LUCY POV.
Ayoko pa sanang umuwi sa bahay namin ni Skyler but I have no choice dahil pagkagising ko iyon agad ang pinag-usapan ng mga kapatid ko at pagkatapos kong kumain ay hinatid na agad nila ako roon.
Hindi pa ako nakakababa ay sinalubong na agad ako ni Manang Lydia at Yena, ang aking assistant simula pa nung bata ako.
"Mabuti naman at dito mo napag-desisyunan manatili," nakangiti na sambit ni Manang Lydia sa akin pagkatapos niyang utusan ang mga bodyguard namin na kuhanin 'yong bagahe ko.
"Dito lang po ako hanggang sa matapos ko ang mga kailangan ko para sa paghihiwalay namin ni Skyler," seryoso na saad ko at nagsimula na sa paglalakad na sinabayan naman nila Manang Lydia at Yena.
Kita ko pa sa gilid ng mata ko ang simpleng tinginan nila nung marinig kung ano ang sinabi ko.
"Uh, talagang bang itutuloy mo 'yan, Lucy?" tanong ni Yena sa akin na parang nag-aalinlangan pa siya kung sasabihan niya ba iyon o hindi but in the end sinabi niya rin naman.
"Yes," diretsong sagot ko at umirap lang nung makita ko si Skyler na bumababa ng hagdanan at mukang hindi niya alam na darating ako ngayon.
"You're staying here?" Tinanguan ko lang siya at hinarap 'yong bodyguard na tumigil sa paglalakad para magtanong kung saan ilalagay iyon.
"Put it in Guest Room..." seryosong sagot ko kaya mabilis na tumango 'yong bodyguard namin na natigilan rin nung nagsalita si Skyler.
"Put it in our Room." Nagtaas ako nang kilay nung sabihin iyon ni Skyler.
"I want a separate room kaya sa Guest Room ako," sambit ko at humalukipkip pa ako.
"Your parents is coming soon and they wanted to stay here for a while habang nire-renovate pa ang mansion n'yo..." Bumuntong hininga ako at nag-isip ng paraan para doon muna ako sa Guest Room manatili.
"Then, lilipat na lang ako kapag nand'yan na sila."
"Paano kung magtanong sila?" mabilis na tanong niya naman na inirapan ko lang dahil sinang-ayunan pa siya ni Manang Lydia.
"Oo nga, Lucy. Doon ka na lang para hindi magtaka ang magulang niyo since ayaw niyo naman ipaalam na maghihiwalay na kayo..." sabi ni Manang Lydia at hinawakan pa ang braso ko para siguro mapakalma ako dahil nahihimigan niya siguro ang inis ko.
"Siya lang po ang may ayaw, Manang Lydia," pagtatama naman ni Skyler sa sinabi ni Manang. Ha! Fine! Ee, ano naman ngayon kung ayaw ko?
"I can manage it, Manang. I will stay in Guest Room until wala pa sila Mom dito. If you still not agree with it, siguro hindi na lang ako dito mananatili..." diretsong na saad ko at nilingon si Skyler. Nakita ko ang bahagyang paggalaw ng panga ni Skyler bago hinarap 'yong bodyguard na kanina pa palipat-lipat ang tingin sa amin ni Skyler at naguguluhan kung sino ang susunduin sa amin.
"Lagay mo na sa Guest Room 'yan," utos ni Skyler bago nagmartsa patungo sa kusina.
Saglit ko lang naman siya sinundan ng tingin at umirap bago nagpatuloy na sa paglalakad patungo sa Guest Room. Nakasunod naman sa akin sila Manang Lydia at Yena.
Pinasalamatan ko lang naman 'yong bodyguard nung maibaba niya na 'yong mga gamit ko bago ito umalis. Kinuha ko 'yong maleta ko at pinatong sa kama. Tinulungan naman ako ni Yena sa pagbuhat doon. Tinulungan din nila ako sa pag-aayos no'n sa walk-in closet.
Pagkatapos mag-ayos ng mga gamit ay pinag-pahinga muna nila ako but my body is so active and not that tired kaya lumabas muna ako sa kwarto para sana maglibot at tumingin-tingin na lang muna sa bakuran.

Napahinto ako sa paglalakad papunta sa labas nung napadaan ako sa isang kabinet kung saan namin nilalagay ang mga picture frame.
Humalukipkip ako at pinag-masdan ito nang maigi. Isa-isa kong tinignan ang mga picture na nakalagay roon. Nando'n ang picture ni Sky kasama ang mga family niya, gano'n din ako pati ang picture namin na magkasama ay nandoon pa rin, simula nung nag-aaral pa kami hanggang nung naging mag-asawa na kami ay nandoon rin pero natigilan ako nung makita ko ang picture ko kung saan kasama ko ang isang babae na pinagkatiwalaan ko nang todo.
Bumuntong hininga ako at tinaob 'yong frame picture nung picture na iyon bago nagpatuloy sa paglalakad palabas.
Tss. Kung alam ko lang...
