“ KUNG pinaglalaruan mo ako pwes!sasakyan kita.” bulong niya sa sarili na hindi inalis ang tingin kay Marco.
“ Ang ganda naman ng pangalan mo, bagay sayo.” nakangiting puri nito
“ Nambula kapa ha!" sa isip niya
“ Salamat naman, ikaw rin bagay sayo ang pangalan mo.” balik niyang bola rito.
Nginitian lang siya nito bilang pagtugon.
“ Salamat uli ha?"walang humpay niyang pasasalamat rito ng matapos nitong linisin ang sugat niya at malagyan ng plaster na hiningi pa nito mula sa staff ng hotel.
" Ayos lang, kanina kapa nagpapasalamat sakin." natatawa nitong sabi.
" Pag okay na ako, pwedi ba kitang e-libre sa dinner? Makabawi man lang ako sa pagtulong mo sa akin.”
Nagliwanag ang mukha nito sa sinabi niya.“ Sigurado 'yan ha? aasahan ko 'yan." Panigurado nito.
Tumango-tango siyang ngumingiti. " Oo, sigurado iyan hindi ko palalampasin ang pagkakataon ito." aniya.
Napakunot ang noo nitong nakatingin sa kanya." I mean, pagkakataon kung makabawi dito sa ginawa mo." Naka ngiti niyang sabi.
“ Lara, pwedi ko ba mahingi ang number mo?”
“ Sure!" Mabilis niyang tugon. " 'yan nga ang gusto ko maging malapit tayo.” sa kaloob-looban niya.
Masaya itong kinuha ang number niya.“ Aalis na ako Lara, baka hinahanap na ko ng kasama ko." paalam nito sa kanya ng maihatid na siya sa kanyang kwarto.
"Basta, yong pangako mo Lara aasahan ko iyon." panigurado nito bago tuluyan umalis.
Humiga siya sa kama para makapag pahinga siya. Tumunog ang kanyang cellphone, Inabot niya iyun mula sa kanyang ulunan.
" Hi! Lara, kumusta na ang pakiramdam mo?"-Marco
Napa ngiti siya ng mabasa ang pangalan nito, kakaalis lang nga nito. ” Tignan mo nga naman ang pagkakataon."
Nag compose siya ng mensahi." Kakatapos lang natin mag-usap eh!" binasa niya muna, iyon bago niya pinindot ang send button.
" Nag-alala lang kasi ako, hindi ako mapakali." saad nito sa reply.
" Ganun ka talaga ka bolero, magaling magpapanggap na nag-alala para makuha ang gusto mo." naiiling niyang sabi sasarili.
" Tataba naman ang puso ko sa sinabi mo, sarap naman sa pakiramdam na may nag-alala." tugon niya sa mensahi nito.
Binaba niya ang cellphone at pinikit ang mata ng maramdaman ang pagkirot ng kanyang sugat.
“ Lara, sino 'yong nagbuhat sa'yo na lalaki kanina?” tanong sa kanya ng kaibigan kakapasok lang ng silid.
“ Ang lalaking sumira ng buhay ko.” sabi niya sa mapaklang boses.
" Nagkusa palang lumapit sayo. Ngayon hindi kana mahihirapan sa paghahanap sa kanila.” umupo ito sa gilid ng kama.
“ Pero inferness ha ang guwapo niya.” dagdag nito na halatang kinikilig.
“ Guwapo pero deadly!" sabi niyang nakapikit ang mga mata.
.
Humiga ito sa tabi niya. " Sabagay, sayang ang pogi, manyakis naman." Pinatong ang ulo nito sa isang kamay at tinitigan siya.
" Kung andito siya, ibig sabihin nandito rin ang mga kaibigan niya Lara, handa kana bang harapin silang lahat?" curious na tanong nito sa kanya.
" Matagal na akong handa Chesca, pagkakataon ko lang ang hinihintay ko para maisagawa ko ang plano. Hindi ko hahayaan matakasan nila ang kababuyan ginawa nila sa akin." muling bumangon ang galit sa puso niya.
" Makakamtan mo rin iyan Lara, gayong naka tagpo mo nang muli isa sa kanila. "
" Ipaparanas ko sa kanila kung gaano kapait at kasakit ang ginawa nila sa akin." Saad niya may halong pait sa boses niya.
DALAWANG araw din siyang namalagi sa loob ng kanyang kwarto. Naisipan niyang magpunta sa dalampasigan ng hindi na kumirot ang sugat niya.
