"Bakit ganito ang aking nadarama
Ako'y nanginginig kapag ika'y kasama Natatanaw pa lamang kita ako'y umiiwas na
Ano kaya ang gagawin kapag ikaw ay nariyan na? "pagkanta ko habang kinakalabit ko ang gitara ko.
Nandito kase ako ngayon sa likod bahay at nag-iinarte. Hindi kase ako binigyan ni Theodore ng pizza kaya naisipan kong magdamdam dito at kumanta. Minsan lang kase ako nakakakain ng pizza kase sobrang layo pa ng pagbibilhan namin. Probinsya kase ito at bihira lang dito ang mag tayo ng ng pizza parlor, o kaya naman ice cream parlor. Sa unti ba naman ng tao dito eh ewan ko na lang kung kikita 'yung mga parlor na 'yan. Wala ding cignal dito kaya pahirapan pa bago makapag video call. Aakyat ka muna ng sampung puno bago ka makahanap ng matino-tinong cignal. Kung sana lang sa Maynila ako nakatira ay nako, hayahay ako sa load.
Pero bago ang lahat gusto kong maalala ang pangalan ko. Ano nga ba ang gwapo kong pangalan? Martin Aciey De Raya! Ang gwapo ng pangalan 'di ba? Pangalan pa lang ulam na. May dalawa akong kapatid na babae at silang dalawa ay nasa Maynila na at nag-aaral ng kolehiyo. Ang ngalan nilang dalawa ay Michelle Alisson at Merrylyn Alice. Silang dalawa matalino at ako matalino din syempre! 'Di ako papakabog sa dalawa kong ate 'no! Gwapo kaya ako.
"Ang gwapo talaga ni Martin ko" sabi ng kung sino mang babae. Napalinga na lang ako sa paligid at may nakita naman akong babae na nakatayo sa 'di kalayuan at pinag mamasdan ako. Wow ang sexy naman ng babaeng 'to. Mamaya ka sa'kin bibiktimahin kita.
"Hi Martin ko!" sigaw nito nang mapansin nya na nakatitig ako sa kanya. Napailing na lang akong bigla nang tumakbo ito palapit sa akin at mabilis na naupo sa harap ko. Mukang may mangungulit na naman sa'kin ngayon kaya dapat humanda na ako.
"Hi?" sabi ko kase kanina pa syang nakatitig sa muka kong pamatay panty.
"S-sorry ang gwapo mo kase eh," sabi nya habang tumatawa. Ang cute nya namang tumawa.
"Salamat" sabay ngiti ko para magsilabasan ang dalawa kong dimples. Sana mahimatay na 'tong babae na 'to sa kagwapuhan ko.
"Ang gwapo talaga" rinig kong bulong nya "A-ano ba 'yang kinakanta mo?" tanong nya nang maka-recover na sya sa kalakasan ng muka ko.
"Isa 'to sa mga ginawa kong kanta, wala pa lang tittle," sagot ko.
"Wow! Composer ka pala? Ang galing! Ang talented mo naman, hmm, ako nga pala si Reika ang number one fan mo," sabay ngiti nya.
"Ahahaha kakatuwa may fan na ako," natatawa kong sabi. Kita ko naman 'yung babae na nakatitig parin sa'kin kaya ako ay kinilabutan na. Tumayo na ako para pumasok na sa loob ng bahay baka kase rapin ako ng babaeng 'yun.
"Saan ka pupunta? Pwede pasama?" tanong nya at tumayo narin.
"Sasama ka sa CR? Tatae ako eh," sabay alis ko at pumasok na sa loob ng bahay.
Napangisi na lang ako nang marinig kong tutumunog ang cellphone ko. Panigurado 'yung mga tanga ko na namang kaibigan ko 'to. At panigurado yayayain na naman nila akong uminom sa tindahan nina aling Ema. Sinagot ko na ang tawag at inilapag ko na muna ang gitara sa kama.
"Hello?"
"Lintik kang Martin ka balita ko may bago ka na namang kanta?" sabi ni Theo. Tingnan mo nga naman oh, ang bilis talagang kumalat ng balita pagdating sa'kin! Gwapo ako eh.
"Lintik ka rin, saka ano bang pake alam mo kung may bago akong kanta? Inggit ka 'no? Aruy inggit na sa'kin si Theodore! Ahaha!" sabi ko sabay higa ko na sa aking kama kase nangalay na 'yung likod ko.
"Hayop 'to ah? Pumarito ka nga at susuntukin kita sa makapal mong muka! Winawalang hiya mo ako e!" sabi nya sabay tawa "Pero tol, pumarito ka sa tambayan natin grabe lang, kadadaming chiks na dumadaan."
"Talaga tol? Sandali lang maliligo na muna ako para fresh," buhay na buhay kong sagot.
"Sige tol bilisan mo ah? Kase biyaya 'to tol minsan lang 'to mangyari sa isang sigundo eh! Kaya bahala ka hindi ka makakasilay ng mga makinis na singit kapag tumagal ka," sabi nito sabay tawa.
"Loko ka talaga Theo sige ligo na muna ako" pero napatawa na lang ako na marinig ko sa kanya ang. . .
"Putangares ang kinis, whoo"
"Sige tol pakasaya ka muna d'yan," sabay tapos ko ng tawag. Pumasok na naman ako sa banyo para maligo. Gustong-gusto ko na kaseng makapunta na sa tambayan namin. Medyo magandang spot din 'yun kase palaging may nga dumadaang makikinis na babae do'n kaya nakakainit!
Makatapos na akong maligo ay naghanap na ako ng masusuot ko kaya malamang nakatapis lang ako ng tuwalya sa bewang ko. Nang makahanap na ako ng maisusuot ay hinablot ko na ang aking brief na nakapatong sa kama pero nagulat na lang ako na makita ko ang pinto na biglang bumukas.
Mabuti na lang at hindi ko pa natatanggal ang tuwalya sa bewang ko kaya ligtas si junior!
"Mama naman! Hindi ba kayo marunong kumatok?" sigaw ko habang tinatakpan ko ang nipples ko.
"Ay nako ang anak ko hubad! Pasensya na, 'andito kase 'yung mga kaibigan mong sina Oliver sinusundo ka" sabi ni mama habang nakapikit.
"Sige ma, lalabas na din ako pagkabihis ko" sabi ko.
"Sige, pero anak ganda ng abs mo ah?" sabi ni mama sabay labas na ng kwarto ko.
"Thanks ma!" sigaw ko.
Lumabas na ako ng kwarto ko nang matapos na akong makapag bihis. Agad naman akong sinalubong ng mga tanga kong kaibigan na para bang anim na taon kaming hindi nagkita.
"Gago ka Martin sikat ka na talaga" sabay sapok sa'kin ni Oliver sa braso ko pero hindi naman iyon malakas.
"Talaga malakas ang karisma eh!" sabay tawa ko.
Makarating na kami ng tropa sa tambayan ay may nakita agad akong gitara kaya hinablot ko na iyon at nilaro. Napatingin naman ako kay Theodore na sa ngayon ay may dalawang babae nang nakapaligid sa kanya. Ang landi talaga. Pero teka namimis ko naring mambabae naiinggit ako makapamingwit nga mamaya, bahala nang napagalitan ni mama kapag nalaman nya na naman ang gagawin ko.
"Martin Aciey De Raya dito oh!" sabay senyas ni Conor na lumapit sa kanya. Pagkalapit ko sa kanya ay nanlaki na lang ang mata ko sa nakita ko.
"Griselle. . ." bulong ko at halos nanginginig na ang kamay ko sa kaba.