Parehas kami ni Skyler na nagmula sa mayaman na pamilya. Ang pamilya ko ay nakasanayan na ang arrange marriage dahil kaibigan ng magulang ko ang magulang ni Skyler, sa kanya ako nakasal. Pero nito lang ay napag-alaman ko na magkaiba ang magulang namin, na kung kami ay sanay sa arrange marriage, sila ay hindi dahil mas naniniwala sila na kung magpapakasal ka dapat sa taong mahal mo na. Which is tama rin naman nga...
But these days, I just heard a news. Nalaman ko na kaya lang nagpakasal si Skyler sa akin ay dahil nalulugi na ang kompanya nila noon at kailangan niyang magpakasal sa akin para lang maisalba iyon. What a user. Ano pa nga ba ang aasahan ko? Sa simula pa lang naman talaga ay hindi niya na naman ako gusto, ano pa ang nakakapag-taka doon? Hindi na dapat ako magulat kung totoo na ginamit n'ya nga lang ako pero bakit kailangan niya pang gawin ang lahat ng ito? At ngayon bakit gusto niya pang manatili kasama ko kung totoo na pera lang naman ang habol niya sa akin? Hay! Bahala siya...
Malaki ang bakuran namin at marami rin kaming tauhan kaya kahit saan ay may nakikita akong nakatayo sa gilid na guard, may mga naglilinis at nag-aayos rin ako na nakikita. May mga bumabati sa akin pero hindi ko sila pinapansin at nagpapatuloy lang ako sa paglalakad ko pero natigilan ako nung may nagpayong sa akin.
"Uh, nakita ko kasi na naglalakad ka. Mainit kaya pinayungan na kita..." Umirap na lang ako at hinayaan si Yena na payungan ako habang naglalakad at tumitingin ako sa paligid.
Tanghali na nung napagod ako sa paglilibot at bumalik na ako sa loob ng bahay. Sakto naman na inaya na ako ni Manang Lydia na kumain na nang tanghalian.
Nung dumating ako sa dining area ay nando'n na si Skyler, well, hindi na naman ako nagsalita o nagreklamo pa. Naupo na lang ako sa upuan.
Tahimik lang din naman ako na kumuha ng mga pagkain na nasa harapan. Kita ko naman ang pag-sulyap niya sa akin kaya nagtaas ako nang kilay nung natapos ako sa pagkuha ng pagkain pero umiling lang naman siya at nagsimula nang kumain. Nagkibit balikat na lang ako at nagpatuloy na lang sa pagkain.
"What's your plan today?" tanong niya sa kalagitnaan ng pagkain namin.
"Just rest," tipid na sagot ko.
"What about tomorrow? Do you have plans?" tanong niya pa.
"Work," sabi ko dahil iyon naman talaga ang nauna kong plano pagkauwi pero naiba lang dahil sa nangyari.
"Are you not going to visit your friends?" Tumigil ako sa pagkain at binalingan siya nung tanungin niya iyon.
"Friend? I don't have friends. Kung meron man ay noon na lang iyon. Isa lang ang kaibigan ko noon, kilala mo kung sino siya. At hindi ko na siya kaibigan ngayon..." may galit na saad ko sa kanya. Bumuntong hininga naman siya at tumango sa akin.
Hindi na siya ulit nagtanong o nagsalita pa kaya parehas na lang kaming natahimik hanggang sa natapos kami sa pagkain.
"Sa office lang ako..." paalam niya sa akin. Tumango naman ako.
"Okay," malamig na sambit ko at tumayo na. Hindi na ako nagpaalam sa kanya kung saan ako pupunta.
Lumabas na lang ako para magpatuloy sa paglalakad sa bakuran pero nawala rin ako nang gana kaya nagpahinga na lang ako doon sa swing na nakita ko.
Nandito pa pala ito... Nakasabit ito sa isang puno na high school pa lang ako ay nandito na. Hindi ko akalain na tatagal ito.
Napahinto at bahagya akong nangiti nung makita na may nakaukit pa rin doon sa puno na iyon. Bumuntong hininga ako at umiling para patigilan ang nagbabadyang luha sa aking mata.
"Are you okay?" tanong ni Yena na hindi ko namalayan na nasa likuran ko na pala. Huminga lang ako nang malalim at tumayo na.
"Fixed my schedule for tomorrow. Babalik na ako sa trabaho," utos ko sa kanya nung hinarap ko siya.
Tumango naman siya sa sinabi ko pero agad ring nawala ang tingin sa akin dahil tumunog ang cellphone niya na agad niyang kinuha at may tinignan doon bago nag-angat ng tingin sa akin.
"Leanne is calling," sabi niya at inabot sa akin 'yong cellphone niya.
Kinuha ko naman iyon at nagsimula na sa paglalakad pabalik sa loob ng bahay. Bumuntong hininga muna ako bago tuluyan nagsalita.
"Ate..."
["Ano 'tong mga nababalitaan ko kay Kuya Carson? Is that true? Si Bri—"] Hindi pa natatapos si Ate Leanne ay nagsalita na ako.
