Barbara's P.O.V.
💛💛💛
"Sa telepono, may tumatawag... Sa telepono sagutin natin! Sa telepono, may tumatawag. May humihingi ng tulooonggg! May humihingi ng tullooonnnggg! May humihingi ng tulong, sa kung saan!"
Kinembot-kembot ko pa ang aking baywang habang kumakanta ako ng theme song ng Wonder Pets. Paborito ko talaga iyong cartoon na iyon.
Nandito ako sa likod bahay nila Clark at nagdidilig ng mga bulaklak sa kanilang hardin.
"Lily, Tuck at si Mingming! Ang wonder pets tutulong sa inyo ! Anong kailangan?! Magtulungan! Anong kailangan ?! magtulungan! Ano---"
"Hey, Maid!"
Kulang ang sabihing nagulat ako sa napakaguwapong boses na iyon. Kaya hindi ko na natantiya ang hawak kong hose. Sa naging pagharap ko ay kasabay no'n ang hose na hawak ko. 'Ayan tuloy, basang-basa si Clark my labs ko. Napaawang ang labi ko dahil sa itsura niya.
"S-sorry. Ikaw kasi my Labs e! Ginulat mo 'ko!" At saka ko ibinaba ang hawak kong hose.
Sa kabila ng kaba ay hindi ko pa rin naiwasang pasadahan ang bakat niyang katawan sa basa white shirt na suot niya. Woah! Grabe naman ang abs! Ang yummy! Six packed abs!
"Ang sarap sigurong hawakan niyang abs mo, my labs," wala sa sariling komento ko. Napakagat pa ako sa pang-ibabang labi ko nang mediyo nagflex iyong mga braso niya.
"What did you say?"
Doon lang ako natauhan sa sinabi ng makasalanan kong bibig. Nanlaki ang mga mata ko at paulit-ulit umiling. Ano ba, Barbara?! Habang si Clark ay tinaasan ako ng kilay.
"You want to touch it?"
Napalunok ako sa naging tanong ni Clark my labs. 'You want to touch it' daw o! Sa tingin niya ba tatanggihan ko ang bihirang pagkakataon na ito.
"Puwede ba?" nag-aalangang tugon ko na halatang ikinatigil niya.
Oh my gosh! Hindi ko kayang tumanggi 'no. Sabi nga, always grab the opportunity para magkaroon ka ng honey! Isa 'yan sa mga maipapayo ko sa lahat ng babae.
"Clark, puwede ba?" ulit kong tanong.
Napangisi naman si Clark sa 'kin. Pinasadahan niya ako ng tingin mulo ulo hanggang paa bago siya tumango-tango. Pagkatapos ay unti-unti siyang naglakad palapit sa 'kin.
Nang nasa tapat ko na siya, na-shocked talaga ang beauty ko nang tanggalin niya ang basang shirt na suot niya. What the abs!
"Go, Maid. Touch it," bulong niya bago binigyan ako ng nakakaakit na ngiti.
Nanginginig na inangat ko ang aking kamay at inilapit sa abs niya. Parang naririnig ko pa iyong sikat na musika ng Alleluia! Bakit kasi parang kumakinang ang abs niya?
Huminga ako ng malalim nang mas lumapit sa akin si Clark. Hinawakan niya ang ang isang kamay ko na hawak ang hose. Habang ang kanang kamay ko naman ay tuluyan nang nahawakan ang abs niya. Napalunok ako sa tigas ng abs ni Clark. Bakit parang ang sarap...
"Maid?" tawag sa akin ni Clark.
Inangat ko ang aking tingin kay Clark. Ang lamyos kasi ng boses niya. Nakakaadik. Sinalubong ako ng nakangising my labs. Kinindatan niya pa ako. Sabi na nga ba at crush talaga ako nito e! Kinikilig ako!
"Touch me, Maid. Go on," ang lamyos talaga ng boses niya.
Bakit parang iba 'yong meaning ng sinabi niya para sa akin?
