"TANAN? aba't siraulo ka—"
"O, Pareng Jax, kalma lang..." Kaagad na awat ni Red sa kaibigan na si Jax, nang akma nitong sasapakin ang binatilyong anak na si Jaz.
"Kausapin mo yan, Pare, at baka 'pag ako ang humawak d'yan, siguradong mata lang niyan ang walang latay."
"Yep, sige na, ako nang bahala rito. Itagay mo na 'yon." Pagtataboy ni Red sa kaibigan.
Nang tumalikod si Jax para lumapit sa mesa kung sa'n naroon ang alak na iniinom nila bago dumating ang binatilyong anak nito na may kasamang babae, agad naupo si Red sa single seater sofa paharap sa magkasintahang teenagers.
"Tito Red—"
"Veronicaaa!" Umalingawngaw ang sigaw na 'yon mula sa labas ng bahay nila, hindi pa man nagsisimulang kausapin ni Red ang magkasintahan na Jaz at Nica.
Galit ang sumisigaw, patunay ang ginagawang pagkalampag nito sa yerong gate nila.
"Shocks, si Tita!" Bulalas ni Nica.
Sabay na kaming lumabas ni Jax para puntahan ang taong galit na naroon, na tita nga raw ni Nica.
"Oh, men," tanging naisaloob ni Red nang matanawan niya kung sino ang nag-e-eskandalo sa gate nila sa mga oras na 'yon.
"Ilabas niyo ang pamangkin ko kung ayaw niyong sirain ko 'tong bulok na gate niyo!" It's Euna, yeah, talking about small world.
"Euna—"
"Ikaw! Ikaw na lalaki ka, ikaw siguro ang nagpakilala sa pamangkin ko sa kung sinong herodes!"
Nasa hitsura ni Euna ang walang sasantuhin ng mga oras na 'yon habang dinuro-duro nito si Red. Walang sasantuhin— lalo na siya!
Er, bakit siya? Ano ang kinalaman niya sa gulong 'to?
"Euna, ano ka ba, kumalma ka nga! Ni hindi pa nga nakikilala ni Red si Nica," ani Reyna na awat- awat ang nagwawalang kaibigan.
Totoo 'yon. Sa tagal na niya sa riles ay ngayon lang niya nakita si Nica. Mukhang hindi homebody ang dalagita at hindi rin pala-order online kaya hindi niya 'to nakilala. Though, naririnig ni Red noon pa man na ang kasama nga raw sa buhay ni Euna ay ang kaibigan na si Reyna at ang mga pamangkin.
"Teka lang, hindi mo makikita ang pamangkin mo kung hindi ka kakalma, okay?" Hindi man akma sa sitwasyon, napangisi si Red sa itsura ng kaibigan niyang si Jax sa mga oras na 'yon. Halatang hindi kasi nito alam kung papaanong ia- approach si Euna.
Si Euna na halatang hindi pa nga nakakaligo, namamaga ang mga mata na galing sa pag-iyak, daster na pambahay ang suot, messy ang pagkakatali ng buhok— galit na galit, umuusok na nga yata ang ilong sa malapitan pero ang ganda niya pa rin. May lahi yatang Diyosa ang babae.
"Hoy, wala akong pake sa'yo!" Turan ni Euna kay Jax,  "Ikaw, Red, ilabas mo ang pamangkin ko, hayup ka! Sinasabi ko na nga ba at siraulo kang tunay!"
"Euna, chill, okay?" Nilapitan ni Red si Euna at bakasakali na mapakalma niya 'to.
  Pero...
"What the f—" Malakas na singhap ni Reyna ang huling narinig ni Red bago niya naramdaman ang kamao ni Euna sa panga niya— inundayan siya nito ng sapak matapos haklitin ang kuwelyo ng shirt niya!
"TITA Euna, sorry po..."
