"Theoooo!" Sigaw ni Shey sa labas ng kwarto at sunod sunod na katok sa pintuan ang narinig ko.
It's Saturday at pinlano kong matulog nang mahaba ngayon pero anong oras pa lang, may nanggugulo na. Ginulo ko ang buhok ko at sinoot ang salamin ko. Tumayo ako at pinagbuksan ng pintuan ang kakambal ko. Mabilis siyang nakapasok at nilagpasan ako. Pumunta agad siya sa kama ko at sumandal sa headdress.
Hindi ko siya pinansin at bumalik na rin sa kama para humiga. Pumikit na ako para sana ituloy ang tulog ko pero kinalbit niya ako.
"Ano?" Tamad kong tanong pero hindi ko siya hinaharap.
"Alam ko na problema nina Zed at Clint."
Nawala ang antok ko sa narinig ko. Bumaling ako sa side ni Shey at nilingon siya. Nakangisi siyang nakatingin sa akin. Kakagising lang din niya pero agad siyang pumunta rito. Ang alam ko, silang dalawa ni Troy ang magkasama na sinusundan o inaalam kung anong meron kanila Zed at Clint.
"I just got the text from Troy. It happened when they first joined the basketball team 2 years ago, but it's not about basketball. May kaibigan silang babae named Ylonna, Zed fell in love with her but Clint was already courting her. Nung naging sila Clint at Ylonna, okay lang kay Zed dahil magkakaibigan pa rin sila. Later on, nag-break sina Clint at Ylonna at walang nakakaalam ng dahilan except the three of them."
"So meaning, galit si Zed kay Clint dahil sa break up nila ni Ylonna, which he knows and probably, sinisisi niya si Clint. At nasira ang friendship nila, umalis 'yong Ylonna?"
"Exactly!" Ngumisi si Shey.
"I wonder what caused their break up?"
"No one knows, silang tatlo lang."
"At bakit magkasama pa rin sina Clint at Zed ngayon kung galit pala ang isa at alam nila ang nangyari?" Pagtataka ko.
"No one knows, silang tatlo lang." pag-uulit ni Shey.
"Okay, thanks for the info, Shey."
Bumaling na ulit ako sa kabilang side at pumikit na ulit. Nararamdaman ko pa rin ang antok kahit na nalaman ko na ang problema sa pagitan nina Clint at Zed. Napuyat kasi ako kagabi kakabasa.
Hindi ko naramdaman ang pag-alis ni Shey sa kama ko pero nakatulog na ako. Pagkagising ko, wala na siya sa kwarto ko. Chineck ko ang oras at nakitang mag-aalas diyes pa lang. Bumangon na ako at naghilamos. Bumaba ako at nag-almusal mag-isa. Naabutan ko si mommy naglilinis.
"Anak, nasaan ang kapatid mo? Darating ang Tita Sheena mo saka si Chace."
"Baka po nasa kwarto." Sabi ko.
"Okay."
Pagkatapos kong mag-almusal, pinuntahan ko sa kwarto si Shey. Naabutan ko siyang nakikipag-usap kay Troy sa phone. Napailing na lang ako.
"Darating sina Tita Sheena at Chace." Sabi ko.
"I know, Chace texted me."
Tumango na lang ako saka lumabas na ng kwarto. Bumalik na lang ako sa kwarto ko at naligo. Si Kuya Stanley ay paniguradong nasa restaurant na. Si daddy ay baka nandun din dahil hindi ko siya nakita sa bahay.
Pagkatapos kong maligo, nagbasa na lang ulit ako. Wala pa naman sina Tita.
"I want to plant a seed in your mind, some tiny particle of thought that bears a remnant of me. So little by little, day by day, you find yourself thinking of me, until one morning, you will wake up and realize you can't think of anything else."
                                                          - Lang Leav
"Theo! Nandito na sina Tita!" Dinig kong sigaw ni Shey at katok sa kwarto ko. I didn't notice myself being lost again while reading.
Tumayo na ako at lumabas ng kwarto. Sabay kami ni Shey bumaba at pinuntahan sa sala sina Tita Sheena at Chace. Malaki agad ang ngisi ni Chace nang makita kami at busy pala siyang kumakain kaya hindi sinugod si Shey sa kwarto.
Nagmano kami kay Tita saka umupo. "Nasan si Tito?" Tanong ko.
"Nasa trabaho." Sagot ni Tita Sheena.
