"Babe you're seriously making me think that you are in love with me. Please do me a favor, don't be too obvious".
-sabi niya sabay ngiti ng nakakaloko
"You---!"
Agad ko siyang pinalo ng malakas gamit ang unan na malapit sa akin.
"Napaka-assuming mo!"
-sigaw ko at binato ang unan sa kanya
Mabilis siyang nakailag sa aking pagbato. Kaya minabilis ko rin ang paghagis ng mga unan papunta sa kanya. Nagsimula na rin siyang maghagis ng unan pabalik sa akin.
Tumatawa siyang tumatakbo at umiilag sa mga unan na ibinabato ko habang hinahabol ko siya. Ikot at habulan ang ginawa namin ng umagang iyon. Unti-unti na ring nawawala ang sama ng loob ko kay Ethan at napalitan na lamang ng ngiti at saya. Para lang kaming mga bata na naglalaro.
Kalaunan ay napagod ako at piniling humiga sa kama. Nagulat ako ng tumama mismo sa aking mukha ang isang malaking unan. Agad na napatawa ng malakas si Ethan habang hawak-hawak ang tiyan niya.
"Ganyanan pala tayo Ethan ah!"
Agad ko siyang pinalo ng unan na nauwi sa isang pillow fight. Pareho kaming palaban at walang nagpapatalo. Pero agad rin naman iyong natapos nang marinig na sa buong dormitoryo ang hudyat para sa agahan.
Masigla akong pumunta sa dining hall para kumain ng agahan. Hindi ko puwedeng makasabay si Ethan sa pagkain kasi magkaiba kami ng lebel at pareho naming napagdesisyunan na hindi na muna ipaalam sa iba na magkakilala kami. Siya na mismo ang nagsabi na para daw iyon sa kaligtasan ko. Kahit man di ko masyadong maintindihan ang rason niya ay sumang-ayon na rin ako.
"Saya natin ngayon ah!"
-bungad sa akin ni Cindy
"Masaya lang ang gising!"
-sagot ko sabay ngiti
"Talaga? Bakit may narinig akong ingay galing sa kuwarto mo kanina? Parang may kasama ka ata! Hmm?"
-sunod-sunod na saad nito habang nginingitian ako ng nakakaloko
"Anong pangalan? Pang-ilang floor?"
-dagdag na tanong nito
"Ano ba! Wala akong kasama! Linisin mo nga yang tenga mo paminsan-minsan kung anu-ano na yang naririnig mo eh!"
-pilit na pagdedeny ko sa mga tanong niya sa akin
Nakahinga ako ng maluwag nang hindi na siya nagtanong pa. Sa susunod ay kailangan talaga naming mas mag-ingat ni Ethan. Kahit na nakakasama at nakakausap ko si Cindy ay di ko pa rin siya lubusang kilala kaya di pa rin ako dapat magtiwala ng basta-basta sa kanya.
Agad kong isinantabi ang aking mga iniisip at inatupag ang aking pagkain. Pero hindi pa man nagtatagal ay nagsalita ulit si Cindy.
"May sasabihin ako sayo pero satin-satin lang muna. Wag mong ipagsasabi kahit kanino".
-mahinang sabi niya
"Ano iyon?"
-curious na tanong ko
Mas lumapit siya sa akin upang masigurado na walang makakarinig na iba.
"Di ko lang sigurado pero parang nakita ko ang isang miyembro ng Magic 8 kanina".
-bulong nito
"Ha? Sigurado ka ba diyan?"
-takang tanong ko
"Di ko nga alam basta nakita ko siya kanina!"
-mahinang sagot nito
"Sino ba kasi iyang nakita mo?"
-tanong ko. Nagsimula na rin akong macurious sa kung sino ang tinutukoy niya.
"Si Ethan, Ethan Rutherford!"
-diretsahang sagot niya
Agad akong nanlamig ng marinig ang pangalan ni Ethan. Kung gayon ay kasali nga siya sa Magic 8.
"Sigurado ka ba talaga na siya ang nakita mo?"
-kabado kong tanong
"Ewan! Basta nakita ko siya sa mismong floor natin. Sa third floor! Maaga kasi akong bumaba kanina kasi naiwan ko yong I.D. ko kagabi sa first floor. Titingnan ko na sana kung papasok ba siya sa isa sa mga kuwarto pero agad kasi siyang lumingon sa direksiyon ko kaya nagtago ako. Pagtingin ko ulit wala na! Naghintay ako sa baba baka sakaling makita ko kung saang kuwarto siya lalabas pero hindi ko na ulit siya nakita pa".
-mahabang sagot nito
"Baka nga ay namamalik-mata ka lang! Ano namang gagawin niya dito diba?"
Kinakabahan man ay pilit kong pinapakalma ang sarili ko. Ayokong mapansin niya na apektado ako sa nangyari at baka mapaghinalaan pa.
Hindi na sumagot pa si Cindy. Marahil ay naisip niyang namamalik-mata lang talaga siya. Nawalan na ako ng gana sa pagkain. Inubos ko na lamang ang tubig na nasa aking lamesa at bumalik na ulit sa kuwarto para makapaghanda.
Imbes na maligo na kaagad ay napahiga ulit ako sa aking kama. Kailangan ko talagang maka-usap si Ethan at paalalahanan na huwag na munang pumunta dito. Pero kasi kilala ko iyon at alam na alam ko na pupunta ulit iyon dito kaya kailangan ko siyang balaan kasi sa susunod ay baka mahuli na kami.
