Rinig hanggang kabilang bahay ang sigaw ni mrs Lydia Florez dahil sa binalita sa kaniya ng nag-iisang lalakeng anak.

“Ulitin mo nga ang sinabi mo?!! Nakatayo siya ngayon at hindi mapakali. Tumaas na naman ang kaniyang dugo.

Ngayon, mag-isa niyang tinataguyod at binubuhay ang dalawang anak dahil wala na ang kaniyang asawa.

Isa siyang kilalang journalist, marami na siyang naisulat na article na pumatok at malaking impact sa public kaya naman hindi pa umabot ng isang taon sa trabaho, tumaas ang posisyon niya. Local and international ang nakukuha niyang mga awards.

Kumikita na rin siya ng malaking pera, hanggang ngayon. Isa siya na may income na millions yearly. Pataas ng ng pataas ang kinikita niya.

Nakapagtayo siya ng malaking bahay na umaabot ang budget sa tatlong million. May ilang properties din siya sa bansa. At may isang malaking bahay sa Amerika.

Lumapit ang kaniyang mommy para pakalmahin siya. Binigyan siya ng upuan ni mrs Merlina Garcia dahil siya ang nahihilo sa kalalakad ng anak.

Binigyan siya ng maiinom ng kaniyang nag-iisang anak na babae, si Nicollene Florez. Siya ay isang high school, nakakulay ng pula ang kaniyang medyo makulot na buhok, kasing tangkad niya ang kaniyang mommy, lagi siyang nagsosoot ng unicorn na hairbond kaya hindi maiwasan kutyain siya ng mga classmates niya sa school or kahit ibang bata

Mahalaga sa kaniya ang unicorn hair bond niya dahil ito ang nag-iisang alaala ng kaniyang namayapang daddy.

Kinakausap ni Lydia ang kanyang nag-iisang lalakeng anak, si Junvenne Florez.

Medyo matangkad pa sa kaniya ang kaniyang girlfriend, kaunti lang naman ang lamang. Mahal na mahal ng binata ang kaniyang girlfriend.

May pagka-chinito siya, medyo matangos ang ilong, black beauty. Sa madaling salita, pogi ang binatang ito.

This year ay magtatapos siya ng kolehiyo. Ang kinuha niyang kurso ay piloto, iyon ang gusto niya. Iyon ang pangarap niya.

Pero ang gusto ng mommy niya ay sumunod sa kaniyang yapak bilang journalist ngunit he refused dahil ayaw niya magsulat ng mga article or magbalita. Ayaw niya ma-involve sa media dahil magulo raw.

Gusto niya ng tahimik na buhay kapiling ang babaeng pinakamamahal at magiging mga anak.

Nakaupo siya sa sofa at katabi ang kaniyang girlfriend, si Dazel Malazaga.

Ang babaeng ito ay medyo kakaiba kesa sa ibang babae. Mahilig siya mag-make up at maglagay ng makapal na lipstick.

Sexy, maputi, matangkad, confident, palaban siya, makapal ang mukha at malakas ang loob. Parang lalake pomorma.

Kabaliktaran niya ang ugali ng kaniyang boyfriend pero nagkakasundo sila. Hindi sila nag-aaway pa, since naging sila.

Gaya ni Jun ay isang college student na sana siya at magkasabay sana silang ga-graduate ng boyfriend pero dahil sa nangyari sa buhay niya, her life turned into a nightmare. Huminto siya ng high school dahil sa pagkamatay ng nag-iisang pamilya niya, ang kaniyang nanay. Napilitan siyang magtrabaho dahil ayaw niyang mamatay sa gutom. Nagtrabaho siya para buhayin ang sarili.

Sa umpisa ng pagtatrabaho ay para siyang isang inosenteng batang takot at hindi alam ang gagawin sa mabagsik na mundo. Marami siyang pinagdaanang hirap bago naging isang palabang babae.

