ARKISHA
Nagising ako nang makaramdam ng paghaplos sa mukha ko, pagdilat ko ay wala naman akong katabi at nasa isang hindi pamilyar na lugar ako.
Tatayo sana ako pero hindi ko mapigilang mapaungol nang maramdaman ang kirot sa braso at balikat ko. Tinignan ko ang balikat ko at nakitang may benda ito.
Nang maalala ang nangyari ay pinilit kong bumangon na mas lalong nagpakirot ng mga sugat ko. May malaking kamay ang humawak sa braso ako at muli akong pinahiga.
"Huwag ka munang gumalaw, malalim ang sugat mo at kailangan mo pang magpahinga," wika ng baritonong boses na mas malamig pa sa niyebe.
Napatingin ako sa lalaking nagsalita at nanlaki ang mga mata ko nang mamukhaan ito.
"Y-you..."
Tinaasan lang ako ng kilay nito, "Nauuhaw ka ba?"
Ang sungit naman pala nito, tumango ako kaya naman lumabas siya ng kuwarto, sinuri ko ang lugar, mukha itong klinika, pero nasaan ako? Nakabalik ba ako sa main road? Sino ang nagdala sa akin dito? Paano ako nakatakas sa lobo?
Maalala ko lang ang lobo na pulang-pula ang mata ay para na akong hihimatayin. Dagdag pa ang matatalas niyang pangil na bumaon sa balat ko. Mananagot talaga ako sa mga kapatid ko kapag nakita ako sa ganitong estado.
"Heto uminom ka muna," tinulungan niya akong makaupo at inabutan ng mineral water. Walang dalawang minuto ay naubos ko ang laman niyon na kalahating litro. Nahiya naman ako dahil bigla akong dumighay ng malakas.
Napayuko ako nang mapansin na ngumisi siya ng maliit, maliit na iisipin mong imahinasyon mo lang dahil mabilis ding bumalik ang seryoso niyang mukha.
"Bakit nagawi ka sa lugar na 'to? Hindi para sa mga turista ang daang tinahak mo," seryoso niya pa ring tanong.
Ano ba itong lalaking ito, bakit ayaw ngumiti? Mukhang nakakatakot kausap, yung tipong hindi nakikipagbiruan.
"N-naghahanap kasi ako ng mabibilhan ng t-tubig... uhaw na uhaw kasi ako sa paglalakad nang masiraan ang sinasakyan ko. I had no choice so I try to find a store, and I saw a house after the arch. Walang tao kaya naglakad pa ako ng malayo. I can hear people talking so sinundan ko ang tunog, but then I didn't know a wolf is wandering here. Never heard of it actually..." mahabang paliwanag ko.
"Hindi ka dapat basta pumapasok sa gubat, maraming lobo sa puso ng gubat lalo sa mga lugar na walang naninirahan. Ang nakita mo kanina ay ligaw lang, mabuti at may mga nakakita sa'yo kung hindi ikaw na ang inalmusal ng lobo na 'yon," paliwanag niya habang titig na titig sa akin.
Muli kong ibinaba ang ulo ko dahil ang awkward niya tumingin. Huminga ako ng malalim at tumayo.
"M-maraming salamat sa panggagamot sa'kin. Magkano ang ibabayad k-" I'm trying to offer payment when he chuckled and shook his head gently, he's narrowing his eyes towards me while leaning on his table crossed-arm.
"Kayo talagang mga taga-patag akala ay puro pera ang sagot sa lahat. Simpleng 'salamat' lang sapat na sa'min, hindi namin kailangan ng pera ninyo. At isa pa, hindi ka pa puwedeng umuwi dahil malala pa 'yang sugat mo. Maari kang manatili rito hanggang bukas o sa makalawa, pwera kung may makakasama ka pabalik sa pinanggalingan mo. May mga kasama ka ba? Gusto mong ipaalam ko sa kanila ang nangyari sa'yo?"
Pakiramdam ko ay napahiya ako sa sinabi niya, bakit ang tono niya ay nanunuya? Anong issue nito sa buhay?