"Clark!" At kaagad kong tinakpan ang aking katawan nang biglang itinapat sa 'kin ni Clark ang hose. Nanlaki ang mga mata ko nang maramdamang basa na rin ang maid's uniform ko. Pakshet! "My labs naman e!"
Tawa lang ng tawa ang aking Clark habang dinidiligan niya ako... Ibig kong sabihin habang nakatutok sa 'kin 'yong hose at patuloy akong binabasa.
"Clark! Tama na!" sigaw ko habang pilit kong inaagaw sa kan'ya 'yong hose. Inilalayo niya naman sa akin ito. Kapag makukuha ko na ay itinataas niya lang ito. Palibhasa kasi ay mas matangkad siya sa akin. "My labs! Basa na ako! Tama na!"
Tawa lang naman ng tawa si Clark habang patuloy akong binabasa. Itong lalaki na 'to! Pasalamat ka talaga kasi mahal kita.
"Come on, Maid! Suko ka na?!" mapang-asar niyang tanong bago iwinagayway iyong hose.
Ako susuko? No way, highway! Kailan ba sumuko si Barbara Magpakatapang?!
Dahil determinado akong makuha iyong hose, dinambahan ko si Clark. Kaso, mukhang 'di niya inaasahan ang ginawa ko kaya pareho kaming nawalan ng balanse. Hindi niya kinaya ang bigat ko kaya natumba kami sa damuhan ng hardin. Sa huli, bumagsak ako sa ibabaw ni Clark my labs. Napalunok naman ako sa posisyon namin.
"Are you okay, Maid?"
Grabe naman ang chiseled chest na ito! Ang tigas! And that nipples! Bakit ang pink?! Ang sarap kurutin. Namula naman ako sa mga pinag-iisip ko. Grabe ang maniyak ko lang!
"Sorry, my labs!" sabi ko bago ko tinukod ang dalawa kong kamay sa dibdib niya upang makatayo. Pero hindi ko inaasahan ang sunod na ginawa ni Clark. Pinigilan niya ako sa pag-alis sa ibabaw niya at mas hinapit pa ako sa pamamagitan ng kaniyang kamay na nasa aking seksing likod.
Oo! Self proclaimed talaga iyong sexiness ng likod ko.
"Maid?" Napapikit kaagad ako sa boses ni Clark. Bakit ang husky ng boses ni my labs?! O tukso layuan mo 'ko! "Hey Maid?"
Napadilat ako sa muli niyang pagtawag sa akin. Sinalubong ko ang nakakaakit na mga tingin ni my labs.
"A-ano... My labs..."
Nawala ang mga sunod kong sasabihin nang dumapo ang mata ko sa paggalaw ng adam's apple niya dahil sa kaniyang paglunok. Bakit biglang ang init? At saka lang nagsink in sa 'kin ang buong senaryo. Topless si Clark at nakadapa ako sa ibabaw niya.
Eto na ba iyon?! Gagawa na ba kami ng mga babies!? Sana may color black 'tapos batik-batik.
"Maid? Look at me," ika ni Clark gamit ang boses na nagpapahina talaga sa aking mga tuhod.
Parang na-hypnotized naman akong tumingin sa mga mata niya. Bumilis ang tibok ng puso ko nang bumaba ang tingin ni Clark sa labi ko. Na-conscious ako sa tingin niya kaya kinagat ko 'yong pang-ibabang labi ko.
"Dont bite your lip. Ako dapat kumagat niyan, Maid."
Napapikit nalang ang mga mata ko nang inilapit niya na ang kaniyang mukha sa akin. Ayan na... Ayan na...
"F*ck! Its raining!"
Napadilat ang mga mata ko dahil sa sinabi ni Clark. Agad niya akong inalis sa kaniyang ibabaw. Napasimangot naman ako. Malapit na e! Sayang naman o!
"Sayang," mahina kong sabi bago tuluyang tumayo. Nilingon naman ako ni Clark dahil mukhang narinig niya ang sinabi ko.
"What did you say?" At may naglalarong ngisi sa mga labi niya.
Mas tumindi naman ang pagkasimangot ko.
