Chynna
Pagkauwi ko ng bahay, saktong naabutan ko sina Ate Letlet sa labas kasama sina Ruth at Felix. Naibigay na ni Felix ang singsing na kaninang pinagpipilian lang namin. Mukhang nabili niya na lahat ng design na iyon kaya nabigay niya na agad kahit wala pang birthday ni Ate Letlet. Sayang naman 'yung tatlong natira.
Ano kaya gagawin niya doon sa tatlong natira? Sana sa akin na lang kahit isa lang, gold pa naman iyon, p'wedeng maisanla.
Busy sa pagtitig si Ate Letlet sa kamay niya, ang singsing ay kumikinang sa palasinsingan niya at lubusan niya itong kinangiti. Niyakap niya ito ng mahigpit na tipong hindi na makahinga si Felix.
"Capsi Caps, hindi ako makahinga." ayaw man ni Felix na kumawala sa yakap ng kasintahan, tinanggal nito ang kamay na nakapulupot sa kanya at hinalikan siya sa noo. "I love you."
"Kadiri naman, dito pa talaga naglandian." kumunot ang noo ni Ruth at napa-crossed arms pa dahil sa banas. Medyo naiintindihan ko siya kasi kainggit sila. Naol may jowa... nilalanggam na kami dito. Ang kati.
Nagnakaw ng halik si Ate Letlet sa labi ni Felix at kumaripas ng takbo papasok sa loob ng bahay na namumula at kinikilig. Hindi na siya nahabol ni Felix pero halata naman sa mukha nito na kulang pa 'yung halik para ma-satisfy siya.
"Ayie, he wants more." pang-aasar ko habang napapatakip ng mukha dahil sa kilig.
"Yes I want more, help me." nagulat ako nang seryosohin niya joke kaya nawala tawa sa mukha ko at napalitan ng pressure.
"No way, nandiyan si Kuya Jan for sure. Malilintikan tayo parehas."
"Mabilis lang naman eh, isang oras lang."
"Nandiyan nga si Kuya Jan-"
"Oo nandito ako, ano meron?" saktong pagbaba ni Kuya Jan sa kotse niya nang matigil kami ni Felix sa pag-uusap. May dala siyang mga box kaya tinulungan ko siya sa pagbubuhat.
"Hello, Jan. May laro bukas, sama mo si Capulet ah?" pag-papaalala nito. Ang tapang.
"Sige pupunta ako, pero hindi kasama si Letlet, grounded siya."
"Lah, gusto mo bang matalo tayo?"
"Hindi naman siya player, paano tayo matatalo?"
"Siya cheerleader ko, matatalo tayo kapag walang nagcheer sa akin." bigla siyang piningot ni Ruth at kinaladlad palabas nang manggigil ito sa mga banat nito.
"Tama na, uwi na tayo. Ang corni na ng banat mo." sambit nito sabay ayos ng sling bag sa balikat niya.
Pumasok na si kuya Jan sa loob, lumingon ako kana Felix at ngumiti. "Sama ako bukas ah!" kumaway-kaway si Felix habang hinahatak siya ni Ruth bilang pagtugon sa sinabi ko.
Saktong-sakto, walang pasok bukas, yayayain ko sina France at Peruianna bukas.
Pagkatapos kumain, sinundan ko si Ate Letlet na umakyat na sa kwarto niya. "Hoy Ate." tawag ko sa kanya na nakatuon lang ang mga mata sa singsing habang nililinisan ito kahit bagong bili. "May laro daw bukas sina Felix at Kuya Jan, narinig ko," bulong ko sa kanya.
"Alam ko." masaya niyang sagot.
"Pero grounded ka eh?"
"Ano na man? Grounded lang, hindi imprisoned." nag-360° degrees mata niya at isinuot ulit ang singsing. "Atsaka, hindi na ako bata para i-grounded."
Humiga siya sa kama at niya kaya tumalon ako at natamaan ko siya sa tiyan. Napasigaw siya ng bahagya dahil sa sakit at nasampal pa ako. Tumawa ako at niyakap siya. "Sama ako ah, isasama ko na rin sina Peruianna at France!".
