Napasandal siya sa pagkakaupo upang siguruhing hindi siya makikita ng babae habang nag-iisip pa siya ng kanyang gagawin.
Tinted man ang sasakyan ay nakaramdam pa rin siya ng takot. Iniisip niyang baka may kasama ang babae at imbes makatulong siya ay makagulo pa. Hinahanap na rin ng paningin niya ang guwardiya na nakatalaga sa fastfood pero wala ito sa puwesto.
Ang buong akala niya ay may karamay na siya sa kamalasan.
Hindi pala.
Sinalo niyang lahat. Akalain niyang makasaksi pa s'ya ng isang modus.
Miyembro yata ng budol-budol gang ang babae.
Bubuksan na sana niya ang pintuan ng kaniyang kotse upang tulungan ang matanda nang makita niya na nagyuko ng ulo ang babae saka inabot ang wallet sa matanda.
Ang matanda naman ang nagpasalamat sa babae. Inakalang nalaglag nito at napulot naman ng babae.
'Ayos ang taktika!' hiyaw niya sa isip.
Matapos noon ay tumalikod na ang babae at pumasok sa burger house, saktong kadarating lang din ng guard na pinagbuksan pa ang babae.
Napahinga nang malalim si Kiel. Hindi na niya kailangan pang makialam. Nagtatakang sinusundan na lang niya ng tingin ang babae.
Lumabas na s'ya ng sasakyan at dinaluhan ang matanda.
"Wala naman po bang nawala?" tanong n'ya rito na kasalukuyang binubuklat ang wallet.
Ngumiti ito. At silang dalawa ay napanatag.
Nagpasalamat sa kaniya ang matanda at ito'y sumakay na. Kinawayan na lamang niya ang umaatras ng sasakyan. Muntik na itong umuwing luhaan nang dahil lamang din sa pagmamalasakit.
~•~
Nakasuksok ang dalawang kamay n'ya sa magkabilang bulsa ng kaniyang faded jeans nang siya ay pumasok ng kainan.
Agad hinanap ng kaniyang mga mata ang babaeng nagtangkang mang-omit.
Sa bungad kung saan naroon ang counter ng sikat na food chain ay maraming tao ang nakapila. Ngunit wala doon ang babae.
Sinimulan na niyang maglakad habang naghahanap pa rin ang mga mata. Animo'y pulis sa tapang at talim ang mga iyon at atat na atat makita ang kaniyang darakpin.
At sa wakas, nakita rin n'ya ang hinahanap.
Halos mapuno ng tao ang kainan at sa sulok malapit sa trash bin ay naroon ang babae. Sakto namang kaaalis lang ng mag-inang customer sa katabing mesa nito. Pasimple siyang naupo roon. Nasa kanan n'ya ang babae, nakayuko. Isang mabilis na sulyap ang ginawa n'ya dahil tumunog na bigla ang cell phone nito at nag-angat ng ulo.
'Kiel? Ano mapapala mo sa kaniya?' Hindi n'ya pinansin ang tanong ng kaniyang konsensya at dumikwatro pa.
"Hindi ko nagawa. Pasensiya na. Sa ibang araw na lang."
Iyon ang narinig niyang sinabi ng babae sa kausap nito sa telepono na nagpakunot ng noo n'ya. Kahit may kahinaan ang boses ng babae na halatang ayaw iparinig sa iba ang usapan ay nagawa pa rin niya iyong mapakinggan. Ika nga kung gusto may paraan.
Ginamit lang naman niya ang pinagmamalaking Spider Sense n'ya. Siya raw si Spider Man, laging biro n'ya. Pero ang totoo ay hindi naman sila gano'n kalayo sa isat-isa, idagdag pang focused siya kaya narinig niya ang usapan.
Tumingin sa kaniya ang babae kaya napahawak siyang bigla sa kutsara at tinidor sa pagkaing naiwan kanina ng bata. Nakamamatay kasi sa talim ang tingin ng babae kaya nataranta s'ya. Naluwagan lamang niya ang kapit sa kubyertos nang nagbawi na ito ng tingin. Huminga na rin siya nang malalim.
'Teka nga, bakit ako pa ang takot sa kanya? E s'ya nga itong may kasalanan?' Naalala niyang bigla ang ginawa nito kanina lang.
Tumayo na siya't naglakad palayo. Naisip niya rin kasing ano pa nga rin bang pakialam niya.
Pero...
May kung ano na namang nag-udyok sa kaniya kaya matapos na makahakbang ng tatlong beses ay napapihit siya pabalik. Hindi na siya nagpaliguy-ligoy pa at naupo siya sa katapat na upuan nito.
Wala namang imik ang babae.
Sa tigin n'ya kahit mag-knock knock who's there s'ya ay hindi s'ya nito papansinin. O kahit pa mag-switch it up s'ya ay hindi rin uubra. Yukung-yuko kasi ito na parang natutulog na.
"How did you do that?" casual niyang tanong nang bumalik na sa katinuan ang sistema n'ya. Pero walang sagot s'yang natanggap. Parang nakarinig tuloy siya ng kuliglig.
