Marienne Aecy Chandria's Point of View
Saturday na ngayon at wala namang special na nangyari sa mga nakaraang araw maliban na lang sa araw-araw naming pag-aaway ni Tukmol. Tsk masyado kasi siyang pikon kaya masarap siyang inisin hehehe. Hindi ko naman siguro kasalanan kung mabilis siyang mapikon. Masyado pa nga akong mabait sa kaniya dahil hanggang ngayon ay hindi pa rin ako nakakaganti doon sa pagbangga niya sa akin. Gustong-gusto ko na siya gantihan kaso si Zac ay palagi akong pinipigilan kapag sinusubukan ko kaya naman iniinis ko na lamang siya. Nakakatuwa nga ang mukha ng isang 'yon kapag naiinis, ansarap niya panoorin kapag napipikon.
Pitikin mo lang ang tenga niya o kaya sulatan mo lang ng lapis ang notebook niya ay inis na inis na kaagad siya. Halos araw-araw na rin kaming pinapagalitan ng mga teachers, tsk kung hindi siya pikon eh di hindi kami papagalitan. Muntanga kasi masyado eh. Hindi ko alam kung bakit siya palaging naiinis sa akin gayong trip ko lang naman siyang inisin. Palagi niya rin akong tinitignan ng masama kapag nanghihingi ako ng papel sa kakambal ko, ano nga bang problema ng Tukmol na iyon sa akin? Hindi ko rin alam. Aba'y nakikinig lang naman ako sa teacher namin pero kapag pinansin ko si Zac ay akala mo papatayin niya na ako sa tingin. May gusto yata ang isang 'yon sa kakambal ko, mukha rin naman siyang bakla eh kaya hindi na ako nagtataka.
"Mac may gagawin ka ba bukas?" Tanong ni Zac habang busy ako manood ng anime at siya naman may kung anong kinukulikot sa phone niya. Tumingin ako dito saglit bago ibinalik ang paningin sa pinapanood. Istorbo naman ang isang 'to. Mahuhuli na sana ni Conan ang suspect eh, sisingit pa ang unggoy na 'to.
"Wala naman, bakit?"
"Sila JV kasi nag-aaya, basketball daw tayo bukas pagkatapos ng practice. Gusto mong sumama?" Alanganin niyang tanong kaya mabilis pa sa alas kuwatro akong napatingin dito.
"Woah sige kamo. Tatalunin ko silang tatlo bwahahaha, gagamitin ko ang mga napanood ko sa Kuroko, tatalunin ko sila bwahahaha, iiyak sila sakin bwahahaha, tapos babait sila sakin bwahahaha- arayyy ko naman Zac! Tangina, problema mo ba? Ikaw batukan ko diyan eh."
"Malala ka na Mac, iyan siguro ang epekto ng anime sa iyo. Dapat ko na bang sabihan si Kuya Levi at Kuya Rhex na ipadala ka sa mental? Gagong 'to, umayos ka ng tawa mo," gigil niyang saad kaya napasimangot na lamang ako. Ano bang problema ng taong 'to sa tawa ko?
"Tsk masama na ba tumawa?"
"Hindi masama tumawa Mac, ang masama ay 'yong nasobrahan ka na sa tawa, para kang baliw na nakatakas sa mental dahil diyan sa tawa mo. Hinaan mo rin iyang tawa mo at baka machismis tayo dito sa barangay natin na isa kang baliw," sabi niya.
"Tsk gagong 'to at tiyaka, ano bang pakialam nila kung ganito ako tumawa? Kung gusto nila ay tumawa rin sila ng kagaya ng sa akin para mas masaya."
"Ewan ko sa iyo Mac," naiinis niyang saad ngunit wala akong pakialam dahil busy akong manood dito.
"Ano nanaman iyang pinagtatalunan ninyong magkapatid? Kahit nasa labas pa lang ako ay rinig na rinig ko na iyang mga boses niyo," biglang saad ng isang boses kaya pareho kaming napalingon ni Zac. Mula sa pinto ay doon nakita namin si Kuya Levi at kasunod si Kuya Rhex. May hawak na supot si Kuya Levi.
"Ito kasing si Mac, Kuya. Masyadong malakas tumawa at mukha pang baliw," sagot ni Zac kaya sinamaan ko ito ng tingin.
"At ako pa talaga? Ano naman ang problema nila sa tawa ko? Wala akong pakialam kung pagchismisan nila ang tawa ko, mga anak nga nilang maagang nabuntis hindi ko pinagchismisan."
