niya ang mga nasirang bracelet.
Pinanood ko siyang pinupulot lahat ng black beads at nang makuha lahat ay binigay niya iyon sa akin.
"Sayo ba yan? Wala ka namang ganiyan, ah," he snorted.
Nagkibit balikat ako. "Ewan ko. Doon ata sa lalaki!"
Ang sakit ng pwet ko! Karma ata ito dahil pinagtawanan ko muna si Min bago tulungan. Siraulong lalaking ito! Hindi man lang nag sorry.
"Sinong lalaki?"
Hindi ko na siya sinagot nang pinaayos na kami ng pila ni Prince. Naglalakad na kaming lahat papunta sa room nang kalabitin ako ng nasa likod ko. Nilingon ko si Franchesca habang nakataas ang isang kilay ko.
Ngumuso siya kaya nagtaka ako. "Hoy! Alam kong hindi ka straight at tanggap kita pero bakit may pahalik? Ano ka ba!" Natatawa kong sinabi na nang aasar din.
She frowned and cupped my face before he turned it where Reese and his company were.
"Maganda ka pero hindi kita type."
Ngumuso ako ako at sinubukan siyang tignan ngunit pinipigilan niya para makita ko sila Reese.
Kumindat sa akin si Reese kaya dali dali kong tinanggal ang kamay ni Franchesca sa ulo ko para maiba ang paningin ko.
"Ang sama mo naman! Hindi mo ako type?" panunuya ko at nag pa-cute pa ako sa kaniya.
Nginisihan niya ako. "Nah… ang ingay mo, eh."
I was left dumbfounded. Hindi naman ako maingay ah! Medyo lang naman! Ang sama nito! Maganda si Franchesca pero hindi siya straight, let's say she's into girls not into boys. Mahaba ang buhok niya at palagi itong nakatali sa mababang ponytail.
Nakanguso akong nakapila at naghihintay na makapasok. Tigli-lima lang daw ang papasok at ang tagal ko nang nakatayo! Ayoko umupo sa lapag dahil marumi!
"Nguso mo." Pinitik ni Prince ang nguso ko nang lumabas siya para i-check kaming mga hindi pa tapos.
"Hindi pa ba tapos? Naiinitan na ako!" Reklamo ko.
"Sus! Ni-hindi ka nga pinagpapawisan, eh!"
"Eh, malamang pinupunasan ko!" Umirap ako sa kaniya.
"Patapos na. Kayo na ang susunod." Ngumiti siya at umalis sa harap ko at pumunta sa room namin para tignan ang mga natapos na.
Tapos na sila Min at Gio kaya kanina pa sila nasa aircon. Binelatan pa ako nila nang lumabas silang sabay sa photo room.
Ilang minuto pa ang lumipas at sa wakas ay nakapasok na rin kami. Pagpasok ay may mga bangko at may harang na kulay pulang tela para siguro hindi makita yung pinipicturan. Tama lang 'yan para hindi nila makita ang kagandahan ng ngiti ko!
Pumasok si Prince don mismo sa set up kaya sumunod ako sa kaniya. Nagulat pa siya at pinitik ang noo ko nang makita akong sumisilio sa likod niya.
"Anong ginagawa mo rito?"
"Gusto ko lang makita!" Tinulak ko siya pagilid.
"Lah? Makikita mo rin naman ito mamaya!"
"Kaya nga! Makikita ko naman, so bakit mo pa tinatakpan??" Naiirita kong tanong.
Umirap siya kaya napatanga ako. "So, iniirapan mo na ako?"
"Oo." Nagkibit balikat siya.
"Dukutin ko yang mata mo, eh!"
Humalakhak siya at pinabayaan na ako. Nakatayo ang camera sa gitna at may upuan sa harap nung pulang tela.
Tinignan ko ang camera at sinubukang silipin. Hindi pa ako nakakahawak o nakakasubok nitong mga camera na ganito. Mukhang maganda ito. Umupo ako sa inuupuan ng nagpipicture at sinubukan kong pindutin ang click nang biglang namatay.
Agad akong napatayo at muntikan pang mahulog nang masalo naming dalawa ni Prince iyon!.
"Gago ka-" Mura niya na agad niyang tinakpan dahil baka may makarinig na teacher.
Natawa ako.
"Oh bakit?"
"Doon ka na nga sa labas, mamaya masira mo ito! Ang mahal nito!" pagtataboy niya sa akin.
Humalakhak ako. "Kaya kong palitan 'yan! Benta ko kidney ko!"
"Heh!"
Tinulak na niya ako palabas tawa naman ako nang tawa nang may masalubong kaming lalaki na pumasok sa loob. Hindi ko na pinansin iyon dahil natatawa ang teacher na in-charge dito sa loob dahil sa lakas ng tawa ko.
"Ms. Vargas, nakakahawa ang tawa mo."
"Ay, sorry, sir!"
Naupo na ulit ako katabi ni Franchesca, tinaas baba ko pa ang kilay ko sa kaniya. Mukha naman siyang nandidiri sa akin kaya inirapan niya ako.
"May gusto ka sa kaklase natin?" Naramdaman ko ang pagkaestatwa niya nang tanungin ko siya.
