Zenith's POV
"Boss, takot talaga si Ryle sayo noh? Pati yung kaibigan niyang si Ryan."
Nakangising wika ni Zeus, isa sa mga best friend ko, kalbo siya at chinito, may tatto rin ang ulo niya at maraming piercings sa kanang tenga niya. Actually tatlo sila, Si Hades, ang best friend kong sobrang tahimik lang. Nakikinig lang siya sa usapan namin, minsan ngumingisi lang at minsan sumasabat, sa aming apat siya ang pinaka normal at pormal pero wag ka magkamali diyan. And lastly ay si Poseidon, mahaba ang buhok niya at may piercing sa labi, maliit na cross iyon. Parang mga Greek Gods lang ang pangalan.
"Dapat lang na matakot siya sa akin kung ayaw niyang masaktan."
Nakangising tugon ko. Pero may isa pa akong problema, baka makita ng pamilya ko ang mga pasa ko at sugat, naloko na. Kailangan kasi naming tapusin ang grupo ni Hio, dahil yun ang utos ng Boss namin. Pinaka boss namin. Naging sagabal na sila sa Black Building, hindi na sila nagbabayad sa tuwing pumapasok sila roon at isa pa sinaktan nila ang anak na babae ni Boss kaya dapat lang na magbayad sila.
"Saan ka ngayon magpapagaling ng sugat, Boss?"
Tanong naman ni Poseidon. Huminga muna ako ng malalim saka palinga-linga sa paligid nang mahagilap ng mata ko ang isang taong ayaw na ayaw kong makita, wala naman akong pakialam sa kanya pero hindi ko maiwasag mainis. Tuso siya at walang sinasanto ganoon din naman ako pero iba pa rin siya, mas malala. Iniwas ko agad ang tingin ko sa kanya ng bigla siyang lumingon sa gawi ko, naramdaman niya siguro na may nakatitig sa kanya.
"Alam ko na kung saan ako magpapagaling."
Bulong ko kay Poseidon saka nagtungo sa classroom ni Ryle.
"Pasok muna kayo sa room natin, at dalhin niyo bag ko. Lahat ng diniscuss ni Ma'am Chen isulat niyo sa kwaderno ko para naman may laman yan."
Dagdag ko pa bago ko sila nilisan, rinig ko pa ang mga reklamo ni Zeus.
.........
Ryle's POV
Bwisit! Hindi man lang ako nangalahati sa long quiz namin ngayon. Aish!
Bad trip!
"Hoy, nandito si Zeni."
Bulong sa akin ni Ryan. Bigla akong napaayos ng upo. Nasa kabilang pinto siya ng room namin. Kaya kitang-kita siya ng lahat. Seryoso siyang nakatitig sa akin habang palapit siya ng palapit sa pwesto namin. Nilingon ko pa si Ma'am hoping na sitahin niya si Zeni ngunit nabigo ako, hinayaan niya lang ito.
"Love letter."
Nakangisi niyang inabot sa akin ang isang pulang papel na nakatupi. Hindi ko alam kung tatanggapin ko iyon. Nakakahiya, anong kakornihan tong ginagawa niya?
"Tanggapin mo na MOB."
Malambing niyang sambit na kinilabutan ako bigla. Hindi bagay sa kanya ang pa-sweet.
"Hindi MOB ang pangalan ko."
Naiirita kong angal sa kanya sabay kuha sa papel at binasa ang nakasulat doon.
"I know because you're MY ONLY BABE."
Pakiramdam ko umakyat lahat ng dugo ko sa mukha dahil sa sinabi niya pero nanlamig agad ako dahil sa nabasa ko. Damn!
"You've read it right."
Bulong niya sa akin saka lumabas na sa classroom namin. Binasa ko pa ulit Ang nakasulat doon. Seryoso nga siya , sa bahay namin siya titira? Baliw na ba siya? Ano na lang sasabihin ni Mom sa kanya aish! Pwede naman akong tumanggi.
Buong araw kong inisip ang pagtira niya sa amin kaya Hindi ako maka concentrate sa klase namin. Nakakainis, kung hindi sana siya nakipagbasag ulo edi sana makakauwi siya sa kanila. Ano na lang sasabihin ko kay Mommy?
Dadaan muna ako sa bar ni kuya. Tatanungin ko siya kung ayos lang ba sa kanya na dalhin ko si Zeni sa bahay, saka ko na isipin si Mommy.
Pagkadating ko sa bar ni Kuya pinagsilbihan agad ako ng mga magagandang waitress niya. Hindi na ako magtataka kung bakit mabenta tong bar niya sa mga lalaki, ang hot at sexy naman kasi ng mga waitress , sa katunayan nga bihira lang ang mga babae maligaw dito.
"Nasaan si Kuya?"
Tanong ko sa waitress na matamis ang ngiti sa akin.
"Nasa office niya po. Gusto mo tawagin ko siya?"
Malambing niyang sagot. Tumango naman ako at tumalima na siya. After few minutes dumating si Kuya.
"The Infamous Rath Ragas. Lista mo na lang tong in-order ko Kuya."
Biro ko sa kanya na kinatawa niya. Ginulo niya pa buhok ko bago siya umupo sa tabi ko.
"May kailangan ba ang bunso ko?"
Nakangiting tanong niya. Hindi ko talaga maintindihan mga tao ko sa paligid kahit si Ryan, takot kasi sila kay Kuya eh ang bait nga neto eh sa aming dalawa ako yung mas nakakatakot lapitan, si Kuya kasi approachable siya tingnan.
"Girlfriend ko na pala si Zeni."
Panimula ko, bahagya pa siyang natawa saka tumango.
"Bilib na ako sayo bunso, pati amazona ng pinas napa-oo mo. So anong price ang gusto mo? Nanalo ka sa pustahan natin eh."
Tugon niya saka tinungga ang isang bote ng alak.
"Ayos lang ba na ang price ay ang patirahin siya sa bahay natin ng ilang linggo? Magpapagaling lang siya sa mga sugat niya kuya."
Saglit siyang natigilan saka tumango.
"Walang problema sa akin yan. Si mommy naman kausapin mo."
Sagot niya kaya napasuntok ako sa braso ni kuya , mahina lang yun at natatawa siyang umiling-iling sa akin.
"Salamat kuya."
"May gusto ka ba kay Zeni?"
Hindi ko inasahan ang tanong niya kaya naibuga ko ang ininom kong alak.
"Loko, wala uy! Pustahan lang diba?"
Paniniyak ko. Tumango naman siya.
"Good. Kasi ayoko ng amazonang sister-in-law."
Bulong niya sa akin saka kami nagtawanan.
Alas otso na ng gabi ng nakauwi ako sa bahay.
"Umuwi ka pa."
Napatalon ako sa gulat ng biglang may nagsalita sa taas. Nanlaki ang mga mata ko ng makita ko si Zeni. Naka Black jogging pants siya at round neck black T-shirt. Paano siya nakapasok dito?
"Anong ginagawa mo dito?"
Tanong ko agad ng makaakyat ako.
"Mawawala ang mommy mo ng ilang buwan, at nakiusap siyang kung pwede daw dito muna ako titira, timing naman na kailangan ko talaga ng matitirhan kaya umu-O na ako."
"You're lying right?"
Sinamaan niya ako ng tingin.
"Call your mom."
Aniya sabay pasok sa isang kwarto na katapat ng sa akin . Ano na naman kaya ang problema ni mama? Biglaan tong pag-alis niya.