"Bakit may dala kang bag?" Tanong ni Shey sa pinsan namin.
Lumaki ulit ang ngisi ni Chace saka lumingon sa akin. "Theo, patulong sa assignment!"
Napailing ako. "Tara sa kwarto." Tatayo na sana ako pero hinila ako agad.
"Sandali! Kumakain pa ako e."
"Patay gutom ka talaga, Chace! Teka nga! Hindi ba dala n'yo 'yang kinakain mo?" Sigaw ni Shey.
"Hayaan mo na, Shey. Ako nagsabi kumain siya." Sabi ni mommy. Nagtawanan na lang kami.
"Puntahan n'yo na lang ako sa kwarto. Mommy, Tita, balik lang po ako sa kwarto ko." Paalam ko.
Bumalik na ako sa kwarto at chineck ang phone ko. Isang linggo na akong hindi pinapansin at kinakausap ni Cleo. Tinetext ko pa rin siya pero hindi niya talaga ako nirereplyan. Iyong nalaman ko tungkol sa kuya niya at kay Zed, hindi naman madaling sabihin iyon. Hindi ko naman alam paano ako makakatiyempo na kausapin siya at sabihin iyon.
Ilang sandali lang ay pumasok na sa kwarto sina Chace at Shey. Math pala ang assignment ng pinsan ko. Imbes na ako ang magturo sa kanya, si Shey na dahil paborito niya ang Geometry. Tinatanong na lang ni Chace kung tama ba ang mga sagot niya.
Nagtambay silang dalawa sa kwarto ko pagkatapos nila tapusin ang assignment ni Chace. Binuksan nila ang tv saka nanood. Nakinood na lang ako. Habang nanonood sila, nagkukwentuhan ang dalawa tungkol sa mga lalaki. Si Shey kinukwento si Troy na manliligaw niya. Si Chace naman ay kinukwento ang crush niya. Natatawa na lang ako sa kanilang dalawa.
Monday, may pasok na ulit. Maaga pa pero kumpleto na kaming magkakaibigan. Hindi pa rin ako pinapansin ni Cleo. Nagkukwentuhan sila ng mga ginawa nila nung Saturday at Sunday na walang pasok. Napalingon naman ako kay Troy na kanina pa pala nakatingin sa akin. Siya ang katabi ko ngayon.
"Nasabi na ba ni Shey sayo, bro?" Bulong niya.
Tumango ako. "Oo,"
"Kailan mo sasabihin sa kanya?"
"Hindi ko alam. Mukhang hindi na rin naman importante, hindi niya pa rin ako kinakausap."
"Ang sabi ng girls, nagtatampo lang siya dahil hindi mo napuntahan nung Sunday. Inexplain ng girls ang nangyari pero ewan ko ba hindi ka pa rin niya kinakausap."
"Hoy anong pinag-uusapan ninyo?! Ayos na pala kayo?" Sumingit si Dale na nasa kabilang side ko.
"Wala." Sabi ko.
Natigilan kaming lahat nang mapansin namin ang pagpasok ni Clint sa room. Hinawakan ako sa braso ni Clint at tinayo.
"Totoo bang sinugod mo si Zed nung minsang araw para makialam sa kanilang dalawa ni Cleo?" Tanong ni Clint.
"Kuya..." dinig kong tawag ni Cleo sa likod ko.
"Alam mo bang sinabihan nitong kaibigan mo si Zed na makipaghiwalay na sayo?" Baling ni Clint sa kanyang kapatid.
"Hindi naman iyon ang nangyari." Sabi ko.
"Bakit mo ba sila pinapakialaman? May gusto ka ba sa kapatid ko?"
"Kuya!"
"Clint, kalma ka lang." sinubukan pumagitna nina Troy, Dale, at Dean pero hindi sila pinansin ni Clint.
"Wala namang ginagawang masama si Theo e." Humina ang boses ni Cleo.
Napabaling ako sa kanya. "Cleo."
Malulungkot ang mga tingin niya sa akin saka hinarap ang kuya niya. Lumapit siya rito. "Matagal na akong niloloko ni Zed."
"Anong pinagsasabi mo? Siniraan ba ni Theo si Zed sayo?"
Napalingon ako kay Clint. Bakit ba pinagtatanggol niya ang kaibigan niya at hindi paniwaalan ang kapatid niya?
