Chapter 4
Angel’s POV
Kakauwi lang naming galling sa mall. Malapit na ring gumabi nang umalis kami kanina sa mall, dagdag pa na talagang sobrang traffic din. Kaya nakauwi kami mga 7:30 pm na. Hindi na rin kami kumain pa ng hapunan sapagkat kumain na kami doon sa food court.
Nakita ko rin sila Jasper at Caloy kanina kaso nagmamadali na ako kaya hindi na rin kami nag-usap nang matagal. Magkikita pa naman kami sa Monday, hehe. Pero nakakatuwa yung parang may bondings ang magkakaibigan, ha. Ganoon rin naman kami pero bihira.
Habang nakahilata sa kama ay biglang nagchat si Aleah sa gc namin.
HINDI KAMI MABAIT KAHIT MAY ANGHEL HERE
• Active now
Aleah
Hello! Sino free bukas?
Zoey
Ay! Always ako basta libre
Aleah
Okay, hindi ka free bukas:)
Aleah
Sino pa free? Nood tayo sine!! Tama na puro Netflix!! Mababa ang sales mmff AHAHA
Jasper
G!
Angel
basta mga hapon siguro free ako, sa umaga kasi magsisimba kami
Crisha
Me too! As long as hapon, I am free.
Dave
Oks ako!
Zoey
Ano panonoorin?
Aleah
Love at First Stream. Syempre a’tin tayo eh!!
Aleah
So ano? Tara ba? KKB ha?
Angel
go lang ako😊
Zoey
Hays, sige na nga sama ako, low-key fan din ako ng lataratara boys eh tsaka ni Kaori.
Crisha
(2)
Angel
Same! Galing kaya nila.
Dave
G rin! Akon a magdrive sa’tin, sunduin ko kayo. What time?
Aleah
4pm.
Dave
Sige, see you
-guys
Zoey
Awit dinamay pa kami HAHAHHAAHHA
Jasper
Sh0cks I smell samting pishi
Zoey
B*bo, mabaho ka lang talaga
Jasper
Kaliligo ko lang pars, baka ikaw
Zoey
Ikaw ang nakakaamoy eh, ang layo ko sayo
Jasper
Oks na lang, IPAGLABAN MO
Crisha
Mga isip-bata, puro barda
Angel
AHAHAHAHAH yung naamoy niyo inactive na
Zoey
bebe time yarn
Jasper
Palibhasa wala ka noon!
Zoey
Ikaw rin naman
Binitawan ko na ang cellphone ko ngunit patuloy pa rin sila sa bardagulan. Ganyan naman na sila parati. Hindi naman nakakairita masyado kasi nakakatawa pa nga yung inisan nila… hanggang doon lang rin naman sila. Ano kaya maisusuot ko bukas? Kahit ano na lang siguro hahaha.
---
*Kinabukasan…*
“Angel! Bilisan mo mag-ayos at gisingin mo ang kuya mo!” sigaw ni mama mula sa salas. Mukhang tapos na silang mag-ayos. 8:10AM ngayon at nagpaplano kaming magsimba ng 9AM. Sana nga ay umabot kami sapagkat si kuya ay mukhang natutulog pa.
“Sige po! Gigisingin ko na po!” sigaw ko pabalik at nagtungo sa kwarto ni kuya. Pagkapasok ko rito ay kita ko ang gulo ng kwarto at siya na tulog na tulog.
Niyugyug ko ang katawan niya at sapilitan siyang ginising. “Kuya! Kapag hindi ka raw gumising itatapon daw ni mama lahat ng sapatos mo!” loko ko rito upang gumising na.
“Ito na nga, oh! Gising na gising! Mabilis lang naman ako mag-ayos wait lang kamo,” ani nito at bumangon na mula sa pinaghihigaan. “Sige kuya, hintayin ka nalang naming sa baba,”sagot ko nalang sa kaniya.