Tumango siya at pumikit na ng mata, siguro pagod na pagod siya kaya nakatulog agad. Ganoon din ang ginawa ko: ipinikit ko ang mga mata ko at sa hindi ko na namalayaan na nakatulog na ako.
———
"Psst, France!" kinalabit ko si France na busy na naman na nagdodrawing sa sulok ng bleacher. Tinabihan ko siya dahil nadadama ko na malungkot siya dahil kasama ni Peruianna si Danmark na ngayo'y nagkukwentuhan sa gitna.
"I have a plan!" sigaw ko at inagaw muna ang papel at lapis niya para makapag-pokus siya sa sasabihin ko. "I will help you sa panliligaw kay Peruianna."
Umiling siya at tinuro ng mariin ang dalawa. "Abay wala akong paki, childhood friends lang sila and not everytime nagkakatuluyan ang childhood best friends noh!"
"You're caring, sweet, and supportive. I know that, even though you have no means of expressing yourself because of your condition. It doesn't mean you will give up already..." mahina pero madiin kong sambit sa kanya para lumakas ang loob niya.
Napapansin ko na pinanghihinaan siya dahil si Danmark may kaya sa buhay at normal na tao, samantalang siya, kulang-kulang. Kaya hindi ko rin siya masisisi kung mahina loob niya.
I have no rights to force France and Peruianna to love each other, but one thing for sure, I'll play as the Cupid.
Nagsigawan ang lahat kaya napatingin ako, nandito na pala ang mga players at malayo pa lang, nakikita ko na si Kuya Jan. Bumaba ako sa bleacher at nilapitan siya. "Hi Kuya, nasaan si Ate Letlet?"
Tumingin sa akin si Jan at nginitian. "Kasama sina Felix at Ruth. By the way, kasama mo friends mo?"
Tumango ako at ngumiti pabalik sa kanya. "Sige na Kuya, pupuntahan ko lang sina Ate Letlet."
Tumakbo ako papalabas ng court para hanapin ang tatlo, saktong may nakita akong flower vendor na nakaupo sa lapag kaya bumili na ako ng isang rose. Ito ang una kong naisip para sa panliligaw ni France kay Peruianna, sana magustuhan niya.
Bumalik ako sa paghahanap sa tatlo at sa nakita ko nga si Ruth sa labas ng comfort room. "Hello Ruth!" sigaw ko at tumakbo papalapit sa kanya. Hindi ko napansin ang dinadaanan ko kaya nadapa ako dahil sa bato.
"Tsk." lumakad siya papalayo sa akin kaya tinulungan ko na lang sarili ko sa pagtayo, pinagpagan ko ang sarili ko at lumapit sa kanya.
"Nasaan sina Felix at ate?"
"Sa tingin mo?"
Lumingon ako sa loob ng comfort room at napatakip na lang ng mata nang makita sila na busy maghalikan at talagang si Felix pa ang nakorner sa dingding.
"Spicy." komento ko at napatingin kay Ruth na diring-diri. Siguro may crush siya kay Felix kaya bitter siya sa relasyon ng dalawa? "Are you jealous?" tanong ko.
"Excuse me? Ako? Jealous? Ew, Felix is not my type."
"Eh sino type mo?"
"Sorry girl, commitment is not my cup of tea." sumubo siya ng gum at nginuya ito. Lumabas na ang dalawa mula sa comfort room kaya napalingon ako sa kanila.
Nag-aayos ng buhok si Ate Letlet - naka-sando Jersey siya kaparehas nang kay Felix kaya mahahalata talaga na taken na sila.
"Wala pa rin ba si Joshua?" tanong ni Felix na nagpupunas ng labi. Kumalma ang ekspresyon ni Ruth.
"Ewan ko, hanapan ba ako nang nawawalang pinsan?" padabog siyang pumasok sa court at sinundan naman siya nina Felix. Naglakad na rin ako papasok.
Binalikan ko si France at ibinigay sa kanya ang rose. "Ito." tumingin siya sa akin at nagtataka.
"Ibigay mo kay Peruianna. Ang rose kaya ang unang bagay na ibinibigay sa nililigawan." page-explain ko. Kumuha siya ng papel at nagulat dito.
'Wala akong pambayad."