"Hays tigilan niyo na nga ang bangayan ninyong dalawa, hindi naman kayo aso para magganyanan," sabi na lamang ni Kuya Levi habang kinakamot ang ulo na para bang problemado siya sa aming dalawa ni Zac. Si Kuya Rhex naman ay tahimik lang sa gilid, pinagmamasdan kaming tatlo at parang natutuwa pa. Baliw yata si Kuya Rhex.
"Oo na po Kuya," sukong sabi ni Zac.
"Oh Mac, iluto mo na lang itong ulam natin," utos ni Kuya Levi.
"Hala bakit ako?"
"Sinong gusto mong magluto niyan? Pagod ako sa trabaho at itong si Kuya Rhex mo naman ay may gagawin pang assignment, huwag mo rin asahan iyang si Zac at baka masunog lang niyan ang bahay natin," katwiran ni Kuya Levi kaya wala akong nagawa kung hindi kunin ang supot na hawak ni Kuya Rhex. Napangiti ako nang makitang pork chop ang ulam namin, matagal ko na kasing nirerequest ang ulam na ito kay Kuya Levi. Lumingon ako kay Kuya Levi at ngumiti, nag-thumbs up lang ito sa akin bago pumasok ng k'warto niya.
*****
"Next month ang district battle kaya kailangan natin magpractice ng todo. Inaasahan ko na mananalo tayo dito. Ilang taon na rin tayong nasa first place lang sa lahat ng laban kaya sana ngayon ay manalo na tayo, okay ba 'yon?" Tanong ni JV na nakangiti sa amin.
"Yes boss," sagot ni Zac at sumaludo pa kay JV. Ano siya, sundalo o pulis?
Si Ram ay nagbabalat ng panibagong lollipop habang nakikinig kay JV, hindi ba nasisira ang ngipin ng taong 'to? Si Lyndon naman ay parang tanga na hikab ng hikab at nakasalampak sa sahig habang papikit-pikit na nakatingin kay JV at ako na pinaglalaruan ang sumbrero ko ngunit nakatingin kay JV.
Ilang kanta na rin ang natatapos namin nang maisipan nilang magpahinga kaso si Zac naka-inom yata ng enervon. Kinukulit-kulit ako at gusto pa tumugtog at kakanta ako. Nakainom yata siya ng enervon kaya gayan. Ayaw ko na talaga at medyo namamalat na ang boses ko.
"Ayoko nga eh."
"Dali na kasi Mac!" Pangungulit niya at halos mahubad na ang damit ko dahil sa kakahila niya. Para siyang bata na gustong magpabili ng laruan sa kaniyang magulang.
"Ano bang mahirap intindihin sa salitang 'ayoko', huwag makulit Zac at baka mabatukan kita nang wala sa oras. Hindi mo ba naririnig ang boses ko kanina? Malat na ako at kailangan ko na magpahinga, kung hindi ay baka mawalan pa ako ng boses. Mababatukan ako ni JV kapag nagkataon."
"Dapat ba nasa oras kapag binabatukan mo ako? Tsk dali na Mac," pangungulit ulit niya kaya wala akong nagawa kung hindi ang kamutin ang ulo ko, may kuto yata, makasuyod na nga mamaya pagkauwi ko. Nagpainit na naman kasi ako eh.
"Arghhhh bwisit ka talaga! Oh sige na nga, ano bang kanta ang gusto mong kantahin ko hah gago!?"
"Maka-gago naman 'to, grabe ka talaga sa akin Mac. Anyway kantahin natin 'yong Ikaw at Ako ni TJ Monteverdi. Maganda 'yon eh," parang bata niyang saad habang kinukuha ang gitara niya at isinuot.
"Oh sige pero pagkatapos nito ay pagpapahingahin mo ako."
Ngumiti siya sa akin at nag-thumbs up pa. Nagsimula nang tumugtog si Zac kaya ako ay iniisip ang lyrics ng kanta. Si JV ay may kung anong ginagawa sa cellphone niya at nakangiti, mukhang may katext na chix ang isang 'to. Si Ram naman na kumakain ng lollipop at nanonood sa aming magkapatid at si Lyndon na tulog lang sa isang tabi, abnormal nga eh, ginawang pantakip sa mukha niya 'yong mga notes, buti at hindi pinagalitan ni JV.
Hawakan mo ang kamay ko
Nang nakapakahigpit
Pakinggan mo ang tinig ko
Oh, 'di mo ba pansin?
Enjoy na enjoy ko lang ang pagkanta dahil wala naman akong choice kung hindi ang gawin 'to, masyadong sinusumpong ng kasipagan ang kakambal ko. Saktong chorus ay biglang bumukas ang pinto at pumasok ang tatlong itlog na bugok, sina Korean boy, Antarctic boy at tukmol. Anong ginagawa ng mga iyan dito? Linggo ngayon kaya bakit nandito ang mga iyan?
