Jordan's Pov
"Bakit mo nga pala ako hinalikan kanina? Alam mo bang hindi ako nagpapahalik sa kung sino sino? Isa pa, alam mo ba na pinarurusahan ko ang mga humahalik sakin sa labi?" tanong nya sakin. Hindi ako nakaimik dahil hindi ko din alam kung bakit ko siya hinalikan. Pwede naman na yakapin ko lang siya at halikan sa pisnge pero bakit sa labi ko pa siya hinalikan.
"Hindi ka makaimik. Alam mo bang pangalawa ka pa lang sa babaeng nakahalik sa labi ko. Bilang parusa mo ay tototohanin na natin na magboyfriend tayo." sabi ni Joseph.
"Ikaw dalawang beses pa lang nahalikan? Nagpapatawa ka ba? Eh playboy ka di ba. So no big deal lang na nakiss kita.
"Sinong maysabing playboy ako? Masyado ka namang judgemental." sabi ni Joseph.
"Hahaha buong mundo ata alam na playboy ka tapos magtataka ka kung kanino ko nalaman. Nakikita na sa buong news na may mga kasama kang mga babae gabi gabi tapos nde ka playboy. Hahaha! Nakakatawa ka talaga, paandarin mo na ang sasakyan para makauwi na tayo." masayang sabi ko pagkatapos ay pinaandar nya ang kotse.
"Babe, bakit kayo nagkahiwalay nung Fred na yun? Bakit ganun na lang ang galit mo sa kanya?" tanong pa ni Joseph.
"Ang dami mong tanong. Pwede ba huwag kang masyadong matanong. Nagiging pakialamero ka na talaga." nakasimangot na sabi ko. Pag naiisip ko pa lang ang lalaki na yun ay kumukulo talaga ang dugo ko.
"Kahit naman hindi mo sabihin sakin ay malalaman ko din naman yun. I have ways Jordan." sabi pa nya.
"Bahala ka." naiiritang sabi ko sa kanya.
Buong biyahe ay tahimik na ako. Hindi na rin naman siya nagtanong pa. Nakarating kami sa bahay nila Ella at ibinaba ang mga pinamili. Ibinigay ko sa mga kapatid ko at kay Alex ang binili naming Toblerone. Buong gabi akong nagpakaabala sa pagtulong sa pamilya ni Ella lalo na kay tita Letty. Napapansin kong nag aattempt na kausapin ako ni Joseph pero umiiwas agad ako. Pumunta ako sa likod bahay, naalala ko na naman ang lalaki na yun. Ang lalaki na sumira sa buhay naming magkapatid. Umupo ako sa upuan sa likod bahay nila Ella. Hindi ko napigilan ang umiyak. Nagulat ako ng biglang may humagod sa likod ko.
"May problema ka na naman ba Jordan? Andito ako, pwede kang maglabas ng problema sakin. Halika nga at yakap lang ang katapat nyan." sabi ni kuya Oliver.
Agad naman akong yumakap sa kanya at umiyak. Panatag kasi ang loob ko sa kanya. Hindi ko masabihan sina Alex at Ella dahil sa personalidad ko o ugaling hanggat kaya ko ay sasarilihin ko na lang ang problema. Masyadong matapang kasi ang personalidad ko. Pinabayaan ako ni kuya Oliver na umiyak ng umiyak hanggang sa mapagod ako at kusang tumigil sa pag iyak.
"Bakit ba kuya Oliver sa tuwing may problema ako at hinang hina na ako ay palagi kang nadating para damayan ako? Ikaw lang bukod tangi sa lahat ng pamilya at mga kaibigan ko ang tunay na nakakakilala sa akin. Para kang superhero na biglang darating para iligtas ako." sabi ko sa kanya.
"Hahaha eh kasi nga pogi ako." natawang sabi nya. Kumunot ang noo ko sa sinabi nya pero napangiti din ako.
"Anong konek sa pagiging pogi mo sa sinabi kong para kang superhero?" tanong ko sa kanya.
"Wala lang para may masabi lang. Hahaha!" sabi nya. Wala eh ganyan yan. Pagkatapos kong umiyak sa kanya kapag may problema ako ay magpapatawa yan. Kahit joke na walang kwenta ay isisingit nya. Napapangiti na lang ako kapag natawa siya, nakakahawa kasi pagtumawa yang si kuya Oliver.
"Anong ginagawa mo dito kuya?" tanong ko sa kanya.
"Wala lang. Napansin kita kasi na parang balisa kaya sinundan kita. Hindi man napansin sayo ng mga kaibigan mo na namumublema ka ay ako pansin na pansin ko. Baka gusto mong ikwento sakin." sabi nya.
"Nagkita kami kuya Oliver." naluluhang sabi ko.
"Ano? Kailan?" gulat na tanong nya sakin.
"Kanina habang namimili kami ni Joseph. Mabuti na nga lang at kasama ko si Joseph kasi baka hindi ko napigilan ang galit ko sa taong yun. Kaso napakilala ko siyang boyfriend ko." sabi ko sa kanya.
"Naku mabuti na lang at nandun nga siya. So anong sabi ni Joseph? Naniwala ba si Fred?" sunod sunod na tanong ni kuya Oliver.
"Hindi ko alam kung naniwala ang taong yun. Kahit na sinakyan ni Joseph ang kalokohan ko, parang hindi nga siya naniwala. Kahit pa nga hinalikan ko sa labi si Joseph ay......" nanlaki ang mga mata ko ng marealize ko ang sinabi ko. Napatakip ako bigla ng aking bibig at hindi ko tuloy natapos ang sinasabi ko.
