“Laway mo patulo na!” Pinandilatan ko si Uri na ngayon todo kung makapang-asar. Humanda ka sa aking bata ka babaklasin ko bunbunan mong h*nayupak ka! Ibabalik kita sa maitim na singit ng tatay mo!
Inirapan ko na lang ulit si Uri saka ibinalik ang tingin sa lalaking nasa tabi ko.  Sumimangot ang mga kababaihan at bagsak balikat nila akong tinitigan.
“Hep-hep! Aba‘y sino ka naman para pigilan akong magbenta ng damit ko!” Asik ko dito saka muling hinarap ang mga babaeng naghihintay pa rin kung sino kanila ang papalarin na mapasakanya itong suot ko ngayon. Pero kung ibebenta ko ito ako naman ang walang damit? Bahala na! Si Darna nga malayang nagliligtas ng tao na bra at panty lang ang suot with matching head gear eh, ako pa kaya?
“Okay balik sa transaction!” Sabi ko saka Inisa-isa silang titigan.
“Makinig kayo! Ganito ang  magiging mechanics para mapasakanya ang mga gamit ko. Sa first round pipili kayo ng kalaban at magbabato-bato pick. kayo at kung sino ang manalo siya lamang ang p’wedeng maka-proceed sa round two. Mamaya ko na sasabihin ang round two kapag tapos na tayo sa round one. Ang labanang ito ay tatawagin nating isa laban sa isa pa!” Mahaba kong paliwanag saka sila hinayaang maghanap ng makakalaban. Marami silang gustong makakuha nitong gamit ko kaya marami ang sumali.
Unang nag Bato-Bato pick si Zebana at ang kaniyang kapatid na si Zeraphine. Nanalo si Zebana laban kay Zeraphine gano’n din si Alanis at ang iba. Bente silang sumabak at sampu ang nalagas sa round one.
“Okay round two na tayo,” sabi ko saka umupo na naka-dekwatro sa silyang nakita ko sa harap nang napakahabang mesa na puno ng pagkain. Sarap manuod ng labanan nila lalo na kung lumalamon. Ito ang version ko ng squid game na walang patayan. Kinindatan ko si Uri na ang sama ng tingin sa ‘kin. Ang cute talaga ng batang ito ang sarap sipain palabas ng Earth!
“Okay round two!” Sigaw ko saka ngumisi. “By pair ulit pero this time magka-partner na kayo sa laban. What you will do is, you have to defeat the other pair. We will call it pair against pair!” Paliwanag ko saka sila sininyasan na lumapit. Pero agad ko rin silang pinalayo dahil nakakahiya ang amoy ko. Ang bango nila tapos ‘yung amoy ko dinaig pa ang imburnal.
Langya! Oo na, tanggap ko na ako na mabaho!
“Ganito ang sunod na mangyayari. Sino muna pala ang manghuhula? At ang mag-papahula. Pumili muna kayo ng partner.” Pumili naman sila ng kani-kanilang kapares. Ang tagal pa nga nilang pumili kaya hindi ko namalayan unti-unti ko na palang nakakain ang lechon na nakahain sa mesa.
“Okay! Dahil tapos na kayong maghanap ng kapares ganito ang susunod. Sa bawat pares may mag-papahula at may manghuhula. Lumapit sa akin ang mag-papahula,” sabi ko. Lumapit naman sa akin ang mga contestants na mag-papahula.
“May ibubulong ako sa inyo at kailangan ninyong i-action. Ang inyong galaw kailangang mahulaan ng inyong kapares. Okay! Gets ba?” Nagsimulang tumango ang lahat kaya binulong ko na sa kanila ang word na kailangan nilang i-action at pahulaan sa kanilang kapares, ang unang pares na makahula pasok na sa third round at silang dalawa na lamang ang maglalaban.
Ang pares ni Zebana at Alanis ang unang nakahula nang word na pinahulaan ko kaya silang dalawa ang nagwagi ang ibang pares ayon ligwak. Pare-pareho silang bumalik sa kinauupuan na bagsak ang balikat at nakasimangot.
