"Hahahahahahahaha" Tumigil sandali sa pagtawa si Izza ng tumama sa kanya ang ibinato kong unan. Pero pagkatapos nang ilang segundo ay tumawa na naman uli sya.
"Ano ba Izza?! Tumigil ka na nga. Namomroblema na nga ako at nakuha mo pang tumawa." Inis na kausap ko sa kanya
Nasa kwarto na kami. At ang magaling na Neil ay himbing na himbing na ngayong natutulog sa aking kama.
"Pasensya na. Hindi ko lang mapigilan. First time ko kasing marinig magsabi ng i I love you si kuya. Alam mo na. He never take any girl seriously."
Imbis na sagutin sya inabala ko na lang ang sarili ko sa pagtitig sa natutulog na si Neil.
I must admit he really looks good. Yung tipo ng kagwapuhan na lalaking lalaki tignan. Maganda ang kulay ng balat nya not too white and not too dark. Ang buhok nya ay may bahagyang kahabaan. Maganda rin ang ilong nya. He's also tall, 5'11 I think. Pero ang sa tingin ko ay pinaka attractive sa kanya ay ang magaganda nyang mga mata. Ordinaryo lang naman ang kulay ng mga mata nya pero tila nangungusap ang mga ito tuwing titignan mo. Pero kahit gwapo sya never akong nagkagusto sa kanya at never akong magkakagusto sa kanya.
Dahil bestfriend sya ng kuya ko ay madalas sya dito sa amin. Pero hindi kami close. Sa tuwing nasasalubong ko sya sa bahay ay tinatanguan ko lang sya. May lihim kasi akong galit sa kanya. Tulad nga ng sabi ni Izza he never take any girl seriously. For short babaero ang Neil na ito. Napakarami na nyang pinaiyak na babae. At sa tuwing nag-uusap sila ni Kuya naririnig ko pa kung paano nila pinagtatawanan ang mga niloko nilang babae. Palibhasa ay gwapo sila kaya ang lakas ng loob.
"Anong balak mo pag nakumpirma nating umepekto nga yung gayuma kay Kuya?" Seryoso na ngayong tanong ni Izza.
"I will dump him right away." Nakangising sagot ko.
I bet kung gagawin ko iyon ako pa lang ang kauna-unahang babae na tatanggi sa kanya.
I can already feel the satisfaction.
"Aba ang tinde mo ah. But knowing my kuya hindi ganon kadali iyon."
"Anong ibig mong sabihin?"
"Kapag may gusto si Kuya hindi sya titigil hanggat hindi nya nakukuha. Kaya humanda ka na. Hindi ka nyan titigilan hanggat hindi mo sya sinasagot."
"Talaga lang ha? Tignan natin kung umubra sya sa pagpapakipot ko." Inis na sagot ko.
Sandali?! Anong pinagsasabi ko, bakit parang nagtutunog na eenjoyin ko ang pagkakagusto sa akin ni Neil? Diba ang dapat kong gawin ngayon ay gumawa ng paraan para mawala ang epekto nito?
Ha! Bukas na bukas ay babalik ako sa tindahan ni Aling Verta at bibili ng pangontra sa gayuma.
Naghintay lang kami ni Izza sa loob ng kwarto ko. At sa wakas matapos siguro ang sampung minuto ay gumusing na rin si Neil.
"Kuya ayos ka lang?" Ani Izza na agad lumapit dito.
Pero hindi ito sumagot. Sa halip ay inilibot nito ang paningin sa buong kwarto na para bang may hinahanap. Natigil lang ito nang makita nya ako sa wakas.
Agad lumapit sa akin si Izza.
"Confirm! Umepekto nga yung gayuma sa kanya." Bulong nya sa akin.
No. Hindi pwedeng magkagusto sa akin si Neil. Hindi kami talo.
"Hoy Neil!" Sigaw ko. Nagulat si Izza sa ginawa ko.
Kumunot ang noo ni Neil at lalong tumiim ang tingin nya sa akin. Tingin na siguro kung sa ibang babae nya ginawa baka naglulupasay na sa kilig.
But sorry, I'm not like any other girl. I'm different.
"Makinig ka." Matapang na sambit ko
"Hoy anong sasabihin mo?" Ani Izza na pilit akong pinipigilan.
"Hindi kita gusto. At hinding-hindi kita magugustuhan kahit kailan." Lakas loob na sigaw ko sa kanya sabay ngisi.
Kaagad rumehistro ang pagtataka sa mukha nya. Nagulat ako ng bigla syang tumayo at maglakad palapit sa amin.
"Bakit ako nandito sa kwarto mo?" biglang tanong nya na hindi ko inaasahan. Hindi ba nya narinig yung sinabi ko? Dapat ay nagrereact na sya sa sinabi ko.
"It doesn't matter kung bakit ka nandito. Ang gusto kong intindihin mo ngayon ay yung sinabi ko. I just said na hindi kita gusto." Medyo nanggigigil na ngayon na sambit ko
Lalong kumunot ang noo nya.
