"Haysss! Good morning ganda!" Masayahin kong bati, habang nakatingin sa salamin na nasa loob ng kwarto ko.
Ang ganda-ganda ko talaga.
Nag stretching muna ako, tuwad dito, tuwad doon. Pakembot-kembot tapos i-iikot ang mga braso.
"Hoooo!" Pagbubuga ko ng hangin habang ginagawa ang inhale exhale na exercise.
Ilang minuto ang ginugol ko para doon bago ako pumanhik sa baba para mag agahan. Nasa mesa na sila tatay kasama si kuya, habang si nanay naman ay nasa harap at nagluluto.
"Good morning, monkey family!" Malakas at masaya kong bati sa kanila at hinalikan sila isa-isa sa pisngi.
"Yaksss! Di kapa nag toothbrush, kadiri ka. Ka-babaeng tao!" OA na sabi ni kuya.
"Wowww! Hiyang hiya Brandon! Ikaw nga apat na araw ng hindi naliligo nagreklamo ba ako!? Hindi diba!? Kaya maging masaya ka nalang dahil may kapatid kang maganda!" Sigaw ko sa kanya habang lumalapit sa ref para kunin yung gatas ko.
Oo nag-gagatas pa ako. At laking bearbrand ako.
"May bagong lipat pala dyan, malapit kela manang Anne." Pag kausap ni nanay kay tatay.
Ito talagang si nanay oh! Napaka chismosa talaga kahit kailan. Kung sumesweldo nga lang siya kada chismis na masasagap niya malamang milyonaryo na kami.
"Ahh, oo nakita ko nga kaninang umaga pagbili ko ng tinapay." Sabat naman ni tatay habang sumisimsim ng kape.
Ito naman si tatay ay napaka supportive na asawa. Grabe maka react kapag may chismis si nanay. Minsan nga kahit hindi niya ma gets yung pinagsasabi ni nanay, ay magrereact pa rin siya at kung ano-anong sasabihin.
Tsk! Same vibes!
"May gwapo ba, nay?" Singit ko sa usapan nila habang naglalakad pabalik sa pwesto ko.
Uupo na sana ako sa tabi ni kuya ng bigla niyang sipain yung uupuan ko sana. Mabuti nalang at hindi pa ako nakakaupo kaya hindi ako natumba.
"Anong gwapo yang pinagsasabi mo ha?! Walang gwapo hoy! Wag ka nang umasa dahil walang papatol sayo!" Tumatalsik talsik pa yung laway na aniya.
Itong kuya ko naman kunyari nanglalait, pero alam ko naman na overprotective lang siya. Syempre pag maganda, kailangan talagang maprotektahan kaya ganyan siya palagi. Idinadaan niya sa pagsigaw ang mga lambing niya.
Kung hindi ka lang gwapo baka pinagkamalan na kitang napulot sa tae ng kalabaw.
"Hoy! Anong walang papatol. Baka ako lang ang nag-iisang diyosa dito sa barangay natin! Baka ako yung nanalo last year sa Miss Pearl!!" Ganti ko sa kanya.
Totoo naman eh! Palagi niya akong inaasar na pangit kahit hindi naman. Sumasali nga ako sa mga pageant para makatulong naman dito sa bahay, pero syempre di ko sasabihin sa kanila na iyon ang dahilan.
Hindi niya na ako ginantihan dahil pinagalitan na naman kami ni tatay. Palagi namang ganun eh, magtatalo kaming dalawa ni kuya habang si tatay naman ang tagasaway, pag hindi kami nakuha sa saway ni tatay, to the rescue naman si nanay kaya ayun tahimik kaming dalawa. Mas masakit kasi ang bibig ni nanay kesa sa palo ni tatay.
Tapos na akong kumain at tinatamad na naman akong maligo, kaya naglagay na lang ako ng bra, nagtooth brush, tapos ay nag polbo, bago lumabas ng bahay at pumunta sa bestfriend ko.
"Asawa ko!" Sigaw ko habang nasa katabing bahay pa lang nila.
Ito yung sinasabi ni nanay na bagong lipat na bahay. Nasa tapat lang ito ng bahay namin at yung katabi naman nito ay yung bahay nila Carlos.
"Uyyy mother in law! Good morning po!" Tawag ko kay nanay Maling nang makita ko siyang nagwawalis sa tapat ng bahay nila. Nagmano naman ako sa kanya.
"Good morning Aika! Ang ganda mo naman!" Sabi niya pa sa akin habang nakalahad ang kamay niya para makapag-mano ako.
"Nako, mother in law, sanay na po ako diyan. Maliit na bagay." Saad ko na tinawanan lang niya.
Sinabihan niya ako na nasa loob si Carlos at pasukin ko nalang daw sa kwarto niya.
Oo, ganiyan kami ka close, magkababata kami kaya ganyan, umamin na ako sa kanya na crush ko siya at ganun din naman siya sa akin, kaya at the end, ito, mag bestfriend kami ngayon, hihi.
Sa tingin kasi namin ay pareho kaming hindi compatible sa isa't-isa at pareho ring nagkakadirian kaya yung trial namin ay hanggang dalawang araw lang. So bale, ex ko na siya. Ang gulo no?