Hinampas ko siya ng bahagya sa balikat at natawa. "Ano ka ba? Huwag ka nang mahiya diyan. Naiipon ang pera, pero ang tunay na pagmamahal, minsan lang dumarating kaya dapat gumawa ka na ng paraan."
Nilapitan namin si Peruianna pagkatapos makumbinsi si France na lakasan ang loob. Dumais ako kay Peruianna at kinausap si Danmark.
"Danmark, bili ka ng coke." sabi ko para hindi niya masabi na pinapaalis ko siya. Sumang-ayon naman siya at agad bumaba sa bleacher. Sinenyasan ko si France na lumapit sa amin at ginawa niya naman ito ng dahan-dahan. Nanginginig siya at natatakot sa sasabihin at magiging reaksyon ni Peruianna.
"Go..." bulong ko kaya agad na inabot ni France ang rose.
Kinapa ito ni Peruianna at nagsimulang namula ang ilong niya. "Ano ito?" nakangiting tanong ni Peruianna.
"Rose-"
Umatsing si Peruianna nang paulit-ulit at namula ang mukha niya. "Na-appreciate ko ito, pero sorry... allergic ako sa flower." inilayo niya ito. Kinapa niya ang bag niya at hinanap ang gamot niya para sa allergy. Tinulungan ko siya at binigyan ng gamot.
Napayuko si France at nalungkot. "I'm sorry Peruianna, it's my fault... hindi ko alam na may allergy ka sa flowers."
"Okay lang, hindi ko rin naman kasi sinasabi sa iba kaya nabibigla na lang sila kapag umaatsing na ako." tumawa ng bahagya si Peruianna na nagpangiti kay France.
———
"Yehey, panalo! Pa-jollibee naman diyan!" sigaw kong paulit-ulit kahit alam kong naririndi na sa akin ang lahat. "Tara na, bilis!"
Hinatak ko si Kuya Jan sa braso at pinipilit siya hatakin papalabas ng court. Pawisan sila pero ambango pa rin nila, iba pala epekto ng pawis sa mga gwapo?
"Hoy, Peruianna kakain tayo sa jollibee. Libre ng pinsan ko." sigaw ko.
"Sorry, Chynna, pero pinapauwi na kasi ako... may check up pa ako." pagtanggi ni Peruianna. Humawak na siya ng mahigpit sa bisig ni Danmark para may guide siya sa paghawak. "Si France na lang isama mo."
"Ay sige, may susundo ba sa inyo?"
"Yep, mommy ni Danmark."
"Ganoon ba? Sige... ingat kayo ah?"
Ngumiti siya at sa naglakad na sila papaalis. Lumingon ako kay France na nadismaya dahil plan A pa lang, bagsak na. Nag-peace sign ako at sa lumakad na rin siya papauwi. Hindi ko na siya pinigilan at nangako na lang ako na aayusin ko na sa plan B. Syempre ayaw niya nung una pero sinabi ko na sisiguraduhin ko nang maayos ang trabaho ko bilang Cupid.
Nagsuot ng jacket si Ate Letlet kasi napagalitan siya ni Kuya dahil masyado daw revealing mga sinusuot niya. Syempre, labag ito sa kalooban ni Ate kaya humahanap ng kampi sa boyfriend.
"Uuwi na tayo, tara na." inilabas ni Kuya ang car keys niya at hinatak kami ni Ate Letlet sa parking lot. Nakabuntot sa amin sina Felix at Ruth kaya walang nagawa si Kuya kundi isama na rin sila.
Nang makarating sa convenience store, pinababa na sila ni Kuya at sumunod naman sila. Ibinaba ni Ate ang salamin sa backseat at inilabas ang mukha para magpahalik kay Felix. Binigyan siya ng kasintahan ng light peck sa mapupula nitong labi at sa itinaas na uli ang salamin.
"Masyado kayong PDA ni Felix." aniya ni Kuya.
"Alam mo Kuya, Kung naiinggit ka, jumowa ka na nang hindi mo napapansin bawat galaw namin." sinukbit niya ang seatbelt sa kanya at humalumbaba.
"Priority ko college, Capulet..."
"Eh di doon ka magpokus, wala naman pumipigil sa iyo."
Natawa na lang ako ng bahagya nang magsimula na naman silang magbangayan.