Dinig ni Red ang paghingi ng mga bata sa mga guardians ng mga 'to. Nang mahimasmasan na ang lahat, heto siya, nag-iisang umiinom sa sulok, hilot ang nasaktan niyang panga sa sapak na inabot mula kay Euna kanina.
Nilagok niya ang bote ng alak na hawak niya habang ang mga mata niya ay nakapagkit sa nais na nakikita ng nga 'yon— kay Euna, na kausap ang pamangkin at ang nobyo ng pamangkin at si Jax, sa munting sala ng bahay na 'yon ni Jax na ilang metro lang ang layo mula sa mesa ni Red.
"Pasensya ka na, Red ah,"  si Reyna na lumabas mula sa paggamit ng banyo.
Tumango si Red. "Ayos lang 'yon," aniya.
Ayos lang talaga naman kahit medyo masakit ang bagsak ng sapak ni Euna sa pisngi niya, to be honest.
"Hindi ko na alam kung ano nang susunod na mangyayari. Ang sigurado ko lang, hindi 'yan uuwi nang hindi kasama si Nica," Reyna added.
Hindi na nagawang tugunin ni Red si Reyna dahil mula sa puwesto nila nito ay pareho nilang nakita na tumayo si Euna at lumabas ng bahay.
Nagkatinginan sila ni Reyna, bago nagpasya si Red na sundan si Euna.
"WALA namang nagsabi na masamang umiyak sa harap ng maraming tao ah," bungad ni Red nang makalapit na siya at makaupo sa tabi ni Euna.
Ni hindi nagbigay ng reaksyon si Euna, nagsindi lang ng sigarilyo matapos pahirin ang mga luha na naglandas sa mga pisngi.
Tsk, kay Euna lang mas naiintindihan ni Red ang pamosong lyrics sa kanta na: Sigarilyong hindi maubos. Kay Jax naman ang: Alak na nakakalunod.
  "Ano ba ang lasa niyan? Pasubok nga—" Hindi pa man tapos na magsalita si Res ay hinagis na ni Euna sa kaniya ang isang stick ng sigarilyo at lighter na hawak nito.
Sinulyapan niya si Euna pagkatapos nitong bigyan sita ng isang stick ng sigarilyo. Tulala 'to. Sisinghot-singhot, at mukhang kinain na ng sarili niyang mundo na ang nagma-matter lang ay ito at ang sigarilyo na hindi maubos-ubos.
"Hmn, nakatanggal ba ng problema 'to? Nagtataka lang ako at marami kasing nababaliw rito," Red said casually, sinindihan na rin niya ang para sa kaniya ay nakakadiring bagay na naimbento sa mundo. Saka siya nagpatuloy sa pagsasalita kahit wala siyang nakukuhang tugon sa kausap, "Sabi nila, love is like a cigarrette. Masaya sa umpisa but eventually, it will kill you."
"Mamatay ka rin naman kahit hindi ka naninigarilyo, e  'di manigarilyo ka na lang habang nabubuhay. Wala sa langit niyan."
Wow, anong klaseng logic 'yon?
Nalukot ang mukha ni Red sa sinaad ni Euna. Sana ay hindi na lang 'to nagsalita.
"Nasaan nga pala ang pamilya mo? Bakit katulad ko ay kaibigan mo at ang anak niya ang kasama mo rito?"
"H—Huh? Ah, Eun, okay lang. 'Tong sapak mo ay parang kagat lang naman ng langgam..."
Natawa na lang si Euna sa paglihis ko ng usapan.  "Sorry nga pala ro'n. Oo, galit ako kasi. Pero ikaw, ba't parang ayaw mong pag-usapan ang pamilya mo?"
Red leat out a breath. Pinaglaruan niya at minasdan ang sigarilyong may sindi at nakaipit sa daliri niya dahil himdi naman niya 'yon hinihithit.  "Well, first, hindi naman kasi sila ang issue rito. hindi tamang pag-usapan sa ganitong sitwasyon. Alam mo 'yon, kung sana nasa isang dinner date tayo or movie date, sasagutin ko ang lahat ng tanong mo tungkol sa'kin pati na ang nilalaman ng puso ko. Sa Sabado mo na 'ko tanungin sa mga gusto mong itanong sa'kin, may date tayo, remember?"
