Hello Becky! How are you doing, dear? Anito at nang hindi agad siya sumagot ay nagmessage ito ulit.
It's been a while. I miss you.
Napangiti  siya ng mabasa ang mga message. Minsan pala ay nakakabuti rin  na hindi siya palaging online para ma-miss siya ng lalaki.
Hello Justin! I'm very sorry for not answering your messages sooner. I've been doing a lot of things, Imiss you too.
What have you been up to? As for me, I've been hooked on biking lately. I also play basketball and badminton during my free time. How about you? What kind of sports are you into?
Nakagat ni Becky ang ibabang labi. Mukhang sports-minded pa ata si Justin. Wala siyang hilig sa sports pero. Kailangan niyang magmukhang interesado. Kailangang magkaroon sila ng common ground para mas maging interesado ito sa kanya. Alang-alang sa kanyang American dream.
I do swimming sometimes and I love badminton, too.
Natagpuan na lamang niya ang sarili na itina-type ang mga iyon. Naglalaro naman talaga siya ng badminton noon at nae-enjoy din naman, pero mga 3  years ago na iyon. Nagsu-swimming naman siya tuwing summer kaya siguro pwede na niyang banggitin ang "swimming".
That's great it seems that we could get along with each other very well, Becky. We could play badminton here in Chicago or maybe there in the Philippines if i ever come over for a visit, whichever comes first. That sounds like a pretty good idea, right?
Muntik nang mapatili si Becky sa naging sagot ng Kano.
Yes! That's a verry good idea, Justin.
And since you're into sports, I can only assume that you must be in good shape. I wonder why your pictures on facebook are so few. You're close-up pictures are that nice, though. You're very pretty.
Biglang binundol ng kaba ang kanyang dibdib sa mensahe ng Kano. Mukhang iyon na ata ang pinaka-iiwasan niyang mangyari.
Yes I'm not very much into taking pictures of myself.
Tanging naisagot niya habang nag-iisip pa ng pwedeng sabihin dito.
I understand.  But would it be okay if I ask for your most recent picture? Hopefully, a full-body shot,if you have one. I would like to show it to my friends  who are asking me who I've been chatting with the past few months. They have been bugging me to show it to them since I've been spending a lot of time on FB. They want to know who you are. I hope you don't mind.
Sure. Wait a sec.
Naghanap agad si Becky ng pictures na pwede niyang ipadala kay Justin, pero wala ni isang pumasa sa panlasa niya. Bigla ay naalala niya ang Photoshopped niyang picture na ginawa ng kaibigan niyang si Heidi.
Nang i-view niya ulit ang litrato ay muli siyang napahanga sa babaeng naroon. Ilang minuto niya lang itong tinitigan bago nagpakawala ng isang malalim na buntong-hininga. Alam niyang mali kung ipapadala niya iyon kay Justin. Pero kung ipapadala naman niya ang tunay niyang mga litrato ay baka mawalan na ito totally ng interes sa kanya. Baka ito pa ang dahilan para bigla itong hindi na magparamdam sa kanya o kaya naman ay i-unfriend siya o magulat na lamang siya dahil blocked na rin siya.
"Pero hindi ako ito..." Muli ay nasabi niya sa sarili habang titig na titig parin sa litrato. "I can't do this, this is wrong."
Nang tumunog ang notification sound ng Facebook ay nakita niya ang nag-message ulit si Justin.
Becky? Are you still there?
"Bahala na nga." Aniya na bigla pang pumikit bago agad agad na i-send ang picture. Pigil ang hiningang hinintay ng dalaga ang magiging komento ng Kano habang nakapikit sandali ang mata at naka-cross finger. Nang marinig niya ang pagtunog bilang notification message ng chat ay saka niya iminulat ang mata.
Goodness, Becky! You're beautiful!
Damang-dama ni Becky ang pag-init ng mga pisngi kasabay ng di maipaliwanag na pakiramdam.
Thank you.
My gosh! What are the Filipino men doing out there? Why the hell are you still single? They must be blind.
Natawa siya sa sinabi ni Justin.
I don't know. Maybe they are blind.
I feel sorry for them. Well, their loss is my gain. I'm going to brag about you to my friends. Do you mind if I print your picture?
No, I don't. Go ahead.
Ilang sandali pa ay nagpaalam na rin siya sa ka-chat, saka nagmamadaling kinuha ang kanyang cellphone at nagmamadaling tinawagan ang kaibigang si Heidi.
"Bru, may problema ako!"
"Ano? Saka alam mo bang alas-kuwatro pa lang?" Halata sa kabilang linya ang basag na boses nito pero di niya pinansin ang sinabi ng kaibigan.
"Ka-chat ko si Justin. Humingi siya ng picture ko. Ewan ko kung ano ang sumali sa akin pero ipinadala ko 'yong photoshopped ko na picture."
Tila di naman nagulat ang kaibigan sa kwento niya.
"Anong sabi niya?"
"Sobrang nagustuhan niya. Ang ganda ko raw."
"Good for you." Naghikab ito nang malakas.
"Sige na, tumawag ka na lang ulit ma----"
"Bru, hindi mo ako naiintindihan! Edited ang picture ko na iyon. Sexy ako doon. E paano kung bigla siyang pumunta rito para makita ako ng personal at makita niyang... hindi ako gano'n?"
Matagal na natahimik si Heidi sa kabilang linya.
"Heidi? Bru, nandiyan ka pa ba? Tama ba ang ginawa ko?" Nag-aalalang tanong niya.
Narinig niya pa ang malalim na paghinga ng kaibigan bago muling nagsalita. "Mag-diet kana talaga, bru. Iyon lang nag naiisip kong solusyon sa problema mo at wala nang iba pa. Sige na, inaantok pa talaga ako, ba-bye." Agad din nitong pinatay ang tawag dahil siguro sa antok nito.
Nang mawala sa kabilang linya si Heidi ay naiwang nakatulala si Becky habang hawak hawak parin ang cell phone niya. Dahan-Dahan pa siyang umupo sa silya habang nasa malalim na pag-iisip.
"Ang tanga mo talaga, Becky! Bakit mo ginawa 'yon?" tanging lumabas sa bibig niya saka ipinadyak ang mga paa habang hawak ang kanyang buhok.