"Elesus POV"
"Mag isa ka lang ba, pogi?" Napatingin ako sa babaeng nagsalita mula sa likuran ko. She's pretty, I admit. But Kyla's more prettier than her. Sa halip na pansinin ay muli kong tinuon ang paningin ko sa mga paintings na nasa harapan ko. Naramdaman ko agad ang pagtabi niya sakin. "I know how you feel." Taka akong napatingin sa kanya dahil sa biglang sinabi niya pero nasa paintings lang din ang kanyang paningin. "Loving someone secretly. Loving someone whose inlove with someone else pretty sucks." Kung pwede ko lang siyang patahimikin gamit ang kapangyarihan ko ay baka ginawa ko na. Masyadong masakit ang bawat salitang binibitawan nang bibig niya.
"You know, I am also inlove with someone. Someone whose very much impossible to be with me. Impossible to love me back and impossible to return back my love. Masakit yung pakiramdam na kailangan mong makontento na nakikita mo siya sa malayo. Ni wala kang magawa kundi ang panoorin siyang maging masaya kasama ang mahal niya, while we, can't do anything but to watch ourselves slightly dying because of too much pain." Hinayaan ko lang siyang maglabas ng kanyang sama ng loob. Nanatili lang akong nakikinig sa kanya. Merong parte sakin ang nag uudyok na hintayin matapos ang pagiging madrama niya.
"But you know what? I'm done already. I had enough already. Alam ko naman kasi na may magagawa ako para mapunta sakin ang taong mahal ko. Para mapansin niya na ako. After all, matagal-tagal na rin akong naghihintay sa kanya. Waiting really sucks, especially if you are waiting for someone whose not worth the wait. But, i'll make sure that my wait will be worth it this time."
"Do you want to have some clue kung sino ang taong tinutukoy ko? Ang taong matagal ko ng minamahal ng patago?" Napataas ang kilay ko ng bigla siyang tumingin sa dalawang taong kadaraan lang. Sina Kyla at Ford. Napansin ko ang biglaang pag iiba ng ekspresyon niya.
Nang bigla niya akong lingunin saka makahulugang ngumisi.
"Do you know Enchanted Academy?" Bigla akong kinabahan sa tinanong niya. Anong alam niya sa paaralang pinapasukan namin? Tinignan ko siya mula ulo hanggang paa at masasabi kong isang ordinaryong tao lang siya pero bakit alam niya ang mahiwagang paaralan na yun?
"Sino ka?" Seryosong tanong ko. Pero sa halip na sumagot ay nginisian lang niya ako. "See you soon, Elesus Kastil." Mas nagulat at kinabahan ako nang banggitin niya ang pangalan ko. Iniwanan pa niya ako nang isang makahulugang ngiti bago tuluyang umalis. Anong alam mo? Sino ka ba?
Hanggang sa makabalik sa mga kaibigan ko ay naiwan akong nakatanga. Hindi mawala sa isip ko ang babaeng yun. Nakakaramdam ako nang kakaiba. Parang may banta. Banta nang panganib.
"Hoy! Okay ka lang?" Natatawang si Lexa.
"Oo naman." Nasagot ko na lang dahil ayaw ko namang mag alala pa sila lalo na si Kyla.
Patuloy lang sila sa pag uusap at pagsasaya habang ako ay napapaisip pa rin sa babaeng yun.
Kung sino ka man, makikilala din kita.
Kakampi ka man o hindi, malinis man ang intensyon mo o hindi, sisiguraduhin ko na hindi ka magiging hadlang sa misyon ng itinakda.
Gagawin ko ang lahat para maprotektahan ang taong mahal ko.
Ang taong itinakda.
*****
"Kyla's POV"
"Nakahanda na ba ang mga gamit mo, apo?"
"Opo, la. Naayos ko na po." Nakangiting sagot ko saka pinasadahan nang tingin ang isang malaking maleta at isang maliit na backpack na dadalhin ko para sa outing namin.
"Mag iingat ka doon apo at sana ay mag enjoy kayo ng mga kaibigan mo doon."
