Hiah
"Logan, tingnan mo'tong isusuot ko mamaya sa party. Bagay ba sa akin? Hindi naman masagwa?" Pagtatanong ko kaya napalingon siya sa akin habang nililinis ang mga baril niya. Hindi na bago sa akin ang mga gawain niya. Sa isang taon ko ba namang kasama siya dito sa bahay ay sanay na sanay na akong nakikitaan siya ng mga baril.
Kaya nga sa loob ng isang taon na 'yon ay tinuruan niya ako ng martial arts at kung paano humawak ng mga baril. Lahat ng 'yon ay natutunan ko kaya 'di ako nahihirapang makipaglaban kapay may nanghahamon sa akin ng away. Tumitig siya sa damit ko at bago naman sa akin.
Ngumiti muna siya bago sumagot sa akin, "Oo naman, sa ganda mong 'yan, lahat ay babagay sa'yo. Siguro kung ako ang tatanungin ay ikaw na ang pinaka-maganda sa party mamaya." Dahil sa sinabi niyang 'yon ay napangiwi ako at itinaas ko ang gitnang daliri ko dahil sa pambobolang ginawa niya.
"Hindi mo'ko madadaan sa ganiyan. Saka black ang suot ko. Malay mo naman mamaya na natin paglamayin si Dior Montenegro 'diba?" Pagbibiro ko sabay apir sa kaniya at nagtawanan pa pero mabilis akong sumeryoso ng magsalita siya.
"Hiah, mamaya sa party sa akin ka lang. I mean sa akin ka lang tatabi, kung may sakali mang may mangyaring hindi maganda, at least mabilis lang natin mapo-protektahan ang isa't-isa. At saka dapat alerto ka rin." Pangaral niya kaya tumango ako at muling hinanger ang susuutin ko.
"Mayayaman ba ang pupunta mamaya sa party?" Curious kong tanong kaya tumango si Logan, habang ako naman ay napangisi.
"Ibang klase talaga 'yang si Dior, lahat naging ka-close pagdating sa larangan ng politika, walang pinalagpas." Natatawang saad ko kaya napailing na lamang si Logan sa sinabi ko.
"Ganiyan talaga kapag papasok ka sa anumang kinalaman sa politika. Kailangan mong makipagsabayan sa galing at talino nila, kasi kung hindi... mapag-iiwanan ka," paliwanag niya kaya napatango na lamang ako.
Kaya umupo ako at muling sumabat sa pinag-uusapan naming dalawa. "Sa isang salita, parang nakikipag-plastikan ka lang sa mga taong gustong maging miyembro ng politika?"
"Oo naman. At kapag nakuha mo na ang loob nila, ang sunod mo namang kukunin na loob ay 'yung mga mamamayang boboto sa'yo. Siyempre, para iboto ka nila ay magpa-goodshot ka muna, hindi mo muna ipapakita ang totoo mong kulay." Sagot naman niya kaya dinugtungan ko ito.
"Tapos kapag nakuha mo na ang loob nila at nagkaroon ka na ng magandang imahe sa taong bayan ay matic na ikaw ang iboboto nila. At voila! Mangungurakot ka na sa nasasakupan mo tapos ang sisisihin mo ay mga taong bayan ay may gawa niyon."
"Ang galing mo talaga pagdating sa politika. Bakit hindi pala Abogado, Senador, o kaya ang pagiging Mayor ang pinasok mo? Parang mas matino ka pa sa kanila," pagbibiro niya kaya inirapan ko siya at itinaas ang gitnang daliri ko sa sinabi niya.
"Sa ilang taon ko ba namang nakasama ang kunwaring Tatay ko ay hindi na ako sanay sa mga gawain niya. Naalala ko nga dati noong may nawalang kalahating milyong pondo yata sa baranggay. Dahil siya ang kumuha at ayaw niyang masira ang imahe dito sa bayan ay isinisi niya sa isang magsasaka. At sinabi niya sa lahat na ang magsasakang 'yon ay ninakaw ang kalahating milyong pondo ng baranggay."