"Jordan?" sabi ni kuya Oliver.
"Para kasi na maniwala si Fred na boyfriend ko si Joseph. Yun lang yun kuya, promise." sabi ko.
"Hindi kita pinipigilan na magboyfriend Jordan, alam mong parang kapatid na ang turing ko sayo. Nag aalala lang ako sayo dahil baka maulit muli ang sinapit mo nuon sa playboy na Fred na yun. Bakit ba lagi ka na lang nauugnay sa mga playboy na yan?" tanong nya.
"Ewan ko kuya, kung natuturuan lang ang puso na huwag siyang mahalin eh di sana hindi na kami ni Fred tumagal pa." sabi ko.
"Payong kapatid lang tutal para na din kitang kapatid. Alam kong mabait ang pamilya ni Joseph at siyempre malamang mabait din si Joseph pero alam naman natin na playboy siya. Tanungin mo muna ang sarili mo, kaya mo nabang magtiwala ulit sa ganung tao? Kaya mo bang tanggapin ang nakaraan nya? Alam nating pareho na lapitin pa yan ng babae. Higit sa lahat nabura mo na ba sa puso mo si Fred?" tanong nya. Napaisip naman ako sa sinabi ni kuya Oliver.
"Sinabi nya nga liligawan nya ako tapos kanina sabi nya tototohanin nya na magsyota kami. Tingin mo ba kuya wala na siyang pag asa na magbago?" tanong ko.
"Pwede, pwede rin namang hindi. Jordan, ang concern ko lang naman ay ang kabutihan mo. Ayoko na ulit makita kang halos walang ganang mabuhay ng dahil sa lalaki. Ayoko na ulit kitang makitang laging lasing. Alam ko ang mga latay mo ay gawa pa din ng ama mo. Hanggang kailan mo titiisin yan? Sa totoo lang kung ako lang ang masusunod ay ipapakulong ko ang tatay mo. Sumusobra na siya. Hindi mo naman gustong magpakamatay ang kapatid mo. Sa katunayan ay ilang beses mo na itong pinigilan at sinagip pero matigas ang ulo ng kapatid mo. Tama na Jordan, isipin mo naman ang sarili mo. Ang kaligayahan mo hindi yung puro sila na lang iintindihin mo. Jordan ayokong makita ka na nawawala sa sarili at ayoko na kitang samahan pa sa isang psychiatrist. Please lang Jordan, mangako ka sakin na hindi na ulit mangyayari ang lahat ng nangyari nuon sa nakaraan mo." sabi ni kuya Oliver.
"Pangako kuya Oliver. Salamat sa lahat ng ginawa mo sa akin. Masaya ako na naging kaibigan at kuya kuyahan kita. Salamat sa pagsagip mo sakin." naluluhang sabi ko sa kanya. Naluluha ako dahil sa katangahan ko nuon. Pasalamat talaga ako kasi nandyan si kuya Oliver na umalalay sakin. Hindi ko kasi masabi kina Alex at Ella ang mga nangyari. Nahuli lang ako ni kuya Oliver nun na lasing at muntik nang magpakamatay kaya nya nalaman lahat.
"Ngayong nagkita kayo ni Fred ay malamang na hindi ka nya titigilan. Anong plano mo? Huwag mong sabihing gagamitin mo pa din si Joseph? Eh kung batukan kaya kita para matauhan ka." sabi pa ni kuya.
"Dating gawi iiwas hanggat kaya. Hindi ko pa din matanggap ang lahat ng nangyari eh. Hindi ko na siya mahal pero nandun pa din yung galit ko kapag nakikita ko siya. Kuya sa tingin mo anong dapat kong gawin?" tanong ko.
"Para sakin kasi makipag usap ka at magkaroon kayo ng closure. Hindi mo siya mapapatawad hanggat hindi kayo nagkakausap. Try mo lang. Hindi ko naman sinasabi na balikan mo siya. Patawarin mo, pakawalan mo at move on ka na." sabi ni kuya.
"Dami mong alam ah. Eh kamusta na ang crush mo? Napansin ka na ba ni Faith?" tanong ko.
"Hay naku sana nga. Sa tingin ko gusto nya din naman ako eh. Pakipot pa kasi siya." birong sabi ni kuya Oliver.
"Ikaw talaga ang yabang mo kahit kailan. Sige na, pasok na tayo. Mas kailangan tayo ngayon ni Ella." sabi ko.
"Ikaw talaga kapakanan pa din ng iba ang nasa isip mo. Lagi mo lang tatandaan ha, nandito lang ako lagi para sayo." sabi ni kuya Oliver. Napayakap ulit ako sa kanya. Ang sarap pala na may kuya ka kahit hindi kami magkadugo. Napaalis agad ako ng yakap kay kuya dahil sa may narinig kaming nabasag na plato. Sabay kaming napalingon ni kuya Oliver. Nakatingin samin si Faith at Joseph.
"Faith!" sigaw ni kuya Oliver nang biglang tumakbo si Faith.
"Hala kuya, nagkamali ata ng iniisip si Faith." sabi ko.
"Babe...." sabi naman ni Joseph.
"Kuya Oliver ako nang bahalang mag explain kay Faith. Sundan ko lang siya. At ikaw Joseph mamaya na lang tayo mag usap pagtapos namin ni Faith." sabi ko sa kanila bago ako umalis para hanapin si Faith. Naku kailangan ko muna makausap si Faith at ayokong maging dahilan ng hindi nila pagkakaunawaan.