(Vlaze's POV)
Kasalukuyan akong nagmamaneho ng kotse habang si Lacrosse naman ay halatang naiirita.
Kahit ako naman kase magtataka, e. Kayganda-ganda tapos magiging maid lang? Magara ang suot na damit tapos ayun ang kukuhanin na trabaho?
Hindi ko naman masisisi 'yung kapatid kung ganoon 'yung iniisip n'ya kase likas sa amin ang kagandahang lalaki kaya iisipin ko talaga na stalker 'to.
Siguro kung sa s'ya nag apply papayag ako agad. Baka nga s'ya pa yung pagsilbihan ko, e.
Natawa ako sa sarili kong iniisip.
"Baliw ka?"
Langya. Akala ko sa isip lang ako tumatawa.
"Wala, natawa lang ako sa sinasabi sa radyo haha," palusot ko pero tinuro n'ya 'yung radyo, "Nakapatay 'yung radyo," bored na sabi nito, "Baliw ka na talaga."
Nako Vlaze. Magpapalusot ka na lang hindi pa ayos.
"Anyway, saan ka na ngayon n'yan?" pag-iiba ko usapan.
"Hindi ko alam eh, bakit ganoon yung kambal mo? Ayaw n'ya ba sa magandang maid? Gusto n'ya ata sa pangit eh!" reklamo nito.
"Syempre nagtaka lang 'yon. Ikaw ba, maniniwala ka kung mag-aapply ako sa'yo na driver tapos ganito kamahal yung suot ko? Hindi, 'di ba?" Tumango-tango naman s'ya.
Maya-maya ay naramdaman ko ang pananahimik n'ya. Siguro nag-iisip s'ya kung mag-aapply s'yang girlfriend ko?
Biro lang.
"What if magpapangit kaya ako? Tapos mumurahin lang na damit yung isuot ko? Magdidisguise ako para matanggap na ako, what do you think?"
Sira ba s'ya? Bakit ba kase kailangan n'ya pang gawin 'to.
"Huwag kang baliw, umuwi ka na lang sa inyo kaysa gan'yan ang gagawin mo," sabi ko pero sinamaan n'ya lang ako ng tingin, "Sooooo, anong maitutulong ko?"
Sinabi n'ya sa akin ang mga gagawin n'ya para sa pagdidisguise.
Kung hindi ko lang alam na kailangan n'yang taguan 'yung mga magulang n'ya ay iisipin ko na stalker s'ya ni Maze.
Hay na'ko.
Mga babae nga naman.
Halos inabot kami nang dalawang oras bago matapos ang plano n'ya.
Bumili kami ng damit sa ukay-ukay, 'yung mga damit n'ya na nasa maleta kanina ay dinala namin sa condo nila si Zaxymier, pero ako yung nagpasok sa loob, baka kase nandoon ulit 'yung mga lalaki, sinabi n'ya lang sa akin ang passcode.
Nagpunta din kami sa David Salon para ibahin ang ayos ng buhok n'ya. Ang dating straight at mahabang buhok n'ya ay naging kulot at maikli na.
Ngayon ay nasa tapat ulit kami ng bahay ni Maze para sabihin na may iba na akong nahanap. Sana lang ay hindi n'ya mahalata si Lacrosse.
"Come in, mas maayos ka kaysa sa babae kanina,"
Halos matawa ako sa sinabi ni Maze. Maayos? Mukhang tanga kaya ngayon si Lacrosse.
"Tanggap na po ako, Sir?" pinaliit ni Lacrosse ang boses n'ya kase baka mahalata s'ya
"Ayaw mo? Edi 'wag"
Hoy, Maze, tanggapin mo na 'yan! Naghirap 'yan na baguhin ‘yung sarili para lang maging maid.
"Hindi po, Sir." Kinuha na ni Lacrosse sa akin ang maleta n'ya at pumasok na s'ya.
Akmang papasok rin ako pero pinigilan ako ni Maze, "Alis na kuya," sabi nito at isinara ang gate.
Aba walang hiya talaga 'tong kapatid ko ah.
(Maze's POV)
"Paglalaba, grocery, pagluluto, paghuhugas ng pinggan at paglilinis ang mga gagawin mo as a maid ko--" Hindi ko pa nasasabi ang mga sasabihin ko ng sumingit ito.
