"Liandre! Lika na!" Pagyayaya ko kay Liandre. Bagal naman kumilos! Pagong ata lahi nito, eh. Pasalamat siya at gwapo siya! Kung hindi, edi hindi. Huwag ipilit ang hindi para sa iyo. Eme!
Tumayo naman siya sa sofa at kinuha ang mga gamit ko. Sinukbit niya ang bag ko sa likod niya at ang mga libro ko naman ay nasa kanang balikat niya. Mukha namang kinakawawa ko siya. Baka sabihin ng iba ay ginagawa ko siya alipin. Huhu, emz!
"Ako na. Mahihirapan kang dalhin 'yan. Karga mo na rin ang gamit mo, oh. Liliit ka niyan masyadong mabigat." Saad ko kay Liandre na tinawanan ako. Nakakahiya naman kasi. Gamit ko 'yon tapos siya ang nagdadala. Ang sama ko namang amo. Joke lang.
"Thalia, don't belittle me! Kaya ko 'to, gusto mo pati ikaw buhatin ko?" Sagot niya sa akin habang siya ay patuloy na tumatawa. Saya-saya niya, ah. Sige nga, buhati mo 'ko kung matapang ka.
Hindi na ako nakipagtalo sa kaniya dahil mukha namang wala na akong magagawa. Nagpaalam na kami kay Mama at lumabas na sa gate. Hawak ni Liandre ang kanang pulso ko gamit ang kaliwang kamay niya habang naglalakad kami papunta roon sa tambayan namin, 'yong pinuntahan namin kahapon. Favorite tambayan ko 'yon. Pero dahil favorite ko na rin si Liandre, tambayan na NAMIN 'yon.
Nakarating na kami roon at ang araw ay magsisimula pa lang sumikat. Umupo kami ni Liandre sa kahoy na upuan at inilapag niya ang mga gamit namin sa gilid niya. Lakas maka shota vibes! Joke lang. Hindi naman masamang mangarap kung mangangarap ka sa papangarapin mong pangarap.
Hindi kami nag-iimikan hanggang sa unti-unti nang lumalabas ang araw. Tahimik pala siya minsan 'no? Buti naman at may preno pa pala ang kakulitan niya.
"Thalia, 'yan na 'yong araw.. Ang ganda talaga.. Kahit pala umaga, presko talaga rito, 'no?" Mahinhin na tonong saad ni Liandre. Syempre, vebs!
"Yup. Kaya kapag wala akong magawa ay kumakanta ako rito." Sagot ko sa kaniya habang nakatingin sa araw. My favorite view! Bata pa lang ako lagi na ako dito, eh. Hindi nakakasawa sa mata ang araw.
"Kanta ka nga.." Kalmadong saad niya. Anong sumapak sa utak nito at bigla akong pinakanta? May talent fee ba? Nahihiya ako, eh. Ehe!
"Nahihiya ako sa 'yo.." Pabulong kong sabi. Totoo naman, eh. Makapal lang mukha ko sa utak ko pero in personal mahinhin po talaga ako. Charot!
"Bakit naman? Hmm.." Mahinahong saad niya muli. Kasi hindi. Joke.
"Wala lang." Tugon ko. Trip ko lang.
"Sige na.. Kanta ka na.. Ang sarap sa ears ng boses mo, eh.." Pamimilit niya at pinisil na naman ang aking pisngi. Desisyon 'to! Bakit hindi na lang siya ang kumanta mag-isa niya?
"Sige na nga nang manahimik ka!" Pagsusungit ko. Ingay-ingay! Kala ko naman ay may preno na ang bibig nito.
"Sabi nila, balang araw darating
ang iyong, tanging hinihiling
at no'ng dumating ang aking panalangin
ay hindi, na maikubli.."
Nakatitig sa akin si Liandre at nakangiti sa akin. Tinitigan ko rin siya kahit na sobrang bilis ng tibok ng aking puso.. Napapanood ko ang patuloy na pagsikat ng araw sa kaniyang mga mata.. Ang ganda nito.. Kasabay pa ng mga mata niyang kumikislap sa akin. Ang gandang tanawin ng mata ni Liandre.. Ang corny ko naman pala mainlove. Pero kung siya lang naman, g lang.
"Ang pag-asang nahanap ko sa 'yong mata..
at ang takot kung sakali mang ika'y mawawala.."
"At ngayon.. nandiyan ka na
'di mapaliwanag ang nadarama
handa ako.. sa walang hanggan
'di paaasahin, 'di ka sasaktan..
mula noon, hanggang ngayon
ikaw at ako...."
"At sa wakas ay nahanap ko na rin
ang aking, tanging hinihiling..
Pangako sayo, na ika'y uunahin
at hindi, naitatanggi.."
Nagulat ako sa ginawang pagkanta ni Liandre.. Ang ganda ng boses niya. Malalim ito ngunit nasa tono. Masasabi kong mas nakanta niya ito nang maganda kaysa sa orihinal na version. Ang lalim! Parang 'tong dagat na nasa harap namin.
Kung papipiliin man ako ng mapapakinggan sa araw-araw, palagi kong pipiliin ang boses ni Liandre.. Music to my ears. Taray!
Nakatitig siya sa akin habang seryosong kumakanta ng male versin no'ng kanta. Sobrang bilis ng tibok ng aking puso habang nakatitig din sa kaniya.. Bakit kami nagtititigan? 'Di ba ganito 'yong mga nagkikiss sa drama? No way! Bata pa ako. Hurhur.