She's wearing navy blue bikini, na lalong nagpatingkad sa kaputian niya at lumitaw ang kurba niyang baywang.
Hinayaan niyang nakalugay ang kanyang buhok. Mula sa di kalayuan na tanaw niya si Marco nakasandal sa puting upuan katabi nito ang babae kasama nito nong nakaraang araw.
Hindi niya alam kung nobya ito ni Marco, pero wala siyang pakialam dun. Ang mahalaga sa kanya ay nasa kamay na niya ito." Nasaan kaya ang mga kaibigan nito?" naitanong niya habang naglalakad palapit sa kinaupuan nito.
Napangiti siya ng nagsitinginan sa kanya ang mga lalaki nakasalubong.
“ Well, ganon na siguro ako ka sexy para tatlong beses nila akong lingonin.” Nagkaroon siya ng confident sa sarili na hindi siya mahihirapan akitin si Marco.
Napatingin sa gawi niya si Marco at malapad ang mga ngiti nito sa kanya.
“ Itakom mo nga 'yang bibig mo, parang papasukan na ng langaw sakatitig mo sa babaeng 'yan.”
Narinig niyang saway ng babae kay Marco, na tila walang pakialam kung maririnig niya.
“ Hi! Lara, magaling kana ata.” Sabi nito ng makalapit siya, hindi nito pinansin ang sinabi ng babae.
"Magkakilala kayo?" Tanong nitong nakatingin kay Marco.
" Sino ka ba?" Ma angas na tanong nito at hinagud siya ng tingin mula ulo hanggang paa.
"Lara si Monica, Monica si Lara." pakilala sa kanila ng binata.
" Hi!" nakangiti niyang bati rito.
"Marco balik na tayo sa room natin.” Aya ni Monica na hindi siya pinapansin.
“ Mauna kana sa silid mo Monica.” pagtutuwid nito sa sinabi ng babae.
Tinapunan siya ng matalim na tingin ni Monica, kaya nagpaalam na lamang siya dahil mukha mainit na ang dugo nito sa kanya.
"Sige, iiwan ko muna kayo." aniya, sinabayan ng pagtalikod.
Nakailang hakbang na siya ng may maalala, nilingon niya si Marco nakatingin din sa kanya.
"Marco 'yong usapan natin e-text ko nalang sayo kung kailan." Nakita niya ang pagsimangot ni Monica ng husto, pero hindi niya iyon pinansin. Lihim siyang napangiti at tuluyan na niyang tinalikuran ang dalawa.
Nagtungo siya sa pool area at umupo sa gilid nito. Hinanap ng mga mata niya ang kaibigan pero hindi niya nakita si Chesca, sumama siguro ito sa lalaking nakilala nito kahapon.
Inaliw na lamang niya ang mga mata sa mga taong naliligo.
“ Hoy Lara!” Galit na boses ang umagaw sa kanyang pansin.
Napatingin siya sa kanan niya at inangat ang tingin.
“ Hi! Monica.” nakangiti niyang bati rito, hindi niya pinansin ang galit nito sa mukha.
Tumayo siya para pantayan ito, ayaw niya itong tingalain. Halos magka sing taas lang silang dalawa. Maputi siya pero mas maputi pa ito sa kanya at kung sa ka seksihan naman, halos pareho lang silang dalawa, lamang lang siya ng kaunti sa pang-upo.
“ Amoy na amoy ko ang mga ka tulad mo. Kaya wag kang magkakamali landiin si Marco.” walang kiming sabi nito sa kanya.
"Ano ba ang nangyari sayo? Inaano ba kita, ba't ba galit na galit ka?” tanong niya na hindi nagpapatinag sa galit nito.
"Layuan mo ang boyfriend ko, kung ayaw mong malagotan sa akin!” pasigaw nitong babala sa kanya.
“ Wag kang sumigaw, hindi ako bingi." aniya, pigil na wag tumaas ang boses.
" At wag mo akong babalaan Monica, 'yang boyfriend mo itali mo sa palda ng hindi masulot ng iba.” tumalikod siya para iwanan ito wala siyang panahon makipag away hindi naman ito ang sadya niya.
“ Don’t turn your back on me, while I’m talking!” singhal nito sabay hawak sa siko niya.
Inis niyang hinarap ito.” Bitawan mo ako!” Malakas niyang tinabig ang kamay nito naka hawak sa kanya.
“ Sayang ka, maganda ka sana pero 'yang pag-uugali mo e-terno mo naman sa mukha mo.” Inis siyang muling tinalikuran ito.