Sinubukan ko katukin sa kwarto si Shey para makausap pero tumanggi siya at hindi ako pinagbuksan. Hinayaan ko na lang pero naabutan ako ni Kuya Stanley.
"May problema ba si Shey?" Pagtataka ni Kuya Stanley.
"Wala, kuya." Napakamot ako sa batok.
"Tantrums?" Ngumisi siya.
"Most probably." Tumawa kami.
Kinabukasan sa school, binalitaan kami ng mga girls na nakausap na nila si Cleo at papasok na siya ngayon pero sa 2nd subject pa. Nakapagkwento si Cleo kung anong nangyari sa kanya at kung anong problema nila ni Zed. Aniya'y nahuli niya ang kanyang boyfriend na may ibang babae noon pa mang nanliligaw pa lang siya. So, umpisa pa lang niloloko na ni Zed si Cleo, at hindi alam ni Clint.
Kumuyom ang kamao ko. "Bakit hindi alam ni Clint? Kaibigan at kapatid niya ang involve." Sabi ko.
"Ayaw sabihin ni Cleo sa kuya niya dahil ayaw niyang masira ang pagkakaibigan nila."
Bigla akong napalingon kay Troy pero nag-iwas lang siya ng tingin. "Mas pipiliin ba ni Clint ang kaibigan kaysa sa kapatid niya?"
"Theo, kumalma ka. Naiintindihan namin si Cleo, saka nasasaktan siya ngayon. Kailangan niya ng makakaramay ngayon, hindi ang pagsabihan siya." Ani Hazel.
"Tama. Let's be there for her." Sang-ayon naman ni Lyra.
Tinapik ako ni Dean. "Bro, chill."
Hindi ko na lang sila pinansin at hinintay na matapos ang first subject namin. Nang dumating si Cleo, napansin ko ang pamamaga ng kanyang mga mata at lungkot na aura niya. Nagkatinginan kami pero nag-iwas siya agad ng tingin. Galit ba siya sa akin o nagtatampo?
Nasa pantry kami at nagla-lunch, katapat ko si Cleo pero hindi niya talaga ako binibigyan ng pansin. Napapansin na rin ng mga kasama namin.
"Cleo..." sinubukan kong kuhanin ang pansin niya.
"Bakit?" Malamig niyang tanong.
Nalaglag ang panga ko. Umiling na lang ako saka tinapos kumain. Nagpaalam agad ako sa kanila at nauna nang umalis. Naglakad-lakad na lang muna ako hanggang sa makita ko si Zed. Hindi niya kasama si Clint ngayon. Binilisan ko ang paglalakad at kinausap siya.
"Zed,"
"Oh, Theo."
"Pwede ba tayong mag-usap?"
"Para saan?" Pagtataka ni Zed.
Hindi ko siya sinagot at naglakad na. Hindi ko alam kung saan kami mag-uusap pero may nakita akong bakanteng room. Pumasok ako roon at mabilis naman nakasunod si Zed. Sumandal siya sa teacher's desk at humalukipkip.
"Is this about Cleo?" Tanong niya.
Nakakuyom ang kamao ko. "Paano mo nagawang saktan si Cleo? Harap-harapan pa sa kuya niya."
"Hindi naman ikaw ang kuya. Saka wala ka naman karapatan makisawsaw sa problema namin ni Cleo. Girlfriend ko siya, kaming dalawa mag-aayos ng problema namin."
Hindi ko napigilan ang pagsugod sa kanya. Kinwelyuhan ko siya. Bakit parang nagbabago ako? I used to be a calm person. "Huwag mong sasaktan si Cleo!"
Ngumisi si Zed. "Gusto mo siya diba?"
Nanlaki ang mga mata ko at napalayo sa kanya. Hindi ako nakapagsalita.
"Lalaki ako kaya alam ko." Nakangisi pa rin siya. "Bestfriend? Tss. Walang mag bestfriend na lalaki at babae. Imposibleng hindi mahulog ang isa sa inyo. And in your case, it's you. You are in love with Cleo, but unfortunately, she's in love with me."
Naramdaman ko ulit ang inis kay Zed. "Ikaw nga ang mahal niya pero bakit nagagawa mo siyang saktan? May babae ka? Bakit mo niligawan si Cleo kung may iba kang gusto?"
"I told you it's none of your business."
"Don't tell me this is because of Clint?"
I saw him froze. Tama ang hinala ko. May galit siya kay Clint. Hindi! Hindi ko alam kung galit ba o insecurity. Hindi ko alam pero nakikita ko ang pagkakaibigan nilang dalawa ni Clint, hindi siya totoo at walang alam si Clint doon.
"Anong galit mo kay Clint?" Tanong ko.