"Ang tadhanang nahanap ko sa 'yong pagmamahal.."
Ang dudulot sa pag-ibig natin na magtatagal..."
Sinabayan ko na siyang kumanta.. Para tandem kami, bakit ba?
"At ngayon.. Nandiyan ka na..
'Di mapaliwanag.. Ang nadarama..
Handa ako, sa walang hanggan..
'Di paaasahin, hindi ka sasaktan..
Mula noon.. Hanggang ngayon..
Ikaw at ako.."
"Liandre.. Ang ganda ng boses mo.." Halos pabulong kong saad sa kaniya habang nakatitig pa rin sa kaniyang mga mata.
"Salamat, Thalia.. Ikaw lang ang nagsabi sa akin niyan.. Kaya naman sa 'yo ko na lang palagi ipaparinig ang pagkanta ko. Ikaw.. Ang ganda rin ng boses mo.. Kuhang-kuha mo ang tono at sobrang tamis ng tinig mo.." Saad niya sa akin habang seryoso pa ring nakatitig. Compliment from my crush! Sarap sa heart. Lasang sweet.
"Salamat, Liandre." Bahagya akong ngumiti sa kaniya. Huy! Kinikilig ako, shwet. Hindi ba siya aware? Manhid ata. Gwapo pa naman. Sayang.
"Tara na pasok na tayo.. Baka mahuli tayo sa klase.." Saad niya. Dapat lang dahil baka batukan ako ng best friend ko. Irereview ko pa naman siya dahil may long quiz kami.
Naglakad na kami papuntang sakayan. Pagkarating namin doon ay sumakay na kami sa tricycle papuntang school.
Binayaran ni Liandre ang pamasahe naming dalawa.. Sabi ko ay ako na ang magbabayad sa akin ngunit inawat niya ako. Ipinaubaya ko na lang kaysa maghintay nang matagal 'yong driver sa ibabayad sa kaniya. Ayaw pakabog!
Ihinatid ako ni Liandre sa classroom namin kasama niya si Ate Janine.. Isa sa mga kaibigan niya.. Nakasalubong niya kasi kami sa gate kaya sumabay na siya sa amin.
Ang bait nitong si Ate Janine.. Sinabi niya sa aking na mag-iingat ako at sabihin ko lang daw sa kaniya kung may umaaway ba sa akin dito.. Hindi naman ako nagkakaroon ng kaaway dahil tahimik ako.. At si Zaniyah lang ang lagi kong kasama.
"Salamat po, Ate Janine.. Ingat po kayo.. Liandre, salamat din! Mauuna na po ako" Saad ko sa kanilang dalawa. Kumaway silang dalawa at ngumiti sa akin habang papasok ako sa classroom.
"Hello, Vian! How are you today?" Narinig ko ang matinis na boses ng best friend ko. Nangungumusta, ah? Miss siguro ako.
"Okay lang ako! Nanood kami ni Liandre ng sunset at sunrise.. Doon din siya kumain sa amin ng almusal at hapunan.. Close pa sila ni Mama kaysa sa akin!" Pagkukuwento ko sa kaniya. Medyo naiinis na tono, kahit ang totoo ay natutuwa rin ako. Pero naiinis ako! Gusto ko ako lang close kay Mama. Char sige na nga hindi na.
"Oh, I think that brat likes you. He's not my crush anymore. I will support Brathalia Loveteam! Woohh!" Pagchecheer ni Zaniyah. Tuwang-tuwa siya at ako rin.. Dahil hindi na niya crush si Liandre.. Hayaan mo, Niyah, pag nagkaroon ka na ng crush, araw-araw pa kitang sasamahan magpalusot kay Tito Ramon! Joke lang po.
"Brathalia?" Pagtatanong ko. Parang tanga naman 'yong pangalan. Sakit sa tenga.
"Brat at Thalia! Combined name n'yo ano ka ba!" Pagsesermon niya. Sabay kaming tumawang dalawa. Sabi niya kanina.. May gusto sa akin si Liandre? Parang hindi naman. Sa paningin niya lang siguro 'yon. Mahirap mag-assume. Baka mag-expect lang ako tapos bumagsak ako tapos masakit 'yon syempre 'di ba.
Patuloy kami na nakinig sa sinasabi ng aming teacher. Nagpartner din kami ni Zaniyah sa isang group work. Sobrang saya namin dahil kami ang may pinakamataas na grado! Sabi namin ay icecelebrate namin ito kaya bumili kami ng maraming snacks sa canteen.
Nakapila kami sa canteen nang maramdaman kong may umakbay sa akin. Pabango pa lang ay alam kong si Liandre 'yon.. Siya lang ang kilala kong baby cologne ang gamit at ibinubuhos pa sa leeg. Pinitik ko ang braso niya at tinanggal niya naman ito. Epal, eh.
Napatingin si Zaniyah sa gawi namin at ngumingisi siya sa akin.. Parang sinasabi niya na, "Sabi ko sa 'yo, he likes you!" Ganoon. Dami talaga nitong alam, eh! Pinapaasa ako, ampota!
Nagulat ako nang magsalita si Zaniyah at tinanong si Liandre.. Hindi ako nakapagsalita sa tanong niya.. Ako ang nahihiya, eh! Shet! Bakit niya ginawa 'yon? Baka mamaya, hindi naman pala! Nakakahiya! Baka mamaya, mailang na sa akin si Liandre. Nako talaga, Zaniyah!!
"Brat, do you like my best friend?"
-<3♡