"Hoyy! Lalaki, ano ba maghanap ka na ng ipapakain sa mga anak mo!" Sigaw ko, bago lundag sa kama niya. Nakahiga pa rin siya at nakatulakbong pa ng kumot.
"Aray!" Sigaw niya nang sa mismong tiyan ko siya nilundagan. "Umalis ka na nga rito! Natutulog pa yung mga anak mo!"
Nilingon ko ang kabuuan ng kwarto niya para makita ang mga anak namin, at nakita ko sila na nasa isang kyut na kutson sa papag at mahimbing na natutulog. Nilapitan ko sila at kiniliti sa ulo para magising.
"Awww!" Tahol ni Azi ng makita ako.
Oo, aso yung anak namin, bakit anong iniisip mo?
Tumalon siya papunta sakin, dahilan para magising ang kapatid niyang si Ozi.
Nakita lang namin silang dalawa sa kalsada. At dahil naawa nga kami ay kinupkop nalang namin sila. Hindi naman ako pinayagan nila tatay na dalhin sa amin ang isa kaya nandito silang dalawa ngayon sa ama nila.
Kinarga ko sila ng sabay at lumapit papunta sa kama ni Carlos. Inilapit ko ang mukha ng mga anak namin sa mukha ni Carlo kaya dinilaan siya ng mga ito.
Good kids, napaka masunurin kay mommy!
Patuloy lang sila sa pagdila sa mukha niya kaya inis itong bumangon at tinapunan ako nang masamang tingin bago niya pahablot na kinuha sa akin si Ozi.
"Hoy! Kapag napilayan yang anak ko humanda ka talaga sa akin." Sinabunutan ko pa siya.
Bakit niya ba kasi hahablutin ng ganun ang isang maliit na tuta. Eh kung siya kaya yung batukan ko.
Nahiga ulit siya sa kama pagkakuha niya kay Ozi, niyakap niya ito at ibinaon pa ang ulo niya sa tiyan ng tuta. Narinig ko ang mahinang ungol ni Azi na hawak ko ngayon, kaya habang karga ko siya ay lumapit kami sa dalawa at nakisiksik sa kanila.
Sinubsob ko ang mukha ko sa likod ni Ozi at inilagay naman si Azi sa may pisngi ni Carlos. Yumakap rin ako kay Carlos at itinanday ko pa ang binti ko sa bewang niya, bago sila niyakap ng mahigpit.
Narinig ko ang mahinang daing ni Carlos kaya mas hinigpitan ko pa ang yakap ko sa kanilang tatlo.
Mas hihigpitan ko pa sana ang yakap ko sa kanila at plano sanang takpan ang mukha ni Carlos ng unan dahil sa sobrang gigil ko, pero naramdaman ko ang isa niyang kamay na nasa binti ko dahilan para mapaalis ang aking binti na nakayakap sa kanya.
"Ba't ka ba nangingiliti! Bwisit ka!" Sigaw ko sa kanya ng pinisil niya ang binti ko, at dahil nga alam niya kung nasaan ang kiliti ko ay doon niya ako tinira.
"Ikaw nga pinapatay mo na ako, nagreklamo ba ako?! At dinadamay mo pa yung mga anak natin. Anong klase kang ina!?" Sigaw niya sa akin pabalik habang hinihingal.
Bumangon na siya habang akay sina Ozi at Azi, nakanguso ko lang silang sinundan ng tingin. Hindi ko naman sinasadya yun.
Nanggigil lang naman ako sa kanila eh!
Inilapag niya sa higaan nila ang dalawang tuta bago siya kumuha ng mga damit mula sa kanyang aparador at dumeretso sa cr. Wala naman akong nagawa dahil nakita kong tulog na naman ang dalawang tuta. At imbes na guluhin sila ay nagtatalon na lang ako sa kama ni Carlos hanggang sa napagod at padapa na lang na nahiga.
Ilang minuto pa ang hinintay ko bago ko siya nakitang lumabas mula sa cr niya. Nakasuot siya ng nike short na kulay black at t-shirt na kulay grey, habang ang twalya ay nasa buhok at pinapatuyo iyon.
Nagtuloy-tuloy siya sa paglabas ng kwarto niya at pagbalik ay may dala na itong dalawang malaking echo bag na inihagis niya mismo sa mukha ko.
"Ano ba! Nananadya ka na, ah!" Padabog akong naupo sa kama at binuksan ang echo bag na ibinigay niya.
Yes! Pasalubong!
Marami itong chocolates at chichirya. Ngingiti-ngiti ko siyang tinignan at tinaasan niya lang naman ako ng kilay.
"Maligo ka na nga, ilang araw ka nang walang ligo ah!" Sigaw niya sa akin ng makita ang malawak kong ngiti.
Badtrip talaga tong lalaking to!
"Hoyy! Hindi porket richkid ka hindi na kita papatulan! Taray nito, eh dalawang araw ka lang naman namalagi sa kabilang barangay ah! Kala mo naman nangibang bansa!" Panenermon ko sa kanya habang isa-isang inilalabas ang mga pinamili niya para sakin.
Ilang minuto pa kaming nagbangayan bago kami tuluyang pumunta sa labas.
Biruin mo, alas otso ako pumunta sa kanila tapos alas diyes na pagbaba namin. Akala ko pa naman call time ay 8:30. Mas malala pa talaga siya sa babae.