"Anong nangyari matapos gawin 'yon ni Dior?" Pagtatanong niya kaya umayos ako ng upo at muling pinagpatuloy ang kine-kuwento ko.
"Siyempre 'yung mga ewang tagapagtanngol at naniniwala sa kaniya ay sinugod at pinakulong ang matandang magsasaka. Dahil sa hirap ng buhay ng magsasakang 'yon ay mabilis siyang nakulong. Ang malala pa kay Dior, 'yung pamilya ng magsasaka na 'yon ay gusto pang ipapatay." Gigil kong pagku-kuwento kaya nanlaki ang mata ni Logan.
"Nasaan na ang pamilya ng magsasakang nakulong?" Seryosong tanong niyang tanong kaya itinaas ko muna ang kamay ko para uminom ng tubig.
"Pahingi munang tubig. Nanunuyo na ang lalamunan ko sa pagku-kuwento," usal ko kaya natatawa naman niyang inabot ang isang basong tubig sa akin.
"Grabe pala ang totoong kulay ni Dior Montenegro. Bakit ang ibang mamamayan dito ay ayaw pa ring maniwala na si Dior ay hindi perpektong tao at maraming naggawang mali?"
At dahil sa naging tanong niya ay hindi ko maiwasang mapaisip. Bakit may mga taong nabubulag sa ipinapakita ng isang taong tinitingala nila pagdating sa politika. I mean, bakit hindi nila matanggap na puwede ring magkamali 'yung taong hinahangaan nila na naging miyembro sa politika.
Nagbalik ako sa wisyo nang pitikin ni Logan ang noo ko kaya saglit ko siyang sinamaan ng tingin at nagpatuloy sa ginagawa naming diskusiyon kanina.
"Siguro kaya nabubulag ang mga tao ay 'yung iba ay nababayaran o nasisilaw sa pera. Marami namang ganiyan sa panahon ngayon, 'diba?" Kaya napatango naman si Logan at sumabat.
"'Yung iba ay binibili ang boto at para tumahimik ay binabayaran sila ng malaking pera para huwag lang ilabas sa publiko ang hindi magagandang gawain nila."
"At ganoon ang gawain ni Dior Montenegro. Sa kagustuhang maging mataas ang posisyon sa larangan ng politika ay idinadaan niya sa pera ang lahat," saad ko kaya napangisi naman si Logan.
"Hindi ka pa ba sanay pagdating sa larangan ng politika ng Pilipinas, Hiah?" Dugtong niyang tanong kaya napa-apir naman ako sa kaniya.
"Pero balik tayo doon sa pamilya ng matandang nakulong, anong nangyari sa kanila? Tuluyan ba silang pinapatay ni Dior?"
Kaya muli akong sumeryoso at sumandal sa sofa at nagpatuloy "Nakatakas sila," tipid kong sagot kaya kitang-kita ko ang malakas na buntong hininga ni Logan sa narinig.
"Sino ang tumulong sa kanila para makatakas kay Dior Montenegro?"
Kaya napatitig ako sa kaniya nang matagal at sa pagtitig ko sa kaniya ay nanumbalik sa akin ang araw na 'yon. Ang araw kung saan tinulungan silang makatakas kay Dior.
"Ako," casual kong sagot at kitang-kita ko ang gulat sa mga mata niya, miski ang pagbuka ng bibig niya ay nakita ko rin.
Masiyado ka bang nagulat, Logan?
"Para kang tanga sa reaksyon mo."
Kaya umiling siya at mahinang napasabunot sa buhok niya, dahil doon ay malakas ko siyang binato ng unan na nailagan naman niya.
"Hindi lang ako makapaniwala. Pero paano mo nalamang gagawin niya ang bagay na 'yon."
"Malamang may tainga ako, Logan. Anong gusto mo biglang lumipad na lang sa akin 'yung mga salita niya at dumiretso sa loob ng tainga ko?" Pambabara ko kaya sinamaan niya ako nang tingin.
"Alam kong may tainga ka Hiah kaya nga nailigtas mo ang pamilya ng magsasakang 'yon, 'diba?"