Siya naman ang sumugod sa akin at kinuwelyuhan ako. "You don't fcking know anything, loser. Ako ang gusto ni Cleo at kahit kailan, hindi niya magugustuhan ang nerd na kagaya mo!"
Hinawakan ko ang kamay niyang nakahawak sa damit ko. "Sa mga sinasabi mo, hindi ako ang loser, kundi ikaw."
Sinuntok niya ako sa pisngi. Napahawak ako sa sakit. Ngayon pa lang ako nasuntok at nasaktan ng pisikal. "Putangina mo ah! Pakialamero ka! Hindi ka magugustuhan ni Cleo kahit anong singit mo sa amin. Ano ngayon kung may ibang babae ako? I wouldn't stick around a boring girl like her, who wouldn't even let me touch her."
Nag-init ang nararamdaman ko dahil sa sinabi ni Zed. Ang nakakuyom kong kamao ay lumipad sa kanyang pisngi. Hindi iyon kasing-lakas ng suntok niya sa akin. Nakita ko ang pagsilay ng ngisi sa kanyang mukha.
"I never thought you know how to punch, Theo. But that punch is as weak as you!"
Hindi ko na lang siya pinansin at iniwan na roon. Hindi ko maintindihan ang sarili ko bakit nagawa kong manakit ng tao. Kahapon si Troy, hindi ko siya nagawang suntukin kahit pa nagawa niyang saktan ang kapatid ko. O dahil ba sa mali lang talaga pagkakaintindi ni Shey sa nakita niya? Ibig bang sabihin nito, naniniwala ako sa excuse ni Troy?
Nagpunta ako sa male restroom at hinugasan ang pasa na natamo ko sa suntok ni Zed. Halata na ito dahil sa pamumula, hindi ko alam kung paano ko ito ieexplain mamaya sa mga kasama ko at sa parents ko kapag nakita nila.
Lumabas na ako at naglakad papunta sa room namin. As expected, nagtanong ang mga kaibigan ko kung anong nangyari sa akin.
"Ano, nadulas lang ako kanina sa cr." Sabi ko.
Tumawa si Dean. "Bro, hindi ka naman ganun kalampa para madulas."
"Anong ibig mong sabihin?"
"Pasa sa suntok 'yan. Nakaka ilang ganyan ako kaya alam ko."
Narinig ko ang kaliwa't kanan na pagsinghap ng mga kaibigan ko lalo na ang mga babae. Pero si Cleo ay hindi ako magawang tingnan. Hindi niya ako pinapansin.
"Theo, nakipag-away ka?" Tanong ni Celine.
"Troy, anong nangyari? Wala ka kanina, nagkita ba kayo ni Theo?" Tanong naman ni Lyra at bumaling kay Troy.
"Ha? Ako? Wala akong ginawa, Ly. Kasama ko si Shey kanina." Humina ang boses niya nang banggitin ang pangalan ng kapatid ko. Sinamaan ko siya ng tingin. "Okay na kami, Theo. Nag-explain na ako kay Shey."
Hindi ko siya sinagot.
"Teka nga! May nangyayari rito nang hindi namin alam!" Ani Hazel.
"Theo!" Tawag ni Celine.
Hindi pa rin ako sumagot kaya kay Troy sila humarap. Maigi na ito para makalimutan nila ang pasa sa mukha ko.
"Nakita kasi ako ni Shey nung Sunday sa gym kasama si Sunshine. Akala niya babae ko."
"Sunshine? 'Yung pinsan mo from Tourism?" Tanong ni Lyra.
"Oo."
Kilala pala ni Lyra 'yung babaeng tinutukoy ni Troy na pinsan niya, at akala ng kapatid ko ay babae ni Troy. Napailing na lang ako sa isip ko. Mabuti na lang at hindi lang talaga pagkakaintindihan ang nangyari. Pero ang kina Cleo at Zed ay totohanan. At hindi ako nakakuha ng sagot kay Zed kung bakit niya nagawang gamitin si Cleo para saktan.
Natapos ang klase at hinihintay ko si Shey. Nang makarating siya, sabay sila ni Troy. Ang ginagawa kasi nila, ako pa rin ang kasama ni Shey sa pagpunta at pag-uwi dahil hindi siya pwedeng sumabay sa iba unless gusto niyang malaman ng parents namin. Kaya si Troy hinihintay na lang si Shey para ihatid sa room at hinihintay din niya hanggang matapos ang klase para sabay magpunta sa parking.
Sumugod agad si Shey sa akin at hinawakan ako sa mukha. "Theo! Anong nangyari diyan?" Dahil okay na sila ni Troy, bumalik na siya.
"Wala!" Sabi ko saka pilit nilalayo ang mukha ko sa kanya.