---
“Ayan na po pala, ma eh,” sabi ko at tinuro si kuya. “Ikaw bata ka kapag nalate tayo sa misa kukutusan kita!” Nanlalaki ang mga mata ni mama kay kuya habang sinasambit iyon.
Pinipigilan ko lang tumawa kasi baka madamay ako sa sermon. “Sorry ma, puyat lang talaga ako, tsaka hindi na po ako bata,” sagot nito kay mama.
“Oh siya, tara na,” sabi na lang ni papa.
---
Mabuti na lang at nakarating kami nang maaga sa simbahan kasi kung hindi baka mayare si kuya niyan. Ayaw pa naman ni mama nang palaging nalalate lalo na sa mga ganitong importanteng bagay. Lagi namang ganyan si kuya hindi pa nasanay.
“Saan niyo gusto kumain?” tanong ni papa. Katatapos lang ng misa at nakasanayan naming kumain muna sa labas bago umuwi sa bahay pagkatapos ng misa. “Tapsi na lang tayo, pa!” sagot ni kuya rito.
“Gusto niyo ba roon? Saan ba may malapit?” tanong naman nitong si mama. “Oho, ma, favorite namin yun! Sa likod lang ata ng simbahan mayroon na eh,” ani kuya kay mama. Sus dinamay pa ako. Pero masarap rin naman yun kaya sige na lang.
---
Naglakad na lang kami patungo sa malapit na tapsiha’ng tinutukoy ni kuya. Siya ang nag-aya sa tapsihan pero ang inorder ay pares. Jusko. Sandali na lang rin kami roon kasi mukhang may kani-kaniya rin silang gagawin at ganoon rin ako.
---
4 p. m. ang usapan ngunit dahil medyo malayo pa ang sinehang panonooran namin, 3pm pa lang ay sinundo na kami nina Aleah at Dave. Inuna nilang sinundo sina Jasper at Zoey. Pagkatapos nilang sunduin ang dalawa ay ako naman. Kasalukuyan kaming patungo sa bahay nila Crisha.
“Mag-aaya pa dapat ako eh, kaso nagpapalibre ang mga hayop! Bahala sila! Hahaha” kuwento ni Jasper. “Hala? Weh? San?” gulat na tanong ni Zoey. “Tan**, hindi ko nga sinama, hindi ba?” pangbabara nitong si Jasper. Alam ko na ang isasagot ni Zoey diyan.
San pake ko…
“San pake ko?” sabi nito. Malakas kaming napatawa kasi durog na naman si Jasper kay Zoey hahahaha. “Pero si Angel baka meron... hmm…” sabi nito, hindi manlang naooffend sa sinabi ni Zoey. Pero bakit ako na lang lagi?
“Bakit ako na naman?” singit ko sa kanila. “Sila Caloy nga sana kaso mga kuripot ang 6mal!” dismayadong sabi nito.
“Binubugaw mo naman si Angel dun! No offense ha! Gwapo yun, mukhang mabait, kaso baka masiraan na yun nang bait sa sobrang talino, TSS,” malakas na sabi nitong si Zoey.
“Ingay niyong dalawa! Pero my dear cousin, gusto mo?” nang-iinis na tanong ni Dave habang nagd-drive. “Eh, ikaw? Gusto mo?” pabalik kong tanong habang tinuturo si Aleah na katabi niya lang sa harap.
“Boom bars!”
“Burn!”
Sigaw nung dalawa.
“Tama na nga kayo! Malapit na tayo kila Crisha kaya’t magtigil na kayo,” sabi nitong si Aleah. Halatang-halatang nahihiya ito.
---
Tumigil din naman kami noong sinaway kami ni Aleah at nagjam na lang ng Bazinga by SB19 habang patungo kila Crisha. Noong tinawagan ko kanina si Crish, naghihintay na raw siya kaya for sure, mabilis na yun, sana lang hindi traffic.
“Zup, Crish!” bati nila kay Crisha. Tinanguan na lang niya ito at tumabi na sa akin, katabi ko kasi ang vacant seat.
