ISANG linggo na ang lumipas simula ng may mangyari sa kanila ni Grey. At isang linggo na 'yun, hindi ito umuwi. Hindi na niya alam kung anong iisipin. Siguro hindi ito na-satisfied sa kaniya kaya hindi ito umuuwi. Hindi niya naman ito hinihintay. Naiinis lang siya sa sarili dahil umaasa siyang may meaning ang namagitan sa kanila.
Kailan kaya darating ang araw na siya naman ang mamahalin. Kahit papaano gusto din niyang magkaroon ng masayang pamilya.
"Malungkot ka na naman, bakit hindi ka lumabas ng bahay. Pumunta ka sa park o kaya sa mall para naman malibang ka, ako na ang bahala dito sa bahay."
Si Manang talaga palagi na lang siyang inaalala. Kaya't nagpapasamat siya dito dahil hindi siya nito pinapabayaan. Malaki ang utang na loob niya rito.
"Manang alam niyo naman po na hindi ako pwedeng lumabas. Mayayari na naman ako kapag sinuway ko ang utos ni Grey," nakangiwing tugon niya. Siguradong magagalit na naman ito sa kaniya at kung anu-ano ang sasabihin at kapag hindi pa ito nakuntento, sasaktan siya nito at paulit-ulit na ipapamukha sa kaniya na walang siyang kwenta.
"Akong bahala sa 'yo, sige na at mag-ayos ka na. Isang linggo ng hindi umuuwi ang asawa mo. Bakit hindi mo pagbigyan ang sarili mo na makalabas sa bahay na ito. Ilang buwan ka na ring nakatingga dito sa bahay, hindi ka ba naiinip. Nakalabas ka lang nitong nakaraan dahil kay Gab."
Kung sabagay may punto ito. Hindi naman siguro malalaman ni Grey na lumabas siya.
"Sige po mag-aayos na ako," nagpaalam siya dito at mabilis na nagtungo sa kaniyang silid. Naligo at nagbihis siya pagkatapos ay naglagay ng kaunting make-up para hindi naman siya magmukhang maputla. Gamit ang concealer tinakpan niya ang ilang pasa sa braso. Sana lang talaga hindi siya mahuli ni Grey na lumabas ng bahay.
Pagkatapos niyang mag-ayos ng sarili sa salamin nagtungo siya sa garahe kung saan naroon ang kaniyang sasakyan na matagal na niyang hindi nagagamit.
"My baby, na-miss kita." Tukoy niya sa kaniyang kotse.
Dahil excited na siyang magamit ulit ang sasakyan niya, mabilis siyang sumakay at pinaandar 'yun. Nagpunta siya sa pinakamalapit na mall sa village nila. Para kung sakali na kailangan na niyang umuwi, mabilis lang siyang makakauwi ng bahay. Sinabihan niya din si Manang na i-text siya para ipaalam kung bumalik na ang asawa niya.
Nakakatawa dahil nagagawa pa niyang tawagin itong asawa sa kabila ng mga pananakit nito sa kaniya. Samantalang wala naman itong pakialam sa kaniya. Kahit nga yata maghingalo na siya sa harapan nito ay okay lang.
Kung iisipin mo nakakaawa siya, pero kung iisipin niya ng iisipin ang mga gano'ng bagay mas lalo lang siyang masasaktan.
Nang makarating siya sa mall kaagad siyang pumarada sa parking lot at bumaba. Sinamantala na niya ang pagkakataong makalaya sa asawa niya.
Lahat ng madaanan niyang store ay pinapasok niya ngunit wala naman siyang mabili. Nakalaya nga siya pero hindi niya naman ma-enjoy ang bawat sandali na nakalabas siya.
"Faye, is that you?" Napalingon siya sa taong tumawag sa pangalan niya. Nakita niya si Gab na nakangiti at kumakaway sa harapan niya.
"Gab?" natutuwang aniya ng makita ito. Saglit na nawala sa isipan niya ang ilang mga bagay na gumugulo sa isip niya.
"Nandito ka? Kasama mo ba ang asawa mo?"
She signed. "Do you really think na isasama niya ako dito? I don't think so."
"Oh, sorry malay mo naman."
"That will never happen, kahit nga sa panaginip malabong mangyari 'yun. Dahil ang lalaking iyon nasa kandungan ngayon ng ibang babae." Hindi niya mapigilan ang pait sa bawat salitang lumalabas sa bibig niya.
"Nagseselos ka ba?" nakangiting anito. Tila tinutukso siya.
"N-No..." nauutal na sagot niya.