"Sabi ko sayang! Ayon na e! Malapit na tayo magkiss, my labs!" maktol ko 'tapos ay sinundan ko pa ng mga padyak.
Humagalpak naman ng tawa si Clark dahil sa sinabi ko. Habang ako ay napanguso nalang at ipinilig pa ang aking mga ulo. Kainis! Badtrip na ulan.
"Taya!"
Nagulat ako ng tapikin ni my labs ang braso 'tapos ay tumakbo s'ya palayo. Napataas naman ang kilay ko sa ginawa niya.
"Maid! Ikaw na ang taya! Habulin mo ako! Maid!" At inilahad niya pa ang mga braso niya na parang iniimbita akong tumakbo sa napakaganda niyang katawan.
Napangisi naman ako. May isang adonis na nakatopless at nagpapahabol sa 'kin sa ilalim ng ulan. Sino ako para tumanggi?
Naghabulan lang kami nang naghabulan ni Clark. Para kaming mga bata na ngayon lang nakaligo sa ulan.
"O ano? Pagod ka na?" tanong niya sa 'kin. Grabe ang lalaki na ito! Walang kapaguran. Mukhang kapag naging mag-asawa na kami, palagi akong mapapasuko a. "Pagod ka na ba talaga, Maid?"
Tumango naman ako sa pangalawang tanong niya kung pagod na ba ako. Naiiling naman siyang lumapit sa 'kin. Inakbayan niya ako na talagang naging dahilan ng pagkakilig ko. At dahil para-paraan naman ako, ipinulupot ko ang aking mga braso sa baywang niya.
Sumilong kami sa kubo na mayro'n dito sa garden nila Clark. Naupo kami nang magkatapat habang nasa pagitan namin ang maliit na mesa.
Napangisi ako nang dumako ang tingin ni Clark sa mga nakalagay sa ibabaw ng lamesa. Isang balot ng choco-choco at isang tangkay ng Dama de Noche. Kumunot ang noo niya bago ibinaling ang tingin sa akin.
"Para sa 'yo 'yan!" sabi ko naman sa kaniya.
Natigilan s'ya sa pagpupunas ng katawan dahil sa sinabi ko. Tiningnan niya ang tinutukoy ko 'tapos ay tinuro pa ang kaniyang sarili. Tumango naman ako.
"Thank you." At tila sinuri ang mga bigay ko sa kaniya. Kinuha niya ang Dama de Noche. "By the way, what flower is this?"
"A 'yan ba? Dama de Noche 'yan," sagot ko.
Tumango-tango naman s'ya 'tapos ay inamoy niya ito.
"It smells good."
Napangiti naman ako sa kaniyang sinabi.
"Paborito ko 'yang bulaklak. Ikaw?Anong paborito mong bulaklak?"
Tumingin s'ya sa taas na parang nag-iisip 'tapos ay tumingin siyang muli sa 'kin.
"Uhm... Stargazer. Bakit mo naging favorite ang Dama de Noche?" At binigyan niya ako nang mapanuring mga tingin.
"Kasi color white 'tapos ang bango. Saka napakaganda ng alamat niyan."
Tumango naman ulit s'ya 'tapos ay inamoy muli ang bulaklak.
"Tell me about the legend of this flower." At saka siya pumalumbaba sa may mesa. Napangiti naman ako kasi mukhang interesado talaga siya sa mga sasabihin ko.
"Sabi nila, sa malayong nayon sa dulo ng Pilipinas, ay may isang dalaga na may kakaiba at mabangong halimuyak. Ang pangalan niya Dama," panimula ko na ikinataas ng kilay ni Clark.
"The way you tell me the story sounds like how my grandma would narrate it to me," nakangising sabi niya. Inirapan ko naman siya. Mukha ba akong lola para masabi niya iyon?
"May na-inlove kay Dama na isang haciendero. Noong una, tutol ang nanay niya sa pag-ibig na iyon. Dahil kapag nasaktan daw si Dama, mawawala ang mabango niyang amoy. Pero mahal ni Dama iyong lalaki kaya nagpakasal pa rin sila," pagpapatuloy ko sa aking kuwento.
