Dahil sa nangyari sa akin ay hindi ako nakapasok nang isang araw at sabi lang naman ng doctor na may nakain akong hindi tanggap ng tiyan ko.
"Kamusta ang pakiramdam mo?" tanong sa akin ni James ng dumalaw ito sa hospital.
"I'm fine. Don't worry dahil matatag ako." natatawa ko pang sagot ko sa kaniya.
Umiling lang siya at nakatitig pa rin sa akin na para bang may kung ano siyang kinawiwilihan sa mukha ko.
"May dumi ba ang mukha ko?" naiilang kong tanong sa kaniya.
Ngumiti lang siya kaya lalong lumiit ang chinese eyes nito kung tawagin ko.
"Nothing, Grace. I'm just happy because you are now okay. Makakatulog na ako ng maayos mamaya." sabi niya lang at ginulo ang buhok ko.
Namula naman ako sa binitawan niyang salita.
Ilang minuto pa siyang nanatili at buntong-hininga namin pareho ang tanging naririnig ko sa loob.
Isang linggo mula ng mangyari sa akin iyon ay isang linggo na rin ako na halos puro gulay ang ipinapakain ni James dahil masustansiya daw iyon at iyon ang bilin rin nila Nanay at Tatay.
"Huwag kang magsusuot ng maikling damit mamaya. Ayoko niyon." paalala niya bago ako siniil ng halik.
Gulat at kaba ang naramdaman ko dahil sa ginawa ni James.
That is my first kiss again.
Malakas ko siyang tinulak at sinampal  ng kaliwa't kanan.
"How dare you to kiss me without my permission." sigaw ko.
Natulala pa siya sandali bago bumalik sa katinuan.
"I'm sorry.. I'm.." natataranta niya ring sagot sa akin.
"No. Hindi na ako sasama nawalan na ako ng gana at mas lalong nawalan ako ng tiwala sa iyo. Get out. I said get out." sigaw ko at tinulak pa siya palabas ng kwarto ko.
Bakit ba kasi ang laki ang tiwala sa kaniya nila Nanay at Tatay? Dahil ba may ibubuga ang pamilya nila? Dahil ba doon iyon?
Isasama niya sana ako sa birthday party ng isang barkada niya pero dahil sa ginawa niya ay nawalan ako ng gana.
"Allison Grace!" narinig kong sigaw ni Nanay mula sa likuran ni James. "Kung ayaw mong sumama pwede niyo namang pag-usapan ng maayos hindi iyong halos masira ang bahay na ito dahil sa sigaw mo para paalisin si James." sita sa akin ni Nanay.
"Umalis kana." mahina kong sabi at pumasok na ulit sa kwarto at nilock ito.
Maghapon akong nagkulong kahit na ilang beses akong kinatok ni Nanay sa kwarto para kumain.
"Bakit ba kasi ginawa mo iyon kay James? Jusko. He is your first kiss at dapat proud ka doon." sabi pa ni Kayla kaya inis ko siyang nilingon.
"Anong nakakaproud doon?" mataray na tanong ko sa kaniya
Tinaasan niya ako ng kilay.
"Just think about it. Sakit mo sa ulo." pahabol niyang sabi bago ako iniwan mag-isa.
Nasa ikalawang subject na kami ng mag-excuse si Kayla dahil magbabanyo muna pero nagtext siyang date nila ngayon ni Earl.
Me: Mag-iingat kayo.
Sagot ko sa text niya bago ibinalik ang cellphone sa bulsa ng bag ko.
Lumingon pa ako sa likuran kung may nakatingin sa ginawa kong nakaw na paghawak ng cellphone at pagsulyap ko ay nakakunot na noo ni James ang tumama sa mga mata ko.
Problema niya?
Nakauwi ako ng maayos sa bahay at walang James na pangalan na nabanggit sila Nanay at Tatay.
Sa mga sumunod na araw ay madalas na akong mag-isa kaya may mga umaaligid na mga lalaki na naman sa akin.
"Can I court you?" nauutal pang sambit ni Josh ng iabot sa akin ang isang bouquet na bulaklak at pagkatapos ay kumaripas rin sa pagtakbo dahil may narinig akong maliliit na yapak na mula sa likuran ko.
"How was your suitor? Mukhang takot pa rin ata sa presensiya ko?" pagmamayabang pa niya.
Tinarayan ko lang siya at handa ng maglakad palayo sa kaniya ng hilahin niya ang braso ko at ito ang naging dahilan para mapasubsob ako sa matipunong dibdib nito.
"Just give me a chance to show you on how much I love you." bulong niya na ikinapula ng buo kong mukha.
"Stop doing this, James. This is not funny." madiin kong sabi at tumakbo na paalis sa pwesto kanina.
Kinabukasan ay walang pasok kaya maaga akong gumising at dumiretso sa bukid pagkatapos kumain.
"Kailan po ang ani ang mga mangga, Tay?" tanong ko habang nagwawalis sa harap ng maliit na kubo namin dito sa bukid.
"Baka sa susunod pa na buwan." sagot niya.
"Kapag mag-aani na kayo, Tay. Pakisabihan ako ha. Magtatabi ako para sa simbahan. Mag-aalay ako para sa masagana nating ani. Pasasalamat iyon." sabi ko at pumasok na ulit sa loob ng kubo para maghanda ng meryenda.
Nakaupo lang ako sa ilalim ng mangga ng maramdaman ko na tumabi sa akin si Tatay.
"Si James ang lalaking gusto ko na makasama mo habang buhay." panimula ni Tatay.
Kumunot lang ang noo ko at napansin iyon ni Tatay.
"Hindi dahil sa nakikita mong ugali niya ay masama na siya. Mabait ang batang iyon at kaya kong patunayan iyon."
Hindi ako nakinig at tumayo nalang para iwasan ang topic na iyon.
"Kung hindi mo pa siya napapatawad dahil sa nagawa niya noon? Siguro panahon na para malaman niyang may anak siyang nawala noon at hindi mo pa rin ipinapaalam ito sa kaniya."
Binalot ng lamig ang buo kong katawan dahil sa sinabi ni Tatay.
Lumingon pa ako sa paligid kung may nakarinig sa amin pero wala naman.
"Kinalimutan ko na iyon, Tay. Tapos na ang mga bagay na iyon." sagot ko at ininom ang pineapple juice na tinimpla ko.
"Pero deserve niyang malaman ang totoo at lalo pa first baby niyo iyon." pangangatwiran na naman ni Tatay.
"Tay..." nilingon ko siya at bumuntong-hininga. "Hindi na kailangang malaman ni James ang tungkol sa bata dahil wala na rin naman iyon. Wala siyang pakialam sa akin noong mga oras na iyon at iyon ang dahilan kung bakit hindi ko na ipinaalam ang nangyari sa akin lalo na sa batang nasa sinapupunan ko noon." may galit at pagtatampo sa boses na pagkasabi ko bago naglakad ulit palayo mula sa pwesto ko kanina.