"You're jealous just admit it."
"H-hindi nga."
"Hindi naman masamang magselos because you have all the right. Your his wife after all. Halika, ililibre na lang kita sa paborito mong kainan," Inakbayan siya nito at hinala patungo sa lugar kung saan ang paborito daw niyang kainan.
"Seriously?" Hindi makapaniwalang aniya sa binata. Dinala siya nito sa isang fast food chain. And it's Jollibee. Yeah right. That's her favourite fast food chain but when she was a little. Not anymore. "Why here?" tanong niya ngunit hinila na siya nito papasok. Ito na rin ang umorder ng kakainin nila.
"Bakit dito?" ulit na tanong niya. Maiinis na talaga siya dito kapag hindi pa ito sumagot.
"Hey, Relax. Dinala kita dito dahil dito bida ang saya, para sumaya ka naman. Akala mo ba hindi ko napansin kanina na malungkot ka. Tsked. Huwag mo ng itago. Alam kong hindi ka masaya. Sinabi ko naman kasi sa 'yo na iwan mo na siya," anito nang makahanap sila ng mauupuan.
"Hindi naman gano'n kadali ang pinapagawa mo sa akin. Kasal pa rin ako sa kaniya."
Umiling-iling ito. "Yeah kasal kayo pero tama ba ang naging trato niya sa 'yo? Hindi naman, 'di ba? Binabalewala ka niya, Faye. Kung gugustuhin mo lang, kaya mo. Kaya mo siyang iwan unless mahal mo na siya."
Natahimik siya. Napayuko siya sa sinabi nito. Tama naman kasi ito. Napanguso siya. Nakakainis. Wala siyang maitago pagdating kay Gab. Lahat nalalaman nito.
"Don't pout," anito. "I might kissed you if you do that again."
Napatingin siya dito. Nanlalaki ang mga mata. "I know you can't do that," hamon niya.
"How sure are you?" seryosong anito.
"G-Gab..." Tinutukso lang siya nito. 'Yun lang 'yun. Paulit-ulit niyang tinanim sa isip na biro lang ang sinasabi nito.
"I like you Faye, I really do like you. Matagal na kitang gusto pero mas gusto ng parents mo si Grey para sa 'yo. Kaya kahit masakit nagparaya ako kasi akala ko sasaya ka sa kaniya. But I'm wrong dahil sinasaktan ka lang ng asawa mo," kitang-kita niya ang galit sa mga mata ng kaibigan. "Nasasaktan ako dahil alam kong nasasaktan ka. Kung pwede ko nga lang akuin ang sakit na nararamdaman mo, ginawa ko na. Faye, sana walang magbago sa pakikitungo mo sa akin dahil pinagtapat ko sa 'yo ang nararamdaman ko. Pangako hindi kita guguluhin. Nirerespeto ko ang disisyon mo pero kung kailangan mo ng tulong nandito lang ako palagi, always remember that. Okay?"
Napakurap-kurap siya. "P-paano..." Wala siyang masabi. Hindi niya akalain na gusto siya nito.
"Faye, ipangako mo sa akin na aalagaan mo ang sarili mo. Huwag kang magpapadaig sa kaniya. Please kahit iyon lang ang magawa mo, masaya na ako. Kung ayaw mong umalis sa poder niya, okay lang basta huwag mo ng hahayaan na saktan ka niya ulit," hinawakan nito ang kamay niyang nakapatong sa lamesa. "Please..."
She can't believed na may lalaking nagko-confess ngayon sa kaniya at sa harap pa talaga ng Jollibee. Seriously?
"I don't know what to say." She's speechless. Really.
"It's fine you don't have to answer me. Alam ko naman na hindi pwede. Kasal ka na at tanggap ko iyon. Pero oras na saktan ka ulit niya, ako ang makakalaban niya. I won't let him hurt you again."
Kung gano'n hindi biro ang sinabi nito noong nakaraan. Noong sinabihan siya nito ng ‘I love you’.
Hindi niya tuloy maiwasang isipin na sana ay ito na lang ang naging asawa niya. Siguro masaya na siya ngayon.
Hanggang sa makauwi siya at ihatid ni Gab kahit na may dala naman siyang sasakyan iyon pa rin ang nasa isip niya. Kahit ayaw niyang isipin kusang pumapasok sa isip niya ang mga napag-usapan nila ni Gab.
Nakaalis na lang si Gab sa bahay nila pero ayun pa rin siya at tulala habang nag-iisip.
"Faye, nasa labas si Celine." Bulong sa kaniya ni Manang Linda. "Papapasukin ko ba?"