"Sino bang may sabing gusto kita?" Aniya na pareho naming ikinalaglag ng panga ni Izza.
Kaagad nag-init ang buong mukha ko. Medyo nakaramdam ako ng hiya sa mga sinabi ko. I think I over assume and now I feel rejected.
Pero anong ibig sabihin nito? Nagkamali ba kami ni Izza? Akala ko bang umepekto na ang gayuma sa kanya. O baka naman peke yung gayuma na nabili namin.
Kung magkataong peke yun hihingi talaga ako ng refund Kay Aling Verta! Sayang din yung perang binayad ko.
"Wala! I just sense it!" Pasigaw na sagot ko. Still testing kung umepekto ba talaga ang gayuma.
Nanlaki ang mga mata ko ng magsimula uli syang humakbang palapit lalo sa akin.
"Ang totoo nyan I don't like you din." Aniya habang titig na titig sa akin.
Pakiramdam ko ay para akong kandila na nalulusaw ngayon dahil sa mga titig nya.
Wala akong magawang isagot. I should be happy na mukhang hindi umepekto ang gayuma. Pero pakiramdam ko ngayon ay nainsulto ako. At nakakahiya! Nag-assume agad ako na gusto nya ako.
"Don't you want to know kung bakit hindi kita gusto?" Tanong nya sa akin.
Aba't kailangan ko pang itanong iyon? Pero infairness nakaka curious kung bakit nga ba hindi nya ako gusto. Edi sige itatanong ko! Hwag nya lang isagot sakin na dahil di ako maganda at masusuntok ko talaga sya.
"Bakit?" Hindi ko na napigilan at naunahan na nga ako ng kuryosidad.
Lumapit lalo sya sa amin, sa akin particularly. Bat ba sya lapit ng lapit!
Nanigas ako ng hawakan nya ang isang pisngi ko.
"Hindi kita gusto..." Lumayo sya sa akin ng kaunti at hinuli ang mga mata ko
Kasi mahal na kita..." Aniya then he smiled. Ngiting makalaglag panty.
Para akong natuklaw nang ahas. Natulala ako at hindi ako agad nakabawi. Hindi ko tuloy napansin na lumabas na pala ng kwarto si Neil.
Love?!
Love nya ako. But that's impossible! Masyadong mabilis.
Oh fuck! I forgot na nagayuma nga pala sya so that's not impossible at all. Pero kahit alam kong epekto lang ng gayuma ang mga pinagsasabi nya napaka awkward pa ding pankinggan.
Kung hindi ko lang alam na dahil iyon sa epekto ng gayuma iisipin kong pinag titripan nya ako ngayon.
Malakas na tawa ni Izza ang siyang nagpahimasmas sa akin.
"Natameme ka no?" Asar nya
Tinignan ko sya ng masama.
"Nabigla lang ako! Ang corny-corny pala ng kuya mo!" Depensa ko.
Hindi ko na siya hinintay sumagot uli at mabilis akong tumakbo papasok nang banyo at iniwan sya.
Pinagmasdan ko ang mukha ko. Pulang-pula ito. At ang tibok ng puso ko. Sobrang bilis parang may nakikipagkarerang mga kabayo.
Hindi kita gusto... Kasi mahal na kita..
Hindi kita gusto.. Kasi mahal na kita..
Hindi kita gusto kasi.. Kasi mahal na kita..
Nasabunutan ko na lang ang sarili ko. Paulit-ulit ko kasing naririnig ang mga sinabi ni Brandon kanina. Para iyong sirang plaka.
"Liezel kalma lang. That was just Neil at epekto lang yun ng gayuma kaya nya yun nasabi sayo. At ganito yung nararamdaman mo kasi first time mong marinig iyon sa isang lalaki. And I'm sure pag si Mark na, mas malala pa yung mararamdaman mo. Sigurado kikiligin ka ng sobra." Kausap ko sa sarili ko.
Hindi ko kasi maintindihan kung ano ba yung nararamdaman ko. Kanina nung nasa labas kami ng kwarto at sinabihan niya ako ng I love you ay parang balewala lang at nagulat ako. But now pakiramdam ko mahihimatay o matatae ako. He say those words right in front of me na para bang katumbas lang iyon nang salitang hi. And damn him! Ako ang nahiya para sa ginawa nya.
Ilang minuto akong nagstay sa CR at ng kumalma na ang puso ko at nawala na ang pamumula ng mukha ko ay lumabas na uli ako.
Nandun pa rin si Izza at ang tingin nya ay tila nakakaloko.
"Kinikilig ako." Pang-aasar nya
Hindi nako nakapagpigil pa at kumuha ako ng unan at binato sya.
Kaagad naman syang nakaiwas at tawang tawa habang nakatingin sa pikon na pikon kong mukha.
"Arghhh! Stop it nakakainis ka na!" sigaw ko na pikon na pikon na talaga.
To my dismay ay tawa lang uli ang sinagot nya. Best friend ko ba talaga sya? It feels like not! Ang sarap nilang pag-umpuging magkapatid! Grr.