“Round Three!” Sabi ko. Nagulantang pa ako nang makitang buto na lamang ang natira sa paa ng baboy na kinain ko.
Wala naman akong nakuhang permission mula sa kanila na p’wede akong lumamon but, hunger was the reason for me to consume it and no one saw that I actually ate it. They are all focused on the battle.
Wala namang nakakita na ako talaga ang umubos ‘di ba? So hindi nila ako pwede pagbintangan, kasalanan din naman nila dahil lahat sila tutok sa labanan. Inurong ko ang plato sa banda ng mga kababaihang nag-tsimisan para kapag may nagtanong sino umubos sila ang pagbintangan nasa kanila malapit ang plato eh!
“Ganito ang mangyayari, kukuha ako ng tatlong judges mula dito sa manunuod at sila ang hahatol kung sino ang mas magaling sumagot sa inyong dalawa. Ano kuha n’yo ba?” Tumango silang dalawa kaya nagsimula na akong pumili nang magiging judges. Kinuha ko si Zeraphine dahil siya ang nagkusang itaas ang kaniyang kamay. Sunod si Hannah at Naisla. Sila ang hahatol sa labanang ito.
“Sa round three Q and A na tayo. Question and Answer.” Paglilinaw ko nang kumunot ang mukha nang lahat. Uso ‘ata sa kanila hangin laman ng utak.
“Sabihin mo sa’kin bakit kailangan ikaw ang makatanggap nitong damit ko?” Tanong ko kay Zebana.
“Kasi sa first time ko pa lang makakita ng ganyang damit,” tugon nito. Ngek! Walang kwentang sagot.
Nang si Alanis naman ang tanungin ko ito ang sagot niya, “Kasi wala lang.”
Grabe! Hindi makatarungan ang mga sagot nila. Parehong walang kahiyaan lamang! Parang may sipon utak nila kung sumagot. Parehong ligwak! Sarap ihambalos sa parehong muka nila ‘yung buto ng litson na kinain ko. Uso ‘ata sa kanila ang utak muta! Nagsisi tuloy ako sa balak kong pagbenta nitong mga gamit ko parang wala man lang makatarungan na mapupuntahan ang dugo ni Anya na natuyo sa damit ko. Tapos ‘yung mga h*das na manonood nagsi-palakpakan pa kesyo ang gagaling daw nila sumagot! T*kte saan ‘yung magaling do’n?! ‘Yung mga judges na hangin din ang laman ng utak nahirapan pang pumili.
Nakaka-ingganyo kumitil!
“Tapos na ang pagtitipon,” sabi ni Uri. Ang epal talaga ng batang ito. Akala mo naman anak ng Hari kung makapag-utos. Nakasimangot na lumabas ang lahat maging sina Alanis at Zebana.
Akmang lalabas na rin ako nang may humigit sa braso ko. Nakasimangot ko itong tinitigan.
“Pinapatawag ka,” sabi ng dalawang babaeng nakasuot nang long sleeve, v-neck line na sayad hanggang lupa ang haba ng kanilang dress na kulay asul. Balak ‘ata nila sumabak sa the Nun.
“Bakit naman ako kailangang ipatawag?”
“Dahil bukod sa inubos mo ang pagkain sa hapag, gumawa ka rin ng kumusyon,” aniya pa bago ako hatakin sa kung saan.
“At kung hindi ako sasama sa inyo?!”
Nagwawala ako habang hawak nila akong dalawa. Pahirapan sila dahil sa likot ko. Kapag ako talaga nakawala dito kalbo kayo sa ‘kin!
“Maaring hatulan ka ng kamatay.” Napahinto ako sa paglilikot nang magsalita ang isa pa. Hindi ko alam kung joke lang iyon pero kasi seryuso ang mukha niya habang nagsasalita.
Patay agad? Nang dahil sa lechon?