"Ano bang nangyari? Narinig ko na ang kwento tungkol kay Cleo. Sinugod mo ba si Zed?"
"As if I can do that." Sabi ko.
"Ginawa mo nga kay Troy diba?"
"But I didn't punch him."
"So, you're saying you really punched Zed."
Natigilan ako sa puna ng kapatid ko. Imbes na sagutin siya ay sumakay na ako sa motor ko at sinoot ang helmet ko. Inabot ko na rin kay Shey ang helmet at nilingon si Troy. Tinanguan lang niya ako. Pagkasakay ni Shey sa motor, sinapak niya ako sa likod.
"You better tell me what happened at home." Inis niyang sabi.
"You should have done the same yesterday."
Pinaandar ko na ang motor at umalis na kami. Pagkauwi, hindi talaga ako tinitigilan ni Shey. Hindi ko naman nilolock ang kwarto ko kaya mabilis siyang nakasunod sa loob. Kumuha ako ng damit at pumasok sa banyo para magbihis. Iniwan ko siya roon na sabi lang ng sabi habang nakaupo sa kama ko. Pagkalabas ko ng banyo, hindi pa rin siya tumitigil magsalita. This is Shey. Nung siya ang may problema ilang araw lang nakakalipas, hindi niya ako pinapansin. Ngayon naman okay na sila ni Troy, bumalik na siya sa pagiging masigla at ako naman ang ginugulo niya.
"Theo, naririnig mo ba ako?"
Nilingon ko siya. "Ano bang gusto mong malaman?"
"Lahat!"
"Kinausap mo ba ako nung ako kumakatok sa kwarto mo?"
Napanguso siya. "Eh iba sa akin! Ayoko kasi mapahiya sayo saka alam kong mali ko 'yon kahit na pinagsabihan mo ako kay Troy. Pero kita mo naman, mali ako ng nakita."
"Tss." Umupo ako sa tabi niya.
"So now tell me."
Bumuntong hininga ako. Hindi naman ako titigilan ni Shey hangga't hindi ko sinasabi sa kanya. "May ibang babae si Zed noon pa nanliligaw pa lang siya kay Cleo. Ngayon lang nalaman ni Cleo at hindi alam ni Clint."
"Oh my god! Nagsisisi na ako naging crush ko si Zed noon!"
Sinamaan ko ng tingin ang kakambal ko. "That's all you can say?"
"Of course not!" Tumawa siya. "So si Zed nga may gawa niyan?" Tinusok niya ang pisngi kong may pasa kaya napadaing ako sa sakit. Masakit pa rin pala. "Ang bakla mo naman!"
"Ikaw kaya sapakin ko?"
"Ohh! Theo, nagbabago ka na!"
Natigilan ako. Iyan din ang napansin ko sa sarili ko kanina. "Nagbabago na ba talaga ako?"
Napansin ni Shey ang pagiging seryoso ko kaya sumeryoso na rin ang mukha niya. "It's okay to change, Theo. Pero not for the worst."
Napayuko ako. "Kinompronta ko si Zed kung dahil ba kay Clint kaya niya niligawan si Cleo kahit may iba siyang babae. Nagalit siya at hindi nag-deny. Nagawa ko siyang suntukin."
"Anong meron sa kanila ni Clint? Don't tell me gusto ni Zed si Clint?"
Sinamaan ko ulit ng tingin ang kapatid ko. "There's insecurity I can see from him."
"Dahil ba sa basketball team nila?"
Napailing ako. "I'm not sure, Shey."
"Do you want me to help you?"
"Huh?"
"Aalamin ko ang gap nina Zed at Clint. Kapag nalaman natin, makukuha natin information bakit ginamit ni Zed si Cleo. You can save Cleo from Zed."
"Pero hindi ako kinakausap ni Cleo."
"Huh? Bakit?"
"I'm not sure. Dahil siguro nung Sunday na hindi ko siya napuntahan dahil kinailangan mo ako."
"Ugh! Kapag naaalala ko 'yon, Theo, naiinis ako sa sarili ko! Napahiya ako dahil doon. Pero pwede mo naman explain kay Cleo ang nangyari."
"I hope I can explain."
"Gusto mo ako kumausap sa kanya?"
Umiling ako. "Huwag na baka kung ano pang sabihin mo."
Tumawa si Shey. "You really know me huh."
Napangiti na lang din ako. At the end of the day, may maganda pa ring nangyari. Masaya ako na okay na ulit si Shey. Hindi ko pa rin tanggap si Troy para sa kapatid ko dahil wala pa rin akong tiwala sa kanya, pero mas okay na 'to kaysa sa nakikita kong walang gana ang kapatid ko. This is more than okay than yesterday.