"Sige po pero siguradong si Grey lang naman ang pakay niya," aniya ngunit nagtaka dahil wala naman dito si Grey dahil isang linggo na itong hindi umuuwi. Anong ginagawa nito dito?
ISANG linggong hindi umuwi si Grey sa bahay nila dahil hindi niya pa rin magawang umuwi at harapin ang asawa niya. Hindi niya kaya. Wala siyang lakas ng loob. Gustong-gusto niyang umuwi at humingi ng tawad pero hindi niya magawa. Kahit kay Celine ay hindi siya nagpapakita.
Magulo pa ang isip niya. Naguguluhan siya at hindi siya nakakapag-isip ng tama kapag nasa harap na niya ang asawa niya. Hindi naman niya pwedeng harapin ang kasintahan ng ganitong magulo ang isip niya. Kailangan niyang mag-isip. Kailangang malinawan ang isip niya.
Nasa ganoon siyang pag-iisip nang tumunog ang cellphone niya. Tiningnan niya iyon kung sino ngunit kaagad na nalukot ang mukha niya nang makita ang pangalang naka-rehirestro.
"Hello," sagot niya. Hindi ito titigil hangga't hindi niya sinasagot ang tawag kaya mas mabuting sagutin na lang niya. "What do you want?"
"Nasaan ka ba? Wala ka sa condo mo. Tawag ako ng tawag sa 'yo hindi mo naman sinasagot. Ano ba Grey bakit ba ayaw mong makipagkita sa akin?" Tsked. Nakakainis na ang bunganga nito. Palagi na lang nakasigaw. Akala mo naman nakalunok ng mikropono. Lumalabas talaga ang pangit na ugali nito kapag ganitong may problema sila. Nakakasawa na rin pakingan ang mga sentimento nito. Ano nga bang dahilan at ito ang minahal niya?
"Nandito lang naman ako sa condo." Tinatamad na siyang magpaliwanag dahil baka may masabi lang siya na hindi nito magustuhan. Pero totoong wala siya sa condo niya. Naroon siya ngayon sa isang resort niya sa cebu. Nagpapalamig ng ulo.
"Liar? Ilang beses akong bumalik sa condo mo pero wala ka naman. Bumalik ka na nga dito kung ayaw mong sugurin ko ang asawa mo," ani Celine.
Bigla siyang kinabahan sa sinabi nito. Hindi niya alam pero may kakaiba siyang naramdaman nang banggitin nito ang asawa niya.
"Anong gagawin mo do'n?" Hindi siya mapakali. Anong gagawin nito?
"Wala ka na ro'n," matigas na sabi nito.
"Hello—"
Hindi na niya natapos ang sasabihin nang babaan siya nito. Dahil sa matinding kaba nagmadali siyang lumabas ng silid at pinaharurot ang sasakyan pauwi. Isang oras din ang tinagal niya dahil sa traffic.
Papasok palang siya ng gate nang tumawag sa kaniya si Manang. Si Manang? Bakit kaya? Agad na umahon ang kaba sa kaniyang dibdib.
"G-Grey..." Ramdam niya ang panginginig sa boses ni Manang.
"Bakit Manang may nangyari ba?" Pati siya ay kinakabahan na. Nanlalamig na ang katawan niya sa kaba.
"S-Si Faye kasi nahulog sa hagdanan," halos pabulong nitong sabi. "Puntahan mo siya dito kailangan ka niya."
"What? Nasaan po kayo?" Pagkasabi nito kung saang ospital dinala ang asawa niya nagmadali na siyang pumunta sa kinaroroonan ng mga ito sa pag-aalala na may masamang nangyari na kay Faye. Sobra-sobra ang kaba niya habang nagmamaneho. Sa buong tanang buhay niya, ngayon lang siya nakaramdam ng ganitong klase ng kaba.
Isa lang ang naiisip niyang dahilan kung bakit nangyari kay Faye 'to.
Si Celine.
Anong ginawa ni Celine kay Faye?
Mahigpit na hinawakan niya ang manubela sa inis na nararamdaman niya. Bakit ba siya nagkakaganito? Dati naman wala siyang pakialam kay Faye pero bakit ngayon parang lumalambot na ang puso niya dito. Kung saktan nga niya ito ay balewala lang sa kaniya. But now, he feels differently. He was starting to worry about Faye. Lumayo siya upang maiwasan niya ang pakiramdam na 'to pero mas lalo lang niya itong inalala.
Hindi niya alam kung anong magagawa niya sakaling may masamang nangyari kay Faye.