*-*-*-*-*-*-*-*-*
(i) s i m u l a
---------------------
"Heto pa anak, sandali. Dalhin mo rin ito, para kapag tumambay ka sa library buong maghapon ay hindi ka magutom."
Bilin ni mama habang may kung ano anong inilalagay sa loob ng bag kong nakabukas.
"Mama, male-late na po ako."
Nakalingon na sabi ko. Tumingin siya sa orasan na nasa mesa bago ako binigyan ng pera na pambaon.
"Naku, oo nga pala anak. Sorry, sige alis ka na. Makinig sa guro, okay?"
Sinarado nito ang malaking backpack bag na suot ko sa likuran. Mistulang pasan ko tuloy ang mundo dahil sa bigat at dami ng laman nito.
"Alis na po ako."
Narinig ko pa ang malakas nitong sigaw na 'ingat' bago ako tuluyang nakaalis.
Sumakay agad ako sa nakaparang tricycle sa sakayan at hinintay na umandar ito. Syempre dahil hindi naman kami mayaman tiis tiis muna. Nang mapuno ang tricycle, pinaandar na ito ng driver.
Masikip sa loob lalo na kung malalaki ang kasama mo pero sanayan na rin naman.
May tatlong lalaki ang nakisabit lang. Sa sidecar ganon. Magbabayad pa rin naman. Mas priority kasi ang mga babae. Awkward naman kasi yata kung kami ang sasabit sa tricycle hindi ba?
Huminto ito sa tamang loading and unloading area at agad akong bumaba at iniabot ang sampung piso bilang bayad. Ilang minuto rin naman ang nilakad ko bago ako tuluyang nakarating sa school mismo namin. Public lang dahil gaya nga ng sabi ko ay hindi afford ni mama na pag-aralin ako sa private lalo pa at may kapatid akong graduating sa elementary at kailangan ding mag High School sa susunod na school year.
As usual ay kalat na naman ang mga estudyante habang dire-diretso lamang ako papunta sa classroom namin. 10-Diamond. Bilang unang section or star section kung tawagin nila. Katatapos lang kasi ng first quarterly exam noong nakaraang biyernes kaya ayon, malaya sila.
"Good morning!"
Bati sa'kin ni Stella, isa sa mga kaklase ko. Ngumiti lang ako bago dumiretso sa upuan ko, sa may unahan.
Pagka-upo ay agad kong kinuha ang libro namin sa Science saka ito binasa habang naghihintay sa teacher namin.
"Oy, ano ba yan. Katatapos lang ng exam ah?"
Puna sa'kin ni Stella at nginitian ko lang siya ng tipid bago bumaling ulit sa librong binabasa.
"Advance reading lang 'to."
Saad ko habang nagbabasa pa rin.
"Sobrang advance mo kamo. Magkamukha na kayo nung libro o."
Hindi na ako sumagot pa at hindi na lang siya pinansin. Narinig ko pang bumulong siya sa hangin bago umalis at lumipat muna ng upuan.
Lumipas ang halos apat na oras nang pag-upo at pakikinig sa mga itinuturo ng mga teacher namin.
"Oy, hindi ka ba kakain ng lunch?"
"Ayos lang ako."
Sagot ko kay Stella. Makulit talaga siya kung tutuusin. Matalino at isa sa mga honor students. Kinuha ko na lang ang earphone ko at nakinig sa mga tagalog songs na nasa playlist ko.
Boring ang buhay ko kung tutuusin. Pag-aaral. 'yon lang talaga ang goal ko sa ngayon. Gusto kong maiahon si mama sa kahirapan at ito 'yon, ang tanging sulusyon na naisip ko bukod sa pagsisipag.
----------
"Okay the asdfghjkl--"
Natigil sa pagdi-discuss ang teacher namin sa AP nang may kumatok sa pinto. Para sa mga kaklase ko ay happy moments na 'yon. Nakakaantok daw kasi ang AP sa lahat ng subjects ewan ko ba.
Sabi nga ng isa kong kaklase,
'Past is past and never discuss'
Anong klaseng pag-iisip naman kaya 'yon 'di ba? Hindi yata siya na-inform na ang 'past' na sinasabi niya ay part of the lesson. At isa pa, kontemporaryong issue na ang lesson ngayon. Meaning, walang kinalaman sa 'past', mga napapanahong issue kaya 'yon.
Naputol ako sa pag-iisip nang tawagin ng guro namin ang buong pangalan ko.
"June Rye Romero? Kakausapin ka raw ni Ma'am Aydalla."
Napairap na lang ako sa mga kaklase ko, ang OA kung maka-react. Kesyo 'hala ka!' 'First time ma-guidance ah'
Ilan lang 'yan sa mga komento nila. Syempre hindi naman yung mga estudyanteng barumbado lang ang pinapatawag ng teacher eh. Madalas hindi lang nila ginagamit ang common sense at mas pina-iiral ang ka-ewanan nila.
"Don't worry, you'll be excuse from my quiz."
Pahabol ni Ma'am. Narinig ko pang bumulong ang iba na 'perfect din naman niya 'yan sigurado'
Napabuntong hininga na lang ako at sumunod sa estudyanteng inutusan para ipatawag ako.
"Ikaw pala 'yon."
"Ha?"
Napalingon ako sa kaniya. Babae siya na tingin ko ay Grade 9 student pa lang.
"Kalat po kasi kung gaano ka katalino dito sa buong school."
Nahihiyang sabi nito habang nakayuko. Hindi na lang ako umimik pa hanggang sa makarating kami sa tapat ng faculty room.