Si Tukmol ay nakatulala lang sa akin samantalang ang dalawa ay nakanganga at anytime ay makakapasok na ang langaw sa bibig nila. Walang pakialam si Zac sa pumasok at tuloy lang sa pagtugtog. Kaya ganoon na lang din ang ginawa ko.
Nakatitig pa rin sa akin si tukmol kaya sinabayan ko ang titig niya. Bakit parang may something sa titig nya, isang titig ng taong inlove? Gago! Walang gano'n Mac kaya magtigil ka. Masyado ka naman yatang mahangin kung iniisip mong may gusto ang Tukmol na ito sa iyo at isa pa ay malabong magkagusto sa iyo 'yan.
Hindi ko na lamang ito pinansin at ipinakit na lamang ang aking mga mata ngunit pagkamulat ko ay isang maaliwalas na mukha ni Tukmol ang aking nakita, para siyang tanga na nakangiti habang nakatingin sa akin.
Napatitig ako kay Tukmol at hindi ko alam kung bakit hindi ko maialis ang tingin ko sa kaniya, para niya akong hinihigop ng tingin niya. Anong nangyayari? Bakit ganito? Bakit lumalakas ang tibok ng puso ko habang nakikipagtitigan kay Tukmol? What the heck is happening? Bakit ganito? Bakit ko nararamdaman ito? May sakit na ba ako sa puso? Kailangan ko na yatang magpatingin sa doktor.
Isang malakas na palakpal ang nakapukaw sa akin, palakpak ni Ram with matching tayo pa. Akala mo ay nanonood siya ng concert. Umiwas na ako ng tingin kay Tukmol at baka tuluyan akong magkaroon ng sakit sa puso kapag tinagalan ko pa ang titig sa kaniya.
"Grabe ang galing-galing mo talaga Mac, the best ka talaga!" Puri ni Ram kaya alanganin akong ngumiti sa kaniya. Pilit akong umiiwas kay Tukmol ngunit ramdam ko ang mga titig nito sa akin.
"Woahh tingin ko ay may pag-asa tayong manalo sa district battle, good job Mac," nakangiting puri ni JV.
"Grabe Mac, ang galing mo talagang kumakanta, kaya nain–gsisjnsaiannshznzjsj," hindi na naituloy ni Antarctic boy ang kaniyang sasabihin dahil bigla siyang pinasakan ng papel ni Tukmol sa bunganga. Ano raw? Ambastos naman ng Tukmol na 'to, may sinasabi pa nga si Antarctic boy tapos biglang pinasakan ng papel.
"Shut up Glenn," saway ni Tukmol at sinamaan ito ng tingin. Napakamot na lamang sa kaniyang ulo si Antarctic boy.
Nain– ano daw? Anong kasunod no'ng sinabi ni Antarctic boy? Bastos kasi ni Tukmol eh.
Hindi ko na ito pinansin pa dahil masasayang lang ang oras ko dito.
*******
"Oh? Ano na? Tunganga na lang? Tsk dali na, sali ako sa inyo. Marunong naman akong maglaro niyan."
"Diyan ka na lang Mac, pang-gulo ka lang eh," saway ni Zac. Tumingin ako dito at itinaas ang manggas ng damit ko.
"Woiii kulang kayo oh! Zac do'n sa tatlong unggoy tapos dito ako sa NID para apatan tayo. Hindi p'wedeng lamangan ng members dahil hindi patas iyon."
"Hayaan mo na Zac para sakto na tayo," sabi ni JV kaya nakangisi kong tinignan si Zac.
"Aish sige na nga. Pero kapag kami natalo dito sinasabi ko sa iyo Mac, ibibitin talaga kita patiwarik," saad niya ngunit wala na akong pakialam, ang importante ay makakasali na ako sa game nila.
"Yown oh! Akin na bola! Dali at gagayahin ko si Midorima, magshoshoot din ako mula half court."
"Midorima? Sa liit mong 'yan Mac? Baka ma-air ball mo lang ang bola," natatawang sabi ni Zac kaya sinapak ko siya kaya napadaing siya. Parang hindi naman ako kilala ng isang 'to. Aba'y laman kaya ako ng basketball court dati, palaging may pustahan kaya nakikisali ako, mabuti nga at palagi kaming panalo. S'yempre magaling ako eh.
"Tangina mo Zac! Eh di si Akashi na lang gagayahin ko."
"Akashi? Bakit? May emperor eye ka ba? You can see the future? Wow ahh!?" Napasimangot na lang ako sa sinabi niya. Kaunting-kaunting na lang at bingo na ang isang 'to sa akin.
"Tangina mo talaga Zac, kapag kami nanalo dito bibilihan mo ako ng jersey, Nigou's jersey, ano game?"
