Matapos kong tawagan si Aling Nina ay lumabas agad ako ng kwarto ng Boss Sungit ko.
Humingi na rin ako ng pasensya kila Aling Nina kasi 'di ko nabantayan si Angela, mabuti naman ay naunawaan nila ako.
Pagkalabas ko ng kwarto ni Boss Sungit ay nakita ko agad si Boss Sungit nasa harap ng tv at nanonood kaya naman lumapit ako sa kanya.
"Boss Sungit, ano gagawin ko ngayong araw? Wala ka bang schedule ngayon?" Tanong ko, bigla naman siyang napatingin sa akin at tiningnan ako ng masama.
"P.A kita pero 'di mo alam ang schedule ko ngayon?" Kunot noo niyang tanong.
"Aba, malay ko ba wala ka naman binibigay o kaya sinasabi," sabi ko.
Lalo naman nangunot ang noo ni boss sungit.
Sa totoo marunong ba ito ngumiti parang araw-araw kasing may dalaw kung makapagsungit.
"So, ako pa may kasalanan noon?!" Sigaw niya sa akin, kaya naman napatakip ako sa tainga ko, wagas kasi makasigaw nasa harap niya lang naman ako, akala mo nasa kabilang bundok ang kausap niya kung makasigaw.
Bumuntong hininga muna ako bago tanggalin ang kamay ko na nasa tainga ko at tumingin kay boss sungit.
"Oo, kasi wala kang binibigay!" Sigaw ko rin, sabi ko nga 'di lang siya ang may karapatang manigaw 'no! Kaya ko rin 'yon, ako yata si Vannie. Sorry na lang siya.
"Sino ba ang boss sa ating dalawa?!" Sigaw niya ulit.
"Ikaw!" Sigaw ko.
"Bakit mo ako sinisigawan? 'Di ba ako ang boss mo?" Inis na tanong niya, this time nakatayo na siya at nakaturo sa sarili niya.
"'Wag ka kasing sumigaw para 'di ka rin masigawan!" sabi ko habang nakapamaywang sa kanya bigla naman siyang umupo at ginulo ang buhok niya habang nakayuko.
Galit na tumingin naman siya sa akin.
"You know what! Magluto ka na lang ng breakfast, oo nga pala wala kang ginawa kahapon kaya 'di counted 'yon walang sahod 'yon!" Sabi niya sa akin.
"Yes, Boss Sungit," sabi ko habang nakasaludo pa.
Tumakbo naman agad ako sa kusina ng tingnan niya ako ng masama, naghanap muna ako ng pwedeng maluto, may nakita naman akong hotdog , eggs at bacon, kaya naman niluto ko 'yon.
Pagkatapos ko noon ay kumuha ako ng tinapay 'yong tasty bread at kumuha ng palaman sa ref at nilagay ko sa plato, naglagay na rin ako sa baunan sinamahan ko na rin ng tubig at juice bago ko ilagay sa supot at ipatong sa may kitchen counter, napatingin naman ako sa dinning table at nakita ko si Boss Sungit na seryosong nakatingin sa akin, nakangiti naman akong lumapit sa kanya habang dala-dala 'yong hotdog at itlog iniwan ko muna ang bacon at ginawa kong sandwich.
"Tsaran," sabi ko habang nilalapag sa mesa and itlog at bacon.
Tumingin lang naman siya roon bago tumingin ulit sa akin sasandok na sana siya ng hotdog ng pigilan ko siya.
"Wait a minute kapeng mainit, 'di pa 'yan tapos magluluto pa ako ng fried rice, relax ka lang diyan," sabi ko.
Binitawan niya naman ang hawak niyang tinidor at umupo lang habang nakatingin sa akin, ako naman ay nagsimula nang iluto ang fried rice.
"Mamaya maggi-guest ako sa isang TV show, pagkatapos noon pupunta ako sa isang pictorial, pagkatapos may rehearsal ako kasama ang kabanda ko," sabi ni Boss sungit.