"Noon pa may ibang babae na si Zed pero niligawan pa rin niya ako. And I didn't tell you because I don't want to hurt you, ayokong sisihin mo ang sarili mo. Zed did this because of what happened 2 years ago." Sabi ni Cleo sa kuya niya.
Nalaglag ang panga ko. Nakita ko rin ang pagbabago ng reaksyon ni Troy. May alam ba si Cleo sa nangyari noon? Ang mga kaibigan naman namin ay nalilito. Ang akala nila ay hindi sinabi ni Cleo sa kuya niya dahil ayaw niyang masira ang pagkakaibigan nila. Iyon din ang naisip ko nung una pero nakuha ko sa reaksyon ni Zed ang sagot.
"W-What do you mean, Cleo?" Pagtataka ni Clint.
"Ask him yourself." Ani Cleo saka nag walk out.
Hindi ko alam kung sinong tumapik sa akin pero tumakbo na rin ako para sundan si Cleo. Hinawakan ko siya sa kamay saka hinila, tumakbo kami pareho. Dinala ko na lang siya sa roof top ng library para walang ibang estudyante.
"Theo..." nanginig ang boses niya.
Hinila ko siya at niyakap. "Sorry kung hindi kita napuntahan nung Sunday. Shey needed me. And sorry kung wala akong kwentang best friend." Sabi ko.
Humagulhol na siya. "Hindi naman 'yun ang dahilan kung bakit hindi kita pinapansin e."
"E bakit?" Tanong ko.
"Ayokong pagsabihan mo ako o makita mo akong malungkot at nasasaktan. All of you saw how happy I am with Zed at nakakahiya dahil pakiramdam ko napahiya ako."
"Bakit ba ganyan kayong mga babae? Pakiramdam ninyo napapahiya kayo dahil lang nasaktan kayo ng lalaki?" Pagtataka ko. Ganyan din ang rason ni Shey kung bakit hindi niya ako kinausap noon.
"E bakit ba kasi kayong mga lalaki ang hilig saktan kaming mga babae?" Tanong niya kahit na umiiyak siya.
Nasasaktan din kami, Cleo. Nasasaktan din ako. Nasasaktan mo rin ako dahil lang hindi mo alam ang nararamdaman ko para sayo. Pero hindi kita sinisisi. Sarili ko ang may kasalanan dahil natorpe ako. Hindi ko sinabi sayo ang nararamdaman ko. Ngayon, baka wala ka nang maging tiwala sa mga lalaki at matagal ka bago magtiwala ulit at pumasok sa relasyon.
Humiwalay siya sa yakap at pinunasan ang mukha niya. Binigay ko ang panyo ko sa kanya. "Sorry, hindi ko naman nilalahat mga lalaki."
Napangiti ako. Tinap ko siya sa ulo. "Hindi naman ako natatamaan e." Sabi ko. Really?
Tumawa rin siya saka suminghot. "May kasalanan din naman ako e. Alam ko ang nangyari kina kuya at Zed noon pero nagtiwala ako na mas matimbang ang pagkakaibigan nila kaya nagtiwala rin ako kay Zed. I didn't know it was all part of his plan."
Hindi na ako nagtanong ng tungkol doon. Wala rin naman akong karapatan saka mas maganda nang hindi niya alam na may alam ako. Hindi ko na rin papansinin kung hanggang saan ang alam ni Cleo tungkol sa kuya niya at kay Zed. Ang sabi ni Shey, ang tatlong involved lang ang nakakaalam kung bakit naghiwalay sina Clint at Ylonna. Kung may alam man si Cleo, sasabihin din niya kahit hindi ako magtanong. Kapag hindi niya sinabi, ibig sabihin nun ay kailangan nilang itago.
"Nagkausap na ba ulit kayo ni Zed?" Tanong ko.
"Huli naming pag-uusap nung sinaktan ka niya."
Tumango ako. "How are you feeling right now?"
Pilit siyang ngumiti. "Okay naman ako kahit paano dahil nandiyan kayo. Sa bahay ko na poproblemahin paano haharapin si kuya."
"Gusto mo bang kumain? Naskip na rin naman natin first subject."
Tumawa siya. "Sige, gutom din ako e."
"Okay, libre ko na." Ngumiti ako.
"Ganyan ba ang best friend kapag broken hearted ang best friend niya? Manlilibre?" Panunukso niya.
Napailing na lang ako. Importante ayos na kami ni Cleo. Hanggang best friend lang naman ako diba?