Kasalukuyan kaming naglalakad sa hallway ng unibersidad nang marinig namin ang usapan ng mga estudyante.
"Nakabalik na sila!"
"Nakita ko sila kanina sa labas!"
"Ang guwapo-guwapo talaga ni Ethan!"
"Lalong-lalo na si Primo!"
"May Emmy na yon!"
"Bakit sila ba? Wala namang sinasabi si Primo na sila diba?"
Naninibago ako sa kakaibang awra ng unibersidad ngayon. Sa isang linggo ng pag-aaral ko dito ay nasanay ako na palagi itong tahimik. Sa loob man ng silid-aralan, sa hallway o sa hapagkainan. Pero ngayon ang hallway na aming tinatahak ay naging maingay at mapapansin mong masaya at punong-puno ng enerhiya ang mga estudyante.
"Anong meron? Bakit ang saya-saya ng mga estudyante ngayon?"
-takang tanong ko kay Cindy
"Bumalik na kasi ang Magic 8. Kaya ang mga estudyante ay sabik na makita ulit sila".
-sagot nito
"Bakit? Ganun ba sila kasikat para maging masaya ang buong unibersidad sa pagbabalik nila?"
-tanong ko
"Sa walong miyembro ng grupo, lima doon ay mga lalaki at tatlo lamang ang babae. Hindi lang sila galing sa mga malalakas na clan pero may ipagmamayabang rin sila sa pisikal. Kung kaya halos lahat ng mga babae dito pinapangarap na mapansin o kahit matapunan man lamang ng tingin ng isa sa kanila. Pati rin ang mga lalaki, nirerespeto at iniidolo sila. Sila ay sina Emmy Clementine Aldaine, Paola Sariah Abernathy at Leanna Archer. Ang mga lalaki naman ay sina Kendric Bancraft, Riggs Octavius Barringer, Braylon Lake Cullen, Ethan Rutherford at ang tumatayong lider ng grupo na si Carrion Primo Farquharson."
-mahabang eksplenasyon niya
"Bakit ikaw? Parang hindi ka naman masyadong excited sa pagbabalik nila?"
-tanong ko
"Nagsasawa na ako sa mga lalaki dito. At isa pa ang napapansin lang nila ay iyong ka lebel nila. Kaya taga ibang university nalang ang gugustuhin ko".
-bulong niya sa akin sabay tawa.
Paakyat kami sa ikalawang palapag ng unibersidad para sa unang subject nang biglang magkagulo ang mga estudyante.
"ANDITO NA SILA!"
-sigaw ng isang babae
Agad na dumami ang mga estudyante sa hallway. Karamihan ng mga naririto ay mga babae. Naging mas maingay ang hallway, maraming mga babae ang nagtitilian. Ilang sandali pa ay agad na nagsiatrasan ang mga estudyante at nagbigay ng espasyo sa gitna.
Itutuloy na sana ulit namin ni Cindy ang pag-akyat nang mas naging malakas ang tilian sa paligid. Agad kaming lumingon at nakita kung sino ang naging sanhi ng matinding kaguluhan ng mga estudyante.
Agad kong nakita ang tatlong babae at limang lalaking naglalakad papunta sa direksiyon na kinatatayuan namin. Nakita ko na kasama si Ethan sa mga ito. Marahil ay ito na nga ang Magic 8.
"Ex-----cuse me?"
-bored na sabi ng isang babaeng kasama ng Magic 8
Agad akong napapitlag ng mapansin na nasa harap ko na pala ang Magic 8 at
NAKAHARANG AKO SA DINADAANAN NILA!
Inilibot ko ang tingin sa buong paligid. Masasama ang tingin na ibinibigay ng karamihan, may iba naman na parang nag-aalala. Parang ipinaparating ng kanilang mga titig na dapat ay umalis ako sa pagkakaharang.
Bago ko pa man maproseso ang lahat ng mga nangyayari ay kaagad akong hinila ni Cindy papunta sa gilid na parte ng hagdanan. Hindi ko nakitang lumingon maski ni isang beses sa puwesto ko si Ethan. Diretso lang siyang nakatingin sa harap. Nabalot ng sobrang katahimikan ang buong paligid. Isang lalaki sa Magic 8 ang tumingin sa akin ng diretso. Takot man ay tinapangan ko ang aking loob at sinalubong ang mga titig niya. Nagulat ako ng biglang magbago ang kulay ng mga mata niya at naging kulay lila.
Mas lalo akong nanghina sa nasaksihan. Walang kakayahan ang clan namin na magpalit ng kulay ng mga mata kung kaya ito ang unang beses na makakita ako ng ganito.
Nakahinga ako ng maluwag nang bumalik ang tingin nito sa harap at nauna nang maglakad. Agad rin namang sumunod ang iba pati narin si Ethan.
Sobrang lakas at bilis nang naging pagtibok ng aking puso. Ito ang unang beses na makaramdam ako ng sobrang takot at kaba sa buong buhay ko. Nilingon ko ulit ang Magic 8. Medyo nakakalayo na sila. Ibabalik ko na sana ang tingin ko kay Cindy nang makita kong tumingin sa direksiyon ko si Ethan. Galit ang una kong nakita sa mga mata niya pero kalaunan ay napalitan ito ng pag-aalala bago nagpatuloy ulit sa paglalakad.
Anong nangyayari? May nagawa ba akong mali?