"Kayo din po, lo. Mag ingat din po kayo dito. Tatawag naman po ako dito." Saka ko sila niyakap na dalawa. Ginantihan naman nila iyon ng isang mahigpit na yakap.
Maya-maya lang ay naghihintay na lang ako sa van na susundo sa akin. Van nina Ford ang gagamitin sa buong outing namin. Siya ang magmamaneho dahil lisensyado na siya.
Sa nakaraang mga linggo ay hindi kami gaano-anong nagkita na magkakaibigan para mabigyan namin nang panahon ang aming mga pamilya. Huling pamamasyal namin nang magkasama ay noong nagmall kaming lahat. Paminsan-minsan naman ay nagsosolo kami ni Ford, ganun din ang iba pa lalo na ang magsyota at nagliligawan pa lang. Kaya ngayon kami babawi dahil next week na ang balik namin sa Enchanted Academy.
Dumating na din sila sa wakas at marahan pa akong pinagbuksan ni Ford ng pinto sa passenger seat.
"Thank you." Nakangiting sabi ko saka sumakay na. "Very welcome." Nakangiting ganti niya saka pumaikot sa driver's seat.
"Apo, pakialagaan yang si Kyla ah," ani lola na may pang aasar pa.
"Wag po kayong mag alala lola, lolo. Sisiguraduhin ko po ni daplis ay hindi magkakaroon si Kyla." At doon na nagsimula ang kantyawan nila.
Agad din naman kaming nagbiyahe. Sa Boracay ang punta namin dahil naisip naming mas maganda kung Boracay muna saka na sa iba pa.
Inabot nang ilang oras ang biyahe. Nakatulog pa nga ako at nagising lang sa isang yugyog.
"Good morning." Isang maamong mukha ang sumalubong sa akin.
"Hapon na kaya." Sagot ko saka marahang kinusot ang mata. Nilibot ko ang paningin ko sa kabuuan nang lugar. Narinig ko naman siyang tumawa dahilan para muli ko siyang lingunin.
"Tara na. Tayo na lang ang nandito. Masyado silang excited." Tawa niya. Napatawa na lang din ako.
Inalalayan niya ako saka kinuha ang malaking maleta ko.
Pumasok kami sa isang hotel at iginiya kami nang isa sa kanilang hotel employee kung saang room kami at doon namin naabutan ang mga kaibigan naming nag eenjoy sa panonood.
Inilibot ko ang paningin ko sa kabuuan ng kwarto. Malaki siya at may dalawang kwarto pa. Isa para sa mga lalaki at isa para sa mga babae.
Dahil hapon na rin kami nakarating, wala kaming ibang ginawa kundi ang manood lang ng movie at nang gumabi na ay bumaba lang kami sa restaurant para kumain. Kinabukasan ay nag aya sina Zarah at Bretha na mamasyal muna sa umaga at maligo sa hapon.
Yun nga ang ginawa namin. Nagpictorial din kaming lahat.
"Oh, by pair naman." - Sig.
"Kami mauna." - parang bata na sigaw ni Nylo, may papadyak-padyak pa ng paa. Ayun, nakatanggap ng hambalos galing kay Lexa.
Unang nagpakuha ng litrato ang dalawa, sunod naman ay sina Blue at Bretha na sinundan nina Sig at Zarah hanggang sa turn na namin ni Ford.
"Kami ang magsasabi ng pose ninyo at kailangan sundin ninyong dalawa. Ako muna." - Venus.
"Ford, akbayan mo si Kyla."
Walang pagdadalawang isip na sinunod ni Ford ang sinabi ni Venus.
"Kahit hindi mo sabihin, yan talaga ang gagawin ko," ani Ford dahilan para maghiyawan na naman ang lahat.
"Ipahiram mo kay Kyla yang jacket mo at tignan mo siya. Stolen pic ito ah!" - Lexa.
Sinunod nga ni Ford ang sinabi ni Lexa. Isinuot niya sakin ang jacket niya at tinignan ako ng nakangiti, samantalang ay abala naman ako sa pagcheck kung tama ba ang pagkakalagay at ang sumunod na nangyari ay nakarinig na kami ng isang click ng camera.