Kaya tumango ako at muling nagpatuloy. "At dahil doon ay galit na galit si Dior nang makatakas ang pamilya ng magsasaka na 'yon. Hindi niya alam na ako ang dahilan kung bakit nakaligtas ang pamilya na 'yon."
"Hanggang ngayon 'di niya pa rin alam?"
Kaya tumango ako bilang tugon. Napagod na ako kakakuwento, pero ito yatang si LOgan ay hindi napagod kakatanong sa nangyari.
"Anong sabi sa'yo no'ng pamilya ng magsasaka, Hiah? May sinabi ba sila sa'yo."
"Meron..." Pinutol ko saglit ang sinasabi ko at tumitig muli nang deretso kay Logan at ngumisi.
"Dadating ang araw na gagantihan nila si Dior Montenegro Dadating ang araw na siya naman ang ikukulong at makakaranas ng lahat ng 'yon. At 'yun ang araw kung saan ako naman ang magiging masaya."
...
"Hiah, may nalaman pala ako kay Mang Tabo. Kasama mo raw dito si Buenavista ba 'yon? At saka bakit may bata dito? Inampon mo ba?" Napatigil ako sa paglalagay ng lipstick nang marinig ko ang pagtatanong ni Logan.
Nakasandal siya sa sasakyan habang ako naman ay nilalapat ang lipstick sa labi ko gamit ang salamin ng sasakyan niya upang tingnan kung pantay ba.
"Tinulungan niya lang ako noong isang araw. Bakit umi-issue na naman ba ang anak niyang si Aura?" Ngiwi kong tanong sabay pasok ng kotse dahil binuksan niya na ito.
Sinuotan niya muna ako ng seatbelt at muling nagsalita. "Hindi naman, nagulat lang ako sa nalaman ko kaya agad kitang tinanong. By the way, mag-iingat ka rin sa mga Buenavista na 'yan. 'Di mo pa sila kilala, Hiah. Lalong-lalo na 'yang Alistair." Pagbabanta niya kaya kumunot ang noo ko sa sinabi niya.
"Bakit? Isa rin ba siya na katulad mo?" Natatawang saad ko. Hindi ko maisip na ang isang katulad niya ay mapapasali rin sa larangan ng mga Mafia. Sa sobrang amo ng mukha niya ay 'di mo maiisip na isa rin pala siya doon.
"Hindi pa naman sa ngayon, pero nabalitaan ko sa Ama niya na gusto niyang isunod sa yapak niya ang Anak niya. Kaya sinasabihan lang kita, 'di mo pa alam ang ugali nilang lahat."
"Edi simula na ba ngayon lalayo na ako sa kanila?" Pagbibiro kong tanong pero pinitik niya lamang ang noo ko habang nagda-drive.
"Hindi naman sa ganoon, Hiah. Nalaman ko lang naman na si Alistair ang lumalapit sa'yo at hindi ikaw, kaya pinag-iingat kita. Baka mamaya may ginawa sa'yo 'yang si Buenavista, lagot sa'kin 'yan." Matapang niyang saad kaya tumawa ako.
Halos kalahating oras din ang binyahe naming dalawa bago mapuntahan ang direksyon namin. Napatingin ako sa labas ng bintana nang makita ko kabuuan ng pagdadausan ng party. Ngumisi ako at napailing.
Darating ang araw na ikaw naman ang maghihirap at magmamakaawa sa akin, Dior Montenegro. Tandaan mo 'yan.
"Let's go, Baby. Hinihintay na nila tayo," ngising saad ni Logan kaya inirapan ko siya at hinawakan naman ako sa bewang.
Pagpasok namin ay sa amin napatingin ang lahat, miski ang mga camera man at mga reporter. Mas lalo kaming nasilaw nang magsimula na silang kuhanan kami ng litrato. Habang inililibot ko ang paningin ko ay napatigil ang mata ko sa isang lalaki na nakasuot ngayon ng isang tuxedo na mas lalong bumagay sa kaniya.
Kaya ang ginawa ko ay nginisian ko si Alistair Buenavista.