"Game!" Sigaw niya kaya napangisi ako. Hah! Talagang gagalingan ko dahil makakalibre ako ng jersey nito.
"Wait up Ramos twin, ano ba 'yang pinag-aawayan nyong dalawa? Ano 'yon? Midorima? Akashi? Nigou? Sino 'yong mga 'yon?" Nagtatakang tanong ni Korean boy.
"Mga character 'yon sa The Basketball Which Kuroko Plays, adik-adik do'n si Mac," paliwanag ni Zac.
"Ahh," sabay-sabay nilang saad. Kailangan talaga sabay-sabay? Tumango-tango rin sila na akala mo ay naintindihan ang sinabi ni Zac.
"Tsk maglaro na nga tayo"
Kakampi ko si JV, Lyndon at Ram samantalang magkakampi naman si Zac, Tukmol, Antarctic boy at Korean boy. Nag-tip off si Tukmol at JV at sa amin napunta ang bola, antangkad kasi ni JV eh, matangkad naman si Tukmol pero sadyang mas matangkad lang si JV. Pinasa nila sa akin ang bola at kaharap ko si Tukmol. Nginisihan ko siya, hehe pang-inis lang. Napakunot-noo siya kaya umatras ako ng kunti then boooommmmm. Pasok sa banga! Galawang Captain Hyuga 'yon mga pre!
"Woah that's my twin," pumapalakpak si Zac habang nakatingin sa akin. Ngumisi ako sa kaniya at mayabang na pinagpagan ang manggas ng damit ko at nagkibit-balikat.
"Nice, ang galing mo Mac," puri ni Lyndon at humikab. Hanggang dito ba naman ay tinatamad ang isang'to.
"Ikaw na Mac," puri naman ni Ram at may subo-subo na lollipop, tsk lagi naman.
Nag-apir kaming magkakagrupo at humarap sa apat na unggoy. Nakanganga silang apat sa akin at para bang hindi makapaniwala sa ginagawa ko.
"Let's go NID!"
Nakay Zac ang bola at binabantayan siya ni Lyndon na halatang tinatamad maglaro kaya naman pumunta ako sa likod at nilusutan si Tukmol. Agaran kong tinapik ang bola kay Zac at nakuha ko ito, galawang Kuroko 'yon, pumunta ako sa kabilang court at ishoshot na sana ang bola ngunit hinarangan ako ni Tukmol, buti na lang mabilis ang kilos ko kaya hindi ko naituloy ng shot. Ngumisi ito sa akin na akala mo ay napigilan niya na ako. Hah! Hindi yata ako kilala ng isang 'to, mas magaling pa nga sa kaniya iyong mga nakakalaro ko sa probinsya namin. Umakto akong ishoshot ang bola at nang makitang tumalon siya ay agad akong umatras at inantay siyang makababa, saktong baba niya ay saka ako tumalon at ishinot ang bola, hulog na naman sa banga! Galawang Himuro naman 'yon mga pre!
**********
"Andaya! Bat ganon? Andaya-daya talaga!" Ungot ni Zac at parang bata na nakalupagi sa court.
Bwahahaha panalo kami! 55-30 ang score, halos five minutes lang naman kaming naglaro pero sadyang magaling lang ako kaya gano'n. Ibig sabihin lang no'n may Nigou's jersey ako mamaya. Ngumisi ako kay Zac habang pinupunasan ng towel ang mukha kong puro pawis. Ang tatlong bugok naman ay nakahawak sa kanilang mga tuhod at puro hinihingal. Buti nga at kaming dalawa lang ni Zac ang nagpustahan, alam ko naman kasing matatalo ko si Zac pero sadyang matigas ang ulo nito at hindi naniniwala sa akin. Tsk tsk tsk.
"Zac tanggapin mo na lang ang katotohanan na panalo kami at talo kayo. Nigou! Nigou! Nigou! Nigou! Nigou!"
"Shut up Mac, oo na. Bibilihan na kita mamaya," nakasimangot na sabi niya kaya nilapitan ko ito at ibinigay ang isa pang panyo na agad niya namang kinuha at nagpunas na rin ng sarili.
"Ang galing mo Mac, hindi ka lang pala magaling sa pagkanta, pati rin pala sa basketball," sabi ni JV habang sinasarahan ang tumbler niya.
"Naman, ako pa!? Laman kaya ito ng court."
Napatingin ako sa apat na unggoy, si Korean boy ay nakasalampak na sa sahig, si Antarctic boy ay umiinom ng tubig, si Tukmol na nagpupunas ng pawis at si Zac na may binubulong-bulong habang pinupunasan ang sarili.
Ang galing ko talaga magbasketball hehehe.
*******