"Pwede po bang magpahinga muna ako? Pagod po kasi ako sa biyahe, e. Salamat po," sabi nito at humiga sa sofa
Wtf? Kasambahay ba ang pinasok nito o amo?
Pero dahil mukhang pagod nga s'ya ay hinayaan ko na lang.
Umakyat na ako sa kwarto ko para tapusin ang ginagawa ko. Well, isa akong author pero walang ibang nakakaalam kung hindi ako lang.
Mahigit trenta pirasong nobela na ang nagagawa ko sa ngayon. Lahat ng iyon ay anonymous ang pangalan ng author dahil ayaw ko nga magpakilala.
Hindi ko pa nasisimulan ang gagawin ko ng biglang tumunog ang phone ko.
Kuya Vlaze's calling...
Problema nito?
Sinagot ko ang tawag, "Why?"
"Kamusta na si Crosse? Okay lang ba s'ya? Pinahirapan mo ba? Ano? Sumagot ka!"
Ilang minuto palang ang lumipas pero kung nakakamusta s'ya ay parang isang taon na.
OA talaga.
"She's fine," sagot ko, "Sa katunayan nga eh nagpahinga agad pagkapasok sa bahay ko, e"
"Good," sabi naman nito at pinatay na ang tawag.
Tumawag s'ya para lang doon?
Binalik ko na ulit ang phone sa dati nitong kinalalagyan ngunit napako ang paningin ko sa isang bagay na malapit doon.
A phone.
'Yung phone ng babae sa mall.
Hindi ko alam kung paano maibabalik 'to kase aksidente ko itong naitakbo mula sa babaeng nagpapapicture sa akin.
Bigla kase tumawag noon si Papa at sinabing nakalapag na daw ang sinakyan nilang eroplano at ako ang magsusundo sa kanila kaya naman hindi ko na naibigay ang phone sa pagmamadali ko.
Sinubukan kong buksan ito para maghanap ng details tungkol sa may-ari pero may passcode kaya hinayaan ko na lang.
Nakaramdam ako ng uhaw kaya naman bumaba muna ako. Naabutan ko na nakatulog na sa sofa yung babae. Hindi ko alam pero may bagay na pumwersa sa akin para titigan s'ya
Wait...
May kamukha s'ya...
Tinitigan ko pa s'ya ng ilang minuto pero hindi ko talaga maalala.
Parang may kamukha talaga s'ya eh.
Hindi ko na inalala pa kung sino ba ang kamukha n'ya dahil nauuhaw na talaga ako.
Pagkatapos ko uminom ay umakyat muli ako sa taas para tapusin ang nobelang ginagawa ko. Ilang kabanata nalang naman ay matatapos na ito.
Halos tatlong oras ito bago natapos. In-off ko na ang laptop ko saka natulog.
Kinabukasan ay nagising ako dahil sa sinag ng araw na pumapasok sa bintana ng kwarto ko.
Umaga na pala.
Naligo muna ako at bumaba para maghanda ng almusal ko pero nagulat ako ng may nakahanda ng pagkain sa mesa.
"Good morning, Sir"
May kasambahay na nga pala ako.
Akala ko tulog pa rin ito hanggang ngayon.
"Kumain kana ba?" tanong ko rito bago umupo
"Opo,"
"Good, pakilinis yung CR, kwarto at yung sala. Kung sinisipag ka pati buong bahay linisin mo na rin," sabi ko dito at nagsimulang kumain
Akala ko magrereklamo s'ya pero kinuha n'ya lang yung vaccuum cleaner at nagsimula na. Sabagay, bakit s'ya magrereklamo, e trabaho n'ya 'yan.
Hindi pa s'ya nakakatapos sa paglilinis ng sala ay lumapit ulit ito sa akin.
"Sir, pwede po ba na hindi nalang po ako 'yung maggogrocery?"
Demanding ang maid ko.
"Sige, si Lucia nalang ang maggogrocery," Nagpatuloy ako sa pagkain.
"Lucia? Wala naman pong ibang katulong dito maliban sa akin, Sir"
"Wala ba? Edi ikaw mag gogrocery," sagot ko ulit at tinapos na ang pagkain.
(Crosse's POV)
Habang naglilinis ako ng sala ay hindi ko maiwasang mag-isip.