Tinaasan niya siya ni Euna ng kilay. "Ang eager ha."
"Of course!" Nakangisi niyang sagot. Saka niya 'to malawak na nginitian at kinindatan.
Ngiti at kindat ni Red na ngayon talaga ay masasabi ni Euna na napakalas ng epekto sa kaniya kaya nahihiya siyang yumuko. "Hindi ko naman nakakalimutan."
"Yes, thanks, but Euna, for now, family mo lang ang nagma- matter dito." Lakas loob niyang hinawakan si Euna sa chin nito para maipaling ni Red ang paningin nito sa kaniya. Hindi naman nagreklamo si Euna. "Hindi mo p'wedeng takasan ang problema na kinakaharap niyo ngayon, Euna. But yeah, you can cry now, para bukas ay wala na 'yan. Para pagharap at pagtanggap naman bukas."
Ang mga salitang 'yon lang yata ang hinihintay ng mga luha ni Euna dahil nag-unahan na ang mga 'yon sa pagbagsak, animo inis na inihagis ni Euna ang hawak niyang sigarilyo at tinapon 'yon basta para dalawang kamay ang magamit na pamahid sa mga luha.
"Tangina ka, pinaiyak mo 'ko nang may nakasubong candy sa bibig ko!" Reklamo ni Euna sa cute na paraan.
Red laughed. Oo, ganito ka-unique ang babaeng 'to. Hinapit niya si Euna para maihilig niya 'to sa kaniyang dibdib.
"Ganyan nga, Euna. Iiyak mo lang ang lahat para mahugasan ang mga mata na 'yan. Para sa susunod, mas malinaw na niyang makita nang maayos kung paanong harapin ang mga pinupukol na problema ng buhay."
Hagulgol ang tinugon ni Euna sa kaniya. Dama ni Red  ang sakit sa hagulgol na 'yon nito. Hindi biro ang sakit kay Euna na malaman na buntis ang pamangkin na nag-aaral at ang edad ay nineteen pa lang.
"Hindi ko alam kung sa'n ako nagkulang. Nangako ako sa mga magulang nila na aalagaan at babantayan sila pero ano 'tong pagpapabaya na nagawa ko?"
"Hush, look at me, Euna, stop blaming yourself. You know, life has many ways to testing us, really."
"Tang'nang test! Hindi na natapos! Nakakapagod na!"
"Euna, believe me, hindi ka pa pagod. Hindi kasi ibibigay ang ganyang sitwasyon sa taong alam Niyang pagod na. Maraming nakakatawang paraan ang buhay sa pag- test sa'tin at isa na ro'n ang kawalan ng problema at ang tulad ngayon na lahat na lang ng problema ay nangyayari sa isang bagsakan. Sa future, it all made sense," seryosong saad ni Red, titig na titig din siya sa mga magagandang mata ni Euna na kasing itim ng gabi.
Okay na sana e, ang sarap titigan ni Euna habang nakatitig din 'to sa kaniya at pareho nilang tila kinakabisa ang mukha ng bawat isa, kaya lang ay tumawa si Euna— Oo, bigla 'tong tumawa!
"What?"
Sapo ang t'yan sa pagtawa, tinuro ni Euna ang gawing likuran ni Red. "Nakakatawa kasi si Reyna sa likod mo. Mukhang natatae na ewan sa kakaiyak!"
Nalingunan nga ni Red si Reyna, sisinghot-singhot at sa laylayan ng shirt nito sumisinga at nagpapahid ng luha.
Hindi nga magandang umiyak si Reyna, unlike the woman na katabi niya. Ah, oo, gano'n talaga ka-unfair ang mundo.
You're really something, Euna. Your uniqueness is really a magic to me...