"Shun?" rinig kong sabi nong tao sa tabi ko.
"Seina, ikaw pala." si Seina pala yung Seer na nakilala namin kahapon ni Kyer.
Sinagot ko siya at nginitian tas nakinig na ulit sa guro sa harap.
Kasalukuyan kasi kaming nakikinig sa Guro namin sa DSE na si Madam Lily, yung adviser naming DT. nag iexplain siya tungkol sa mga iba't ibang uri ng strategy na pwedeng gamitin kung may magaganap na labanan. Yung mga barrier maker daw yung magiging suporta ng mga nasa offence team at healer naman daw yung tagagamot ng mga sugat.
Well, actually napakabasic naman ng ganong strategy para sakin. Obvious naman na yun yung magiging ganap sa labanan, alangan na yung defence team yung aatake. Marami ang matatawa pagnagkataon, pero alam ko namang posible yun. Nakinig nalang ako hanggang matapos yung pagapapaliwanag niya samin. At the end nag announce na may magaganap na strategy testing bukas, by team daw at makakasama daw namin yung offence team.
Magkakaroon daw ng team up, dalawang galing sa offence team at tatlo sa team namin, so bali may limang myembro bawat grupo. Sa strategy testing nato daw susukatin kung gaano kagaling gumawa ng strategy bawat grupo para manalo.
......
Kasulukuyan kami ngayong nasa cafeteria ng Hanya na medyo may marami rami ring kumakain, pagkatapos kasi ng announcement sa DSE ay napagdesisyunan naming magtanghalian.
Kasama ko ngayon si Lesther at Dino, sinabay na rin namin si Seina at hinihintay nalang namin si Kyer na dumating para makakain na din. Pinadalhan na kasi namin siya ng mensahe na pumunta sa cafeteria sa pamamagitan ng kakayahan ni Dino na isang mind informer. Maaasahan din talaga yung kakayahan niya sa mga ganitong sitwasyon eh.
"Nandito na si Kyer, kyer dito." si Seina na biglang sumigla nang makita si Kyer. Winave niya ito para makita yung pwesto namin. Lumapit naman si Kyer samin at umupo sa bakanteng upuan katabi ni Seina.
"Nandito na naman po lahat kaya kuha na tayo ng food, gutom nako mga kuya at ate." si Lesther ang nagsalita.
Umupo na siya ng maayos, kanina kasi medya naka lean yung ulo niya sa balikat ni Dino kanina habang naghihintay kay Kyer.
"Opo bunso." sabay na sabi ng tatlo.
Napangiti nalang ako ng bahagya sa kanila. Ang saya lang isipin na nakilala ko yung mga kagaya nila. May mga kaibigan nakong maituturing.
So ayun nga kumuha na kami ng makakain, libre naman kasi ng paaralan yung pagkain dito.
Habang kumakain kami ay kwentuhan sila ng kwentuhan at nakikinig ako sa kanila, puro kasi mga masasayang karanasan nila sa mga nakalipas na taon at wala naman akong makwento na masayang karanasan na napagdaanan ko sa mga nakalipas na taon, alangan naman ikwento ko na buong buhay ko nasa isang silid lang ako nakatago.
Nakakalungkot talaga pagnaaalala ko yung mga panahon nayun. Napansin ata nilang hindi ako nikikisabay sa kwentuhan nila kaya biglang natuon ang atensyon sakin.
"Okay ka lang ba Shun? kanina kapa hindi nagsasalita ah." si Dino
"Ah, okay lang ako, hindi lang talaga ako palasalita." sagot ko naman.
"Napansin ko nga na masyado kang tahimik at masyadong maikli magsalita pag kinakausap." nagtatakang saad ni Seina.
"Ano ba kayo, masanay na kayo kay Shun, ganyan na talaga siya simula nung unang magkita kami." si Kyer naman ang nagsalita.
"Ang ganda kayang kausap si Kuya Shun, ang haba nga ng pag uusap namin kagabi." sabi ni Lesther. Ang totoo siya lang naman yung salita ng salita. Pero nakakatuwa sya pagnagkwekwento.
"Baka naman may pinagdadaan ka Shun, kaibigan mo na kami kaya kung may problema ka sabihin mo lang samin." seryoso namang saad ni Dino.
Di ko akalain na may ganong side din pala siya, pero kung tutuusin siya naman talaga ang pinakamatanda sa grupo.