Mabilis akong umiling at nagsalita ng utal utal, "H-hindi na... m-may kailangan akong puntahan sa Kalinga. A-aalis na ako, maraming salamat sa tulong mo. Pakisabi sa mga nagligtas sa akin salamat ng marami, utang ko ang buhay ko sa kanila."
Saad ko bago dinampot ang jacket kong nakatupi sa gilid ng hinigaan ko at ang backpack ko. Marahan kong isinuot ang jacket dahil iniingatan ko ang nakabendang balikat at braso ko. Ang lalaki ay hindi pa rin gumagalaw sa pwesto niya.
"Bakit hindi ikaw mismo ang magsabi niyan sa kanila?"
"W-what do y-"
"Dok Aki!" napalingon ako sa mga tumawag sa lalaking kausap ko, Dok Aki? Parang narinig ko na iyon...
Nasa gitna ako ng pag-iisip nang may tumawag sa akin, "Ate Arki!" tumakbo palapit sa akin ang batang nakilala ko kahapon ng umaga.
"Mabuti at gising ka na Arki, kanina ka pa gustong puntahan nito ni Anissa at nag-aalala raw sa'yo," nakangiting paliwanag ng babaeng naalala kong Anya ang pangalan habang nakangiti.
Napangiti rin ako at hinagod sa ulo si Anissa, "Kayo ba ang nakakita sa akin?"
"Hindi, itong dalawang ito ang nagligtas sa'yo," itinuro ni Anya ang dalawang lalaki sa likod niya, isang medyo payat at mahaba ang buhok, at ang isa ay matangkad, maganda ang katawan at may hanggang balikat na buhok.
Pareho silang nakangiti ng nahihiya at tumungo, lumapit ako sa kanilang dalawa at hinawakan ang mga kamay.
"Maraming salamat sa pagliligtas ninyo sa buhay ko. Kung hindi dahil sa inyo wala na siguro ako ngayon. Kung may kailangan kayo sabihan niyo lang ako at handa akong tumulong bilang pasasalamat sa inyo,"
"Naku sakto kailang-" binatukan ng makisig na lalaki ang kasama niyang payat na ikinahagikgik ni Anissa.
"Walang anuman binibini, masaya kaming makatulong sa'yo," yumukod siya at hinalikan ang kamay ko, "Kislap Dulnuan nga pala ang aking pangalan," pagpapakilala ng lalaking may magandang katawan.
Pakiramdam ko naman ay namula ang pisngi ko, hindi mo masasabing guwapo agad ang lalaki lalo na at marami na akong nakilala sa Maynila ngunit may karisma ito na mas pinatingkad ng kayumangging kulay nito. Mahaba rin ang buhok nito tulad ng doktor na ngayon ay biglang tumikhim kaya ibinaba na ni Kislap ang mga kamay ko.
Hinawakan naman ng payat na lalaki ang kamay na binitawan ni Kislap, "Ako naman si Paham, ang pinaka-guwapo rito sa tribo namin," akmang hahalikan niya ang kamay ko nang biglang may umagaw no'n.
"Kailangan niyang magpahinga at kumain muna. Maari kayong bumisita ulit mamaya," napatingala ako kay Aki, seryoso pa rin ang mukha niya at nakikipagsukatan ng tingin kay Kislap.
Napapahagikgik naman si Anissa sa hindi ko malamang dahilan, "Dok Aki bagay po kayo ni Ate A-"
Tinakpan ni Anya ng mabilis ang bibig ni Anissa, napakunot-noo ako dahil pati ang mga mata niya ay nakangiti, ano kayang sasabihin ng batang ito?
"Ang sungit mo ngayon Dok Aki ah! Hindi siguro bumisita dito si Mutya ano?" sambit ni Paham na tinatapik pa sa dibdib si Aki.
Napalingon naman akong muli kay Aki, mukhang siya na nga ang binabanggit ni Anissa na ipapakilala niya sa akin dapat. At siya rin ang lalaking nakita ko sa Kiltepan Peak kahapon ng umaga...
Bakit siya biglang nawala kahapon pagkatapos niyang maging weird. At sino naman si Mutya? Girlfriend niya? May girlfriend ang taong yelo na 'to?