"Posible bang may taong 'tulad ni Dama. Really? May kakaibang amoy?" nakakunot na noong tanong ni Clark na ikinatawa ko naman.
"Alamat lang ito, my labs!" ika ko na ikinakibit niya lang ng balikat. "Matapos magpakasal ni Dama, nabuntis siya. Kaso, namatay ang baby. At dahil nasaktan si Dama, nangyari iyong babala ng kaniyang ina. Nawala ang mahalimuyak niyang amoy. Iyon ang naging dahilan ng biglang pagbabago sa kaniya ng kaniyang asawa. Lumayo ito kay Dama at lumamig bilang asawa."
Napabuntong hininga ako sa karugtong ng aking kuwento. Ako pa iyong nalulungkot sa sarili kong kuwento. Habang si Clark ay tila bored na bored pa.
"Hanggang isang gabi, pag-uwi no'ng lalaki sa kanilang bahay, wala siyang naabutang Dama. Ang tanging nandoon lang ay isang bulaklak na puti na may mabangong amoy. Nakita niya rin doon ang wedding ring nila ni Dama. Hinintay niyang bumalik ang asawa kaya 'di niya iniiwan ang mabangong bulaklak na iyon." At napangiti ako sa pagtatapos ng aking kuwento.
Kumunot naman ang noo ni Clark sa naging pagtatapos ng aking kuwento.
"Pa'no naging maganda iyong alamat na iyon? E 'di naman iyon happy ending," nakataas pa ang kaniyang kilay.
"Mali ka. Happy ending kaya. Na-realize no'ng lalaki na mahal niya pa rin si Dama kaya nga 'di niya iniiwan 'yong bulaklak. Patuloy niyang hinintay ang pagbabalik ni Dama," nakangiting paliwanag ko. Kumunot lalo ang noo niya. "Hindi mo gets? Nagbago na iyong lalaki. Ibig sabihin, masaya pa rin 'yong ending. Kasi pareho pa rin nilang mahal ang isa't isa at kapuwa sila natuto sa pagkakamali nila."
"I don't get it, Maid. Hindi pa rin iyon magandang pagtatapos dahil hindi naman sila magkasama ni Dama," kontra niya pa.
"Pero, my labs... 'di naman lahat ng nagmamahalan ay magkasama 'di ba? Ang thought lang do'n ay tunay at wagas iyong pag-ibig nila sa isa't isa."
Naiiling naman niya akong tiningnan.
"I still don't get it."
"Hay. Ganto kasi 'yan my labs... kapag tunay ang pagmamahal mo, kahit gaano kasakit, mahal mo pa rin siya. Parang iyong lalaki sa aking kwento. Masakit ang maghintay 'di ba? Pero, bakit niya piniling maghintay pa rin? Dahil mahal niya si Dama."
Umiling nalang s'ya.
"You are really into that kind of stories. Pero ito nalang atupagin natin."
Napangiti ako nang ilagay niya 'yong bulaklak na ibinigay ko sa may tainga niya. Kinindatan niya pa ako. Sunod no'n ay inabot niya ang isang balot ng Choco-Choco at binuksan ito.
"O," alok niya sa akin. Kumuha ako ng isa at kaagad itong kinain.
"Ah. Now I know."
Naguluhan ako sa sinabi niya pero deadma nalang. Ang sarap ng Choco-Choco e. Akmang kukuha ulit ako nang paluin ni Clark ang aking kamay.
"Hey! Bigay mo 'yan sa 'kin 'di ba?Bawal ka nang kumuha!"
Nanlaki naman ang mga mata ko sa inasal niya. Ang damot naman.
"Ako naman bumili niya---"
"'Di ba nanliligaw ka?" At kinindatan niya pa ako.
Hindi na ako nakasagot sa sinabi niya. E 'di ako na nanliligaw! Siya na nililigawan! Kung hindi lang kita mahal! Nako talaga!