"Ano ba naman kayo? Ok lang ako." kaswal kong sagot.
"Nga pala Kyer, kamusta sa team nyo? May mga kakilala kana ba?" pag iiba ko ng usapan.
"Ayun, ok naman puro palang kami paliwanag about sa training atsaka may mga kakilala narin kahit papano." sagot naman niya.
.........
Kasalukuyan kaming nasa field para sa weapon training namin. Pagkatapos naming kumain kanina ay napagdesisyunan naming magsiuwi muna sa dorm para makapagpahinga mahabang oras pa kasi bago ang weapon training namin nang makatapos kaming kumain kanina.
Ayon pinakilala lang at pinaliwanag samin ang tawag at kung saan ginagamit ang ibat ibang sandata, isang weapon builder ang guro namin sa weapon training kaya hindi na niya kinailangang dalhin pa kami sa weapons room. So ayun nga maghanda nalang daw kami kasi hahawak na daw kami ng sandata bukas at magkakaroon ng one on one training.
Pagkatapos namin don sa field ay nagpaalam na kami ni Lesther kay Seina, si Dino naman ay sasabay daw samin, nakapagpadala narin naman daw siya ng mensahe kay Kyer sa mauuna siya sa dormitory. Ayun, ito ako nakasunod sa likuran nang dalawa. Nagkakatuwaan na naman kasi.
Pagkarating sa dorm, naligo ako at si Lesther naman ay natulog muna sa kwarto. Pagkatapos kong maligo ay nagluto na ako para sa pang hapunan, may mga stocks na kasi ng pagkain na pwedeng lutuin sa dorm, every week daw yung pagbibigay ng stocks kaya hindi problema yung pagkain.
Marunong naman akong magluto kahit papano. Ewan ko din kong bakit pakiramdam ko na sinanay talaga akong matutong mabuhay mag-isa.
Kasalukuyan akong naghahain ng pagkain ng mapansin ko si Lesther na nasa labas ng kwarto nakatayo at halatang kagigising lang.
"Lesther, nakahanda na yung pagkain, kumain na tayo." sabi ko sa kanya
"Sorry kuya Shun, nakatulog ako at di nakatulong sa paghahanda ng hapunan." nahihiya niyang sabi.
"Ano ka ba, ok lang yun. Tara kumain na tayo." sagot ko nalang sa kanya.
.....
Sa kwarto....
Nagbabasa ako ng libro na hiniram ko sa library kanina dito sa Hanya. Nakagawian ko na kasi dati ang pagbabasa ng libro. Marami akong natutunan sa pagbabasa, sabi kasi ni yaya Sally na kailangan ko raw pag aralan at alamin lahat para mas madali daw para sakin ang mabuhay at para daw maiwasan ko rin ang malagay sa kapahamakan.
Nasa kalagitnaan ako ng pagbabasa ng narinig kong magsalita si Lesther, hindi ko alam ko ako ba yung kinakausap niya.
"So, tuturuan mo nga ako kuya?" yun yong sabi niya, sa pagkakaalala ko kasi wala naman kaming pinag-usapan na tuturuan ko siya sa kung ano man yun.
Nilingon ko siya at nakatalikod naman siya sakin, kaya mas nagtaka ako.
"Lesther? sino kausap mo?" may pagtataka kong tanong.
Lumingon naman siya at sinabing si Dino daw. Kumunot naman yung noo ko. Well, alam ko naman na posible nga silang mag usap kahit nasa malayo si Dino dahil sa kakayahan nito, pero dalawang araw palang mula ng magkakilala sila pero ganon na sila kalapit sa isat isa.
"Hindi kaba nagtataka dyan kay Dino, Lesther?" makahulugan kong tanong sa kanya.
"Nagtataka? tungkol saan naman kuya?" inosenti nyang tanong.
Ang bata pa nga niya, wala pa syang alam sa mga ganyang bagay.
"Ah, wala. hintayin mo nalang, malalaman mo rin naman yan pagnagtagal." sabi ko nalang.
Halata ko na kasi na gusto talaga siya ni Dino. Hindi naman ganun kabata si Lesther eh, kung tutuusin nasa stage narin naman sya para umibig. Ang tanong lang ay kong lalaki yung gusto niya, mahirap kasing matukoy kasi lalaki rin sya gumalaw.
Ayun nag usap na ulit sila, inantok na ako kaya nauna nakong matulog.