“Guys, I have booked our tickets online para hindi na rin pala tayo mahirapan mamaya pumila,” basag ni Crisha sa katahimikan. “Libre na ba iyon?” tanong ni Jasper. Tumango na lang si Crisha at wika niya, “I have even added two tickets. Baka kasi magsama kayo.”
“Wait text ko sila Caloy para sumama! The more, the merrier!” sabi ni Jasper. Nagbago ang timpla ng mukha ni Crisha nang marinig iyon pero tumango na lang.
“Pwede rin, tropa tropa naman tayo rito eh!” sagot ni Dave. “Tsaka para masumbong ko kay tita,” sabi pa nito. Nagtawanan na lang silang lahat.
Mabait si Caloy, pero kasi parang kaibigan lang din naman ang turing sa akin…
___
3:30 P.M pa lang ngayon at malapit na kaming makarating sa sinehan. Kitang-kita kong aligaga si Jasper na nakatitig sa cellphone kaya’t tinanong ko na.
“Huy, Jas! Okay ka lang?” tanong ko rito. “Natatae ata, Gel,” biro ni Zoey.
“Wait lang! Hindi ko mapilit yung dalawa’ng sumama na eh! Arte, baka daw ma -op,” nakasibangot na aniya. “Ispamin mo lang yan tamo, pupunta rin yan!” sabi ni Zoey. “Sige, gawin ko yon,”
Ilang minuto ang lumipas at pumayag din daw ang dalawa. Susubukan daw nilang humabol, pero kung hindi raw makahabol, kita na lang daw kami after ng show. Pero sabi naman ni Jasper ay kaskasero daw si Paulo, yung isa pang kaibigan nila kaya makakaabot yon. Anong oras pa lang naman daw. Na siya namang totoo. Papasok pa lang kami sa sine ay nakahabol na sila.
“Buti naman at nakabol kayo! Libre ko ito noh!” sabi ni Jasper sa dalawa. “Kapal ng mukha ah, nilibre lang kaya tayo ni Crish!” sabi naman ni Aleah.
“Joke lang naman kasi yun hahaha, hindi pa sinakyan,” pabirong sagot nito ngunit tahimik lang si Caloy na minsan ay natatawa rin kasama ni Paulo.
“Shhh. Malapit na mag-umpisa,” bulong ng katabi kong si Crisha sa kanila pero sapat na upang marinig nila.
---
“Oh, saan na tayo ngayon? Kain ba muna?” tanong ni Aleah.
“Lahat naman tayo may sasakyan pauwi at hindi mahihirapang magcommute, diba? Kain na muna tayo Mcdo! KKB, ha?” dagdag na aniya.
“G lang!”
“Yeah”
“Oo naman, kayo maghahatid sa’min eh.”
“We have our own service.”
Kani-kaniyang mga sagot nila sa tanong ni Aleah at nagpatuloy na lang sa paglalakad patungo sa isang branch ng McDo sa mall kung saan kami nanood ng movie.
___
“Bilis niyo nga eh! Yun naman pala mga kaskasero kayo! Hahahaha!” biro ni Zoey sa mga ito. Kasalukuyan kaming na sa McDo at nagkukwentuhan.
“Hindi naman, ah. Sino nagsabi?” tanong ni Paulo. “Biro yun kanina ni Jasper yun hahaha.” Ako na ang sumagot rito.
“Hahahaha, ganon? Friendship over na tayo, pre. Traitor!” sabi ni Paulo at bumaling kay Jasper.
Ang pansin ko kay Caloy ay hindi siya masyadong nagsasalita pero lagi naman siyang natatawa nang mahina kagaya ngayon. Ang dami kong napapansin jusko.
“Caloy, you participated in Quiz bee last week, right? May I talk to you? I would like to ask something,” biglang sabi ni Crisha kay Caloy.
“Gladly,” sagot naman nito kay Crisha at lumabas muna.
Anong nangyayari?