Kapag ako yung nag grocery may chance na makita ako ng mga tauhan ni Mommy?
Paano na 'to?
Akala ko pa naman talaga pumayag s'ya kanina. May pa Lucia, Lucia pa s'ya peste.
Sunod kong pinunasan ang salamin at napatingin dito. Ang pangit ko na ngayon. Kulot na rin ang buhok ko. Kung hindi ko lang kailangan gawin ito hindi ko talaga babaguhin ang sarii ko...
Teka...
Iba na nga pala ang itsura ko kaya hindi na ako makikilala ng tauhan nila Mommy.
May silbi rin pala 'tong make-over ko. Bakit hindi ko naisip na mag make-over nalang kesa mag apply as maid?
Ang tanga tanga ko.
Natapos ko ng linisin ang buong bahay maliban sa kwarto n'ya. Nagpahinga muna ako saglit dahil napagod ako.
Maya maya ay umakyat na rin ako at pumasok sa kwarto n'ya.
"What are you doing here?"
Abnormal. Pinapalinis n'ya ito, 'di ba?
"Maglilinis na po ako," saka ko pinakita ang mga gamit panlinis.
"Okay,"
Lumabas naman s'ya ng kwarto at nagsimula na akong magligpit at maglinis. Walang gaanong kalat maliban sa mga papel.
Kung ibang lalaki siguro ang nakakwarto dito malamang sobrang gulo nito.
Dahil nga sa walang gaanong kalat ay nalinis ko agad ang ibang parte nito. Sinunod ko naman bedside table n'ya.
Nanlaki ang mata ko ng makita doon ang cellphone ko. Kukuhanin ko na sana ito ng pumasok si Maze.
"Hindi ka parin tapos?" umiling ako at nagpunas punas kunwari sa table.
Akala ko ay lalabas ulit s'ya pero diretsong pumasok na s'ya ng kwarto at nahiga sa kama n'ya.
Paano ko makukuha yung phone ko kung nandito s'ya?
Wrong timing naman 'to.
Kukunin ko sana ang phone ko kapag hindi s'ya nakatingin pero nakatitig pala s'ya sa akin habang naglilinis ako.
Natapos na ako sa paglilinis pero hindi ko manlang nakuha ang phone ko.
"Sir, tapos na po,"
"Good, labas na,"
Ang sungit talaga.
Lalabas na sana ako ng bigla n'ya ulit akong tawagin.
"May desserts doon sa ref, kumain ka kung gusto mo,"
Hindi naman pala s'ya masungit. Konti lang.
Gaya ng sabi n'ya ay kumain ako ng desserts sa ref n'ya. Ang daming pagkain.
Habang nagluluto ako kanina parang gusto kong kainin lahat ng nasa ref.
Pagkatapos kong kumain ay umupo ako sa sofa at binuksan ang TV. Wala naman kase akong ibang magagawa dito maliban sa manuod, tumunganga o matulog.
Habang nanonood ako kay naalala ko si Zax. Miss ko na agad s'ya kahit kakakita ko palang sa kan'ya kahapon.
Gusto ko s'yang tawagan pero wala sa akin ang cellphone ko. Sabihin ko kaya kay Maze na akin yung phone? Sasabihin ko na ako yung may-ari noon para naman magamit ko na.
Aakyat na sana ako ng marealize ko na nagdisguise nga pala ako. Baka hindi s'ya maniwala kase kulot na ako tapos nag-iba pa itsura ko maging ang pananamit ko. Kaya naman umupo ulit ako sa sofa at nanood ulit.
(Zaxymier's POV)
"Ano?!" hindi ako makapaniwala sa kwento ng mokong sa harap ko. Akala ko kung bakit narito, magkukwento lang pala.
"Ginawa n'ya talaga iyon? Baliw na s'ya!" sigaw ko, kaya medyo napatingin sa akin ang ibang customer, "So, binago n'ya talaga 'yung itsura n'ya?"
"Yeah,"
Uminom ako ng tubig dahil nabigla talaga ako.
Yari ka sakin babae ka kapag nakita kita.
"Kakambal mo 'yung amo n'ya, 'di ba?" tanong ko ulit.
"Oo,"
"Masungit ba 'yon? Baka masungit 'yon ah!" Umiling-iling naman agad s'ya.
"Hindi..."
"Hindi ka nagkakamali."