Natawa ako. Binangga ko siya gamit ang balikat. "Ikaw, ha. Feeling ko 'yung tahimik, kasi sabi mo dimo ako type eh maingay ako."
"Shut up, Shia," mariin niyang sinabi at hindi na ako pinansin.
Tumingin na lamang ako sa bintana na katabi ko. Ang bilis ng panahon, parang kailan lang eh kakasimula pa lang ng highschool, tapos ngayon malapit na matapos. Itong Id picture namin ay hanggang college na.
"Ms. Vargas ikaw na."
Tumayo ako nang tinawag ako ni sir. Dumiretso na ako sa loob at nakita ang isang lalaking inaayos ang camera. Pinagdikit ko ang mga labi at nakatayo lamang sa gilid.
Halos mapugto ang hininga ko nang lumingon siya sa akin. Nagtama ang aming mga mata ngunit medyo hindi ko makita nang malinaw ang mga mata niya dahil sa glasses niya na natatamaan din ng ilaw.
"Umupo ka na roon, Shia!" Utos sa akin ni Prince na biglang pumasok. "Tigilan mo na nga pagkakape mo!"
Hinampas ko siya dahil sa sinabi. Napatalon ako sa gulat kaya todo tawa siya.
Umupo na ako roon at nag thumbs up pa siya bago kami iniwan ng lalaki rito.
"Hindi ikaw 'yung laging kumukuha sa amin ng litrato, ah!" Tumikhim ako. "Sino ka? Teacher ka ba? Omg! Ikaw ba 'yung bagong teacher na sinasabi?" Sunod sunod na tanong ko. Lumapit pa ako sa kaniya.
He glanced at me with his bored eyes. "Nope."
Nadismaya ako roon at bumalik sa pagkakaupo. Pinagkrus ko ang legs ko at umaktong nag iisip.
"Sino ka? Estudyante ka ba rito?" Ginalaw ko ang kamay ko, na parang may binubura sa hangin. "Ay hindi! Kasi hindi kita kilala. Kilala ko kasi lahat ng estudyante rito." Pagmamayabang ko.
"Could you please shut your mouth?"
Nagulat ako sa sinabi niya at napahawak pa ako sa dibdib ko. "Ay! grabe siya! Hindi mo ba ako kilala?"
"Hindi. Ikaw ba, kilala mo ako?" Balik niyang tanong sa akin. Nanatili na ang kaniyang paningin sa akin.
I gulped. "Hindi! Tsaka wala naman akong pakialam sayo!" Pinagkrus ko ang braso ko at tumingin sa iba habang nakairap.
Narinig ko ang marahan niyang pagtawa dahilan kung bakit mas lalo akong nainis.
"I doubt it. Parang kanina lang, tanong ka nang tanong sa akin." Pinilig niya ang ulo sa kabila at magsasalita na sana nang mapatingin siya sa kung sinong humawi sa tela.
Napalingon na rin ako at nakita namin si Ma'am Buena, ang adviser namin. May mahabang buhok si ma'am na hanggang taas ng pwet at kulay bronze.
"Last ka na raw muna Shia. Pinabalik ko na ang mga kaklase mo na nasa labas para makapag recess na." Halos malukot ang mukha ko sa narinig kay ma'am… so wala na akong kasabay pumunta ng room?!
Si kuyang camera man naman ang tinignan niya. "Ikaw, kumain ka na rin muna after that. Then diretso ka sa office para maasikaso na yung papers mo."
Tumango naman yung lalaki. "Sige po."
"Ma'am, kilala mo po?" kuryosong tanong ko.
Natatawa namang tumango si Ma'am. "Syempre naman, Ms. Vargas. Bakit ko naman siya hindi makikilala?"
"Malay ko rin po."
Humalakhak si ma'am at nagpaalam na aalis na. Ano bayan, nagtanong ako nang maayos tapos tumawa lang?! Hindi ko rin maintindihan itong mga teachers na ito na kung magtatanong tayo ay ang sagot nila ay patanong din.
So kanino kami magtatanong? Kay superman?
Natauhan ako nang marinig ko ang click ng camera. Halos matatanta ako dahil hindi pa ako naka-ayos!
"Hoy! Isa pa! Ulit!" natataranta kong sinabi at nagmadaling ayusin ang mukha ko at uniporme ko.
Nagtaas siya ng kilay. "Huh? Tig iisa lang ang take kada students. Tapos ikaw dalawa?"
Matalim ko siyang tinitigan. "Hoy! Hindi mo naman kasi sinabi na i-c-click mo na pala! Eh, kung sinabi mo edi dapat maayos! Isumbong kita-Arghh!" sinabunutan ko ang sarili ko nang cli-nick niya ulit habang nagsasalita ako.
Nakita ko ang pagtaas ng gilid ng labi niya na parang natatawa.
"Pinagtitripan mo ba ako, 4 eyed guy?"
Nagbago ang ekspresyon niya. "Yes, noisy girl."
Nagdikit ang kilay ko. "I'm now a woman, not a girl!"
Sinuri niya ako mula ulo hanggang paa at halos mapatay ko siya sa paraan nang pag ngisi niya.
"Prove it."