"Yes. It's true..." diretsong saad ko at umakyat na lang ako para makapunta sa kwarto ko.
["Oh my... But hindi pa naman sigurado na kay Sky 'yon, diba? Baka sa boyfriend niya 'yon."] natataranta na sabi ni Ate Leanne.
"Pwede rin kay Sky. May picture siya na magkasama sila ni Sky habang wala ako dito at never binanggit sa akin ni Sky iyon," seryosong sambit ko.
["Pero baka naman—"]
"Ate, ayoko na munang pag usapan 'yan," Rinig ko naman ang paghinga nang malalim ni Ate Leanne.
["Fine! I just can't believe it. But hindi na lang muna kita kukulitin sa ngayon tungkol diyan, but uuwi ako diyan at pag-uusapan natin 'yan dahil sa tingin ko ay kakailanganin mo ang advice ko."] Alam niya na siguro ang plano ko. Maybe, sinabi ni Kuya Carson sa kanya. Kahit kailan talaga...
Sa kanilang mga kapatid ko kay Ate Leanne lang kasi ako nakikinig kaya siguro siya na 'yong kinausap ni Kuya Carson.
Tulad nga nang sabi ni Ate Leanne ay hindi niya na ako kinulit tungkol roon at tinanong na lang sa ibang bagay pati ang pagtatrabaho ko bukas at ang pag-uwi nila Mom ay napag-usapan namin. Dahil matagal na rin kaming hindi nakakapag-usap ay marami siyang sinabi sa akin. Nagtagal ang usapan namin.
Pagkatapos kong makipag-usap kay Ate Leanne ay inayos ko na lang 'yong gagamitin ko para sa trabaho ko bukas. Marami rin akong inayos kaya hindi ko namalayan na gabi na pala kung hindi lang ako sinabihan ni Yena na kumain na nang hapunan ay baka nagpatuloy pa ako.
Naabutan kong nandoon na si Sky at nakaayos na rin naman ang mga pagkain sa harapan niya pero hindi niya ginagalaw iyon at nakaupo lang siya doon.
"Sabi nang mga kasambahay hinihintay ka daw," bulong ni Yena nung nakita niyang natigilan ako.
Kaya ba gano'n din siya kaninang umaga nung dumating ako? Bakit naman hihintayin niya pa ako? Hawak ko ba 'yong bituka n'ya? At wala naman sa akin 'yong pagkain. Hay!
Tumango na lang ako at dumiretso na sa upuan ko. Samantalang si Yena ay nagtungo sa headquarters kung saan nando'n rin ang mga ibang tauhan namin na for sure kumakain na rin doon sa ngayon.
Nung naupo nga ako ay doon lang nagsimula si Sky sa pagkuha ng pagkain. Umirap lang ako at hindi na siya pinansin pa. Hindi rin naman siya nagsasalita kaya parehas kami na tahimik lang na kumakain ng hapunan namin.
Maaga akong gumising kinabukasan para sa trabaho ko. Alam naman ng mga kasambahay na papasok na ako sa trabaho kaya nung bumaba na ako ay nakapag-luto na sila. Nandoon na rin si Sky sa dining area. Mukang may lakad rin siya sa araw na ito.
"I have a meetings to attend and also client to meet kaya baka wala ako rito until 7pm," sabi niya sa kalagitnaan ng pagkain namin.
"Okay," tipid na sabi ko.
"Ihahatid kita sa trabaho mo–"
"Hindi na kailangan," mabilis na sabi ko sa kanya habang nasa pagkain ang tingin.
"Hindi pa tayo divorced kaya gagawin ko pa rin kung ano ang ginagawa natin noon," saad niya kaya natigilan ako sa pagkain at hinarap siya.
"For what?" medyo iritadong tanong ko sa kanya.
"Huwag kang mag-alala hindi na kita guguluhin pa kapag naayos mo na 'yong mga papers." Bumuntong hininga na lang ako at hindi na nakipag-talo pa sa kanya dahil alam ko naman na wala ring mangyayari.
Pagkatapos nga naming kumain at mag-ayos ay hinatid n'ya ako sa kompanya ko. Hindi ko na siya nilingon pa nung bumaba ako at dire-diretso lang naman ang lakad ko papasok.
Pansin ko ang bulungan ng mga empleyado ko nung makita nila ako. Nagulat siguro sila sa biglaang pagdating ko. Kahit na gulat ay nagawa pa rin nila akong batiin. Tipid na ngiti lang naman ang sinukli ko sa kanila pero hindi ko na sila binati pa pabalik.
Isang malalim na hininga ang pinakawalan ko nung naupo na ako sa swivel chair ko. Hindi ko alam na ganito pala ako ka-obsess sa kanya na to the point na kahit dito sa opisina ko ay may mukha niya.
Umirap ako at tinago sa kabinet ng desk ko 'yong frame picture namin ni Sky.
Hindi ko 'yan kailangan dahil ang pinunta ko rito ay trabaho. Work. Work, okay, Lucy?