"Mauuna na po ako."
Pagpapaalam nito habang bahagyang nakayuko.
"Sige, salamat"
Tinanguan niya lang ako bago tuluyang umalis. Huminga muna ako ng malalim bago kumatok sa pinto. Binuksan ko rin agad iyon at bumungad sa'kin ang iilang teachers na may ginagawa sa kaniya kaniyang table nila.
Agad akong dumiretso sa may dulo ng room, sa table ni Ma'am Aydalla. May isang estudyante doon ang nakaupo sa harap niya na tingin ko ay sinesermunan niya.
"Good afternoon Ma'am, pinatatawag niyo raw po ako?"
Magalang na tanong ko rito habang pinapasadahan ng tingin ang estudyanteng nasa gilid ko.
"Maupo ka muna, June. Actually, may ire-request lang sana ako."
Naupo nga ako gaya ng sabi niya kaya kaharap ko tuloy yung estudyante. Lalaki ito. Hindi nakaayos ang suot nitong polo, wala rin ang school ID at gulo gulo ang buhok. Tumaas ang kilay nito habang nakatingin din sa'kin.
Ngumunguya-nguya pa ito ng chewing gum.
"Siya si Ace, grade 9 student. Under my advisory class, actually lahat ng subjects ay bagsak siya well except sa Filipino na 78 ang grade."
Paninimula nito habang nakatingin sa'kin at bahagyang sumusulyap sa Ace na tinatawag niya. Si Ma'am Aydalla ay guro namin sa Mapeh at hawak niya ang section ng 9-Newton, which happen to be the last section.
"Sakit siya sa ulo--"
"Ma'am masyado niyo naman akong pinupuri eh."
Pinutol nung Ace ang sasabihin ni Ma'am kaya bahagyang tumaas ang kilay ko at napairap. Bagsak na nga, wala pang manners.
"Hindi ikaw ang kinakausap ko."
"Yeah. Whatever."
Walang ganang saad pa nito.
"So ayon nga, namomroblema ang halos lahat ng teachers niya baka kapag nagtuloy kasi siya sa pagiging huli sa klase ay bumalik siya sa grade 9."
"Ano pong kinalaman niya sa'kin Ma'am?"
Diretsang tanong ko. Ngumiti muna siya sa'kin bago sumagot.
"Since alam naman natin na ikaw ang nangunguna sa batch niyo, gusto ko sanang ikaw ang maging tutor ni Ace."
Hinintay ko ang karugtong ng sasabihin niya kahit sa totoo lang ay nagtatakha ako. I mean, pwede naman siyang kumuha ng magiging tutor nung Ace na 'yon sa ka-level niya. Sa star section ng grade level nila.
"Alam kong nagtatakha ka kung bakit ikaw ang napili ko, it will help the both of you naman eh. Tutulungan mo siya na tumaas ang grades niya at ikaw, para na rin may kasama ka sa library since napapansin kong lagi kang mag-isa."
"Loner ka pala?"
Umirap na lang ako sa pagsingit nung Ace at binalingan si ma'am.
"At bukod pa roon hija, since alam ko namang ayaw na ayaw mo ang P.E, exempted ka sa mga physical activity." Mahina ako sa PE at ayoko yung mga ginagawa nila kaya napaisip ako. Hindi rin naman masama ang offer ni ma'am eh.
"What do you think, hija?"
Nginitian ako ni ma'am bago may papel na kinuha sa drawer niya.
"If you want, pwede naman kitang bigyan ng pasahod. Isipin mong trabaho mo ito-"
"Ah hindi po ma'am. Okay na po ako ro'n sa una niyong offer."
Nahihiyang sabi ko. Ngumiti siya ng malaki at iniabot sa'kin ang isang papel.
Kinuha ko naman ito at tinignan. Class schedule.
"I thought you might need it."
"Thank you po."
"Sige na, bumalik na kayo sa klase niyo."
Nagbow pa ako saglit bago tumayo at naglakad palabas ng faculty room. Nauunang maglakad yung Ace na animo ay nagmamadali at may lakad.
Halatang tamad na tamad ito sa paghakbang dahil bahagya pa itong nagkakamot sa buhok niya habang may ibinubulong sa hangin.
Napahinto ako sa paglalakad nang bigla itong humarap sa gawi ko. Bahagyang inihilig ang ulo sa gilid at kumunot ang noo niya.
Tumingin ako sa kaliwa't kanan at pati na rin sa likuran ko pero walang ibang tao. Malamang ay nasa klase pa pala ang mga ito dahil class hours naman.
"Pfft."
Mahinang tawa nito saka umiling-iling.
Tinignan ko siya ng masama. Ano bang tinatawa tawa ng isang 'to?
"Bakit?"
Tumaas ang isang kilay ko nang itanong 'yon sa kaniya. Nagkibit balikat lang siya saka tumalikod at humakbang.
"Baliw."
Bulong ko. Akmang papalakad na ulit ako nang muli itong tumigil at lumingon.
'Anong tinitingin tingin mo?'
Gusto ko sanang sabihin pero nanatiling tikom ang bibig ko.
"Anong pangalan mo?"
Tanong nito kaya napairap na lang ako sa hangin at naglakad. Ramdam ko ang titig nito habang nakangiti nang lagpasan ko siya.
"Hahahahaha! See 'ya around, Hunyo!"
Natigilan ako.
'Hunyo?' Takhang tanong ko sa sarili. Sinong Hunyo pinagsasabi no'n? Baliw nga talaga.
Napailing na lang ako. Bahala siya sa buhay niya.