Nang may sapat ng pera, nagrenta siya ng isang apartment. Ayaw niya munang magtrabaho sa isang bahay dahil sobrang nakakapagod. Kaya siya kumuha ng apartment para makapagpahinga siya ng maayos.

Magtatrabaho nalang siya diyaan sa tabi-tabi bilang stay out. Masuwerte siyang nakapasok sa isang mamahalin at kilalang restaurant na pagmamay- ari ng poging si Mira-i Zargo. Napakabait ng amo niya.

Sabi ni Dazel,“ kung wala lang 'tong asawa at anak ay kaniya ng niligawan kahit mas bata siya ng limang taon.” Dagdag niya pa,“ang kaniyang asawa nga, matanda pa sa kaniya ng anim na taon.”

Isa siyang waitress sa isang restaurant. Eight hours ang duty niya. Malaki ang sahod niya sa pinagtatrabahuan niya ngayon kaya medyo nakapagluwag luwag siya sa mga gastusin.

Sa restaurant niya rin nakilala si Jun. Masaya siya dahil bukod sa under niya ang lalake, sobrang mahal siya ng boyfriend niya kahit ganun ang katayuan niya sa buhay. Fully tanggap siya ni Jun.

Ang ibig sabihin niya sa under, yung nirerespeto ni Jun ang mga desisyon niya, hindi siya kinokontra ng lalake kung hindi naman kinakailangan.

Ayaw niya ngang ipakilala siya ng kaniyang boyfriend sa pamilya ng lalake dahil medyo kinakabahan siya, parang hindi pa siya ready.

Tsaka, alam niya rin ang trabaho ng mommy ng boyfriend. Lalo siyang natakot dahil sa kalagayan nila ngayon, buntis siya.

Mahinahong nagsalita si Lydia. “Jun, ano nga yung sinabi mo? Pakiulit nga! Medyo, parang nabibingi ako. Hindi ko masyado naririnig ang sinabi mo. Nakalimutan ko ata maglinis ng tenga kaya hindi ko masyado narinig ang sinabi mo?" nilagay niya pa ang kanyang kanang kamay sa dibdib para kalmahin ang sarili.

Nakaupo rin sa harap ni Jun ang kaniyang babaeng bunsong kapatid at ang lola niya para pakinggan ng maayos ang kaniyang sasabihin.

Naging intense ang sitwasyon nila. Ilang segundo bago nagsalita ang kaniyang anak na lalake.

“Una po, ipakikilala ko sa inyo ang aking girlfriend, si Dazel.” ngumiti ang babae sa kanila. Hindi naman nila pinansin ang babae. “ At,.. siya.. po.. ay buntis. Buntis po si Dazel. Magiging daddy na ako ,” mahinang sinabi niya ang salitang buntis sa kaniyang mommy. Tuwa naman siya banggitin na magiging daddy na siya.

“What?!!!" Napatayo ang kaniyang mommy sa sinabi ng kaniyang anak.

Tinakpan naman ni Nicole ang kaniyang tenga sa lakas ng boses ng mommy niya. Habang naglagay ng headphone ang lola nila.

“Hindi! Hindi pwede! Bata ka pa! Nag-aaral ka pa Jun! Tsaka, ga-graduate ka na this year kaya bakit mo pinatulan ang babaeng yan?! Masisira lang ang buhay mo sa kaniya!" Hindi napigilan ni Dazel ang sarili na sagutin ang mommy ng kaniyang boyfriend.

“Tita, grabe naman po kayo sa word na masisira! Hindi naman ako destroyer para sirain ang buhay ng iyong anak!”

“Shut up! Kami lang ng anak ko ang mag-uusap. Tumahimik ka lang diyan! Tsaka, stop calling me tita! I hate calling me tita specially from you!!" High blood niyang sigaw sa babae. Hinawakan ni Jun ang kamay ni Dazel. Nais na iparating niya sa babae, hayaan mo nalang siya.