"Why did you do that?" pang-iiba niya sa tanong na para namang gumana dahil nag-angat ito ng ulo at timingin sa kaniya.
Ngayon ay naaninag na niya nang malapitan at mas malinaw ang mukha nito. Tinitigan niya ito na parang wala lang. Hindi naman niya kasi ito maituturing na masamang tao dahil walang nakawang naganap dahil isinauli nito ang wallet. May attempt oo. Gayunman ay maituturing pa rin itong manloloko dahil tinanggap nito ang perang tulong galing sa matanda gayong fake lamang naman ang nangyaring pagnanakaw rito ng bag.
"What!" balik na tanong ng babae na may katapangan ang tono at nakakunot pa ang noo.
Tila ibinabalik din nito ang tingin n'ya na halatang hindi nagpapa-intimidate.
"I mean--bakit ibinalik mo pa, gayung nakuha mo na?" hindi niya alam kung tama bang magpaka-imbestigador siya o tama ba ang tanong niya. Baka kasi ma-offend niya ito. Pero, bahala na. Nasimulan na niya.
Although something inside of him was saying, ask and talk to her ay hindi naman niya inaasahang iyon ang maibubungad niya. Akala niya kaya na niyang magpaka-gentleman, hindi pa rin pala!
Ang sabi nga hindi lahat ng akala ay tama. Mas madalas sablay. Kagaya ng pag-aakala niyang manghihina ang loob ng kausap at iiyak sa harapan niya pero nagkamili na naman siya. Naisip niya, simula pa lang ng pagsunod niya rito ay mali na.
Lahat mali!
Nag-lean forward ang babae kaya nagkalapit ang mga mukha nila, "None of your business!" mariing sagot nito.
"I think you're not really that bad... I can see it."
"I'm an idiot," hayagang saad nito sa mukha niya. Tantya niya ay mas matapang pa ito kay Gabriela Silang at Joan of Arc o hindi man e kasing tapang siguro? Proud pa nga itong sabihing idiot siya.
"Oh! That's good. I love talking to idiots," wala sa loob na sagot niya sabay ngiti. Ang sa kaniya naman ay gusto lamang niyang magbiro dahil nakakapaso na ang aura nilang parang nagpapataasan ng dugo.
Ngunit tila hindi nagustuhan ng babae ang biro niya at para bang lalamunin na siya ng buhay kaya napa-atras siya habang nagpapaliwanag.
"Because... I'm an idiot too! One idiot plus one idiot equals, 2 Idiots. We're both idiots, right?" hinging pagsang-ayon niya ngunit bumuntonghininga lang ang babae at inirapan siya saka sumandal na sa upuan.
Ngayon ay malamang na nagpapatayan na ang bad at good conscience n'ya. Pero okay na 'yon kaysa naman siya ang ituring na patay na ng ama niya. Isa pa'y narito na siya. Nasimulan na niya. Wala nang atrasan! Idiot na kung idiot pero itutuloy n'ya ang naisip n'ya kanina kaya siya napabalik sa babaeng ito. Anuman din ang business nito ay kaniya 'yong malalaman. Sa tingin niya kasi'y matutulungan s'ya nito at kailangan nila ang isa't isa.
"Hey! Listen. I'm a very busy person, so, I'll go straight to the point. I have a proposal to make. You help me... I'll help you..."
"I'm not interested."
"...listen to me first. I think I have what you need at maibibigay ko sa iyo 'yon. Sa kondisyon na tutulungan mo rin ako sa problema ko. Is it a deal? Ang gagawin mo lang naman ay magpapanggap kang girlfriend ko. Bibigyan kita ng pera--name your price."
"Marami na akong narinig na ganyan at inuulit ko hindi ako intirisado," walang emosyong sagot ng babae na nakahalukipkip lang habang nakasandal pa rin at matamang nakatingin sa kaniya.
"Manloloko ka, 'di ba? Ituluy-tuloy mo na! Kaya nga ikaw ang napili ko e. You're an expert and perfect for the position."
Naiinis si Kiel sa kaartehan nito. Kung magmalinis kasi ito'y parang santa. Kung sana'y hindi niya nakita ang mga nakita niya kanina baka maniwala siyang hindi ito gumagawa ng masama.
Tumunog nang malakas ang lamesa.
Sa gulat ay napaangat siya ng dalawang kamay kasama paa, na ang tuhod ay tumama pa sa ilalim ng lamesa.
"Wohowww!" reklamo n'ya sabay hagod sa dalawang tuhod habang napapangiwi.
Bigla kasing buong puwersang pinalo ng babae sa pamamagitan ng dalawang kamay ang lamesa na sa lakas ay napatayo pa habang ang sama-sama ng tingin sa kaniya.
Ang mga tao sa paligid nila ay napatingin din sa kanila na ang mga mata ay pawang mga nagtatanong.
"Awaww! I didn't see that coming!" reklamo n'ya. Hindi maiwasang magtanong. Tigre ba o babae ang kaharap niya? Babaeng tigre siguro.