"Okay noted!" Sabi ko habang nilalagay sa isang bowl ang niluto kong fried rice.
"Good," sabi niya pagkalagay ko ng fried rice sa table ay tumakbo ako sa may sofa, doon ko kasi nakita 'yong bag ko kanina, kinuha ko roon ang notebook at ballpen bago ko isulat ang schedule ni Boss Sungit.
Nang matapos ko na 'yon ay narinig ko naman na tinawag ako ni Boss Sungit, kaya dali-dali akong tumakbo sa kusina pagdating ko roon napatingin ako sa nakahain na pagkain ni-isa roon wala pang bawas.
"Sit!" Utos niya.
"Sit sit-in kita gusto mo, ano ako aso?" Tanong ko habang umuupo sa tabi ni Boss Sungit.
"Now eat!" sabi niya bago siya nagsimula kumain.
"Talaga?" Tanong ko gutom na rin kasi ako, aba ikaw ba naman ang walang kain ng isang araw, ewan ko lang kung 'di ka gutumin.
Tumango lang naman si boss sungit.
"Salamat boss sungit, dear God salamat sa pagkain!" sabi ko sabay kuha ng fried rice at lagay noon sa plato ko kumuha rin ako ng hotdog at itlog tsaka na rin bacon sabay kuha rin ng sandwich at deretso sa bibig ko habang kumakain ako ng sandwich ay kumuha ulit ako ng isa pang sandwich, 'yong isa ko namang kamay ay ginamit ko pagkuha ng hotdog sabay subo, punong-puno na ang bibig ko pero sige pa rin ako sa pagkain, napatingin naman ako kay Boss Sungit, kunot noo naman siyang nakatingin sa akin habang hawak ang kutsara't tinidor.
"Boss Sungit, kain lang ng kain," sabi ko, paano ba naman wala man lang kabawas-bawas ang pagkain niya.
"Ilang araw ka bang 'di kumain?" Tanong niya sa akin.
"Isang araw, tsaka 'wag ka ng maraming tanong tsibog lang!" sabi ko, sabay subo ng sandwich at hotdog, nagsubo na rin ako ng fried rice.
"Mabulunan ka sana," sabi ni boss sungit, sabay subo ng fried rice at nagdilang anghel nga yata si Boss Sungit at nabulunan ako.
"Tu-tubig!" Sigaw ko, agad naman akong inabutan ni boss sungit ng tubig sabay tawa ng malakas ako naman ay halos hingalin ng matapos ko mainom ang isang basong tubig.
Napatingin naman ako kay boss sungit.
"Ang bad mo!" sabi ko, sabay palo sa yummy niyang braso.
Tawa lang naman siya ng tawa 'yong halos maluha na siya kakatawa.
"Ang bad mo!" sabi ko at siya naman tawa pa rin ng tawa.
Mayamaya ay napatulala ako sa kanya.
Oh my gas, si Boss Sungit tumatawa ngayon?
Himala!
Marunong din pala siya tumawa.
Napatayo ako sa pagkakaupo ko at lumapit sa boss kong tawa ng tawa inikutan ko siya at tiningnan mabuti napatigil naman siya sa pagtawa at tumingin sa akin ng poker face.
Lumuhod ako sa harap niya at tinaas ang dalawa kong kamay habang nakatingin sa kisame niya.
"Walang himala, ang himala ay nasa puso ng tao, at siya ang magpapatunay na may himala, tumawa ang masungit kong boss, totoo ba 'to?" Tanong ko habang nakaluhod bigla naman akong tiningnan ng masama ng boss ko bago siya tumayo at mag-walk out papunta sa kwarto niya.
Ako naman ay naiwan na nakaluhod.
"Totoo ang himala!" Sigaw ko, sabay tayo at sayaw ng kung anu-anong step kumbaga nagfe-free style ako.
Tumawa ang Boss Sungit, tumawa ang boss ko isang himala 'yon!
Si Boss Sungit, ang gwapo tumawa!